ਨਵੀਂ ਦਿੱਲੀ - ਡਾਬਰ ਇੰਡੀਆ ਲਿਮਟਿਡ ਦੇ ਸ਼ਹਿਦ ਵਿੱਚ ਕੈਂਸਰ ਪੈਦਾ ਕਰਨ ਵਾਲੇ ਰਸਾਇਣਾਂ ਦੀ ਮੌਜੂਦਗੀ ਦਾ ਦਾਅਵਾ ਕੀਤਾ ਗਿਆ ਹੈ। ਇਕ ਰਿਪੋਰਟ ਮੁਤਾਬਕ ਡਾਬਰ ਦੇ ਸ਼ਹਿਦ 'ਚ ਕਾਰਸੀਨੋਜੇਨਿਕ ਪਦਾਰਥ ਦੀ ਮਾਤਰਾ ਨਿਰਧਾਰਤ ਸੀਮਾ ਤੋਂ ਜ਼ਿਆਦਾ ਹੁੰਦੀ ਹੈ। ਹਾਲਾਂਕਿ, ਕੰਪਨੀ ਦੇ ਮੁੱਖ ਵਿੱਤੀ ਅਧਿਕਾਰੀ (CFO) ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਉਤਪਾਦ FSSAI ਅਤੇ AGMARK ਦੇ ਮਾਪਦੰਡਾਂ ਦੇ ਅਨੁਸਾਰ ਬਣਾਏ ਗਏ ਹਨ ਅਤੇ ਪੂਰੀ ਤਰ੍ਹਾਂ ਸ਼ੁੱਧ ਹਨ।
ਇਹ ਵੀ ਪੜ੍ਹੋ : ਗੌਤਮ ਅਡਾਨੀ ਦੀ ਵੱਡੀ ਡੀਲ, ਖ਼ਰੀਦੀ ਸੀਮੈਂਟ ਸੈਕਟਰ ਦੀ ਇਹ ਕੰਪਨੀ, ਜਾਣੋ ਕਿੰਨੇ 'ਚ ਹੋਇਆ ਸੌਦਾ
HMF ਦੀ ਮਾਤਰਾ ਵੀ ਸੀਮਾ ਤੋਂ ਵੱਧ
ਰਿਪੋਰਟ ਵਿੱਚ ਦੱਸਿਆ ਕਿ ਡਾਬਰ ਦੇ ਸ਼ਹਿਦ ਵਿੱਚ ਐਚਐਮਐਫ ਦੀ ਮਾਤਰਾ ਵੀ ਮਨੁੱਖੀ ਪਾਚਨ ਲਈ ਸੀਮਾ ਤੋਂ ਵੱਧ ਹੈ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਸਾਡੇ ਦੇਸ਼ ਵਿੱਚ ਡਾਬਰ ਵਰਗੇ ਵੱਡੇ ਬ੍ਰਾਂਡ ਵੀ ਸ਼ੁੱਧ ਸ਼ਹਿਦ ਦਾ ਦਾਅਵਾ ਕਰਕੇ ਮਿਲਾਵਟੀ ਸ਼ਹਿਦ ਵੇਚ ਰਹੇ ਹਨ।
ਕੰਪਨੀ ਨੇ ਨੇ ਜਾਰੀ ਕੀਤਾ ਸਪੱਸ਼ਟੀਕਰਨ
ਇਸ ਤੋਂ ਬਾਅਦ, ਕੰਪਨੀ ਦੇ ਮੁੱਖ ਵਿੱਤੀ ਅਧਿਕਾਰੀ ਅੰਕੁਸ਼ ਜੈਨ ਨੇ ਕਿਹਾ ਕਿ ਡਾਬਰ ਹਨੀ ਦਾ ਹਰ ਬੈਚ ਕੱਚਾ ਮਾਲ ਪ੍ਰਾਪਤ ਕਰਨ ਤੋਂ ਲੈ ਕੇ ਅੰਤਮ ਉਤਪਾਦ ਦੀ ਪੈਕਿੰਗ ਤੱਕ ਐਫਐਸਐਸਏਆਈ ਦੇ ਮਾਪਦੰਡਾਂ ਅਨੁਸਾਰ ਤਿਆਰ ਕੀਤਾ ਜਾਂਦਾ ਹੈ। ਉਸਨੇ ਅੱਗੇ ਕਿਹਾ ਕਿ ਕੰਪਨੀ ਨੂੰ ਹਾਲ ਹੀ ਵਿੱਚ AGMARK ਤੋਂ ਇੱਕ ਵਿਸ਼ੇਸ਼ ਨੋਟ ਮਿਲਿਆ ਹੈ ਅਤੇ ਅਸੀਂ ਕਹਿ ਸਕਦੇ ਹਾਂ ਕਿ ਡਾਬਰ ਭਾਰਤ ਵਿੱਚ ਸਭ ਤੋਂ ਸ਼ੁੱਧ ਸ਼ਹਿਦ ਬਣਾਉਂਦਾ ਹੈ।
ਇਹ ਵੀ ਪੜ੍ਹੋ : ਸਸਤੇ ਘਰ ਖ਼ਰੀਦਣ ਵਾਲਿਆਂ ’ਤੇ ਡਿੱਗੀ ਗਾਜ, 2 ਸਾਲਾਂ ’ਚ 20 ਫੀਸਦੀ ਮਹਿੰਗੀ ਹੋਈ EMI
HMF ਕੀ ਹੈ?
HMF ਇੱਕ ਜੈਵਿਕ ਮਿਸ਼ਰਣ ਹੈ ਜੋ ਮਿੱਠੇ ਭੋਜਨ ਅਤੇ ਪੀਣ ਵਾਲੇ ਪਦਾਰਥਾਂ ਵਿੱਚ ਪਾਇਆ ਜਾਂਦਾ ਹੈ। ਸ਼ਹਿਦ ਵਿੱਚ HMF ਦਾ ਪੱਧਰ ਇਸਦੀ ਤਾਜ਼ਗੀ ਦਾ ਸੂਚਕ ਹੈ। ਸ਼ੁੱਧ ਸ਼ਹਿਦ ਵਿੱਚ ਇਸ ਦੀ ਮਾਤਰਾ 15 ਮਿਲੀਗ੍ਰਾਮ ਹੈ। ਪਰ ਜੇਕਰ ਇਸ ਦੀ ਮਾਤਰਾ 40 ਮਿਲੀਗ੍ਰਾਮ ਤੋਂ ਵੱਧ ਜਾਂਦੀ ਹੈ, ਤਾਂ ਇਹ ਸ਼ਹਿਦ ਨੂੰ ਜ਼ਹਿਰੀਲਾ ਬਣਾ ਸਕਦਾ ਹੈ।
ਕਿਹੜੀਆਂ ਹਾਲਤਾਂ ਵਿੱਚ HMF ਦੀ ਵਧਦੀ ਹੈ ਮਾਤਰਾ
ਅਮਰੀਕਾ ਦੇ ਨੈਸ਼ਨਲ ਸੈਂਟਰ ਫਾਰ ਬਾਇਓਟੈਕਨਾਲੋਜੀ ਇਨਫਰਮੇਸ਼ਨ ਅਨੁਸਾਰ, ਸ਼ਹਿਦ ਪੁਰਾਣੇ ਹੋਣ 'ਤੇ ਐਚਐਮਐਫ ਦੀ ਮਾਤਰਾ ਵੱਧ ਜਾਂਦੀ ਹੈ। ਇਸ ਤੋਂ ਇਲਾਵਾ, ਪ੍ਰੋਸੈਸਿੰਗ ਦੌਰਾਨ ਗਰਮੀ, ਨਮੀ, ਚੀਨੀ ਦੇ ਰਸ ਨੂੰ ਜੋੜਨਾ ਅਤੇ ਸਟੋਰੇਜ ਲਈ ਧਾਤੂ ਦੇ ਡੱਬਿਆਂ ਦੀ ਵਰਤੋਂ ਸ਼ਹਿਦ ਵਿੱਚ ਹਾਈਡ੍ਰੋਕਸੀ ਮਿਥਾਇਲ ਫਰਫਰਲ ਦੀ ਮਾਤਰਾ ਨੂੰ ਵਧਾਉਂਦੀ ਹੈ।
ਇਹ ਵੀ ਪੜ੍ਹੋ : ਜਾਣੋ Everything App ਕੀ ਹੈ? 'Twitter' ਦੀ ਆਰਥਿਕ ਹਾਲਤ ਸੁਧਾਰਨ ਲਈ ਮਸਕ ਲੈ ਰਹੇ ਚੀਨ ਦਾ ਸਹਾਰਾ !
ਕੰਪਨੀ ਦੇ ਸਟਾਕ 'ਚ 3 ਫੀਸਦੀ ਦੀ ਗਿਰਾਵਟ
ਇਸ ਮੀਡੀਆ ਰਿਪੋਰਟ ਤੋਂ ਬਾਅਦ ਡਾਬਰ ਦਾ ਸਟਾਕ ਵੀਰਵਾਰ ਨੂੰ 556 ਰੁਪਏ 'ਤੇ ਖੁੱਲ੍ਹਿਆ ਅਤੇ 1.82 ਫੀਸਦੀ ਦੀ ਗਿਰਾਵਟ ਨਾਲ 555 ਰੁਪਏ 'ਤੇ ਬੰਦ ਹੋਇਆ। ਹਾਲਾਂਕਿ, ਮੱਧ ਵਪਾਰ ਵਿੱਚ ਕੰਪਨੀ ਦਾ ਸਟਾਕ 3% ਤੋਂ ਵੱਧ ਹੇਠਾਂ ਸੀ। ਇਹ ਪਿਛਲੇ 8 ਹਫਤਿਆਂ 'ਚ ਕੰਪਨੀ ਦਾ ਸਭ ਤੋਂ ਨੀਵਾਂ ਪੱਧਰ ਹੈ।
ਕੰਪਨੀ ਦਾ ਸ਼ੁੱਧ ਲਾਭ ਵਧਿਆ
ਡਾਬਰ ਇੰਡੀਆ ਦਾ ਏਕੀਕ੍ਰਿਤ ਸ਼ੁੱਧ ਲਾਭ, ਜੋ ਵਾਟਿਕਾ ਸ਼ੈਂਪੂ ਅਤੇ ਹਨੀਟਸ ਕਫ ਸੀਰਪ ਬ੍ਰਾਂਡਾਂ ਦਾ ਵਪਾਰ ਕਰਦਾ ਹੈ, 30 ਜੂਨ ਨੂੰ ਖਤਮ ਹੋਈ ਤਿਮਾਹੀ ਲਈ ਸਾਲਾਨਾ ਆਧਾਰ 'ਤੇ 5.4% ਵਧ ਕੇ 464 ਕਰੋੜ ਰੁਪਏ ਹੋ ਗਿਆ। ਡਾਬਰ ਹਨੀ ਅਤੇ ਚਯਵਨਪ੍ਰਾਸ਼ ਮੇਕਰ ਦੀ ਆਮਦਨ ਅਪ੍ਰੈਲ-ਜੂਨ ਤਿਮਾਹੀ 'ਚ ਕਰੀਬ 11% ਵਧ ਕੇ 3130 ਕਰੋੜ ਰੁਪਏ ਹੋ ਗਈ। CFO ਅੰਕੁਸ਼ ਜੈਨ ਨੇ ਕਿਹਾ ਕਿ ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਪਹਿਲੀ ਵਾਰ ਇੱਕ ਤਿਮਾਹੀ ਵਿੱਚ 3,000 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕੀਤਾ ਹੈ।
ਇਹ ਵੀ ਪੜ੍ਹੋ : ਕੇਂਦਰੀ ਵਿੱਤ ਮੰਤਰੀ ਦਾ ਵੱਡਾ ਫ਼ੈਸਲਾ: ਆਨਲਾਈਨ ਗੇਮਿੰਗ ’ਤੇ ਲੱਗੇਗਾ 28 ਫ਼ੀਸਦੀ ਟੈਕਸ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਐਪਲ ਨੇ ਭਾਰਤ 'ਚ ਜੂਨ ਤਿਮਾਹੀ 'ਚ ਕੀਤੀ ਰਿਕਾਰਡ ਕਮਾਈ, ਆਈਫੋਨ ਦੀ ਹੋਈ ਜ਼ਬਰਦਸਤ ਵਿਕਰੀ
NEXT STORY 
