ਜਲੰਧਰ (ਪੁਨੀਤ)- ਰੇਲਵੇ ਹੁਣ ਸਟੇਸ਼ਨ ਤੋਂ ਸਟੇਸ਼ਨ ਤੱਕ ਪਾਰਸਲ ਪਹੁੰਚਾਉਣ ਦੀ ਮੌਜੂਦਾ ਵਿਵਸਥਾ ਤੋਂ ਅੱਗੇ ਵਧਦਿਆਂ ਖ਼ੁਦ ਨੂੰ ਵਿਆਪਕ ਮਾਲ ਅਤੇ ਪਾਰਸਲ ਆਵਾਜਾਈ ਸੇਵਾ ਵਜੋਂ ਵਿਕਸਿਤ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਸੇ ਦਿਸ਼ਾ ਵਿਚ ਰੇਲਵੇ ਵੱਲੋਂ 'ਰੇਲ ਪਾਰਸਲ ਐਪ' ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਸ ਜ਼ਰੀਏ ਗਾਹਕ ਘਰ ਬੈਠੇ ਪਾਰਸਲ ਦੀ ਬੁਕਿੰਗ ਕਰ ਸਕਣਗੇ ਅਤੇ ਇਸ ਲਈ ਉਨ੍ਹਾਂ ਨੂੰ ਰੇਲਵੇ ਸਟੇਸ਼ਨ ਦੇ ਪਾਰਸਲ ਦਫ਼ਤਰ ਤੱਕ ਜਾਣ ਦੀ ਲੋੜ ਨਹੀਂ ਹੋਵੇਗੀ। ਐਪ 'ਤੇ ਹੀ ਡਿਜੀਟਲ ਭੁਗਤਾਨ ਦੀ ਸਹੂਲਤ ਉਪਲੱਬਧ ਹੋਵੇਗੀ ਅਤੇ ਸਾਮਾਨ ਦੀ ਪਿਕਅੱਪ ਤੇ ਡਿਲਿਵਰੀ ਦੀ ਵਿਵਸਥਾ ਵੀ ਇਸੇ ਮਾਧਿਅਮ ਨਾਲ ਜੋੜੀ ਜਾਵੇਗੀ।
ਇਹ ਵੀ ਪੜ੍ਹੋ: ਜਲੰਧਰ-ਜੰਮੂ ਨੈਸ਼ਨਲ ਹਾਈਵੇਅ 'ਤੇ ਭਿਆਨਕ ਹਾਦਸਾ, ਪਤੀ-ਪਤਨੀ ਦੀ ਇਕੱਠਿਆਂ ਨਿਕਲੀ ਜਾਨ
'ਰੇਲ ਪਾਰਸਲ ਐਪ' ਨੂੰ ਦੇਸ਼ ਭਰ ਵਿਚ ਸ਼ੁਰੂ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਸ ਨੂੰ ਚਾਲੂ ਵਿੱਤੀ ਵਰ੍ਹੇ ਦੀ ਆਖ਼ਰੀ ਤਿਮਾਹੀ ਜਾਂ ਵਿੱਤੀ ਵਰ੍ਹੇ 2027-28 ਦੀ ਸ਼ੁਰੂਆਤ ਵਿਚ ਸ਼ੁਰੂ ਕੀਤੇ ਜਾਣ ਦੀ ਤਜਵੀਜ਼ ਹੈ। ਇਸ ਤੋਂ ਪਹਿਲਾਂ ਫ਼ਰਵਰੀ ਵਿਚ ਦੱਖਣ ਮੱਧ ਰੇਲਵੇ ਵਿਚ ਐਪ ਦੀ ਕਾਰਜਪ੍ਰਣਾਲੀ ਦਾ ਪ੍ਰੀਖਣ ਕੀਤਾ ਜਾ ਚੁੱਕਾ ਹੈ। ਪ੍ਰੀਖਣ ਤੋਂ ਬਾਅਦ ਸਾਹਮਣੇ ਆਏ ਤਜਰਬਿਆਂ ਦੇ ਆਧਾਰ 'ਤੇ ਇਸ ਨੂੰ ਵਿਆਪਕ ਪੱਧਰ 'ਤੇ ਲਾਗੂ ਕਰਨ ਦੀ ਦਿਸ਼ਾ ਵਿਚ ਕੰਮ ਕੀਤਾ ਜਾ ਰਿਹਾ ਹੈ। ਨਵੀਂ ਵਿਵਸਥਾ ਹੇਠ ਗਾਹਕ ਮੋਬਾਈਲ ਐਪ ਜ਼ਰੀਏ ਆਪਣੇ ਪਾਰਸਲ ਦੀ ਬੁਕਿੰਗ ਕਰ ਸਕਣਗੇ। ਬੁਕਿੰਗ ਦੌਰਾਨ ਸਾਮਾਨ ਨਾਲ ਸਬੰਧਤ ਜਾਣਕਾਰੀ ਦਰਜ ਕਰਨ ਦੇ ਨਾਲ ਡਿਜੀਟਲ ਮਾਧਿਅਮ ਨਾਲ ਭੁਗਤਾਨ ਕੀਤਾ ਜਾ ਸਕੇਗਾ। ਇਸ ਤੋਂ ਬਾਅਦ ਸਾਮਾਨ ਨੂੰ ਗਾਹਕ ਦੇ ਘਰ ਜਾਂ ਤੈਅ ਸਥਾਨ ਤੋਂ ਚੁੱਕਣ ਦੀ ਵਿਵਸਥਾ ਕੀਤੀ ਜਾਵੇਗੀ। ਰੇਲਵੇ ਇਸ ਲਈ ਨਿੱਜੀ ਡਿਲਿਵਰੀ ਅਤੇ ਲੌਜਿਸਟਿਕਸ ਕੰਪਨੀਆਂ ਦੀਆਂ ਸੇਵਾਵਾਂ ਲੈਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਤਰ੍ਹਾਂ ਸਾਮਾਨ ਦੇ ਘਰੋਂ ਚੁੱਕੇ ਜਾਣ, ਰੇਲਵੇ ਦੇ ਮਾਧਿਅਮ ਨਾਲ ਲੰਮੀ ਦੂਰੀ ਤੱਕ ਪਹੁੰਚਣ ਅਤੇ ਆਖ਼ਰੀ ਥਾਂ ਤੱਕ ਡਿਲੀਵਰੀ ਦੀ ਪੂਰੀ ਪ੍ਰਕਿਰਿਆ ਨੂੰ ਇਕੋ ਵਿਵਸਥਾ ਨਾਲ ਜੋੜਿਆ ਜਾਵੇਗਾ।
ਇਹ ਵੀ ਪੜ੍ਹੋ: 'ਪੰਜਾਬ ਬੰਦ' ਦਾ ਦੋਆਬੇ 'ਚ ਅਸਰ! ਬੱਸਾਂ ਬੰਦ, ਸੜਕਾਂ 'ਤੇ ਪਸਰਿਆ ਸੰਨਾਟਾ, ਤਸਵੀਰਾਂ 'ਚ ਵੇਖੋ ਤਾਜ਼ਾ ਹਾਲਾਤ
ਰੇਲਵੇ ਦਾ ਮੰਨਣਾ ਹੈ ਕਿ ਨਵੀਂ ਸਹੂਲਤ ਸ਼ੁਰੂ ਹੋਣ ਨਾਲ ਛੋਟੇ ਕਾਰੋਬਾਰੀਆਂ ਅਤੇ ਆਮ ਗਾਹਕਾਂ ਲਈ ਪਾਰਸਲ ਭੇਜਣਾ ਆਸਾਨ ਹੋਵੇਗਾ। ਫ਼ਿਲਹਾਲ ਪਾਰਸਲ ਭੇਜਣ ਲਈ ਸਾਮਾਨ ਰੇਲਵੇ ਸਟੇਸ਼ਨ ਤੱਕ ਪਹੁੰਚਾਉਣਾ ਪੈਂਦਾ ਹੈ ਅਤੇ ਉੱਥੇ ਬੁਕਿੰਗ ਦੀ ਪ੍ਰਕਿਰਿਆ ਪੂਰੀ ਕਰਨੀ ਪੈਂਦੀ ਹੈ। ਨਵੀਂ ਵਿਵਸਥਾ ਵਿਚ ਇਸ ਪ੍ਰਕਿਰਿਆ ਨੂੰ ਹੋਰ ਸੁਵਿਧਾਜਨਕ ਅਤੇ ਡਿਜੀਟਲ ਬਣਾਉਣ ’ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। 'ਰੇਲ ਪਾਰਸਲ ਐਪ' ਜ਼ਰੀਏ ਛੋਟੇ ਪਾਰਸਲ, ਈ-ਕਾਮਰਸ ਨਾਲ ਜੁੜਿਆ ਸਾਮਾਨ, ਸੂਖਮ, ਲਘੂ ਅਤੇ ਦਰਮਿਆਨੇ ਉਦਯੋਗਾਂ ਦੇ ਉਤਪਾਦ ਅਤੇ ਸੜਕ ਆਵਾਜਾਈ ਤੋਂ ਰੇਲ ਆਵਾਜਾਈ ਵੱਲ ਆਉਣ ਵਾਲੇ ਮਾਲ ਨੂੰ ਰੇਲਵੇ ਨੈੱਟਵਰਕ ਨਾਲ ਜੋੜਨ ਦੀ ਯੋਜਨਾ ਹੈ। ਇਸ ਨਾਲ ਅਜਿਹੇ ਕਾਰੋਬਾਰੀਆਂ ਨੂੰ ਵੀ ਰੇਲਵੇ ਦੀ ਮਾਲ ਆਵਾਜਾਈ ਸਮਰੱਥਾ ਦਾ ਲਾਭ ਮਿਲ ਸਕੇਗਾ, ਜੋ ਫ਼ਿਲਹਾਲ ਘੱਟ ਮਾਤਰਾ ਵਿਚ ਸਾਮਾਨ ਭੇਜਦੇ ਹਨ।
ਤੇਜ਼ੀ ਨਾਲ ਵਧ ਰਿਹਾ ਪਾਰਸਲ ਕਾਰੋਬਾਰ
ਭਾਰਤ ਵਿਚ ਕੋਰੀਅਰ ਐਕਸਪ੍ਰੈੱਸ ਅਤੇ ਪਾਰਸਲ ਬਾਜ਼ਾਰ ਦਾ ਆਕਾਰ 2026 ਵਿਚ ਕਰੀਬ 9.6 ਅਰਬ ਡਾਲਰ ਰਹਿਣ ਦਾ ਅਨੁਮਾਨ ਹੈ। ਰਿਪੋਰਟ ਅਨੁਸਾਰ ਇਹ ਬਾਜ਼ਾਰ 2031 ਤੱਕ ਵਧ ਕੇ 17.5 ਅਰਬ ਡਾਲਰ ਤੱਕ ਪਹੁੰਚ ਸਕਦਾ ਹੈ। ਰੇਲਵੇ ਇਸੇ ਵਧਦੇ ਕਾਰੋਬਾਰ ਵਿਚ ਆਪਣੀ ਹਿੱਸੇਦਾਰੀ ਵਧਾਉਣ ਦੀ ਦਿਸ਼ਾ ਵਿਚ ਕਦਮ ਚੁੱਕ ਰਿਹਾ ਹੈ। ਰੇਲਵੇ ਦੀ ਨਵੀਂ ਵਿਵਸਥਾ ਵਿਚ ਲੰਬੀ ਦੂਰੀ ਦੀ ਆਵਾਜਾਈ ਲਈ ਰੇਲ ਨੈੱਟਵਰਕ ਦਾ ਇਸਤੇਮਾਲ ਕੀਤਾ ਜਾਵੇਗਾ, ਜਦਕਿ ਸਾਮਾਨ ਨੂੰ ਗਾਹਕ ਤੱਕ ਪਹੁੰਚਾਉਣ ਦੇ ਸ਼ੁਰੂਆਤੀ ਅਤੇ ਆਖ਼ਰੀ ਪੜਾਅ ਦੀ ਜ਼ਿੰਮੇਵਾਰੀ ਨਿੱਜੀ ਕੰਪਨੀਆਂ ਨੂੰ ਦਿੱਤੀ ਜਾ ਸਕਦੀ ਹੈ। ਇਸ ਨਾਲ ਰੇਲਵੇ ਅਤੇ ਨਿੱਜੀ ਖੇਤਰ ਦੀਆਂ ਸਮਰੱਥਾਵਾਂ ਨੂੰ ਇਕੱਠੇ ਇਸਤੇਮਾਲ ਕਰਨ ਦਾ ਰਾਹ ਤਿਆਰ ਹੋਵੇਗਾ।
ਇਹ ਵੀ ਪੜ੍ਹੋ: ਪੰਜਾਬ ਬੰਦ ਦੌਰਾਨ ਜਾਮ 'ਚ ਫਸਿਆ ਲਾੜਾ, ਟਾਂਡਾ ਵਿਖੇ ਹਾਈਵੇਅ 'ਤੇ ਰੁਕੀਆਂ ਬਰਾਤ ਵਾਲੀਆਂ ਗੱਡੀਆਂ
ਛੋਟੇ ਕਾਰੋਬਾਰੀਆਂ ਲਈ ਇਹ ਵਿਵਸਥਾ ਇਸ ਲਈ ਵੀ ਮਹੱਤਵਪੂਰਨ ਮੰਨੀ ਜਾ ਰਹੀ ਹੈ ਕਿਉਂਕਿ ਉਨ੍ਹਾਂ ਨੂੰ ਘੱਟ ਮਾਤਰਾ ਵਿਚ ਸਾਮਾਨ ਭੇਜਣ ਲਈ ਵੀ ਵਿਆਪਕ ਰੇਲ ਨੈੱਟਵਰਕ ਮਿਲ ਸਕੇਗਾ। ਈ-ਕਾਮਰਸ ਕਾਰੋਬਾਰ ਦੇ ਵਧਣ ਨਾਲ ਛੋਟੇ ਪਾਰਸਲਾਂ ਦੀ ਗਿਣਤੀ ਵਿਚ ਲਗਾਤਾਰ ਵਾਧਾ ਹੋ ਰਿਹਾ ਹੈ ਅਤੇ ਰੇਲਵੇ ਇਸ ਖੇਤਰ ਨੂੰ ਆਪਣੇ ਮਾਲ ਆਵਾਜਾਈ ਨੈੱਟਵਰਕ ਨਾਲ ਜੋੜਨਾ ਚਾਹੁੰਦਾ ਹੈ।
1.67 ਅਰਬ ਟਨ ਮਾਲ ਦੀ ਢੋਆ-ਢੁਆਈ
ਰੇਲਵੇ ਨੇ ਵਿੱਤੀ ਵਰ੍ਹੇ 2025-26 ਵਿਚ 1.67 ਅਰਬ ਟਨ ਮਾਲ ਭੇਜਿਆ ਹੈ। ਮਾਲ ਢੋਆ-ਢੁਆਈ ਦੀ ਸਮਰੱਥਾ ਵਧਾਉਣ ਲਈ ਰੇਲਵੇ ਵੱਲੋਂ ਮਾਲ ਢੋਆ-ਢੁਆਈ ਲਾਂਘਿਆਂ (ਕਾਰੀਡੋਰਾਂ), ਬਿਜਲੀਕਰਨ, ਵਾਧੂ ਵੈਗਨਾਂ ਤੇ ਇੰਜਣਾਂ ਅਤੇ ਆਧੁਨਿਕ ਸਿਗਨਲ ਪ੍ਰਣਾਲੀ ’ਤੇ ਕੰਮ ਕੀਤਾ ਜਾ ਰਿਹਾ ਹੈ। ਇਸ ਦਾ ਉਦੇਸ਼ ਮਾਲ-ਗੱਡੀਆਂ ਦੀ ਸਮਰੱਥਾ ਵਧਾਉਣ ਦੇ ਨਾਲ-ਨਾਲ ਟਰਾਂਸਪੋਰਟ ਨੂੰ ਹੋਰ ਸੁਚਾਰੂ ਬਣਾਉਣਾ ਹੈ। ਰੇਲਵੇ ਦੀ ਵਧਦੀ ਮਾਲ ਢੋਆ-ਢੁਆਈ ਸਮਰੱਥਾ ਦਾ ਭਵਿੱਖ ਵਿਚ ਪਾਰਸਲ ਆਵਾਜਾਈ ਨੂੰ ਵੀ ਲਾਭ ਹੋਣ ਦੀ ਉਮੀਦ ਹੈ। ਰੇਲ ਨੈੱਟਵਰਕ ਦੀ ਵਰਤੋਂ ਤੇਜ਼ ਅਤੇ ਮੁਕਾਬਲਤਨ ਯੋਜਨਾਬੱਧ ਢੰਗ ਨਾਲ ਲੰਬੀ ਦੂਰੀ ’ਤੇ ਸਾਮਾਨ ਦੀ ਢੋਆ-ਢੁਆਈ ਲਈ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ: 'ਪੰਜਾਬ ਬੰਦ' ਦੌਰਾਨ ਟਾਂਡਾ ਮੁਕੰਮਲ ਤੌਰ 'ਤੇ ਕਹਿ ਰਿਹਾ ਬੰਦ, ਨੈਸ਼ਨਲ ਹਾਈਵੇਅ 'ਤੇ ਚੱਕਾ ਜਾਮ
128 ਗਤੀ ਸ਼ਕਤੀ ਮਲਟੀ-ਮਾਡਲ ਕਾਰਗੋ ਟਰਮੀਨਲ ਸ਼ੁਰੂ
ਰੇਲਵੇ ਨੇ ਮਾਲ ਆਵਾਜਾਈ ਨੂੰ ਮਜ਼ਬੂਤ ਕਰਨ ਲਈ ਦੇਸ਼ ਭਰ ਵਿਚ 128 ਗਤੀ ਸ਼ਕਤੀ ਮਲਟੀ-ਮਾਡਲ ਕਾਰਗੋ ਟਰਮੀਨਲ ਸ਼ੁਰੂ ਕੀਤੇ ਹਨ। ਇਸ ਤੋਂ ਇਲਾਵਾ 292 ਹੋਰ ਥਾਵਾਂ ’ਤੇ ਟਰਮੀਨਲ ਸਥਾਪਤ ਕਰਨ ਦੀ ਪ੍ਰਕਿਰਿਆ ਵਿਚ ਮਨਜ਼ੂਰੀ ਦਾ ਕੰਮ ਪੂਰਾ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਟਰਮੀਨਲਾਂ ਜ਼ਰੀਏ ਰੇਲਵੇ ਨੂੰ ਸੜਕ, ਰੇਲ ਅਤੇ ਹੋਰ ਆਵਾਜਾਈ ਸਾਧਨਾਂ ਵਿਚਕਾਰ ਬਿਹਤਰ ਤਾਲਮੇਲ ਸਥਾਪਤ ਕਰਨ ਵਿਚ ਮਦਦ ਮਿਲੇਗੀ।
ਇਹ ਵੀ ਪੜ੍ਹੋ: ਪੰਜਾਬ ਬੰਦ ਦੌਰਾਨ ਸਕੂਲ ਖੁੱਲ੍ਹਣ ਨੂੰ ਲੈ ਕੇ ਜਾਣੋ ਕੀ ਬੋਲੇ ਮੰਤਰੀ ਹਰਜੋਤ ਬੈਂਸ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
8 ਸਾਲ ਪੁਰਾਣੇ ਰਿਸ਼ਵਤ ਮਾਮਲੇ ’ਚ ਕਲਰਕ ਨੂੰ ਚਾਰ ਸਾਲ ਦੀ ਸਜ਼ਾ
NEXT STORY 
