ਵੇਨਿਸ : ਐਮਾਜ਼ੋਨ ਦੇ ਸੰਸਥਾਪਕ ਜੈਫ ਬੇਜੋਸ ਆਪਣੇ ਦੂਜੇ ਵਿਆਹ ਦੀਆਂ ਤਿਆਰੀਆਂ ਕਰ ਰਹੇ ਹਨ। ਜਾਣਕਾਰੀ ਮੁਤਾਬਕ ਜੈੱਫ ਅਤੇ ਉਨ੍ਹਾਂ ਦੀ ਮੰਗੇਤਰ, ਸਾਬਕਾ ਟੀਵੀ ਪੱਤਰਕਾਰ ਲੌਰੇਨ ਸਾਂਚੇਜ਼ ਦੋਵੇਂ ਇਸ ਮਹੀਨੇ ਭਾਵ 24 ਤੋਂ 26 ਜੂਨ ਦੌਰਾਨ ਵੇਨਿਸ 'ਚ ਵਿਆਹ ਕਰਨ ਵਾਲੇ ਹਨ। ਵਿਆਹ ਦੀ ਮਿਤੀ ਅਤੇ ਸਥਾਨ ਨੂੰ ਪੂਰੀ ਤਰ੍ਹਾਂ ਗੁਪਤ ਰੱਖਿਆ ਗਿਆ ਹੈ। ਦੂਜੇ ਪਾਸੇ ਵੇਨਿਸ ਦੇ ਸਥਾਨਕ ਲੋਕਾਂ ਅਤੇ ਕਾਰਕੁਨਾਂ ਵਿਚ ਇਸ ਸ਼ਾਨਦਾਰ ਵਿਆਹ ਨੂੰ ਲੈ ਕੇ ਨਾਰਾਜ਼ਗੀ ਦੇਖਣ ਨੂੰ ਮਿਲ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਹਾਈ-ਪ੍ਰੋਫਾਈਲ ਵਿਆਹ ਸ਼ਹਿਰ ਨੂੰ ਹੋਰ ਮਹਿੰਗਾ ਬਣਾ ਦੇਵੇਗਾ ਜਿਹੜਾ ਕਿ ਪਹਿਲਾਂ ਹੀ ਭੀੜ-ਭੜੱਕੇ ਵਾਲਾ ਹੈ ਅਤੇ ਸੈਲਾਨੀਆਂ ਨਾਲ ਭਰਿਆ ਹੋਇਆ ਹੈ।
ਇਹ ਵੀ ਪੜ੍ਹੋ : ਧੀਆਂ ਦੇ ਸੁਨਹਿਰੀ ਭਵਿੱਖ ਲਈ ਸਭ ਤੋਂ ਵਧੀਆ ਯੋਜਨਾ, ਇੰਝ ਜੋੜੋ 70 ਲੱਖ ਦਾ ਫੰਡ
ਸਥਾਨਕ ਲੋਕਾਂ ਵਲੋਂ ਹੋ ਰਿਹਾ ਭਾਰੀ ਵਿਰੋਧ
ਵੇਨਿਸ ਨਾਗਰਿਕ ਸਮੂਹਾਂ ਦੇ ਪ੍ਰਤੀਨਿਧੀ ਰਿਆਲਟੋ ਬ੍ਰਿਜ ਦੇ ਨੇੜੇ ਇਕੱਠੇ ਹੋਏ ਅਤੇ ਇਸ ਵਿਆਹ ਦੇ ਵਿਰੋਧ ਵਿਚ ਪ੍ਰਦਰਸ਼ਨ ਕਰਨ ਦਾ ਪ੍ਰਣ ਲਿਆ ਹੈ। ਦੂਜੇ ਪਾਸੇ ਸੈਂਕੜੇ ਮਹਿਮਾਨਾਂ ਦੇ ਸ਼ਾਨਦਾਰ ਵਿਆਹ ਦਾ ਗਵਾਹ ਬਣਨ ਲਈ ਇਸ ਸ਼ਹਿਰ ਵਿੱਚ ਆਉਣ ਦੀ ਉਮੀਦ ਹੈ।
ਸਾਨ ਜਿਓਰਜੀਓ ਟਾਪੂ ਦੀ ਚਰਚ ਦੀ ਕੰਧ 'ਤੇ "ਨੋ ਸਪੇਸ ਫਾਰ ਬੋਜ਼ੋਸ" ਦਾ ਇੱਕ ਬੈਨਰ ਵੀ ਲਗਾਇਆ ਗਿਆ ਸੀ। ਵਿਰੋਧ ਪ੍ਰਦਰਸ਼ਨ ਪ੍ਰਬੰਧਕ ਫੇਡਰਿਕਾ ਟੋਨੀਨੇਲੋ ਨੇ ਦਾਅਵਾ ਕੀਤਾ ਕਿ ਵਿਆਹ ਲਾ ਮਿਸੇਰੀਕੋਰਡੀਆ ਨਾਮਕ ਇੱਕ ਈਵੈਂਟ ਹਾਲ ਵਿੱਚ ਹੋ ਸਕਦਾ ਹੈ। ਉਸਨੇ ਵੱਡੇ ਸਮੂਹ ਨੂੰ ਸੰਬੋਧਨ ਕਰਦੇ ਹੋਏ ਚਿਤਾਵਨੀ ਦਿੱਤੀ ਕਿ ਬੇਜੋਸ ਉੱਥੇ ਨਹੀਂ ਪਹੁੰਚ ਸਕਣਗੇ। ਅਸੀਂ ਆਪਣੀਆਂ ਲਾਸ਼ਾਂ ਨਾਲ ਸੜਕਾਂ ਨੂੰ ਭਰਾਂਗੇ, ਕਿਸ਼ਤੀਆਂ ਅਤੇ ਜੀਵਨ ਬਚਾਉਣ ਵਾਲਿਆਂ ਨਾਲ ਨਹਿਰਾਂ ਨੂੰ ਕਵਰ ਕਰ ਦਿਆਂਗੇ।
ਇਹ ਵੀ ਪੜ੍ਹੋ : UPI ਪੇਮੈਂਟ 'ਚ ਵੱਡਾ ਬਦਲਾਅ : ਅੱਜ ਤੋਂ ਭੁਗਤਾਨ ਸੰਬੰਧੀ ਬਦਲ ਗਏ ਕਈ ਅਹਿਮ ਨਿਯਮ
"ਸਾਨੂੰ ਬੇਜ਼ੋਸ ਨੂੰ ਰੋਕਣਾ ਹੋਵੇਗਾ; ਇੱਕ ਸੈਰ-ਸਪਾਟਾ ਸਥਾਨ ਹੋਣ ਕਾਰਨ ਇਥੇ ਰਿਹਾਇਸ਼ੀ ਲਾਗਤਾਂ ਬਹੁਤ ਜ਼ਿਆਦਾ ਵਧ ਗਈਆਂ ਹਨ ਅਤੇ ਜ਼ਿਆਦਾਤਰ ਆਮ ਵੇਨੇਸ਼ੀਅਨ ਲੋਕ ਇੱਥੇ ਰਹਿਣ ਦਾ ਖਰਚਾ ਚੁੱਕਣ ਦੇ ਅਸਮਰੱਥ ਹੋ ਰਹੇ ਹਨ।"
ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਵਿਆਹ ਵੇਨਿਸ ਵਿੱਚ ਪੀਕ ਸੀਜ਼ਨ ਦੌਰਾਨ ਆ ਰਿਹਾ ਹੈ ਕਿਉਂਕਿ ਹਜ਼ਾਰਾਂ ਲੋਕ ਇਨ੍ਹਾਂ ਦਿਨਾਂ ਵਿਚ ਸ਼ਹਿਰ ਵਿੱਚ ਆਉਂਦੇ ਹਨ।
ਇਹ ਵੀ ਪੜ੍ਹੋ : ਦੋਹਰਾ ਝਟਕਾ! ਹਵਾਈ ਯਾਤਰਾ ਦਾ ਵਿਗੜਿਆ ਗਣਿਤ, ਉਡਾਣਾਂ ਲਗਾਤਾਰ ਹੋ ਰਹੀਆਂ ਮਹਿੰਗੀਆਂ ਅਤੇ ਲੰਬੀਆਂ
ਅਧਿਕਾਰੀਆਂ ਨੇ ਕਿਹਾ ਕਿ ਵੇਨਿਸ ਵਿੱਚ ਹਰ ਸਾਲ 600 ਤੋਂ ਵੱਧ ਜੋੜੇ ਵਿਆਹ ਕਰਦੇ ਹਨ, ਅਤੇ ਇਹ ਸਿਰਫ਼ ਇੱਕ ਵਿਆਹ ਸੀ। ਕੁਝ ਵੇਨੇਸ਼ੀਅਨ ਸੋਚਦੇ ਹਨ ਕਿ ਇਹ ਇੱਕ ਵਿਆਹ ਬਹੁਤ ਜ਼ਿਆਦਾ ਮਹਿੰਗਾ ਹੋਵੇਗਾ। ਇਸ ਨਾਲ ਸ਼ਹਿਰ ਹੋਰ ਵੀ ਮਹਿੰਗਾ ਹੋ ਜਾਵੇਗਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਵੇਨਿਸ ਦੇ ਆਮ ਲੋਕਾਂ ਨੂੰ ਕੋਈ ਫਾਇਦਾ ਨਹੀਂ ਹੋਵੇਗਾ, ਸਗੋਂ ਇਸ ਨਾਲ ਸਿਰਫ਼ ਅਸੁਵਿਧਾ ਹੀ ਹੋਵੇਗੀ।
ਇਹ ਵੀ ਪੜ੍ਹੋ : Gold ਦੀਆਂ ਕੀਮਤਾਂ 'ਚ ਰਿਕਾਰਡ ਵਾਧਾ, ਲੱਖ ਤੋਂ ਪਾਰ ਹੋਏ ਸੋਨਾ-ਚਾਂਦੀ, ਸੱਤਵੇਂ ਅਸਮਾਨ 'ਤੇ ਪਹੁੰਚੇ ਭਾਅ
ਮੇਅਰ ਨੇ ਕੀਤਾ ਵਿਆਹ ਦਾ ਸਮਰਥਨ
ਤੇਜ਼ ਹੋ ਰਹੇ ਵਿਰੋਧ ਪ੍ਰਦਰਸ਼ਨਾਂ ਦੇ ਵਿਚਕਾਰ, ਵੇਨਿਸ ਦੇ ਮੇਅਰ ਲੁਈਗੀ ਬਰੂਗਨਾਰੋ ਬੋਜ਼ੋਸ ਦੇ ਸਮਰਥਨ ਵਿੱਚ ਸਾਹਮਣੇ ਆਏ ਹਨ। ਉਨ੍ਹਾਂ ਪ੍ਰਦਰਸ਼ਨਕਾਰੀਆਂ ਨੂੰ ਸ਼ਰਮਨਾਕ ਦੱਸਿਆ। ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਵਿਆਹ ਨਾਲ ਸ਼ਹਿਰ ਨੂੰ ਕੋਈ ਨੁਕਸਾਨ ਨਹੀਂ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਸਿਰਫ਼ 200 ਮਹਿਮਾਨਾਂ ਨੂੰ ਸੱਦਾ ਦਿੱਤਾ ਜਾਵੇਗਾ, ਇਸ ਲਈ ਸ਼ਹਿਰ ਦੇ ਸਿਸਟਮ 'ਤੇ ਕੋਈ ਪ੍ਰਭਾਵ ਨਹੀਂ ਪਵੇਗਾ।
ਇਹ ਵੀ ਪੜ੍ਹੋ : 23,211 ਰੁਪਏ ਮਹਿੰਗਾ ਹੋ ਗਿਆ Gold, ਜਾਣੋ ਸਾਲ ਦੇ ਅੰਤ ਤੱਕ ਕਿੱਥੇ ਜਾਵੇਗੀ ਕੀਮਤ
ਬੇਜ਼ੋਸ ਦਾ ਹੋ ਚੁੱਕਾ ਹੈ ਤਲਾਕ
ਜੈਫ ਬੇਜ਼ੋਸ ਨੇ 1993 ਵਿੱਚ ਮੈਕੇਂਜੀ ਸਕਾਟ ਨਾਲ ਵਿਆਹ ਕੀਤਾ ਅਤੇ 25 ਸਾਲ ਇਕੱਠੇ ਰਹਿਣ ਮਗਰੋਂ ਦੋਵਾਂ ਨੇ ਸਾਲ 2019 ਵਿਚ ਆਪਸੀ ਸਹਿਮਤੀ ਨਾਲ ਤਲਾਕ ਲੈ ਲਿਆ ਸੀ। ਬੇਜ਼ੋਸ ਅਤੇ ਮੈਕੇਂਜੀ ਦੇ ਚਾਰ ਬੱਚੇ ਹਨ। ਹੁਣ ਲੌਰੇਨ ਸਾਂਚੇਜ਼ ਨਾਲ ਜੈੱਫ ਬੇਜੋਸ ਵਿਆਹ ਕਰਨ ਵਾਲੇ ਹਨ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਤੁਹਾਡੇ ਕੋਲ ਹੈ SBI ਕ੍ਰੈਡਿਟ ਕਾਰਡ ਤਾਂ ਹੋ ਜਾਓ ਸਾਵਧਾਨ, ਬਦਲਣ ਵਾਲੇ ਹਨ ਅਹਿਮ ਨਿਯਮ
NEXT STORY 
