ਨਵੀਂ ਦਿੱਲੀ– ਇੰਗਲੈਂਡ ਦੇ ਸਾਬਕਾ ਕਪਤਾਨ ਨਾਸਿਰ ਹੁਸੈਨ ਦਾ ਮੰਨਣਾ ਹੈ ਕਿ ਵਿਰਾਟ ਵਰਗਾ ਰੋਹਬਦਾਰ ਅਕਸ ਵਾਲਾ ਇਨਸਾਨ ਕਪਤਾਨੀ ਸਾਂਝੀ ਕਰਨ ’ਤੇ ਸਹਿਜ ਮਹਿਸੂਸ ਨਹੀਂ ਕਰੇਗਾ ਤੇ ਇਸ ਲਈ ਹਰੇਕ ਸਵਰੂਪ ਲਈ ਵੱਖ-ਵੱਖ ਕਪਤਾਨ ਨਿਯੁਕਤ ਕਰਨ ਦੀ ਰਣਨੀਤੀ ਭਾਰਤ ਵਿਚ ਨਹੀਂ ਚੱਲ ਸਕੇਗੀ। ਹੁਸੈਨ ਦਾ ਇਸਦੇ ਨਾਲ ਹੀ ਮੰਨਣਾ ਹੈ ਕਿ ਭਾਰਤੀ ਟੀਮ ਮੈਨੇਜਮੈਂਟ ਅਕਸਰ ਚੋਣ ਨੂੰ ਲੈ ਕੇ ਗੜਬੜੀ ਕਰਦੀ ਹੈ, ਜਿਵੇਂ ਕਿ ਉਸ ਨੇ ਪਿਛਲੇ ਸਾਲ ਵਿਸ਼ਵ ਕੱਪ ਸੈਮੀਫਾਈਨਲ ਵਿਚ ਨਿਊਜ਼ੀਲੈਂਡ ਵਿਰੁੱਧ ਕੀਤੀ ਸੀ।
ਚੋਣ ਨੂੰ ਲੈ ਕੇ ਹੁਸੈਨ ਦੇ ਵਿਚਾਰਾਂ ਦਾ ਭਾਰਤ ਦੇ ਸਾਬਕਾ ਕਪਾਤਨ ਅਾਲਰਾਊਂਡਰ ਯੁਵਰਾਜ ਸਿੰਘ ਨੇ ਵੀ ਸਮਰਥਨ ਕੀਤਾ ਤੇ ਉਹ ਜਾਣਨਾ ਚਾਹੁੰਦਾ ਹੈ ਕਿ ਰਵੀ ਸ਼ਾਸਤਰੀ ਦੀ ਅਗਵਾਈ ਵਾਲੀ ਮੌਜੂਦਾ ਭਾਰਤੀ ਕੋਚਿੰਗ ਸਟਾਫ ਵੱਖ-ਵੱਖ ਮਾਨਸਿਕਤਾ ਵਾਲੇ ਖਿਡਾਰੀਆਂ ਨਾਲ ਕਿਵੇਂ ਨਜਿੱਠ ਰਿਹਾ ਹੈ। ਹੁਸੈਨ ਤੋਂ ਪੁੱਛਿਆ ਗਿਆ ਕਿ ਕੀ ਭਾਰਤ ਵਿਚ ਹਰ ਸਵਰੂਪ ਵਿਚ ਵੱਖਰਾ ਕਪਤਾਨ ਰੱਖਣ ਦੀ ਰਣਨੀਤੀ ਕਾਰਗਾਰ ਸਾਬਤ ਹੋਵੇਗੀ ਤਾਂ ਉਹ ਇਸ ਨੂੰ ਲੈ ਕੇ ਆਸਵੰਦ ਨਹੀਂ ਲੱਗਾ।
ਯੁਵਰਾਜ ਨੇ ਦੱਸਿਆ ਉਸ ਖਿਡਾਰੀ ਦਾ ਨਾਂ ਜੋ ਤੋੜ ਸਕਦਾ ਹੈ ਉਨ੍ਹਾਂ ਦਾ ਇਹ ਵੱਡਾ ਟੀ20 ਰਿਕਾਰਡ
NEXT STORY