ਯੇਰੂਸ਼ਲਮ (ਭਾਸ਼ਾ)- ਯਰੂਸ਼ਲਮ ਵਿਚ ਇਕ ਉਸਾਰੀ ਵਾਲੀ ਥਾਂ 'ਤੇ ਕਰੇਨ ਤੋਂ ਟਾਈਲਾਂ ਡਿੱਗਣ ਕਾਰਨ ਇਕ ਭਾਰਤੀ ਮਜ਼ਦੂਰ ਦੀ ਖੱਬੀ ਲੱਤ ਕੱਟੀ ਗਈ। ਰਾਜਸਥਾਨ ਦੇ 36 ਸਾਲਾ ਸ਼ਰਵਣ ਕੁਮਾਰ ਵਰਮਾ ਦੀ ਬੀਤੇ ਬੁੱਧਵਾਰ ਨੂੰ ਇਸ ਹਾਦਸੇ ਵਿੱਚ ਖੱਬੀ ਲੱਤ ਕੱਟੀ ਗਈ ਸੀ ਅਤੇ ਹਾਦਸੇ ਤੋਂ ਬਾਅਦ ਉਹ ਇਲਾਜ ਲਈ ਹਦਾਸਾਹ ਹਸਪਤਾਲ, ਆਇਨ ਕਰੀਮ ਵਿੱਚ ਇਲਾਜ ਅਧੀਨ ਹੈ। ਮਜ਼ਦੂਰ ਦੇ ਹੋਰ ਭਾਰਤੀ ਸਾਥੀਆਂ ਨੇ ਪੀਟੀਆਈ ਨੂੰ ਦੱਸਿਆ ਕਿ ਕਰੇਨ ਦੀ ਬੈਲਟ ਅੱਧ-ਹਵਾ ਵਿੱਚ ਟੁੱਟ ਗਈ, ਜਿਸ ਕਾਰਨ ਵਰਮਾ 'ਤੇ ਟਾਈਲਾਂ ਡਿੱਗ ਗਈਆਂ ਅਤੇ "ਉਸਦੀ ਲੱਤ ਉਸਾਰੀ ਵਾਲੀ ਥਾਂ 'ਤੇ ਹੀ ਕੱਟੀ ਗਈ।" ਉਨ੍ਹਾਂ ਵਿੱਚੋਂ ਇੱਕ ਨੇ ਕਿਹਾ, "ਉਸ ਨੂੰ ਮੌਕੇ 'ਤੇ ਐਮਰਜੈਂਸੀ ਇਲਾਜ ਦਿੱਤਾ ਗਿਆ ਅਤੇ ਫਿਰ ਬੇਹੋਸ਼ੀ ਦੀ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।"
ਵਰਮਾ ਨੂੰ ਸ਼ੁਰੂ ਵਿੱਚ ਨਿਊਰੋਸਰਜਰੀ ਵਿਭਾਗ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਪਰ "ਕੁਝ ਹੱਦ ਤੱਕ ਹੋਸ਼ ਵਿੱਚ ਆਉਣ ਅਤੇ ਬੋਲਣ" ਦੇ ਬਾਅਦ ਮੰਗਲਵਾਰ ਨੂੰ ਜਨਰਲ ਵਾਰਡ ਵਿੱਚ ਤਬਦੀਲ ਕਰ ਦਿੱਤਾ ਗਿਆ। ਵਰਮਾ ਜਿਹੜੀ ਇਜ਼ਰਾਈਲੀ ਕੰਪਨੀ ਵਿਚ ਕੰਮ ਕਰਦਾ ਹੈ, ਉਸ ਦੇ ਇੱਕ ਸੀਨੀਅਰ ਅਧਿਕਾਰੀ ਡੋਰੋਨ ਨੇ ਪੀਟੀਆਈ ਨੂੰ ਦੱਸਿਆ ਕਿ ਉਸਦਾ ਇਲਾਜ "ਪੂਰੀ ਤਰ੍ਹਾਂ ਬੀਮੇ ਅਧੀਨ ਕਵਰ ਕੀਤਾ ਗਿਆ ਹੈ"। ਉਸਨੇ ਕਿਹਾ ਕਿ ਕੰਪਨੀ ਇਸ ਪ੍ਰਕਿਰਿਆ ਵਿੱਚ ਰਾਸ਼ਟਰੀ ਬੀਮਾ ਸੰਸਥਾ ਬੇਤੁਆਹ ਲੂਮੀ ਨੂੰ ਵੀ ਸ਼ਾਮਲ ਕਰ ਰਹੀ ਹੈ, ਤਾਂ ਜੋ ਇਹ "ਵਧੀਆ ਸੰਭਵ ਇਲਾਜ" ਪ੍ਰਾਪਤ ਕਰ ਸਕੇ। ਇਸ ਘਟਨਾ ਤੋਂ ਬਾਅਦ ਇਜ਼ਰਾਈਲ ਵਿੱਚ ਕੰਮ ਕਰਨ ਵਾਲੇ ਭਾਰਤੀ ਕਾਮਿਆਂ ਵਿੱਚ ਕੰਮ ਵਾਲੀ ਥਾਂ ਦੀ ਸੁਰੱਖਿਆ ਅਤੇ ਹਾਦਸਿਆਂ ਦੇ ਮਾਮਲੇ ਵਿੱਚ ਮੁਆਵਜ਼ੇ ਨੂੰ ਲੈ ਕੇ ਚਿੰਤਾ ਵਧ ਗਈ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਇਜ਼ਰਾਈਲ ਨੂੰ ਦੇਵਾਂਗੇ 2,000 ਪੌਂਡ ਦੇ ਸ਼ਕਤੀਸ਼ਾਲੀ ਬੰਬ ! ਟਰੰਪ ਨੇ ਕਰ'ਤਾ ਐਲਾਨ
ਇਜ਼ਰਾਈਲ ਸਥਿਤ ਭਾਰਤੀ ਦੂਤਾਵਾਸ ਨੇ ਕਰਮਚਾਰੀ ਦੀ ਹਾਲਤ ਬਾਰੇ ਜਾਣਨ ਲਈ ਅਧਿਕਾਰੀਆਂ ਨੂੰ ਹਸਪਤਾਲ ਭੇਜਿਆ। ਦੂਤਾਵਾਸ ਨੇ ਕਿਹਾ, "ਅਸੀਂ ਇਹ ਯਕੀਨੀ ਬਣਾਉਣ ਲਈ ਸਬੰਧਤ ਅਧਿਕਾਰੀਆਂ ਦੇ ਸੰਪਰਕ ਵਿੱਚ ਹਾਂ ਕਿ ਕਰਮਚਾਰੀ ਦੀ ਸਹੀ ਦੇਖਭਾਲ ਕੀਤੀ ਜਾਵੇ।" ਇਸ ਦੌਰਾਨ, ਫਿਲੀਪੀਨਜ਼, ਥਾਈਲੈਂਡ, ਸ਼੍ਰੀਲੰਕਾ, ਫਿਜੀ, ਸਿੰਗਾਪੁਰ, ਵੀਅਤਨਾਮ ਅਤੇ ਨੇਪਾਲ ਦੇ ਰਾਜਦੂਤਾਂ ਅਤੇ ਪ੍ਰਤੀਨਿਧਾਂ ਨੇ ਇਜ਼ਰਾਈਲ ਵਿੱਚ ਵਿਦੇਸ਼ੀ ਕਰਮਚਾਰੀਆਂ ਨਾਲ ਸਬੰਧਤ ਮੁੱਦਿਆਂ 'ਤੇ ਚਰਚਾ ਕਰਨ ਲਈ ਮੰਗਲਵਾਰ ਨੂੰ ਫਿਲੀਪੀਨ ਦੂਤਘਰ ਵਿੱਚ ਮੁਲਾਕਾਤ ਕੀਤੀ। ਸਮੂਹ ਨੇ ਸੁਰੱਖਿਆ, ਮੁਆਵਜ਼ੇ, ਐਮਰਜੈਂਸੀ ਰੀ-ਐਂਟਰੀ ਵੀਜ਼ਾ ਅਤੇ ਕੰਮ ਵਾਲੀ ਥਾਂ 'ਤੇ ਹਾਦਸਿਆਂ ਸਮੇਤ ਵਿਦੇਸ਼ੀ ਕਰਮਚਾਰੀਆਂ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਨਾਲ ਸਬੰਧਤ ਹੋਰ ਮੁੱਦਿਆਂ ਨੂੰ ਹੱਲ ਕਰਨ ਲਈ ਤਾਲਮੇਲ ਵਾਲੇ ਯਤਨਾਂ ਦੀ ਲੋੜ 'ਤੇ ਜ਼ੋਰ ਦਿੱਤਾ। ਇਜ਼ਰਾਈਲ ਵਿੱਚ 40,000 ਤੋਂ ਵੱਧ ਭਾਰਤੀ ਕਾਮੇ ਹਨ ਅਤੇ ਦੇਸ਼ ਵਿੱਚ ਮਜ਼ਦੂਰਾਂ ਦੀ ਭਾਰੀ ਘਾਟ ਦੇ ਵਿਚਕਾਰ ਆਉਣ ਵਾਲੇ ਸਮੇਂ ਵਿੱਚ ਕਈ ਹਜ਼ਾਰ ਹੋਰ ਭਾਰਤੀ ਕਾਮੇ ਆਉਣ ਦੀ ਉਮੀਦ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਚੀਨ ਨੂੰ ਬਹੁਤ ਮਹਿੰਗਾ ਪਵੇਗਾ ਤਾਈਵਾਨ 'ਤੇ ਹਮਲਾ ! ਅਮਰੀਕਾ ਤਿਆਰ ਕਰ ਰਿਹਾ Hellscape
NEXT STORY 
