ਵੈੱਬ ਡੈਸਕ - 7 ਫਰਵਰੀ ਨੂੰ ਭਾਰਤੀ ਰਿਜ਼ਰਵ ਬੈਂਕ (RBI) ਵੱਲੋਂ ਰੈਪੋ ਰੇਟ ’ਚ ਕਟੌਤੀ ਤੋਂ ਬਾਅਦ, ਸ਼ਿਵਾਲਿਕ ਸਮਾਲ ਫਾਈਨੈਂਸ ਬੈਂਕ (SFB) ਨੇ ਫਿਕਸਡ ਡਿਪਾਜ਼ਿਟ (FD) 'ਤੇ ਆਪਣੀਆਂ ਵਿਆਜ ਦਰਾਂ ਘਟਾ ਦਿੱਤੀਆਂ ਹਨ। ਆਪਣੀ ਵੈੱਬਸਾਈਟ ਦੇ ਅਨੁਸਾਰ, ਸ਼ਿਵਾਲਿਕ ਸਮਾਲ ਫਾਈਨੈਂਸ ਬੈਂਕ ਹੁਣ ਸੀਨੀਅਰ ਨਾਗਰਿਕਾਂ ਲਈ ਐਫਡੀ 'ਤੇ 3.50% ਤੋਂ 8.55% ਅਤੇ 4% ਤੋਂ 9.05% ਤੱਕ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰਦਾ ਹੈ। ਪਹਿਲਾਂ, ਬੈਂਕ ਆਮ ਨਾਗਰਿਕਾਂ ਲਈ ਐਫਡੀ 'ਤੇ 8.8% ਤੱਕ ਅਤੇ ਸੀਨੀਅਰ ਨਾਗਰਿਕਾਂ ਲਈ ਐਫਡੀ 'ਤੇ 9.3% ਤੱਕ ਦੀ ਵਿਆਜ ਦਰ ਦੀ ਪੇਸ਼ਕਸ਼ ਕਰਦਾ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਸੋਧੀਆਂ ਹੋਈਆਂ FD ਵਿਆਜ ਦਰਾਂ 18 ਫਰਵਰੀ, 2025 ਤੋਂ ਲਾਗੂ ਹੋਣਗੀਆਂ।
SFB ਨੇ ਕਿਸ ਸਮੇਂ ਲਈ ਆਪਣੀਆਂ FD ਵਿਆਜ ਦਰਾਂ ਘਟਾ ਦਿੱਤੀਆਂ ਹਨ?
ਬੈਂਕ ਦੀ ਵੈੱਬਸਾਈਟ 'ਤੇ ਉਪਲਬਧ ਜਾਣਕਾਰੀ ਦੇ ਅਨੁਸਾਰ, ਸ਼ਿਵਾਲਿਕ ਸਮਾਲ ਫਾਈਨੈਂਸ ਬੈਂਕ ਨੇ ਆਪਣੀਆਂ ਐੱਫ.ਡੀ. ਵਿਆਜ ਦਰਾਂ ਨੂੰ 25 ਬੇਸਿਸ ਪੁਆਇੰਟ ਘਟਾ ਦਿੱਤਾ ਹੈ, ਜਿਸ ਨਾਲ ਸੀਨੀਅਰ ਨਾਗਰਿਕਾਂ ਲਈ 12 ਮਹੀਨੇ ਅਤੇ 1 ਦਿਨ ਤੋਂ 18 ਮਹੀਨਿਆਂ ਤੋਂ ਘੱਟ ਸਮੇਂ ਲਈ ਐੱਫ.ਡੀ. ਦੀ ਵੱਧ ਤੋਂ ਵੱਧ ਦਰ 9.30% ਤੋਂ ਘਟਾ ਕੇ 9.05% ਕਰ ਦਿੱਤੀ ਗਈ ਹੈ। ਆਮ ਨਾਗਰਿਕਾਂ ਲਈ, ਬੈਂਕ ਨੇ ਇਸੇ ਸਮੇਂ ਦੌਰਾਨ FD 'ਤੇ ਸਭ ਤੋਂ ਵੱਧ ਦਰ 8.80% ਤੋਂ ਘਟਾ ਕੇ 8.55% ਕਰ ਦਿੱਤੀ ਹੈ।
SFB ਐੱਫ.ਡੀ. ਵਿਆਜ ਦਰਾਂ
ਸ਼ਿਵਾਲਿਕ ਸਮਾਲ ਫਾਈਨਾਂਸ ਬੈਂਕ 15 ਤੋਂ 29 ਦਿਨਾਂ ਦੀ ਮਿਆਦ ਵਾਲੀ FD 'ਤੇ 3.75% ਦੀ ਵਿਆਜ ਦਰ ਦੀ ਪੇਸ਼ਕਸ਼ ਕਰਦਾ ਹੈ। ਇਹ ਸਮਾਲ ਫਾਈਨੈਂਸ ਬੈਂਕ 30 ਤੋਂ 90 ਦਿਨਾਂ ਦੀ ਮਿਆਦ ਲਈ ਐੱਫ.ਡੀ. 'ਤੇ 4.25% ਅਤੇ 91 ਤੋਂ 180 ਦਿਨਾਂ ਦੀ ਮਿਆਦ ਲਈ 4.75% ਦੀ ਵਿਆਜ ਦਰ ਦੀ ਪੇਸ਼ਕਸ਼ ਕਰਦਾ ਹੈ। ਸ਼ਿਵਾਲਿਕ ਸਮਾਲ ਫਾਈਨਾਂਸ ਬੈਂਕ ਦੀ ਵੈੱਬਸਾਈਟ ਦੇ ਅਨੁਸਾਰ, ਪੂਰਵ-ਭੁਗਤਾਨ 'ਤੇ ਬੈਂਕ ’ਚ ਜਮ੍ਹਾਂ ਰਕਮ ਰੱਖਣ ਦੀ ਮਿਆਦ ਦੌਰਾਨ ਇਕੱਠੇ ਹੋਏ ਵਿਆਜ 'ਤੇ 1% ਦਾ ਜੁਰਮਾਨਾ ਲੱਗੇਗਾ, ਨਾ ਕਿ ਇਕਰਾਰਨਾਮੇ ਵਾਲੀ ਦਰ 'ਤੇ।
RBI ਨੇ ਕੀਤੀ ਸੀ ਕਟੌਤੀ
ਤੁਹਾਨੂੰ ਦੱਸ ਦੇਈਏ ਕਿ ਰੈਪੋ ਰੇਟ ’ਚ 25 ਬੇਸਿਸ ਪੁਆਇੰਟ ਦੀ ਕਟੌਤੀ ਕੀਤੀ ਗਈ ਹੈ, ਜਿਸ ਕਾਰਨ ਮੌਜੂਦਾ ਰੈਪੋ ਰੇਟ ਹੁਣ 6.25 ਫੀਸਦੀ ਹੋ ਗਿਆ ਹੈ। ਰੈਪੋ ਰੇਟ ’ਚ ਇਹ ਕਟੌਤੀ 5 ਸਾਲਾਂ ਬਾਅਦ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ, ਆਰ.ਬੀ.ਆਈ. ਨੇ ਮਈ 2020 ਵਿਚ ਰੈਪੋ ਰੇਟ ਘਟਾ ਦਿੱਤਾ ਸੀ। ਹਾਲਾਂਕਿ ਇਸ ਤੋਂ ਬਾਅਦ ਇਸਨੂੰ ਹੌਲੀ-ਹੌਲੀ ਵਧਾ ਕੇ 6.5 ਫੀਸਦੀ ਕਰ ਦਿੱਤਾ ਗਿਆ। ਆਖਰੀ ਵਾਰ ਰੈਪੋ ਰੇਟ ਫਰਵਰੀ 2023 ’ਚ ਵਧਾਇਆ ਗਿਆ ਸੀ।
ਹਲਕੀ ਰਿਕਵਰੀ ਦੇ ਬਾਅਦ ਸਪਾਟ ਹੋਈ ਮਾਰਕਿਟ ਦੀ ਕਲੋਜ਼ਿੰਗ, ਇਨ੍ਹਾਂ ਸ਼ੇਅਰਾਂ 'ਚ ਦਿਖਿਆ ਬੰਪਰ ਵਾਧਾ
NEXT STORY 
