ਨਵੀਂ ਦਿੱਲੀ/ਜਲੰਧਰ— ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਭਾਰਤੀ ਸਿਨੇਮਾ ਦੇ ਰਾਸ਼ਟਰੀ ਮਿਊਜ਼ੀਅਮ ਦਾ ਅੱਜ ਉਦਘਾਟਨ ਕਰਨਗੇ। ਇਸ ਮਿਊਜ਼ੀਅਮ ਦਾ ਮਕਸਦ ਭਾਰਤ 'ਚ ਫਿਲਮਾਂ ਦੇ ਇਕ ਦਹਾਕੇ ਦੇ ਸਫਰ ਨੂੰ ਦਿਖਾਉਣਾ ਹੈ। 140.61 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਿਆ ਇਹ ਮਿਊਜ਼ੀਅਮ ਮੁੰਬਈ 'ਚ ਫਿਲਮ ਡਿਵੀਜ਼ਨ ਕੈਂਪਸ 'ਚ ਦੋ ਇਮਾਰਤਾਂ-ਨਿਊ ਮਿਊਜ਼ੀਅਮ ਬਿਲਡਿੰਗ ਤੇ 19ਵੀਂ ਸਦੀ ਦੇ ਇਤਿਹਾਸਕ ਸਥਾਨ ਗੁਲਸ਼ਨ ਮਹਲ 'ਚ ਵਿਸਥਾਰਿਤ ਹੈ।
ਭਯੁਜੀ ਮਹਾਰਾਜ ਖੁਦਕੁਸ਼ੀ ਮਾਮਲੇ 'ਚ ਪ੍ਰੈਸ ਕਾਨਫਰੰਸ ਅੱਜ
ਹਾਈ ਪ੍ਰੋਫਾਇਲ ਆਧਿਆਤਮਕ ਗੁਰੂ ਭਯੁਜੀ ਮਹਾਰਾਜ ਖੁਦਕੁਸ਼ੀ ਮਾਮਲੇ 'ਚ ਇੰਦੌਰ ਪੁਲਸ ਅੱਜ ਇਕ ਪ੍ਰੈਸ ਕਾਨਫਰੰਸ ਕਰੇਗੀ। ਇੰਦੌਰ ਪੁਲਸ ਨੇ ਇਸ ਖੁਦਕੁਸ਼ੀ ਮਾਮਲੇ 'ਚ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਪਰਿਵਾਰ ਤੇ ਹੋਰ ਕਾਰਨਾਂ ਕਾਰਨ ਭਯੁਜੀ ਮਹਾਰਾਜ ਤਣਾਅ ਤੇ ਡਿਪ੍ਰੈਸ਼ਨ 'ਚ ਸਨ ਪਰ ਉਨ੍ਹਾਂ ਦੇ ਸੋਸ਼ਲ ਅਕਾਊਂਟ ਫੇਸਬੁੱਕ ਤੇ ਟਵੀਟਰ ਨੂੰ ਦੇਖਦੇ ਹੋਏ ਅਜਿਹਾ ਨਹੀਂ ਲੱਗਦਾ ਕਿ ਉਹ ਕਿਸੇ ਤਣਾਅ 'ਚ ਸਨ।
ਨਵੀਂ ਰਾਜਧਾਨੀ ਟਰੇਨ ਦੀ ਸ਼ੁਰੂਆਤ ਅੱਜ ਤੋਂ
ਰੇਲ ਮੰਤਰੀ ਪਿਊਸ਼ ਗੋਇਲ ਅੱਜ ਮੁੰਬਈ-ਦਿੱਲੀ ਮਾਰਗ 'ਤੇ ਨਵੀਂ ਰਾਜਧਾਨੀ ਟਰੇਨ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕਰਨਗੇ। ਰੇਲਵੇ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਹਫਤੇ 'ਚ ਦੋ ਦਿਨ ਚੱਲਣ ਵਾਲੀ ਮੁੰਬਈ-ਹਜ਼ਰਤ ਨਿਜ਼ਾਮੁਦਿਨ ਰਾਜਧਾਨੀ ਐਕਸਪ੍ਰੈਸ ਦੇ ਸ਼ੁਰੂ ਹੋਣ ਦੇ ਨਾਲ ਹੀ ਦੋਹਾਂ ਸ਼ਹਿਰਾਂ ਵਿਚਾਲੇ ਚੱਲਣ ਵਾਲੀ ਰਾਜਧਾਨੀ ਟਰੇਨਾਂ ਦੀ ਗਿਣਤੀ ਤਿੰਨ ਹੋ ਜਾਵੇਗੀ।
ਟੀ.ਐੱਮ.ਸੀ. ਦੀ ਮੈਗਾ ਰੈਲੀ ਅੱਜ
ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਵੱਲੋਂ ਅੱਜ ਆਯੋਜਿਤ ਹੋਣ ਵਾਲੀ ਮੈਗਾ ਰੈਲੀ ਨੂੰ ਵਿਰੋਧੀ ਇਕਜੂਟ ਨੂੰ ਪ੍ਰਦਰਸ਼ਿਤ ਕਰਨ ਦੇ ਇਕ ਵੱਡੇ ਮੰਚ ਦੇ ਤੌਰ 'ਤੇ ਦੇਖਿਆ ਜਾ ਰਿਹਾ ਹੈ। ਇਸ ਰੈਲੀ 'ਚ ਵਿਰੋਧੀ ਧਿਰ ਦੇ ਕਈ ਵੱਡੇ ਨੇਤਾ ਸ਼ਾਮਲ ਹੋਣਗੇ। ਸਮਾਜਵਾਦੀ ਪਾਰਟੀ ਦੇ ਪ੍ਰਧਾਨ ਅਖਿਲੇਸ਼ ਯਾਦਵ ਤਾਂ ਇਸ ਰੈਲੀ 'ਚ ਸ਼ਾਮਲ ਹੋਣ ਲਈ ਪਹਿਲਾਂ ਹੀ ਕੋਲਕਾਤਾ ਪਹੁੰਚ ਚੁੱਕੇ ਹਨ।
ਮਨੋਹਰ ਲਾਲ ਖੱਟੜ ਗੁਜਰਾਤ ਤੇ ਉੱਤਰ ਪ੍ਰਦੇਸ਼ ਦੌਰੇ 'ਤੇ
ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ 19 ਤੋਂ 22 ਜਨਵਰੀ ਤਕ ਗੁਜਰਾਤ ਤੇ ਉੱਤਰ ਪ੍ਰਦੇਸ਼ ਦੌਰੇ 'ਤੇ ਰਹਿਣਗੇ। ਇਸ ਦੌਰਾਨ ਮੁੱਖ ਮੰਤਰੀ ਅੱਜ ਨਰਮਦਾ (ਗੁਜਰਾਤ) 'ਚ ਬਣਾਏ ਜਾਣ ਵਾਲੇ ਹਰਿਆਣਾ ਭਵਨ ਦੀ ਨੀਂਹ ਰੱਖਣ ਤੋਂ ਬਾਅਦ ਵਿਸ਼ਵ ਦੀ ਸਭ ਤੋਂ ਉੱਚੀ ਸਰਦਾਰ ਵੱਲਭ ਭਾਈ ਪਟੇਲ ਦੀ ਮੂਰਤੀ 'ਸਟੈਚੂ ਆਫ ਯੂਨਿਟੀ' ਤੇ ਮਿਊਜ਼ੀਅਮ ਦਾ ਵੀ ਦੌਰਾ ਕਰਨਗੇ। ਉਹ 20 ਜਨਵਰੀ ਨੂੰ ਗਾਂਧੀਨਗਰ 'ਚ ਆਯੋਜਿਤ 'ਵਾਈਬ੍ਰੇਂਟ ਗੁਜਰਾਤ ਗਲੋਬਰ ਸਮਿਟ 2019' 'ਚ ਸ਼ਾਮਲ ਹੋਣਗੇ ਤੇ 21 ਜਨਵਰੀ ਨੂੰ ਵਾਰਾਣਸੀ 'ਚ ਯੂਵੀ ਪ੍ਰਵਾਸੀ ਭਾਰਤੀ ਦਿਵਸ 'ਚ ਹਿੱਸਾ ਲੈਣਗੇ ਤੇ 22 ਜਨਵਰੀ ਨੂੰ ਪ੍ਰਯਾਗਰਾਜ 'ਚ ਮਹਾਕੁੰਭ ਦਾ ਦੌਰਾ ਕਰਨਗੇ।
ਖੇਡ
ਅੱਜ ਹੋਣ ਵਾਲੇ ਮੁਕਾਬਲੇ
ਖੇਲੋ ਇੰਡੀਆ ਯੂਥ ਗੇਮਜ਼-2019
ਕ੍ਰਿਕਟ : ਦੱਖਣੀ ਅਫਰੀਕਾ ਬਨਾਮ ਪਾਕਿਸਤਾਨ (ਪਹਿਲਾ ਵਨ ਡੇ)
ਕੁਸ਼ਤੀ : ਪ੍ਰੋ ਰੈਸਲਿੰਗ ਲੀਗ-2019
ਅਜਨਾਲਾ ਦੇ ਹਲਕੇ 'ਚ ਗਰਜੇ ਮਜੀਠੀਆ (ਦੇਖੋ 22 ਜ਼ਿਲਿਆਂ ਦੀਆਂ ਖਾਸ ਖਬਰਾਂ)
NEXT STORY 
