ਐਡਿਨਬਰਗ : ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ (ICC) ਨੇ ਪੁਰਸ਼ਾਂ ਦੇ ਵਨਡੇ ਅਤੇ ਟੀ-20 ਵਿਸ਼ਵ ਕੱਪ ਦੇ ਫਾਰਮੈਟ ਵਿੱਚ ਕਈ ਕ੍ਰਾਂਤੀਕਾਰੀ ਬਦਲਾਵਾਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਐਡਿਨਬਰਗ ਵਿੱਚ ਹੋਈ ICC ਬੋਰਡ ਦੀ ਸਾਲਾਨਾ ਬੈਠਕ ਵਿੱਚ ਇਹ ਫੈਸਲੇ ਲਏ ਗਏ, ਜਿਸਦਾ ਮੁੱਖ ਉਦੇਸ਼ ਟੂਰਨਾਮੈਂਟ ਦੇ ਹਰ ਮੁਕਾਬਲੇ ਨੂੰ ਵਧੇਰੇ ਪ੍ਰਤੀਯੋਗੀ ਅਤੇ ਰੋਮਾਂਚਕ ਬਣਾਉਣਾ ਹੈ।
ਵਨਡੇ ਵਿਸ਼ਵ ਕੱਪ: 'ਸੁਪਰ ਸੀਰੀਜ਼' ਅਤੇ 'ਸੁਪਰ-7' ਦੀ ਸ਼ੁਰੂਆਤ
ਨਵੇਂ ਫਾਰਮੈਟ ਅਨੁਸਾਰ, ਵਨਡੇ ਵਿਸ਼ਵ ਕੱਪ ਵਿੱਚ ਹੁਣ 14 ਟੀਮਾਂ ਹਿੱਸਾ ਲੈਣਗੀਆਂ, ਪਰ ਖੇਡਣ ਦਾ ਤਰੀਕਾ ਪੂਰੀ ਤਰ੍ਹਾਂ ਬਦਲ ਜਾਵੇਗਾ
ਸੁਪਰ ਸੀਰੀਜ਼ : ਟੂਰਨਾਮੈਂਟ ਦੀ ਸ਼ੁਰੂਆਤ ਰੈਂਕਿੰਗ ਵਿੱਚ 12ਵੇਂ, 13ਵੇਂ ਅਤੇ 14ਵੇਂ ਸਥਾਨ ਵਾਲੀਆਂ ਟੀਮਾਂ ਵਿਚਕਾਰ 'ਸੁਪਰ ਸੀਰੀਜ਼' ਨਾਲ ਹੋਵੇਗੀ, ਜਿਸ ਵਿੱਚੋਂ ਸਿਰਫ਼ ਇੱਕ ਟੀਮ ਅਗਲੇ ਪੜਾਅ ਵਿੱਚ ਜਾਵੇਗੀ।
ਗਰੁੱਪ ਸਟੇਜ: ਇਸ ਤੋਂ ਬਾਅਦ 12 ਟੀਮਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਜਾਵੇਗਾ। ਹਰ ਗਰੁੱਪ ਦੀਆਂ ਚੋਟੀ ਦੀਆਂ 3-3 ਟੀਮਾਂ ਅਤੇ ਦੋਵਾਂ ਗਰੁੱਪਾਂ ਵਿੱਚੋਂ ਅਗਲੀ ਇੱਕ ਸਰਵੋਤਮ ਟੀਮ 'ਸੁਪਰ-7' ਲਈ ਕੁਆਲੀਫਾਈ ਕਰੇਗੀ।
ਸੁਪਰ-7 : ਇਹ ਸਭ ਤੋਂ ਅਹਿਮ ਪੜਾਅ ਹੋਵੇਗਾ ਜਿੱਥੇ ਸੱਤੋਂ ਟੀਮਾਂ ਇੱਕ-ਦੂਜੇ ਵਿਰੁੱਧ ਰਾਊਂਡ-ਰੌਬਿਨ ਮੈਚ ਖੇਡਣਗੀਆਂ ਅਤੇ ਚੋਟੀ ਦੀਆਂ ਚਾਰ ਟੀਮਾਂ ਸੈਮੀਫਾਈਨਲ ਵਿੱਚ ਪਹੁੰਚਣਗੀਆਂ।
ਟੀ-20 ਵਿਸ਼ਵ ਕੱਪ : ਹੁਣ ਹੋਵੇਗਾ 'ਸੁਪਰ-10' ਅਤੇ ਐਲੀਮੀਨੇਟਰ
ਟੀ-20 ਵਿਸ਼ਵ ਕੱਪ ਦੇ ਫਾਰਮੈਟ ਵਿੱਚ ਵੀ ਵੱਡੇ ਬਦਲਾਅ ਕੀਤੇ ਗਏ ਹਨ :
ਗਰੁੱਪ ਪੜਾਅ : ਹੁਣ 4 ਦੀ ਬਜਾਏ 5 ਗਰੁੱਪ ਹੋਣਗੇ, ਜਿਨ੍ਹਾਂ ਵਿੱਚ 4-4 ਟੀਮਾਂ ਹੋਣਗੀਆਂ। ਹਰ ਗਰੁੱਪ ਵਿੱਚੋਂ ਚੋਟੀ ਦੀਆਂ ਦੋ ਟੀਮਾਂ ਅਗਲੇ ਪੜਾਅ ਵਿੱਚ ਜਾਣਗੀਆਂ
ਸੁਪਰ-10 : ਸੁਪਰ-8 ਦੀ ਜਗ੍ਹਾ ਹੁਣ 'ਸੁਪਰ-10' ਹੋਵੇਗਾ, ਜਿਸ ਵਿੱਚ 10 ਟੀਮਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਜਾਵੇਗਾ।
ਐਲੀਮੀਨੇਟਰ ਮੁਕਾਬਲੇ : ਦੋਵਾਂ ਗਰੁੱਪਾਂ ਦੀਆਂ ਚੋਟੀ ਦੀਆਂ ਟੀਮਾਂ ਸਿੱਧਾ ਸੈਮੀਫਾਈਨਲ ਵਿੱਚ ਪਹੁੰਚਣਗੀਆਂ। ਬਾਕੀ ਦੋ ਸਥਾਨਾਂ ਲਈ ਗਰੁੱਪਾਂ ਦੀਆਂ ਦੂਜੇ ਅਤੇ ਤੀਜੇ ਨੰਬਰ ਦੀਆਂ ਟੀਮਾਂ ਵਿਚਕਾਰ ਐਲੀਮੀਨੇਟਰ ਮੈਚ ਖੇਡੇ ਜਾਣਗੇ।
ਐਸੋਸੀਏਟ ਦੇਸ਼ਾਂ ਲਈ ਨਵਾਂ ਟੂਰਨਾਮੈਂਟ
ICC ਨੇ ਐਸੋਸੀਏਟ ਮੈਂਬਰ ਦੇਸ਼ਾਂ ਲਈ 16 ਟੀਮਾਂ ਵਾਲੇ ਇੱਕ ਨਵੇਂ ਗਲੋਬਲ ਟੀ-20 ਟੂਰਨਾਮੈਂਟ ਦੇ ਪ੍ਰਸਤਾਵ ਨੂੰ ਵੀ ਸਮਰਥਨ ਦਿੱਤਾ ਹੈ। ਇਸ ਤੋਂ ਇਲਾਵਾ, 2028 ਪੁਰਸ਼ ਟੀ-20 ਵਿਸ਼ਵ ਕੱਪ ਲਈ ਨਵੇਂ ਕੁਆਲੀਫਿਕੇਸ਼ਨ ਸਿਸਟਮ ਨੂੰ ਵੀ ਹਰੀ ਝੰਡੀ ਦੇ ਦਿੱਤੀ ਗਈ ਹੈ।
ICC ਦਾ ਮੰਨਣਾ ਹੈ ਕਿ ਇਨ੍ਹਾਂ ਬਦਲਾਵਾਂ ਨਾਲ ਟੂਰਨਾਮੈਂਟ ਦੇ ਸ਼ੁਰੂਆਤੀ ਮੈਚਾਂ ਤੋਂ ਹੀ ਟੀਮਾਂ 'ਤੇ ਦਬਾਅ ਰਹੇਗਾ ਅਤੇ ਹਰ ਮੈਚ ਨਿਰਣਾਇਕ ਹੋਵੇਗਾ।
IND vs ENG: ਜਿੱਤ ਤੋਂ ਬਾਅਦ ਸ਼ੁਭਮਨ ਗਿੱਲ ਨੇ ਵੱਡਾ ਖੁਲਾਸਾ ਕੀਤਾ, ਦੱਸਿਆ 2027 ਵਿਸ਼ਵ ਕੱਪ ਦਾ ਪਲਾਨ
NEXT STORY 
