ਬਿਜ਼ਨਸ ਡੈਸਕ: ਸਰਕਾਰ ਹੁਣ ਖੇਤਰੀ ਪੇਂਡੂ ਬੈਂਕਾਂ (RRBs) ਨੂੰ ਸਟਾਕ ਮਾਰਕੀਟ 'ਚ ਸੂਚੀਬੱਧ ਕਰਨ ਦੀ ਯੋਜਨਾ ਬਣਾ ਰਹੀ ਹੈ ਤਾਂ ਜੋ ਨਿਵੇਸ਼ਕਾਂ ਤੇ ਆਮ ਲੋਕਾਂ ਦਾ ਉਨ੍ਹਾਂ 'ਚ ਵਿਸ਼ਵਾਸ ਮਜ਼ਬੂਤ ਹੋ ਸਕੇ। ਇਸਦਾ ਉਦੇਸ਼ ਇਨ੍ਹਾਂ ਬੈਂਕਾਂ ਨੂੰ ਵਧੇਰੇ ਪਾਰਦਰਸ਼ੀ, ਜਵਾਬਦੇਹ ਅਤੇ ਨਿਵੇਸ਼ ਯੋਗ ਬਣਾਉਣਾ ਹੈ। ਕੇਂਦਰ ਸਰਕਾਰ ਚਾਹੁੰਦੀ ਹੈ ਕਿ ਸਾਲ 2027 ਤੱਕ ਘੱਟੋ-ਘੱਟ ਪੰਜ ਆਰਆਰਬੀਜ਼ ਨੂੰ ਸਟਾਕ ਮਾਰਕੀਟ 'ਚ ਸੂਚੀਬੱਧ ਕੀਤਾ ਜਾਵੇ। ਪੇਂਡੂ ਬੈਂਕਿੰਗ ਨੂੰ ਮਜ਼ਬੂਤ ਕਰਨ ਲਈ ਸਰਕਾਰ ਪਹਿਲਾਂ ਹੀ One State, One RRB ਨੀਤੀ ਲਾਗੂ ਕਰ ਚੁੱਕੀ ਹੈ। ਇਸ ਦੇ ਤਹਿਤ ਦੇਸ਼ ਭਰ ਦੇ ਕਈ ਖੇਤਰੀ ਗ੍ਰਾਮੀਣ ਬੈਂਕਾਂ ਦਾ ਰਲੇਵਾਂ ਕੀਤਾ ਗਿਆ ਹੈ। ਇਸ ਪ੍ਰਕਿਰਿਆ ਤੋਂ ਬਾਅਦ ਆਰਆਰਬੀਜ਼ ਦੀ ਗਿਣਤੀ 43 ਤੋਂ ਘਟ ਕੇ 28 ਹੋ ਗਈ ਹੈ।
ਇਹ ਵੀ ਪੜ੍ਹੋ..ਕਰਮਚਾਰੀਆਂ ਤੇ ਪੈਨਸ਼ਨਰਾਂ ਲਈ Good News, ਸੂਬਾ ਸਰਕਾਰ ਨੇ DA 'ਚ 2% ਕੀਤਾ ਵਾਧਾ
ਰਲੇਵੇਂ ਦਾ ਚੌਥਾ ਪੜਾਅ 1 ਮਈ 2025 ਤੋਂ ਹੋਵੇਗਾ ਲਾਗੂ
ਨਵੀਨਤਮ ਰਲੇਵਾਂ 1 ਮਈ 2025 ਤੋਂ ਲਾਗੂ ਹੋਇਆ, ਜਿਸ ਤੋਂ ਬਾਅਦ ਹੁਣ ਭਾਰਤ ਦੇ 26 ਰਾਜਾਂ ਤੇ 2 ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ 29 ਆਰਆਰਬੀ ਕੰਮ ਕਰ ਰਹੇ ਹਨ। ਇਹ ਬੈਂਕ ਹੁਣ ਦੇਸ਼ ਭਰ ਵਿੱਚ 22,000 ਤੋਂ ਵੱਧ ਸ਼ਾਖਾਵਾਂ ਰਾਹੀਂ ਲਗਭਗ 700 ਜ਼ਿਲ੍ਹਿਆਂ ਵਿੱਚ ਪੇਂਡੂ ਜਨਤਾ ਦੀ ਸੇਵਾ ਕਰ ਰਹੇ ਹਨ। ਸਰਕਾਰ ਦਾ ਉਦੇਸ਼ ਇਹ ਹੈ ਕਿ ਇਹ ਬੈਂਕ ਨਾ ਸਿਰਫ਼ ਪੇਂਡੂ ਪੱਧਰ 'ਤੇ ਸੇਵਾਵਾਂ ਪ੍ਰਦਾਨ ਕਰਨ, ਸਗੋਂ ਪਾਰਦਰਸ਼ੀ ਅਤੇ ਭਰੋਸੇਮੰਦ ਵਿੱਤੀ ਸੰਸਥਾਵਾਂ ਵਜੋਂ ਵਿਕਸਤ ਹੋਣ ਅਤੇ ਆਮ ਨਿਵੇਸ਼ਕਾਂ ਲਈ ਆਕਰਸ਼ਕ ਬਣਨ। ਇੱਕ ਰਿਪੋਰਟ ਦੇ ਅਨੁਸਾਰ ਇੱਕ ਸੀਨੀਅਰ ਸਰਕਾਰੀ ਅਧਿਕਾਰੀ ਨੇ ਕਿਹਾ, "ਅਸੀਂ ਚਾਹੁੰਦੇ ਹਾਂ ਕਿ RRBs ਨੂੰ ਨਿਵੇਸ਼ਕਾਂ ਅਤੇ ਆਮ ਲੋਕਾਂ ਦੋਵਾਂ ਲਈ ਭਰੋਸੇਯੋਗ ਸੰਸਥਾਵਾਂ ਵਜੋਂ ਪੇਸ਼ ਕੀਤਾ ਜਾਵੇ। ਜੇਕਰ ਇਹ ਬੈਂਕ ਲਗਾਤਾਰ ਵਧੀਆ ਪ੍ਰਦਰਸ਼ਨ ਕਰਦੇ ਹਨ, ਤਾਂ ਉਹ ਸਟਾਕ ਮਾਰਕੀਟ ਵਿੱਚ ਸੂਚੀਬੱਧ ਹੋਣਗੇ।"
ਇਹ ਵੀ ਪੜ੍ਹੋ...Monsoon Alert: ਅਗਲੇ ਚਾਰ ਦਿਨ ਪਵੇਗਾ ਭਾਰੀ ਮੀਂਹ, ਮੌਸਮ ਵਿਭਾਗ ਵੱਲੋਂ ਅਲਰਟ ਜਾਰੀ
ਸੂਚੀਕਰਨ ਲਈ ਮਾਪਦੰਡ ਕੀਤੇ ਨਿਰਧਾਰਤ
RRBs ਨੂੰ ਸਟਾਕ ਮਾਰਕੀਟ 'ਚ ਦਾਖਲ ਹੋਣ ਤੋਂ ਪਹਿਲਾਂ ਕੁਝ ਸ਼ਰਤਾਂ ਪੂਰੀਆਂ ਕਰਨੀਆਂ ਪੈਂਦੀਆਂ ਹਨ:
ਪਿਛਲੇ 3 ਵਿੱਤੀ ਸਾਲਾਂ 'ਚ ₹300 ਕਰੋੜ ਤੋਂ ਵੱਧ ਦੀ ਕੁੱਲ ਜਾਇਦਾਦ
ਲਗਾਤਾਰ ਤਿੰਨ ਸਾਲਾਂ ਤੋਂ 9% ਤੋਂ ਉੱਪਰ ਪੂੰਜੀ ਪੂਰਤੀ ਅਨੁਪਾਤ (CAR)
ਪਿਛਲੇ 5 ਸਾਲਾਂ ਵਿੱਚੋਂ ਘੱਟੋ-ਘੱਟ 3 ਸਾਲਾਂ ਵਿੱਚ 10% ਤੋਂ ਵੱਧ ਦੀ ਇਕੁਇਟੀ 'ਤੇ ਵਾਪਸੀ (RoE)।
ਬੈਂਕ ਕਿਸੇ ਵੀ RBI ਸੁਧਾਰਾਤਮਕ ਕਾਰਵਾਈ ਦੇ ਅਧੀਨ ਨਹੀਂ ਹੋਣਾ ਚਾਹੀਦਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Post Office ਖਾਤਾ ਧਾਰਕ ਲਈ ਅਹਿਮ ਖ਼ਬਰ, ਜੇ ਅਚਾਨਕ ਹੋ ਗਈ ਮੌਤ ਤਾਂ...
NEXT STORY 
