ਫਾਜ਼ਿਲਕਾ (ਨਾਗਪਾਲ): ਫਾਜ਼ਿਲਕਾ ਦੇ ਮੇਹਰੀਆ ਬਾਜ਼ਾਰ ਵਿੱਚ ਸਥਿਤ ਰੂਪਚੰਦ ਲਾਟਰੀ ਵਾਲਿਆਂ ਦੀ ਦੁਕਾਨ ਤੋਂ ਇੱਕੋ ਸਮੇਂ ਤਿੰਨ ਗਾਹਕਾਂ ਦੀ 5-5 ਲੱਖ ਰੁਪਏ ਦੀ ਲਾਟਰੀ ਲੱਗਣ ਦਾ ਸਮਾਚਾਰ ਸਾਹਮਣੇ ਆਇਆ ਹੈ। ਇੱਕੋ ਦਿਨ ਤੇ ਇੱਕੋ ਸਮੇਂ ਤਿੰਨ ਲੋਕਾਂ ਨੂੰ ਇਨਾਮ ਲੱਗਣ ਦੀ ਖੁਸ਼ੀ ਵਿੱਚ ਦੁਕਾਨ 'ਤੇ ਲੋਕਾਂ ਦਾ ਭਾਰੀ ਇਕੱਠ ਹੋ ਗਿਆ। ਲਾਟਰੀ ਵਿਕਰੇਤਾ ਨੇ ਤਿੰਨਾਂ ਜੇਤੂਆਂ ਦਾ ਸ਼ਾਨਦਾਰ ਸਵਾਗਤ ਕੀਤਾ ਤੇ ਇਸ ਖੁਸ਼ੀ ਵਿੱਚ 20 ਹਜ਼ਾਰ ਰੁਪਏ ਦੇ 500-500 ਦੇ ਨੋਟ ਉਡਾ ਕੇ ਅਤੇ ਢੋਲ ਦੀ ਥਾਪ 'ਤੇ ਨੱਚ ਕੇ ਆਪਣੀ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ।
ਜਾਣਕਾਰੀ ਦਿੰਦਿਆਂ ਪਿੰਡ ਤੁਰਕਾਵਾਲੀ ਦੇ ਰਹਿਣ ਵਾਲੇ ਸ਼ਿਆਮ ਚੰਦ ਨੇ ਦੱਸਿਆ ਕਿ ਉਸ ਨੇ ਹਾਲ ਹੀ ਵਿੱਚ ਆਪਣੇ ਬਾਬਾ ਜੀ ਅੱਗੇ ਅਰਦਾਸ ਕੀਤੀ ਸੀ ਕਿ ਉਸ ਦੀ ਲਾਟਰੀ ਨਿਕਲ ਆਵੇ ਅਤੇ ਉਹ ਉਨ੍ਹਾਂ ਦੇ ਦਰਬਾਰ 'ਤੇ ਨਤਮਸਤਕ ਹੋ ਕੇ ਆਵੇਗਾ। ਇਸ ਅਰਦਾਸ ਤੋਂ ਬਾਅਦ ਉਸ ਨੇ ਰੂਪਚੰਦ ਲਾਟਰੀ ਦੀ ਦੁਕਾਨ ਤੋਂ ਟਿਕਟ ਖਰੀਦੀ, ਜਿਸ 'ਤੇ ਉਸ ਨੂੰ 5 ਲੱਖ ਰੁਪਏ ਦਾ ਇਨਾਮ ਮਿਲਿਆ।
ਦੂਜੇ ਜੇਤੂ ਸਹਾਰਨਪੁਰ ਦੇ ਰਹਿਣ ਵਾਲੇ ਸ਼ੇਖ ਹਸਨ ਨੇ ਦੱਸਿਆ ਕਿ ਉਹ ਆਪਣੇ ਦੋਸਤਾਂ ਨਾਲ ਫਾਜ਼ਿਲਕਾ ਘੁੰਮਣ ਆਇਆ ਹੋਇਆ ਸੀ। ਵਾਪਸ ਜਾਂਦੇ ਸਮੇਂ ਉਸ ਨੇ ਇੱਥੋਂ ਲਾਟਰੀ ਦਾ ਟਿਕਟ ਖਰੀਦ ਲਿਆ, ਜਿਸ 'ਤੇ ਉਸ ਨੂੰ 5 ਲੱਖ ਰੁਪਏ ਦਾ ਇਨਾਮ ਨਿਕਲ ਆਇਆ।
ਤੀਜੇ ਜੇਤੂ ਅੰਗਰੇਜ਼ ਸਿੰਘ, ਜੋ ਕਿ ਫਾਜ਼ਿਲਕਾ ਦੇ ਪਿੰਡ ਬੱਖੂਸ਼ਾਹ ਵਿੱਚ ਸੈਲੂਨ ਦਾ ਕੰਮ ਕਰਦਾ ਹੈ, ਨੇ ਦੱਸਿਆ ਕਿ ਉਹ ਅਕਸਰ ਬਾਜ਼ਾਰ ਵਿੱਚੋਂ ਲਾਟਰੀ ਦੀਆਂ ਟਿਕਟਾਂ ਖਰੀਦਦਾ ਰਹਿੰਦਾ ਹੈ। ਇੱਕ ਦਿਨ ਪਹਿਲਾਂ ਖਰੀਦੀ ਟਿਕਟ 'ਤੇ ਉਸ ਨੂੰ 12 ਹਜ਼ਾਰ ਰੁਪਏ ਦਾ ਇਨਾਮ ਮਿਲਿਆ ਸੀ। ਇਸ ਤੋਂ ਬਾਅਦ ਉਸ ਨੇ ਉਨ੍ਹਾਂ ਹੀ ਪੈਸਿਆਂ ਨਾਲ ਦੁਬਾਰਾ ਟਿਕਟ ਖਰੀਦੀ ਤਾਂ 25,000 ਰੁਪਏ ਦੀ ਲਾਟਰੀ ਲੱਗ ਗਈ। ਇਨ੍ਹਾਂ ਪੈਸਿਆਂ ਨਾਲ ਜਦੋਂ ਉਸ ਨੇ ਤੀਜੀ ਵਾਰ ਆਪਣੀ ਕਿਸਮਤ ਅਜ਼ਮਾਈ ਤਾਂ ਉਸ ਦਾ 5 ਲੱਖ ਰੁਪਏ ਦਾ ਵੱਡਾ ਇਨਾਮ ਨਿਕਲ ਆਇਆ।
ਰੂਪਚੰਦ ਲਾਟਰੀ ਦੇ ਸੰਚਾਲਕ ਬੌਬੀ ਨੇ ਦੱਸਿਆ ਕਿ ਸਿੱਕਮ ਸਟੇਟ ਲਾਟਰੀ ਦੇ ਟਿਕਟ ਨੰਬਰ 81872 ਦੀਆਂ ਕੁੱਲ 100 ਟਿਕਟਾਂ ਸਨ। ਇਨ੍ਹਾਂ ਵਿੱਚੋਂ ਦੋ ਵਿਅਕਤੀਆਂ ਨੇ 50-50 ਟਿਕਟਾਂ ਖਰੀਦੀਆਂ ਸਨ, ਜਿਨ੍ਹਾਂ 'ਤੇ 10-10 ਹਜ਼ਾਰ ਰੁਪਏ ਦੇ 100 ਇਨਾਮ ਲੱਗੇ ਅਤੇ ਦੋਵਾਂ ਨੂੰ 5-5 ਲੱਖ ਰੁਪਏ ਹਾਸਲ ਹੋਏ। ਜਦਕਿ ਤੀਜੇ ਜੇਤੂ ਨੇ ਟਿਕਟ ਨੰਬਰ 18834 ਦੀਆਂ 50 ਟਿਕਟਾਂ ਖਰੀਦੀਆਂ ਸਨ, ਜਿਸ ਦੀਆਂ ਪੰਜਾਹਾਂ ਟਿਕਟਾਂ 'ਤੇ ਵੀ 10-10 ਹਜ਼ਾਰ ਰੁਪਏ (ਕੁੱਲ 5 ਲੱਖ ਰੁਪਏ) ਦਾ ਇਨਾਮ ਆਇਆ ਹੈ।
ਪਰਗਟ ਸਿੰਘ ਤੋਂ ਪਹਿਲਾਂ ਵੀ ਕੈਪਟਨ ਅਮਰਿੰਦਰ ਤੇ ਸਿੱਧੂ ਹੋਰਾਂ ਪਾਰਟੀਆਂ 'ਚੋਂ ਆ ਕੇ ਬਣ ਚੁੱਕੇ ਨੇ ਪ੍ਰਧਾਨ
NEXT STORY 
