ਕੋਲਕਾਤਾ (ਭਾਸ਼ਾ) - ਕੈਲੰਡਰ ਸਾਲ 2023 ਦੇ ਪਹਿਲੇ 11 ਮਹੀਨਿਆਂ 'ਚ ਭਾਰਤ ਤੋਂ ਚਾਹ ਦਾ ਨਿਰਯਾਤ 1.17 ਫ਼ੀਸਦੀ ਘੱਟ ਕੇ 20.71 ਕਰੋੜ ਕਿਲੋਗ੍ਰਾਮ 'ਤੇ ਆ ਗਿਆ। ਇਹ ਜਾਣਕਾਰੀ ਅਧਿਕਾਰਤ ਅੰਕੜਿਆਂ ਵਿੱਚ ਦਿੱਤੀ ਗਈ ਹੈ। ਸਾਲ 2022 ਦੀ ਇਸੇ ਮਿਆਦ 'ਚ ਦੇਸ਼ ਤੋਂ 20.96 ਕਰੋੜ ਕਿਲੋ ਚਾਹ ਬਰਾਮਦ ਕੀਤੀ ਗਈ ਸੀ। ਜਦੋਂ ਕਿ ਪੂਰੇ ਕੈਲੰਡਰ ਸਾਲ 2022 ਵਿੱਚ ਕੁੱਲ 23.10 ਕਰੋੜ ਕਿਲੋਗ੍ਰਾਮ ਚਾਹ ਬਰਾਮਦ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ - ਕਿਸਾਨਾਂ ਲਈ ਚੰਗੀ ਖ਼ਬਰ: ਪਿਆਜ਼ ਦੇ ਨਿਰਯਾਤ ਤੋਂ ਮੋਦੀ ਸਰਕਾਰ ਨੇ ਹਟਾਈ ਪਾਬੰਦੀ
ਚਾਹ ਬੋਰਡ ਦੁਆਰਾ ਜਾਰੀ ਕੀਤੇ ਗਏ ਨਿਰਯਾਤ ਅੰਕੜਿਆਂ ਅਨੁਸਾਰ ਪਿਛਲੇ ਸਾਲ ਜਨਵਰੀ-ਨਵੰਬਰ ਦੀ ਮਿਆਦ ਵਿੱਚ ਮੁੱਖ ਤੌਰ 'ਤੇ ਅਸਾਮ ਅਤੇ ਪੱਛਮੀ ਬੰਗਾਲ ਵਰਗੇ ਉੱਤਰੀ ਭਾਰਤੀ ਖੇਤਰਾਂ ਤੋਂ ਬਰਾਮਦ ਵਿੱਚ ਕਮੀ ਆਈ ਹੈ। ਇਹ ਇਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਵਿਚ 13.22 ਕਰੋੜ ਕਿਲੋਗ੍ਰਾਮ ਤੋਂ ਘਟ ਕੇ 12.52 ਕਰੋੜ ਕਿਲੋਗ੍ਰਾਮ ਰਹਿ ਗਿਆ। ਅੰਕੜਿਆਂ ਅਨੁਸਾਰ 2023 ਦੇ ਪਹਿਲੇ 11 ਮਹੀਨਿਆਂ ਵਿੱਚ ਦੱਖਣੀ ਭਾਰਤ ਤੋਂ ਨਿਰਯਾਤ ਜਨਵਰੀ-ਨਵੰਬਰ 2022 ਦੇ 7.73 ਕਰੋੜ ਕਿਲੋਗ੍ਰਾਮ ਦੇ ਮੁਕਾਬਲੇ ਵਧ ਕੇ 8.18 ਕਰੋੜ ਕਿਲੋਗ੍ਰਾਮ ਹੋ ਗਿਆ।
ਇਹ ਵੀ ਪੜ੍ਹੋ - RBI ਅਤੇ ED ਦੀ ਕਾਰਵਾਈ ਤੋਂ ਬਾਅਦ Paytm ਨੂੰ ਲੱਗਾ ਇੱਕ ਹੋਰ ਵੱਡਾ ਝਟਕਾ
ਉਦਯੋਗਿਕ ਸੂਤਰਾਂ ਨੇ ਕਿਹਾ ਕਿ ਦੇਸ਼ ਦੀ ਸਮੁੱਚੀ ਚਾਹ ਨਿਰਯਾਤ ਵਿੱਚ ਗਿਰਾਵਟ ਮੁੱਖ ਤੌਰ 'ਤੇ ਈਰਾਨ ਦੇ ਬਾਜ਼ਾਰ ਵਿੱਚ ਭੁਗਤਾਨ ਸਮੱਸਿਆਵਾਂ ਕਾਰਨ ਵਾਲੀਅਮ ਵਿੱਚ ਗਿਰਾਵਟ ਕਾਰਨ ਹੈ। ਕਾਮਨਵੈਲਥ ਆਫ ਇੰਡੀਪੈਂਡੈਂਟ ਸਟੇਟਸ (ਸੀਆਈਐੱਸ) ਤੋਂ ਬਾਅਦ ਭਾਰਤ ਦੇ ਕੁਲ ਚਾਹ ਨਿਰਯਾਤ ਦਾ 20 ਫ਼ੀਸਦੀ ਹਿੱਸਾ ਈਰਾਨ ਦਾ ਹੈ। ਸੂਤਰਾਂ ਨੇ ਇਹ ਵੀ ਕਿਹਾ ਕਿ 2023 ਦੇ ਪੂਰੇ ਕੈਲੰਡਰ ਸਾਲ ਲਈ ਨਿਰਯਾਤ ਦਾ ਦ੍ਰਿਸ਼ਟੀਕੋਣ ਗੰਭੀਰ ਬਣਿਆ ਹੋਇਆ ਹੈ, ਕਿਉਂਕਿ ਪੱਛਮੀ ਏਸ਼ੀਆਈ ਦੇਸ਼ਾਂ ਵਿੱਚ ਬਰਾਮਦ ਨੂੰ ਲੈ ਕੇ ਅਨਿਸ਼ਚਿਤਤਾ ਹੈ। ਦਸੰਬਰ, 2023 ਵਿੱਚ ਚਾਹ ਦਾ ਉਤਪਾਦਨ 7.75 ਕਰੋੜ ਕਿਲੋਗ੍ਰਾਮ ਹੋਣ ਦਾ ਅਨੁਮਾਨ ਹੈ, ਜੋ ਇੱਕ ਸਾਲ ਪਹਿਲਾਂ ਇਸੇ ਮਹੀਨੇ ਵਿੱਚ 6.45 ਕਰੋੜ ਕਿਲੋਗ੍ਰਾਮ ਤੋਂ ਵੱਧ ਹੈ।
ਇਹ ਵੀ ਪੜ੍ਹੋ - Paytm ਦਾ FASTag ਇਸਤੇਮਾਲ ਕਰਨ ਵਾਲੇ ਸਾਵਧਾਨ! ਦੇਣਾ ਪੈ ਸਕਦੈ ਦੁੱਗਣਾ ਟੋਲ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦਿੱਲੀ ਹਵਾਈ ਅੱਡੇ ਤੋਂ ਜਲਦ ਹਟਣਗੀਆਂ ਸਸਤੀਆਂ ਏਅਲਾਈਨਸ, ਜਾਣੋ ਵਜ੍ਹਾ
NEXT STORY 
