ਨਵੀਂ ਦਿੱਲੀ (ਬਿਊਰੋ)- ਏਸ਼ੇਜ਼ ਸੀਰੀਜ਼ ਵਿਚ ਮਿਲੀ ਕਰਾਰੀ ਹਾਰ ਦੇ ਬਾਅਦ ਇੰਗਲੈਂਡ ਦੀ ਟੀਮ ਨੇ ਆਸਟਰੇਲਿਆ ਉੱਤੇ ਪਲਟਵਾਰ ਕੀਤਾ ਹੈ। ਇੰਗਲੈਂਡ ਨੇ ਆਸਟਰੇਲੀਆ ਨੂੰ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਦੇ ਸ਼ੁਰੂਆਤੀ ਤਿੰਨ ਮੈਚਾਂ ਵਿਚ ਮਾਤ ਦੇ ਕੇ 3-0 ਦੀ ਅਜੇਤੂ ਲੀਡ ਬਣਾ ਲਈ ਹੈ। ਸੀਰੀਜ਼ ਦੇ ਤੀਸਰੇ ਵਨਡੇ ਦੌਰਾਨ ਮਾਹੌਲ ਉਸ ਸਮੇਂ ਗਰਮਾ ਗਿਆ ਜਦੋਂ ਆਸਟਰੇਲੀਆ ਦੇ ਕਪਤਾਨ ਸਟੀਵ ਸਮਿਥ ਉੱਤੇ ਲਿਪ ਬਾਮ ਨਾਲ ਗੇਂਦ ਨਾਲ ਛੇੜਛਾੜ ਕਰਨ ਦਾ ਇਲਜ਼ਾਮ ਲੱਗਾ। ਇਸ ਸੰਬੰਧ ਵਿਚ ਸਾਹਮਣੇ ਆਏ ਵੀਡੀਓ ਵਿਚ ਸਮਿਥ ਨੂੰ ਗੇਂਦ ਨੂੰ ਚਮਕਾਉਂਦੇ ਹੋਏ ਵੇਖਿਆ ਗਿਆ ਸੀ। ਹਾਲਾਂਕਿ ਸਮਿੱਥ ਨੇ ਇਨ੍ਹਾਂ ਆਰੋਪਾਂ ਨੂੰ ਸਿਰੇ ਤੋਂ ਨਕਾਰ ਦਿੱਤਾ ਹੈ।
ਥੁੱਕ ਨਾਲ ਚਮਕਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ
ਉਨ੍ਹਾਂ ਨੇ ਕਿਹਾ ਕਿ ਇਹ ਗੇਂਦ ਨੂੰ ਚਮਕਾਉਣ ਦੀ ਉਨ੍ਹਾਂ ਦੀ ਤਕਨੀਕ ਹੈ ਅਤੇ ਉਸਦੇ ਲਈ ਕਿਸੇ ਵੀ ਬਾਹਰੀ ਚੀਜ਼ ਦੀ ਮਦਦ ਨਹੀਂ ਲਈ ਗਈ ਹੈ। ਮੈਚ ਦੇ ਬਾਅਦ ਰਿਪੋਰਟਰਾਂ ਨਾਲ ਗੱਲ ਕਰਦੇ ਹੋਏ ਆਸਟਰੇਲੀਆਈ ਟੀਮ ਦੇ ਕਪਤਾਨ ਨੇ ਕਿਹਾ, ''ਮੈਂ ਆਪਣੇ ਥੁੱਕ ਨਾਲ ਗੇਂਦ ਚਮਕਾ ਰਿਹਾ ਸੀ। ਲੋਕ ਕਹਿ ਰਹੇ ਸਨ ਕਿ ਮੈਂ ਲਿਪ ਬਾਮ ਨਾਲ ਇਹ ਕੰਮ ਕਰ ਰਿਹਾ ਸੀ। ਜੇਕਰ ਤੁਸੀ ਮੇਰੇ ਬੁੱਲਾਂ ਵੱਲ ਵੇਖੋ ਤਾਂ ਇਹ ਬੇਹੱਦ ਸੁੱਕੇ ਸਨ। ਮੇਰੇ ਬੁੱਲਾਂ ਉੱਤੇ ਕੁਝ ਵੀ ਨਹੀਂ ਸੀ। ਅਜਿਹੇ ਵਿਚ ਲਿਪ ਬਾਮ ਵਰਗੀ ਚੀਜ ਨਾਲ ਗੇਂਦ ਨੂੰ ਚਮਕਾਉਣ ਦੀ ਗੱਲ ਕਿਉਂ ਕਹੀ ਗਈ। ਮੈਂ ਥੁੱਕ ਨਾਲ ਗੇਂਦ ਨੂੰ ਚਮਕਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਇਸਦੇ ਇਲਾਵਾ ਕੁੱਝ ਨਹੀਂ ਸੀ।
ਜੇਮਸ ਨੇ ਵੀ ਕੀਤੀ ਸੀ ਗੇਂਦ ਨਾਲ ਛੇੜਖਾਨੀ
ਜ਼ਿਕਰਯੋਗ ਹੈ ਕਿ ਆਸਟਰੇਲੀਆ-ਇੰਗਲੈਂਡ ਸੀਰੀਜ਼ ਦੌਰਾਨ, ਇਸ ਤੋਂ ਪਹਿਲਾਂ ਵੀ ਗੇਂਦ ਟੇਂਪਰਿੰਗ ਦੇ ਇਲਜ਼ਾਮ ਲੱਗੇ ਸਨ। ਪਿਛਲੇ ਮਹੀਨੇ ਏਸ਼ੇਜ਼ ਸੀਰੀਜ਼ ਦੇ ਮੈਲਬੋਰਨ ਟੈਸਟ ਦੌਰਾਨ ਇੰਗਲੈਂਡ ਦੇ ਤੇਜ ਗੇਂਦਬਾਜ਼ ਜੇਮਸ ਐਂਡਰਸਨ ਉੱਤੇ ਅੰਗੂਠੇ ਦੇ ਨਾਖੂਨ ਨਾਲ ਗੇਂਦ ਨੂੰ ਰਗੜਨ ਦਾ ਇਲਜ਼ਾਮ ਲੱਗਾ ਸੀ। ਇਹ ਕਿਹਾ ਗਿਆ ਸੀ ਕਿ ਗੇਂਦ ਨਾਲ ਜ਼ਿਆਦਾ ਮਦਦ ਹਾਸਲ ਕਰਨ ਲਈ ਐਂਡਰਸਨ ਅਜਿਹਾ ਕਰ ਰਹੇ ਸਨ। ਆਸਟਰੇਲੀਆ ਦੇ ਸਾਬਕਾ ਕ੍ਰਿਕਟਰ ਮਾਈਕਲ ਸਲੇਟਰ ਅਤੇ ਸ਼ੇਨ ਵਾਰਨ ਨੇ ਐਂਡਰਸਨ ਨੂੰ ਇਸਦੇ ਲਈ ਲੰਬੇ ਹੱਥੀ ਲਿਆ ਸੀ।
ਫਰਿਆਲ ਮਖਦੂਮ ਤੇ ਆਮਿਰ ਖਾਨ ਫਿਰ ਹੋਏ ਇਕੱਠੇ
NEXT STORY