ਨਵੀਂ ਦਿੱਲੀ- ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਰਾਤ 8:30 ਵਜੇ ਭਾਰੀ ਗਿਰਾਵਟ ਆਈ। ਚਾਂਦੀ ਦੀਆਂ ਕੀਮਤਾਂ ਜਲਦੀ ਹੀ 2.26 ਲੱਖ ਰੁਪਏ ਦੇ ਨੇੜੇ ਪਹੁੰਚ ਗਈਆਂ। ਸੋਨੇ ਦੀਆਂ ਕੀਮਤਾਂ ਵਿੱਚ ਵੀ ਰਿਕਾਰਡ ਗਿਰਾਵਟ ਦਰਜ ਕੀਤੀ ਗਈ। ਇਹ ਗਿਰਾਵਟ ਮਲਟੀ-ਕਮੋਡਿਟੀ ਮਾਰਕੀਟ (MCX) 'ਤੇ ਪ੍ਰਤੀਬਿੰਬਤ ਹੋਈ। ਮੰਗਲਵਾਰ ਰਾਤ ਨੂੰ ਮਲਟੀ ਕਮੋਡਿਟੀ ਐਕਸਚੇਂਜ (MCX) 'ਤੇ ਸੋਨਾ ਕਰੀਬ 3,800 ਰੁਪਏ ਤੱਕ ਟੁੱਟ ਗਿਆ, ਜਦਕਿ ਚਾਂਦੀ ਦੀਆਂ ਕੀਮਤਾਂ ਵਿੱਚ 5.58 ਫੀਸਦੀ ਦੀ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਮੰਗਲਵਾਰ ਰਾਤ ਨੂੰ MCX 'ਤੇ 5 ਮਾਰਚ ਦੇ ਵਾਅਦਾ ਬਾਜ਼ਾਰ ਲਈ ਚਾਂਦੀ ਦੀ ਕੀਮਤ 13,378 ਰੁਪਏ ਪ੍ਰਤੀ ਕਿਲੋ ਡਿੱਗ ਕੇ 2,26,513 ਰੁਪਏ 'ਤੇ ਆ ਗਈ ਹੈ। ਸੋਨੇ ਦੀਆਂ ਕੀਮਤਾਂ ਵਿੱਚ ਵੀ ਰਿਕਾਰਡ ਗਿਰਾਵਟ ਦੇਖੀ ਗਈ ਹੈ। 2 ਅਪ੍ਰੈਲ ਦੇ ਵਾਅਦਾ ਬਾਜ਼ਾਰ ਲਈ 10 ਗ੍ਰਾਮ ਸੋਨੇ ਦੀ ਕੀਮਤ 3,796 ਰੁਪਏ (2.45%) ਦੀ ਗਿਰਾਵਟ ਨਾਲ 1,50,964 ਰੁਪਏ 'ਤੇ ਪਹੁੰਚ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੰਗਲਵਾਰ ਨੂੰ ਇਹ ਹੁਣ ਤੱਕ ਦੀ ਸਭ ਤੋਂ ਵੱਡੀ ਗਿਰਾਵਟ ਹੈ।
ਇਹ ਵੀ ਪੜ੍ਹੋ- 6 ਛੱਕੇ, 11 ਚੌਕੇ... 19 ਸਾਲਾ ਬੱਲੇਬਾਜ਼ ਨੇ ਸੈਂਕੜਾ ਜੜ T20 ਵਿਸ਼ਵ ਕੱਪ 'ਚ ਰਚਿਆ ਇਤਿਹਾਸ
ਰਿਕਾਰਡ ਪੱਧਰ 'ਤੋਂ ਕਿੰਨਾ ਸਸਤਾ ਹੋਇਆ ਸੋਨਾ-ਚਾਂਦੀ
29 ਜਨਵਰੀ ਨੂੰ ਸੋਨਾ ਅਤੇ ਚਾਂਦੀ ਦੇ ਭਾਅ ਨੇ ਰਿਕਾਰਡ ਹਾਈ ਲੈਵਲ ਲਗਾਇਆ ਸੀ। ਚਾਂਦੀ ਦਾ ਰਿਕਾਰਡ ਹਾਈ ਲੈਵਲ 4.20 ਲੱਖ ਰੁਪਏ ਹੈ, ਜਿੱਥੋਂ ਚਾਂਦੀ ਹੁਣ 1.93 ਲੱਖ ਰੁਪਏ ਤੋਂ ਜ਼ਿਆਦਾ ਸਸਤੀ ਹੋ ਚੁੱਕੀ ਹੈ। ਉਥੇ ਹੀ ਸੋਨੇ ਦਾ ਰਿਕਾਰਡ ਹਾਈ ਲੈਵਲ 1.93 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਹੈ। ਇਸ ਹਿਸਾਲ ਨਾਲ ਤਾਂ ਸੋਨਾ 43 ਹਜ਼ਾਰ ਰੁਪਏ ਤੋਂ ਜ਼ਿਆਦਾ ਸਸਤਾ ਹੋਇਆ ਹੈ।
ਇਹ ਵੀ ਪੜ੍ਹੋ- T20 ਵਰਲਡ ਕੱਪ 'ਚੋਂ ਇੱਕੋ ਝਟਕੇ 'ਚ 3 ਟੀਮਾਂ ਬਾਹਰ
ਇੰਟਰਨੈਸ਼ਨਲ ਪੱਧਰ 'ਤੇ ਸੋਨਾ-ਚਾਂਦੀ ਦਾ ਭਾਅ
ਅੰਤਰਰਾਸ਼ਟਰੀ ਪੱਧਰ 'ਤੇ ਸੋਨਾ 4,920 – 4,950 ਡਾਲਰ ਪ੍ਰਤੀ ਔਂਸ ਅਤੇ ਚਾਂਦੀ 74 – 75 ਡਾਲਰ ਪ੍ਰਤੀ ਔਂਸ ਦੇ ਆਸ-ਪਾਸ ਕਾਰੋਬਾਰ ਕਰ ਰਹੀ ਸੀ। ਮਾਹਰਾਂ ਦਾ ਮੰਨਣਾ ਹੈ ਕਿ ਮੁਨਾਫਾਖੋਰੀ ਅਤੇ ਡਾਲਰ ਦੀ ਮਜ਼ਬੂਤੀ ਇਸ ਵੱਡੀ ਗਿਰਾਵਟ ਦੇ ਮੁੱਖ ਕਾਰਨ ਹਨ। ਇਸ ਗਿਰਾਵਟ ਕਾਰਨ ਗੋਲਡ ਅਤੇ ਸਿਲਵਰ ETFs ਵਿੱਚ ਵੀ 3 ਫੀਸਦੀ ਤੋਂ ਵੱਧ ਦੀ ਗਿਰਾਵਟ ਦੇਖੀ ਗਈ ਹੈ।
ਇਹ ਵੀ ਪੜ੍ਹੋ- T20 ਵਰਲਡ ਕੱਪ 'ਚ ਹੋਇਆ ਵੱਡਾ ਉਲਟਫੇਰ
Post Office ਦੀ ਧਮਾਕੇਦਾਰ ਸਕੀਮ ! ਹਰ ਮਹੀਨੇ 20,000 ਰੁਪਏ ਕਮਾਓ, ਇਹ ਹੈ ਪੂਰਾ ਗਣਿਤ
NEXT STORY 
