ਨਵੀਂ ਦਿੱਲੀ : ਆਈ. ਸੀ. ਸੀ. ਮਹਿਲਾ ਟੀ-20 ਵਿਸ਼ਵ ਕੱਪ ਦੌਰਾਨ ਬੰਗਲਾਦੇਸ਼ ਦੀ ਤੇਜ਼ ਗੇਂਦਬਾਜ਼ ਜਹਾਂਨਾਰਾ ਆਲਮ ਅੱਖਾਂ ਵਿਚ ਕਾਜ਼ਲ ਲਾਉਣ ਕਾਰਨ ਚਰਚਾ ਵਿਚ ਆ ਗਈ ਹੈ। ਖਾਸ ਗੱਲ ਇਹ ਹੈ ਕਿ ਆਪਣੀਆਂ ਖੂਬਸੂਰਤ ਅੱਖਾਂ ਕਾਰਨ ਜਹਾਂਨਾਰਾ ਨੂੰ ਸੋਸ਼ਲ ਮੀਡੀਆ 'ਤੇ ਤਾਂ ਖੂਬ ਕੰਪਲੀਮੈਂਟਸ ਤਾਂ ਮਿਲੇ ਹੀ ਨਾਲ ਹੀ ਉਸ ਦੇ ਮੁਰੀਦਾਂ ਵਿਚ ਆਸਟਰੇਲੀਆਈ ਮਹਿਲਾ ਪੱਤਰਕਾਰ ਮੇਲਿੰਡਾ ਫੇਰੇਲ ਦਾ ਵੀ ਨਾਂ ਜੁੜ ਗਿਆ। ਮੇਲਿੰਡਾ ਨੇ ਬਕਾਇਦਾ ਟਵੀਟ ਕਰ ਕੇ ਲਿਖਿਆ- ਮੈਂ ਇਹ ਜਾਨਣਾ ਚਾਹੁੰਦੀ ਹਾਂ ਕਿ ਜਹਾਂਨਾਰਾ ਅੱਖਾਂ ਵਿਚ ਕਿਹੜਾ ਕਾਜ਼ਲ ਲਾਉਂਦੀ ਹੈ ਜੋ ਖਰਾਬ ਨਹੀਂ ਹੁੰਦਾ। ਮਲਿੰਡਾ ਹੀ ਨਹੀਂ, ਸੋਸ਼ਲ ਮੀਡੀਆ 'ਤੇ ਕ੍ਰਿਕਟ ਫੈਨਸ ਨੇ ਵੀ ਖੂਬ ਕਮੈਂਟ ਕੀਤੇ। ਇਕ ਯੂਜਰ ਨੇ ਲਿਖਿਆ ਜਹਾਂਨਾਲ ਦੇ ਆਈਲਾਈਨਰ ਨਾਲ ਬੇਹਦ ਪਿਆਰ ਹੋ ਗਿਆ ਹੈ। ਇਕ ਹੋਰ ਨੇ ਲਿਖਿਆ-ਚਾਹੇ ਨਤੀਜਾ ਜੋ ਵੀ ਹੋਵੇ 'ਪਲੇਅਰ ਆਫ ਦ ਮੈਚ' ਜਹਾਂਨਾਰਾ ਹੀ ਹੋਵੇ। ਉਥੇ ਹੀ ਇਕ ਯੂਜਰ ਨੇ ਤਾਂ ਜਹਾਂਨਾਰਾ ਨੂੰ ਕ੍ਰਸ਼ ਆਫ ਦ ਮੈਚ ਤੱਕ ਐਲਾਨ ਕਰ ਦਿੱਤਾ।
ਦੱਸ ਦੇਈਏ ਕਿ ਜਹਾਂਨਾਰਾ ਬੰਗਲਾਦੇਸ਼ ਮਹਿਲਾ ਕ੍ਰਿਕਟ ਟੀਮ ਦੀ ਮੌਜੂਦਾ ਟੀਮ ਦਾ ਹਿੱਸਾ ਹੈ। ਉਹ ਮੱਧ ਤੇਜ਼ ਗਤੀ ਦੀ ਗੇਂਦਬਾਜ਼ੀ ਕਰਦੀ ਹੈ ਅਤੇ ਸੱਜੇ ਹੱਥ ਦੀ ਬੱਲੇਬਾਜ਼ ਹੈ। ਜਹਾਂਨਾਰਾ ਅਕਸਰ ਮੈਚ ਵਿਚ ਕਾਜ਼ਲ ਲਾ ਕੇ ਖੇਡਦੀ ਹੈ ਅਤੇ ਲੋਕਾਂ ਦੀ ਖਿੱਚ ਦਾ ਕੇਂਦਰ ਰਹਿੰਦੀ ਹੈ।
ਹਾਲਾਂਕਿ ਖੂਬਸੂਤ ਅੱਖਾਂ ਵਾਲੀ ਜਹਾਂਨਾਰਾ ਦਾ ਭਾਰਤੀ ਟੀਮ ਦੇ ਖਿਲਾਫ ਜਾਦੂ ਨਹੀਂ ਚੱਲ ਸਕਿਆ। ਆਸਟਰੇਲੀਆ ਵਿਚ ਚੱਲ ਰਹੇ ਮਹਿਲਾ ਟੀ-20 ਵਿਸ਼ਵ ਕੱਪ ਦੌਰਾਨ ਭਾਰਤੀ ਟੀਮ ਜਦੋਂ ਬੰਗਲਾਦੇਸ਼ ਨਾਲ ਭਿੜ ਰਹੀ ਸੀ ਤਾਂ ਜਹਾਂਨਾਰਾ 4 ਓਵਰਾਂ ਵਿਚ 33 ਦੌੜਾਂ ਦੇ ਕੇ ਪ੍ਰਭਾਵਿਤ ਨਹੀਂ ਕਰ ਸਕੀ। ਉਥੇ ਹੀ ਬੱਲੇਬਾਜ਼ੀ ਕਰਦੇ ਹੋਏ ਵੀ ਉਹ ਸਿਰਫ 10 ਹੀ ਦੌੜਾਂ ਬਣਾ ਸਕੀ ਸੀ।
ਸਚਿਨ ਨੂੰ 'ਸੂਚੀਨ' ਕਹਿਣ 'ਤੇ ਨੀਸ਼ਮ ਨੇ ਟਰੰਪ ਨੂੰ ਲਿਆ ਲੰਮੇ ਹੱਥੀ
NEXT STORY 
