ਸਪੋਰਟਸ ਡੈੱਕਸ— ਵੈਸਟਇੰਡੀਜ਼ ਦੌਰੇ ਲਈ 19 ਜੁਲਾਈ ਨੂੰ ਹੋਣ ਵਾਲੀ ਟੀਮ ਦਾ ਐਲਾਨ ਹੁਣ 21 ਜੁਲਾਈ ਨੂੰ ਕੀਤਾ ਜਾਵੇਗਾ। ਇਸ ਦੌਰੇ 'ਚ ਜਿੱਥੇ ਵਿਰਾਟ ਕੋਹਲੀ ਤੇ ਰੋਹਿਤ ਸ਼ਰਮਾ ਕਪਤਾਨ ਤੇ ਉਪ ਕਪਤਾਨ ਦੇ ਰੂਪ 'ਚ ਹੀ ਟੀਮ ਦਾ ਹਿੱਸਾ ਹੋਣਗੇ। ਨਾਲ ਹੀ ਆਲ ਰਾਊਂਡਰ ਹਾਰਦਿਕ ਪੰਡਯਾ ਦੀ ਪਿੱਠ 'ਚ ਦਰਦ ਕਾਰਨ ਇਸ ਦੌਰੇ 'ਤੇ ਨਹੀਂ ਜਾਣਗੇ। ਇਸ ਦੌਰੇ ਦੇ ਦੌਰਾਨ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੂੰ ਵੀ ਵਿਚ 'ਚ ਆਰਾਮ ਦਿੱਤਾ ਜਾਣ ਦੀ ਗੱਲ ਸਾਹਮਣੇ ਆਈ ਹੈ।
ਚੋਣਕਾਰ ਵੈਸਟਇੰਡੀਜ਼ ਦੌਰੇ ਦੇ ਲਈ ਟੀਮ ਦੀ ਚੋਣ ਨਾਲ ਸਾਰੇ ਖਿਡਾਰੀਆਂ ਦੀ ਫਿੱਟਨੈੱਸ ਰਿਪੋਰਟ ਦਾ ਇੰਤਜ਼ਾਰ ਕਰ ਰਹੇ ਹਨ। ਰਿਪੋਰਟ ਅਨੁਸਾਰ ਪਿੱਠ ਦੀ ਪਰੇਸ਼ਾਨੀ ਦੇ ਚਲਦਿਆ ਪੰਡਯਾ ਕੈਰੇਬੀਆਈ ਦੌਰੇ 'ਤੇ ਨਹੀਂ ਜਾਣਗੇ ਤੇ ਪੂਰੀ ਸੀਰੀਜ਼ 'ਚ ਉਸ ਨੂੰ ਆਰਾਮ ਦਿੱਤਾ ਜਾ ਸਕਦਾ ਹੈ। ਜਿੱਥੇ ਤਕ ਬੁਮਰਾਹ ਦੀ ਗੱਲ ਹੈ ਤਾਂ ਉਸ ਨੂੰ ਵਨ ਡੇ ਤੇ ਟੀ-20 ਤੋਂ ਬ੍ਰੇਕ ਦਿੱਤੀ ਜਾ ਸਕਦੀ ਹੈ ਜਦਕਿ ਟੈਸਟ ਸੀਰੀਜ਼ 'ਚ ਉਹ ਖੇਡਦੇ ਨਜ਼ਰ ਆਉਣਗੇ।
ਜ਼ਿਕਰਯੋਗ ਹੈ ਕਿ ਇਸ ਦੌਰੇ ਵਿਚ ਭਾਰਤੀ ਟੀਮ 3 ਟੀ-20, 3 ਵਨ ਡੇ ਅਤੇ 2 ਟੈਸਟ ਮੈਚ ਖੇਡੇਗੀ। ਟੀ-20 ਸੀਰੀਜ਼ ਦੇ ਦੋ ਮੈਚ ਫਲੋਰਿਡਾ ਅਤੇ ਗੁਯਾਨਾ ਵਿਚ ਖੇਡੇ ਜਾਣਗੇ।
ਜ਼ਿੰਬਾਬਵੇ ਕ੍ਰਿਕਟ ਦੀ ਹੋਦ ਖਤਮ ਕਰਨਾ, ਫੈਸਲਾ ਦਿਲ ਤੋੜਨ ਵਾਲਾ : ਅਸ਼ਵਿਨ
NEXT STORY 
