ਸਪੋਰਟਸ ਡੈਸਕ— ਕੋਰੋਨਾ ਵਾਇਰਸ ਕਾਰਨ ਆਈ. ਪੀ. ਐੱਲ. ਦੇ ਆਯੋਜਨ ’ਤੇ ਸੰਕਟ ਦੇ ਬੱਦਲ ਮੰਡਰਾ ਰਹੇ ਹਨ। ਟੀਮਾਂ ਦੇ ਅਭਿਆਸ ਸੈਸ਼ਨ ਵੀ ਮੁਲਤਵੀ ਹੋ ਗਏ ਹਨ। ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਫਰੈਂਚਾਇਜ਼ੀ ਟੀਮ ਚੇਂਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਚੇਨਈ ’ਚ ਅਭਿਆਸ ਸੈਸ਼ਨ ਮੁਲਤਵੀ ਕੀਤੇ ਜਾਣ ਤੋਂ ਬਾਅਦ ਹੁਣ ਵਾਪਸ ਪਰਤ ਗਏ ਹਨ। ਰਾਂਚੀ ਆਉਣ ਤੋਂ ਬਾਅਦ ਧੋਨੀ ਆਪਣੀ ਬਾਈਕ ਲੈ ਕੇ ਸੜਕਾਂ ’ਤੇ ਨਿਕਲੇ। ਸੋਸ਼ਲ ਮੀਡੀਆ ’ਤੇ ਧੋਨੀ ਦਾ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ’ਚ ਉਹ ਰਾਂਚੀ ਦੀਆਂ ਸੜਕਾਂ ’ਤੇ ਬਾਈਕ ਦੌੜਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।
ਹਾਲਾਂਕਿ, ਇਹ ਵੀਡੀਓ ਕੱਦੋਂ ਹੀ ਹੈ,ਇਸ ਬਾਰੇ ਕੁਝ ਨਹੀਂ ਕਿਹਾ ਜਾ ਸਕਦਾ ਪਰ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤੀ ਗਈ ਇਕ ਵੀਡੀਓ ’ਚ ਧੋਨੀ ਬਾਈਕ ’ਤੇ ਹੈਲਮੈਟ ਲਗਾ ਕੇ ਰਾਂਚੀ ਦੀ ਸਡ਼ਕ 'ਤੇ ਇਕ ਰੈੱਡ ਸਿਗਨਲ 'ਤੇ ਰੁੱਕੇ ਹੋਏ ਹਨ । ਜਿਵੇਂ ਹੀ ਧੋਨੀ ਰੈੱਡ ਸਿਗਨਲ 'ਤੇ ਰੁੱਕਦੇ ਹਨ ਤਾਂ ਫੈਨਜ਼ ਉਨ੍ਹਾਂ ਨੂੰ ਦੇਖ ਹੈਰਾਨ ਰਹਿ ਜਾਂਦੇ ਹਨ ਅਤੇ ਮਾਹੀ ਨਾਲ ਸੈਲਫੀ ਦੀ ਫਰਮਾਇਸ਼ ਕਰਨ ਲੱਗ ਪੈਂਦੇ ਹਨ। ਧੋਨੀ ਵੀ ਆਪਣੇ ਫੈਨਜ਼ ਨੂੰ ਨਰਾਜ਼ ਨਹੀਂ ਕਰਦੇ ਅਤੇ ਉਹ ਸੈਲਫੀ ਲਈ ਤਿਆਰ ਹੋ ਜਾਂਦੇ ਹਨ। ਧੋਨੀ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਮਹਿੰਦਰ ਸਿੰਘ ਧੋਨੀ ਹੁਣ ਰਾਂਚੀ ਪਰਤ ਆਏ ਹਨ। ਦੂਜੀ ਵੀਡੀਓ ਵਿਚ ਰਾਂਚੀ ਵਾਪਸ ਆਉਣ ਤੋਂ ਬਾਅਦ ਧੋਨੀ ਨੇ ਜੇ. ਐੱਸ. ਸੀ. ਏ. ਅੰਤਰਰਾਸ਼ਟਰੀ ਸਟੇਡੀਅਮ ਕੰਪਲੈਕਸ ’ਚ ਬੈਡਮਿੰਟਨ ਖੇਡਿਆ। ਧੋਨੀ ਦੇ ਬੈਡਮਿੰਟਨ ਖੇਡਣ ਦੀ ਇਹ ਵੀਡੀਓ ਫੈਨਜ਼ ਨੂੰ ਕਾਫੀ ਪਸੰਦ ਆ ਰਹੀ ਹੈ।
ਕੋਰੋਨਾ ਦੇ ਡਰ ਵਿਚਾਲੇ IPL ਮਾਲਕਾਂ ਦੀ ਹੋਈ ਟੈਲੀ ਕਾਨਫਰੰਸ ਮੀਟਿੰਗ, ਜਾਣੋ ਕੀ ਹੋਇਆ ਫੈਸਲਾ
NEXT STORY 
