ਲੁਧਿਆਣਾ (ਜ. ਬ.)-ਸੈਂਟ੍ਰਲ ਬੋਰਡ ਆਫ ਇਨਡਾਇਰੈਕਟ ਟੈਕਸਿਜ਼ ਐਂਡ ਕਸਟਮ ਵੱਲੋਂ ਜਾਰੀ ਨਵੇਂ ਨਿਰਦੇਸ਼ਾਂ ਮੁਤਾਬਕ ਜੀ. ਐੱਸ. ਟੀ. ਰਿਟਰਨ ਦੀ ਸਕਰੂਟਨੀ ਹੁਣ ਆਰਟੀਫੀਸ਼ੀਅਲ ਇੰਟੈਲੀਜੈਂਸੀ ਵਲੋਂ ਆਨਲਾਈਨ ਢੰਗ ਨਾਲ ਕੀਤੀ ਜਾਵੇਗੀ। ਵਿਭਾਗ ਮੁਤਾਬਕ ਇਸ ਨਾਲ ਵਪਾਰੀਆਂ ਅਤੇ ਰਿਟਰਨ ਦਾਖ਼ਲ ਕਰਨ ਵਾਲਿਆਂ ਨੂੰ ਆਸਾਨੀ ਹੋਵੇਗੀ ਅਤੇ ਵਿਭਾਗ ਅਤੇ ਵਪਾਰੀ ਦੇ ਸਮੇਂ ਦੀ ਵੀ ਬੱਚਤ ਹੋਵੇਗੀ। ਆਨਲਾਈਨ ਸਕਰੂਟਨੀ ਸਿਸਟਮ ਲਾਗੂ ਹੋਣ ਨਾਲ ਵਪਾਰੀਆਂ ਨੂੰ ਪਰਸਨਲ ਤੌਰ ’ਤੇ ਸਕਰੂਟਨੀ ਕਰਨ ਵਾਲੇ ਅਧਿਕਾਰੀ ਦੇ ਸਾਹਮਣੇ ਪੇਸ਼ ਨਹੀਂ ਹੋਣਾ ਪਵੇਗਾ ਅਤੇ ਉਹ ਕਮੀਆਂ ਨੂੰ ਆਨਲਾਈਨ ਹੀ ਪੂਰਾ ਕਰ ਸਕੇਗਾ।
ਇਹ ਖ਼ਬਰ ਵੀ ਪੜ੍ਹੋ : ਅਮਰੀਕਾ ਤੋਂ ਆਈ ਮੰਦਭਾਗੀ ਖ਼ਬਰ : ਪੰਜਾਬੀ ਨੌਜਵਾਨ ਦੀ ਭੇਤਭਰੇ ਹਾਲਾਤ ’ਚ ਹੋਈ ਮੌਤ
ਇਸ ਤੋਂ ਇਲਾਵਾ ਵਿਭਾਗ ਦੇ ਉੱਚਿਤ ਅਧਿਕਾਰੀ ਵੱਲੋਂ ਰਿਟਰਨ ਦੀ ਸਕਰੂਟਨੀ ਕੀਤੀ ਜਾਵੇਗੀ ਅਤੇ ਰਿਟਰਨ ਦੀਆਂ ਕਮੀਆਂ ਪੂਰੀਆਂ ਕਰਨ ਲਈ ਰਜਿਸਟਰਡ ਪਾਰਟੀ ਵੱਲੋਂ ਜਾਣਕਾਰੀ ਮੁਹੱਈਆ ਕਰਵਾਈ ਜਾਵੇਗੀ ਅਤੇ ਉੱਚ ਅਧਿਕਾਰੀ ਨੂੰ ਸਿਸਟਮ ’ਤੇ ਉਚਿਤ ਜਾਣਕਾਰੀ ਦਿੱਤੀ ਜਾਵੇਗੀ, ਜੋ ਵੱਖ-ਵੱਖ ਰਿਟਰਨ, ਸਟੇਟਮੈਂਟਸ ਰਜਿਸਟਰਡ ਵਿਅਕਤੀ ਵੱਲੋਂ ਪੂਰੀ ਕੀਤੀ ਜਾਵੇਗੀ ਅਤੇ ਵੱਖ-ਵੱਖ ਸਰੋਤਾਂ, ਜਿਵੇਂ ਡੀ. ਜੀ. ਏ. ਆਰ. ਐੱਮ., ਏ. ਡੀ. ਵੀ. ਏ. ਆਈ. ਟੀ. ਦੇ ਜ਼ਰੀਏ ਮੁਹੱਈਆ ਕਰਵਾਇਆ ਗਿਆ ਡਾਟਾ, ਜਾਣਕਾਰੀ, ਜੀ. ਐੱਸ. ਟੀ. ਐੱਨ., ਈ. ਵੇ. ਬਿੱਲ, ਪੋਰਟਲ ਤੋਂ ਵੀ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕੇਗੀ।
ਇਹ ਖ਼ਬਰ ਵੀ ਪੜ੍ਹੋ : ਪੰਜਾਬ ਸਰਕਾਰ ਦਾ ਸਿੱਖਿਆ ਦੇ ਖੇਤਰ ’ਚ ਵੱਡਾ ਫ਼ੈਸਲਾ, ਲਾਰੈਂਸ ਬਿਸ਼ਨੋਈ ਗੈਂਗ ਦੇ 10 ਸ਼ੂਟਰ ਗ੍ਰਿਫ਼ਤਾਰ, ਪੜ੍ਹੋ Top 10
ਸਾਲ 2019-20 ਤੋਂ ਬਾਅਦ ਦਾਖ਼ਲ ਕੀਤੀਆਂ ਰਿਟਰਨਾਂ ’ਤੇ ਹੀ ਲਾਗੂ ਹੋਣਗੇ ਨਿਰਦੇਸ਼
ਵਿਭਾਗ ਮੁਤਾਬਕ ਇਹ ਨਿਰਦੇਸ਼ ਸਾਲ 2019-20 ਤੋਂ ਬਾਅਦ ਦਾਖ਼ਲ ਕੀਤੀਆਂ ਗਈਆਂ ਰਿਟਰਨਾਂ ’ਤੇ ਹੀ ਲਾਗੂ ਹੋਣਗੇ, ਜਦਕਿ ਇਸ ਤੋਂ ਪਹਿਲਾਂ ਦਾਖ਼ਲ ਕੀਤੀਆਂ ਰਿਟਰਨਾਂ ਲਈ 2022 ’ਚ ਜਾਰੀ ਕੀਤੇ ਨਿਯਮਾਂ ਮੁਤਾਬਕ ਹੀ ਕਾਰਵਾਈ ਹੋਵੇਗੀ। ਟੈਕਸ ਮਾਹਿਰ ਹਿਤੇਸ਼ ਗਰਗ ਦਾ ਕਹਿਣਾ ਹੈ ਕਿ ਸੇਲ ਦੀ ਡਿਟੇਲ, ਟੈਕਸ, ਇਨਪੁੱਟ ਟੈਕਸ ਕ੍ਰੈਡਿਟ ’ਚ ਕਿਸੇ ਵੀ ਤਰ੍ਹਾਂ ਦੀ ਕਮੀ ਹੋਣ ’ਤੇ ਸਬੰਧਤ ਵਿਅਕਤੀ ਨੂੰ ਮੁੜ ਦਸਤਾਵੇਜ਼ ਜਮ੍ਹਾ ਕਰਵਾਉਣ ਲਈ ਕਿਹਾ ਜਾਂਦਾ ਸੀ ਪਰ ਨਵੀਂ ਵਿਵਸਥਾ ਮੁਤਾਬਕ ਇਨਕਮ ਟੈਕਸ ਵਿਭਾਗ, ਬੈਂਕ ਅਤੇ ਹੋਰ ਸਬੰਧਤ ਵਿਭਾਗਾਂ ਤੋਂ ਜਾਣਕਾਰੀ ਪ੍ਰਾਪਤ ਕਰ ਕੇ ਰਿਟਰਨ ਦੀ ਸਕਰੂਟਨੀ ਪੂਰੀ ਕੀਤੀ ਜਾਵੇਗੀ। ਵਿਭਾਗ ਮੁਤਾਬਕ ਅਧਿਕਾਰੀ ਸਕਰੂਟਨੀ ਦੇ ਨਵੇਂ ਨਿਰਦੇਸ਼ ਵਿਚ ਇਸ ਵਾਰ ਜੀ. ਐੱਸ. ਟੀ. ਦੇ ਡਾਟਾ ਵਿਸ਼ਲੇਸ਼ਣ ਵਿਭਾਗ ਨਾਲ ਨਵੇਂ ਪੈਰਾਮੀਟਰ ਵੀ ਜੋੜੇ ਗਏ ਹਨ।
ਵਿਜੀਲੈਂਸ ਨੇ 2 ਲੱਖ ਰੁਪਏ ਰਿਸ਼ਵਤ ਲੈਂਦਾ ਦੁਕਾਨਦਾਰ ਰੰਗੇ ਹੱਥੀਂ ਕੀਤਾ ਕਾਬੂ
NEXT STORY 
