ਲਾਹੌਰ— ਪਾਕਿਸਤਾਨ ਤੇ ਬੰਗਲਾਦੇਸ਼ ਵਿਚਾਲੇ ਤੀਜਾ ਟੀ-20 ਮੁਕਾਬਲਾ ਸੋਮਵਾਰ ਨੂੰ ਮੀਂਹ ਕਾਰਨ ਰੱਦ ਹੋ ਗਿਆ ਤੇ ਪਾਕਿਸਤਾਨ ਨੇ ਤਿੰਨ ਮੈਚਾਂ ਦੀ ਸੀਰੀਜ਼ 2-0 ਨਾਲ ਜਿੱਤ ਲਈ। ਮੀਂਹ ਕਾਰਨ ਮੈਚ 'ਚ ਟਾਸ ਨਹੀਂ ਹੋਈ ਤੇ ਮੈਚ ਬਿਨਾਂ ਕੋਈ ਗੇਂਦ ਸੁੱਟੇ ਰੱਦ ਹੋ ਗਿਆ। ਪਾਕਿਸਤਾਨ ਨੇ ਇਹ ਸੀਰੀਜ਼ 2-0 ਨਾਲ ਜਿੱਤੀ ਤੇ ਟੀ-20 ਰੈਂਕਿੰਗ 'ਚ ਆਪਣਾ ਨੰਬਰ ਇਕ ਸਥਾਨ ਬਰਕਰਾਰ ਰੱਖਿਆ। ਪਾਕਿਸਤਾਨ ਨੇ ਪਹਿਲਾ ਮੈਚ ਪੰਜ ਵਿਕਟਾਂ ਨਾਲ ਤੇ ਦੂਜਾ ਮੈਚ 9 ਵਿਕਟਾਂ ਨਾਲ ਜਿੱਤਿਆ ਸੀ।
ਇਸ ਸੀਰੀਜ਼ ਦੇ ਨਾਲ ਹੀ ਬੰਗਲਾਦੇਸ਼ ਦਾ ਪਾਕਿਸਤਾਨ ਦੌਰੇ ਦਾ ਪਹਿਲਾ ਪੜਾਅ ਖਤਮ ਹੋ ਗਿਆ। ਬੰਗਲਾਦੇਸ਼ ਦੀ ਟੀਮ ਹੁਣ ਸੱਤ ਫਰਵਰੀ ਤੋਂ ਪਹਿਲੇ ਟੈਸਟ ਨੂੰ ਖੇਡਣ ਫਿਰ ਪਾਕਿਸਤਾਨ ਆਵੇਗੀ ਜਦਕਿ ਇਕਲੌਤਾ ਵਨ ਡੇ ਤੇ ਦੂਜਾ ਟੈਸਟ ਅਪ੍ਰੈਲ 'ਚ ਖੇਡਿਆ ਜਾਵੇਗਾ।
ਟਰੰਪ ਤੇ ਓਬਾਮਾ ਨੇ ਬ੍ਰਾਇੰਟ ਨੂੰ ਦਿੱਤੀ ਸ਼ਰਧਾਂਜਲੀ
NEXT STORY