ਨਵੀਂ ਦਿੱਲੀ—ਆਮਦਨ ਟੈਕਸ ਵਿਭਾਗ ਨੇ ਸ਼ੇਅਰ ਡੈਰੀਵੇਟਿਵ (ਵਾਇਦਾ/ਵਿਕਲਪ) ਅਨੁਬੰਧਾਂ ਦੇ ਬਾਜ਼ਾਰ 'ਚ ਖਰੀਦਾਰੀ ਦੇ ਅਭਾਵ 'ਚ ਠੰਡੇ ਪਏ ਸ਼ੇਅਰਾਂ ਦੇ ਕਾਰੋਬਾਰ 'ਚ ਕਥਿਤ ਹੇਰਾਫੇਰੀ ਦੀ ਜਾਂਚ ਦੇ ਸਿਲਸਿਲੇ 'ਚ ਦੇਸ਼ ਭਰ 'ਚ ਕੁਝ ਸ਼ੇਅਰ ਬ੍ਰੋਕਰਾਂ ਅਤੇ ਕਾਰੋਬਾਰੀਆਂ ਦੇ ਠਿਕਾਣਿਆਂ ਦੀ ਤਲਾਸ਼ੀ ਲਈ ਹੈ। ਵਿਭਾਗ ਮੁਤਾਬਕ ਵੱਖ-ਵੱਖ ਇਕਾਈਆਂ ਨੇ ਡੇਰੀਵੇਟਿਵ ਬਾਜ਼ਾਰ 'ਚ ਠੰਡੇ ਪਏ ਸ਼ੇਅਰਾਂ ਦੇ ਵਿਕਲਪ ਦੇ ਅਨੁਬੰਧਾਂ ਦੇ ਲੈਣ-ਦੇਣ ਦੇ ਮਾਧਿਅਮ ਨਾਲ ਹਜ਼ਾਰਾਂ ਕਰੋੜ ਰੁਪਏ ਦੇ ਲਾਭ/ਹਾਨੀ ਦਿਖਾਉਣ ਦੀ ਧੋਖਾਧੜੀ ਕੀਤੀ ਹੈ।
ਵਿਭਾਗ ਨੇ ਸ਼ਨੀਵਾਰ ਨੂੰ ਇਕ ਬਿਆਨ 'ਚ ਕਿਹਾ ਕਿ ਇਹ ਕਾਰਵਾਈ ਮੁੰਬਈ, ਕੋਲਕਾਤਾ, ਕਾਨਪੁਰ, ਦਿੱਲੀ, ਨੋਇਡਾ, ਗੁਰੂਗ੍ਰਾਮ, ਹੈਦਰਾਬਾਦ ਅਤੇ ਗਾਜ਼ੀਆਬਾਦ 'ਚ 39 ਤੋਂ ਜ਼ਿਆਦਾ ਥਾਵਾਂ 'ਤੇ ਕੀਤੀ ਗਈ। ਵਿਭਾਗ ਨੇ ਕਿਹਾ ਕਿ ਇਹ ਬ੍ਰੋਕਰ ਬੀ.ਐੱਸ.ਈ. 'ਚ ਇਕਵਟੀ ਡੈਰੀਵੇਟਿਵ ਸ਼੍ਰੇਣੀ 'ਚ ਬਿਨ੍ਹਾਂ ਪੁੱਛ ਦੇ ਪਏ ਸ਼ੇਅਰਾਂ ਅਤੇ ਵਿਦੇਸ਼ੀ-ਵਿਨਿਯਮ ਡੈਰੀਵੇਟਿਵ ਖੰਡ 'ਚ ਹਿੱਸੇਦਾਰੀ ਵੇਚ ਕੇ ਲਾਭ/ਹਾਨੀ ਸਮਾਯੋਜਿਤ ਕਰਵਾਉਣ ਦੇ ਗੋਰਥ ਧੰਦੇ 'ਚ ਸ਼ਾਮਲ ਸਨ। ਇਸ ਕਾਰਵਾਈ ਨਾਲ ਇਨ੍ਹਾਂ ਬ੍ਰੋਕਰਾਂ ਅਤੇ ਵਪਾਰੀ ਵਲੋਂ ਇਸ ਕਥਿਤ ਘਪਲੇ ਦੇ ਤੌਰ ਤਰੀਕਿਆਂ ਦਾ ਵੀ ਪਤਾ ਚੱਲਦਾ ਹੈ।
ਬਿਆਨ 'ਚ ਕਿਹਾ ਗਿਆ ਹੈ ਕਿ ਇਨ੍ਹਾਂ ਅਨੈਤਿਕ ਇਲਾਈਆਂ ਨੇ ਇਨ੍ਹਾਂ ਤੌਰ ਤਰੀਕਿਆਂ ਦੇ ਮਾਧਿਅਮ ਨਾਲ ਆਪਣੀ ਇੱਛਾ ਦੇ ਮੁਤਾਬਕ 35,00 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਲਾਭ-ਹਾਨੀ ਦਾ ਸਮਾਜੋਯਨ ਕੀਤਾ ਹੈ। ਵਿਭਾਗ ਮੁਤਾਬਕ ਇਸ ਤਲਾਸ਼ੀ 'ਚ ਬੀ.ਐੱਸ.ਈ. 'ਚ ਸੂਚੀਬੱਧ ਕੌਡੀਆਂ ਦੇ ਭਾਅ ਚੱਲਣ ਵਾਲੇ ਘੱਟੋ ਘੱਟ ਤਿੰਨ ਸ਼ੇਅਰਾਂ 'ਚ ਹੇਰਾਫੇਰੀ ਵਾਲੇ ਸੌਦਿਆਂ ਦਾ ਵੀ ਪਤਾ ਚੱਲਿਆ ਹੈ। ਦੱਸ ਦੇਈਏ ਕਿ ਇਸ ਤਰ੍ਹਾਂ ਦੇ ਸੌਦਿਆਂ 'ਚ ਸ਼ਾਮਲ ਇਕਾਈਆਂ ਨੇ ਕੁੱਲ ਮਿਲਾ ਕੇ ਕਰੀਬ 2,000 ਕਰੋੜ ਰੁਪਏ ਦੇ ਹੇਰਾਫੇਰੀ ਦੇ ਲੰਮੇ ਸਮੇਂ ਪੂੰਜੀਗਤ ਲਾਭ ਦੀ ਵਰਤੋਂ ਕੀਤੀ। ਤਲਾਸ਼ੀਆਂ 'ਚ 1.20 ਕਰੋੜ ਰੁਪਏ ਦੀ ਨਕਦੀ ਵੀ ਜ਼ਬਤ ਕੀਤੀ ਗਈ ਹੈ।
ਇਕਨੋਮੀ 'ਚ ਸੁਸਤੀ, DEC 'ਚ FPI ਵੱਲੋਂ 244 ਕਰੋੜ ਰੁ: ਦੀ ਨਿਕਾਸੀ
NEXT STORY 
