ਨਵੀਂ ਦਿੱਲੀ - ਦੇਸ਼ ਭਰ ’ਚ ਲੱਖਾਂ ਕਰਦਾਤਾ ਇਨ੍ਹੀਂ ਦਿਨੀਂ ਆਪਣੇ ਆਮਦਨ ਕਰ ਰਿਫੰਡ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਤਾਜ਼ਾ ਅੰਕੜਿਆਂ ਅਨੁਸਾਰ 27 ਲੱਖ ਤੋਂ ਵੱਧ ਆਮਦਨ ਕਰ ਰਿਫੰਡ ਅਜੇ ਤੱਕ ਪ੍ਰੋਸੈੱਸ ਨਹੀਂ ਹੋ ਸਕੇ ਹਨ, ਜਿਸ ਨਾਲ ਲੋਕਾਂ ’ਚ ਚਿੰਤਾ ਅਤੇ ਨਾਰਾਜ਼ਗੀ ਵਧਦੀ ਜਾ ਰਹੀ ਹੈ। ਆਮਦਨ ਕਰ ਵਿਭਾਗ ਮੁਤਾਬਕ ਵਿੱਤੀ ਸਾਲ 2025-26 ਲਈ ਹੁਣ ਤੱਕ ਕਰੋੜਾਂ ਰਿਟਰਨ ਦਾਖਲ ਕੀਤੀਆਂ ਜਾ ਚੁੱਕੀਆਂ ਹਨ ਪਰ ਵੱਡੀ ਗਿਣਤੀ ’ਚ ਰਿਫੰਡ ਅਜੇ ਵੀ ਪੈਂਡਿੰਗ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਦੇਰੀ ਸਿਰਫ ਪ੍ਰਸ਼ਾਸਕੀ ਨਹੀਂ, ਸਗੋਂ ਤਕਨੀਕੀ ਅਤੇ ਡਾਟਾ ਨਾਲ ਜੁੜੀਆਂ ਖਾਮੀਆਂ ਕਾਰਨ ਵੀ ਹੋ ਰਹੀ ਹੈ।
ਕਦੋਂ ਤੱਕ ਮਿਲੇਗਾ ਰਿਫੰਡ
ਨਿਯਮਾਂ ਅਨੁਸਾਰ ਆਮਦਨ ਕਰ ਵਿਭਾਗ ਨੂੰ ਰਿਫੰਡ ਜਾਰੀ ਕਰਨ ਲਈ ਨਿਰਧਾਰਤ ਸਮਾਂ ਹੱਦ ਦਿੱਤੀ ਗਈ ਹੈ ਪਰ ਮੌਜੂਦਾ ਹਾਲਾਤ ’ਚ ਕਈ ਮਾਮਲਿਆਂ ’ਚ 45 ਦਿਨਾਂ ਤੋਂ ਲੈ ਕੇ ਕਈ ਮਹੀਨਿਆਂ ਤੱਕ ਦੀ ਦੇਰੀ ਦੇਖੀ ਜਾ ਰਹੀ ਹੈ। ਤਾਜ਼ਾ ਸਥਿਤੀ ਇਹ ਹੈ ਕਿ ਕਰੋੜਾਂ ਦੇ ਰਿਟਰਨ ਦਾਖਲ ਹੋ ਚੁੱਕੀਆਂ ਹਨ ਪਰ ਵੱਡੀ ਗਿਣਤੀ ’ਚ ਵੈਰੀਫਿਕੇਸ਼ਨ ਪੂਰੀ ਹੋਣ ਦੇ ਬਾਵਜੂਦ ਲੱਖਾਂ ਰਿਫੰਡ ਪ੍ਰੋਸੈੱਸ ’ਚ ਰੁਕੇ ਹੋਏ ਹਨ। ਤਕਨੀਕੀ ਖਾਮੀਆਂ ਅਤੇ ਜਾਂਚ ਪ੍ਰਕਿਰਿਆ ਕਾਰਨ ਆਮਦਨ ਕਰ ਰਿਫੰਡ ’ਚ ਦੇਰੀ ਨੇ ਲੱਖਾਂ ਲੋਕਾਂ ਦੀ ਚਿੰਤਾ ਵਧਾ ਦਿੱਤੀ ਹੈ। ਜੇਕਰ ਸਮੇਂ ਸਿਰ ਸੁਧਾਰ ਨਹੀਂ ਹੋਇਆ ਤਾਂ ਇਹ ਮੁੱਦਾ ਹੋਰ ਗੰਭੀਰ ਰੂਪ ਲੈ ਸਕਦਾ ਹੈ।
ਰਿਫੰਡ ਰੁਕਣ ਦੇ ਮੁੱਖ ਕਾਰਨ
ਡਾਟਾ ’ਚ ਗੜਬੜੀ : ਆਈ. ਟੀ. ਆਰ., ਏ. ਆਈ. ਐੱਸ. ਅਤੇ ਫਾਰਮ 26-ਏ. ਐੱਸ. ਦੀ ਜਾਣਕਾਰੀ ’ਚ ਅੰਤਰ।
ਈ-ਵੈਰੀਫਿਕੇਸ਼ਨ ਅਧੂਰੀ : ਸਮੇਂ ਸਿਰ ਵੈਰੀਫਿਕੇਸ਼ਨ ਨਾ ਹੋਣ ਨਾਲ ਪ੍ਰੋਸੈੱਸ ਰੁਕ ਜਾਂਦਾ ਹੈ।
ਆਖਰੀ ਸਮੇਂ ’ਚ ਫਾਈਲਿੰਗ : ਇਕ ਨਾਲ ਜ਼ਿਆਦਾ ਰਿਟਰਨ ਆਉਣ ਨਾਲ ਸਿਸਟਮ ’ਤੇ ਦਬਾਅ।
ਗੁੰਝਲਦਾਰ ਮਾਮਲਿਆਂ ਦੀ ਜਾਂਚ : ਵੱਡੇ ਜਾਂ ਅਸਧਾਰਨ ਰਿਫੰਡ ਵਾਲੇ ਕੇਸਾਂ ’ਚ ਜ਼ਿਆਦਾ ਜਾਂਚ।
ਬੈਂਕ ਡਿਟੇਲਜ਼ ’ਚ ਗਲਤੀ : ਗਲਤ ਜਾਂ ਗੈਰ-ਪ੍ਰਮਾਣਿਤ ਖਾਤਾ ਜਾਣਕਾਰੀ
ਮਾਹਿਰਾਂ ਦੀ ਕਰਦਾਤਿਆਂ ਨੂੰ ਸਲਾਹ:
ਰਿਟਰਨ ਭਰਨ ਤੋਂ ਬਾਅਦ ਤੁਰੰਤ ਈ-ਵੈਰੀਫਿਕੇਸ਼ਨ ਪੂਰੀ ਕਰੋ।
ਬੈਂਕ ਡਿਟੇਲਜ਼ ਅਤੇ ਪੈਨ ਲਿੰਕਿੰਗ ਦੀ ਜਾਂਚ ਕਰੋ।
ਸਾਰੇ ਦਸਤਾਵੇਜ਼ਾਂ ਦਾ ਮਿਲਾਨ ਸਹੀ ਤਰੀਕੇ ਨਾਲ ਕਰੋ।
1 ਅਪ੍ਰੈਲ ਤੋਂ ਲੱਗੇਗਾ ਇਕ ਹੋਰ ਝਟਕਾ! Painkiller-Antibiotic ਸਣੇ 767 ਦਵਾਈਆਂ ਹੋਣਗੀਆਂ ਮਹਿੰਗੀਆਂ
NEXT STORY 
