ਮਾਛੀਵਾੜਾ ਸਾਹਿਬ (ਟੱਕਰ) : ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਸ਼ਰਾਬ ਦੀ ਨਵੀਂ ਪਾਲਿਸੀ ਨੂੰ ਲੈ ਕੇ ਸ਼ਰਾਬ ਠੇਕੇਦਾਰਾਂ ਵਿਚਕਾਰ ਰੇੜਕਾ ਤਾਂ ਬਰਕਰਾਰ ਹੈ। ਅੱਜ 30 ਜੂਨ ਠੇਕਿਆਂ ਦੀ ਆਖ਼ਰੀ ਮਿਤੀ ਹੋਣ ਕਾਰਨ ਠੇਕੇਦਾਰਾਂ ਨੇ ਜਿਉਂ ਹੀ ਸਟਾਕ ਖ਼ਤਮ ਕਰਨ ਲਈ ਸ਼ਰਾਬ ਦੇ ਰੇਟ ਘਟਾਏ ਤਾਂ ਸ਼ਰਾਬੀ ਵੀ ਬੋਤਲਾਂ ਲੈਣ ਲਈ ਟੁੱਟ ਕੇ ਪੈ ਗਏ। ਅੱਜ ਸਵੇਰ ਤੋਂ ਹੀ ਮਾਛੀਵਾੜਾ ਸਰਕਲ, ਹੇਡੋਂ ਅਤੇ ਕੂੰਮਕਲਾਂ ਸਰਕਲ 'ਚ ਸ਼ਰਾਬ ਦੇ ਸਟਾਕ ਖ਼ਤਮ ਕਰਨ ਲਈ ਠੇਕੇਦਾਰਾਂ ਵੱਲੋਂ ਰੇਟ ਘਟਾ ਦਿੱਤੇ ਗਏ।
ਇਹ ਵੀ ਪੜ੍ਹੋ : ਚੰਡੀਗੜ੍ਹ 'ਚ ਕਾਲੇ ਬੱਦਲਾਂ ਨੇ ਸਵੇਰੇ ਹੀ ਪਾਇਆ ਹਨ੍ਹੇਰ, ਭਾਰੀ ਮੀਂਹ ਨੇ ਸੁਹਾਵਣਾ ਕੀਤਾ ਮੌਸਮ (ਤਸਵੀਰਾਂ)
ਇਸ ’ਤੇ ‘ਲਾਲ ਪਰੀ’ ਦੇ ਸ਼ੌਕੀਨ ਵੀ ਲਾਈਨਾਂ ’ਚ ਲੱਗੇ ਦਿਖਾਈ ਦਿੱਤੇ। ਕਈ ਸ਼ਰਾਬ ਠੇਕਿਆਂ ’ਤੇ ਹਾਲਾਤ ਅਜਿਹੇ ਹੋ ਗਏ ਕਿ ਉੱਥੇ ਸ਼ਰਾਬ ਹੀ ਮੁੱਕ ਗਈ, ਜਦੋਂ ਕਿ ਕਈ ਥਾਵਾਂ ’ਤੇ ਕੁੱਝ ਸਟਾਕ ਬਚਿਆ ਪਿਆ ਸੀ। ਉੱਥੇ ਹੀ ਸਸਤੀ ਸ਼ਰਾਬ ਨੂੰ ਦੇਖ ਕੇ ਸ਼ੌਕੀਨ ਦੂਜੇ ਠੇਕਿਆਂ ਵੱਲ ਭੱਜਦੇ ਦਿਖਾਈ ਦਿੱਤੇ। ਦੂਸਰੇ ਪਾਸੇ ਇਸ ਵਾਰ ਪੰਜਾਬ ਸਰਕਾਰ ਵੱਲੋਂ ਨਵੀਂ ਪਾਲਿਸੀ ਤਹਿਤ ਮਾਛੀਵਾੜਾ, ਕੂੰਮਕਲਾਂ ਤੇ ਹੇਡੋਂ ਦਾ ਇੱਕ ਸਰਕਲ ਬਣਾ ਦਿੱਤਾ ਗਿਆ ਹੈ, ਜਿਸ ਦੀ ਰਿਜ਼ਰਵ ਕੀਮਤ 33 ਕਰੋੜ ਰੁਪਏ ਰੱਖੀ ਗਈ ਹੈ। ਪਿਛਲੇ ਸਾਲ ਨਾਲੋਂ ਸਰਕਾਰ ਨੇ ਇੱਥੋਂ 8.50 ਕਰੋੜ ਵੱਧ ਮੁਨਾਫ਼ਾ ਕਮਾਉਣ ਦਾ ਟੀਚਾ ਰੱਖਿਆ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਵਿਧਾਨ ਸਭਾ 'ਚ PU ਦੇ ਕੇਂਦਰੀਕਰਨ ਖ਼ਿਲਾਫ਼ ਮਤਾ ਪਾਸ, ਭਾਜਪਾ ਨੇ ਜਤਾਇਆ ਵਿਰੋਧ
ਇਸ ਸਰਕਲ ਦੇ ਪਿਛਲੇ ਟੈਂਡਰ ਦੀ ਮਿਤੀ ਦੌਰਾਨ ਕਿਸੇ ਵੀ ਠੇਕੇਦਾਰ ਨੇ ਇੰਨੇ ਮਹਿੰਗੇ ਭਾਅ ’ਤੇ ਸਰਕਲ ਦਾ ਟੈਂਡਰ ਨਾ ਪਾਇਆ। ਅੱਜ ਦੁਬਾਰਾ 30 ਜੂਨ ਨੂੰ ਮਾਛੀਵਾੜਾ ਸਰਕਲ ਦੇ ਠੇਕੇ ਦੀ ਨਿਲਾਮੀ ਲਈ ਟੈਂਡਰ ਰੱਖਿਆ ਗਿਆ ਹੈ ਅਤੇ ਜੇਕਰ ਅੱਜ ਵੀ ਕਿਸੇ ਠੇਕੇਦਾਰ ਨੇ ਦਿਲਚਸਪੀ ਨਾ ਦਿਖਾਈ ਤਾਂ ਭਲਕੇ ਸ਼ਰਾਬ ਦੇ ਠੇਕੇ ਕੁੱਝ ਦਿਨਾਂ ਲਈ ਬੰਦ ਵੀ ਹੋ ਸਕਦੇ ਹਨ। ਜੇਕਰ ਠੇਕੇ ਬੰਦ ਰਹੇ ਤਾਂ ਉੱਥੇ ਸਰਕਾਰ ਦਾ ਮਾਲੀਆ ਤਾਂ ਘਟੇਗਾ ਹੀ ਪਰ ਨਾਲ ਹੀ ਜਿਨ੍ਹਾਂ ਨੂੰ ਸਸਤੀ ਸ਼ਰਾਬ ਨਹੀਂ ਮਿਲੀ, ਉਨ੍ਹਾਂ ਨੂੰ ਹੁਣ ਦੁਬਾਰਾ ਠੇਕੇ ਖੁੱਲ੍ਹਣ ਤੱਕ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ।
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
ਪ੍ਰਧਾਨ ਮੰਤਰੀ ਖ਼ਿਲਾਫ਼ ਝੂਠੀ ਮੁਹਿੰਮ ਚਲਾਉਣ ਲਈ ਕਾਂਗਰਸ ਜ਼ਿੰਮੇਵਾਰ : ਤਰੁਣ ਚੁਘ
NEXT STORY 
