ਫਿਲੌਰ (ਭਾਖੜੀ)- ਪੰਜਾਬ ਦੇ ਐਨਕਾਊਂਟਰ ਸਪੈਸ਼ਲਿਸਟ ਅਤੇ ਏ. ਜੀ. ਟੀ. ਐੱਫ਼. ਦੇ ਮੁਖੀ ਐੱਸ. ਪੀ. ਵਿਕਰਮ ਬਰਾੜ ਨੇ ਪੰਜਾਬ ਕੇਸਰੀ ਨਾਲ ਵਿਸ਼ੇਸ਼ ਗੱਲਬਾਤ ਦੌਰਾਨ ਕਈ ਵੱਡੇ ਖ਼ੁਲਾਸੇ ਕੀਤੇ। ਉਨ੍ਹਾਂ ਦੱਸਿਆ ਕਿ 'ਆਪ੍ਰੇਸ਼ਨ ਪ੍ਰਹਾਰ' ਤਹਿਤ ਹੁਣ ਤੱਕ ਪੁਲਸ ਨੇ 1500 ਗੈਂਗਸਟਰਾਂ ਨੂੰ ਫੜ ਕੇ ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ ਡੱਕਿਆ ਹੈ। ਉਨ੍ਹਾਂ ਤੋਂ ਜਦੋਂ ਪੁੱਛਿਆ ਗਿਆ ਕਿ ਤੁਸੀਂ ਕਿਵੇਂ ਯਕੀਨੀ ਕਰਦੇ ਹੋ ਕਿਸ ਗੈਂਗਸਟਰ ਦੀ ਕਿਹੜੀ ਕੈਟਾਗਰੀ ਹੈ। ਫਲਾਣਾ ਗੈਂਗਸਟਰ ਨੂੰ ਫੜਨਾ ਹੈ, ਫਲਾਣੇ ਗੈਂਗਸਟਰ ਦਾ ਐਨਕਾਊਂਟਰ ਕਰਨਾ ਹੈ ਅਤੇ ਫਲਾਣੇ ਗੈਂਗਸਟਰ ਦੀ ਲੱਤ ਵਿਚ ਗੋਲ਼ੀ ਮਾਰਨੀ ਹੈ- ਜਿਵੇਂ ਕਿ ਅੱਜਕਲ੍ਹ ਖੂਬ ਰੁਝਾਨ ਚੱਲ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਤਾਂ ਗੈਂਗਸਟਰ ਦੀ ਕੋਈ ਵੀ ਕੈਟਾਗਰੀ ਏ. ਬੀ. ਸੀ. ਨਹੀਂ ਹੁੰਦੀ, ਜਿਸ ਨੇ ਵੀ ਜੁਰਮ ਦੀ ਦੁਨੀਆ ਵਿਚ ਪੈਰ ਰੱਖ ਲਿਆ, ਉਨ੍ਹਾਂ ਲਈ ਕੋਈ ਕੈਟਾਗਰੀ ਨਹੀਂ ਸਗੋਂ ਉਹ ਇਕ ਅਪਰਾਧੀ ਹੈ।
ਇਹ ਵੀ ਪੜ੍ਹੋ: 'ਸ਼ੀਸ਼ ਮਹਿਲ' ਨੂੰ ਲੈ ਕੇ ਕੈਗ ਦੀ ਰਿਪੋਰਟ 'ਤੇ ਆਖਿਰ ਚੁੱਪ ਕਿਉਂ ਹਨ ਕੇਜਰੀਵਾਲ: ਸੁਖਪਾਲ ਖਹਿਰਾ
ਉਨ੍ਹਾਂ ਨੇ ਸਪੱਸ਼ਟ ਦੱਸਿਆ ਕਿ ਜਦੋਂ ਵੀ ਉਹ ਕਿਸੇ ਗੈਂਗਸਟਰ ਨੂੰ ਫੜਨ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਉੱਪਰੋਂ ਕੋਈ ਨਿਰਦੇਸ਼ ਨਹੀਂ ਦਿੱਤੇ ਜਾਂਦੇ ਕਿ ਪੁਲਸ ਪਾਰਟੀ ਨੇ ਉਨ੍ਹਾਂ ਦਾ ਐਨਕਾਊਂਟਰ ਕਰਨਾ ਹੈ। ਗੈਂਗਸਟਰ ਨੂੰ ਫੜਨ ਲਈ ਜਦੋਂ ਉਹ ਘੇਰਾਬੰਦੀ ਕਰਦੇ ਹਨ ਤਾਂ ਉਹ ਅੱਗੋਂ ਪੁਲਸ ਪਾਰਟੀ ’ਤੇ ਗੋਲ਼ੀ ਚਲਾਉਂਦੇ ਹਨ। ਉਸ ਵਿਚ ਸਭ ਤੋਂ ਪਹਿਲਾਂ ਅਸੀਂ ਵੇਖਣਾ ਹੁੰਦਾ ਹੈ ਕਿ ਜਿਸ ਘਰ ਵਿਚ ਗੈਂਗਸਟਰ ਲੁਕੇ ਹੁੰਦੇ ਹਨ, ਸਭ ਤੋਂ ਪਹਿਲਾਂ ਪਰਿਵਾਰ ਦੇ ਮੈਂਬਰਾਂ ਨੂੰ ਸੁਰੱਖਿਅਤ ਬਚਾਉਣਾ ਹੁੰਦਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਇਹ ਵੀ ਵੇਖਣਾ ਹੁੰਦਾ ਹੈ ਕਿ ਉਨ੍ਹਾਂ ਦੇ ਕਿਸੇ ਸਾਥੀ ਪੁਲਸ ਮੁਲਾਜ਼ਮ ਨੂੰ ਵੀ ਗੋਲ਼ੀ ਨਾ ਲੱਗੇ। ਜਦੋਂ ਉਹ ਅੱਗੋਂ ਹਥਿਆਰ ਨਹੀਂ ਸੁੱਟਦੇ ਤਾਂ ਜਾ ਕੇ ਮੁਕਾਬਲਾ ਕਰਨਾ ਹੁੰਦਾ ਹੈ। ਵਿਕਰਮ ਬਰਾੜ ਤੋਂ ਜਦੋਂ ਪੁੱਛਿਆ ਗਿਆ ਬੀਤੇ ਹਫ਼ਤੇ 19 ਸਾਲਾ ਰਣਜੀਤ ਦੇ ਮੁਕਾਬਲੇ ਨੂੰ ਤੁਸੀਂ ਕਿਵੇਂ ਵੇਖਦੇ ਹੋ ਤਾਂ ਉਨ੍ਹਾਂ ਨੇ ਇਸ ’ਤੇ ਕੋਈ ਵੀ ਕੁਮੈਂਟ ਕਰਨ ਤੋਂ ਮਨ੍ਹਾ ਕਰ ਦਿੱਤਾ।
ਵਿਕਰਮ ਬਰਾੜ ਤੋਂ ਪੁੱਛਿਆ ਕਿ ਜ਼ਿਆਦਾਤਰ ਮੁਕਾਬਲਿਆਂ ਵਿਚ ਪੰਜਾਬ ਪੁਲਸ ਦੀ ਇਕੋ ਜਿਹੀ ਹੀ ਥਿਊਰੀ ਹੁਦੀ ਹੈ ਜਾਂ ਤਾਂ ਗੈਂਗਸਟਰ ਹਥਿਆਰ ਬਰਾਮਦ ਕਰਵਾਉਣ ਜਾਂਦੇ ਹਨ ਤਾਂ ਗੱਡੀ ਪਲਟ ਜਾਂਦੀ ਹੈ, ਜਿਸ ਤੋਂ ਬਾਅਦ ਜਾ ਕੇ ਮੁਕਾਬਲਾ ਹੋ ਜਾਂਦਾ ਹੈ। ਦੂਜਾ ਜਦੋਂ ਵੀ ਪੁਲਸ ਮੁਕਾਬਲਾ ਕਰਦੀ ਹੈ ਤਾਂ ਪੁਲਸ ਦਾ ਨਿਸ਼ਾਨਾ ਗੈਂਗਸਟਰ ਦੀ ਲੱਤ ’ਤੇ ਹੀ ਲਗਦਾ ਹੈ। ਇਸ ’ਤੇ ਹੁਣ ਵਿਰੋਧੀ ਪਾਰਟੀ ਦੇ ਨੇਤਾ ਵੀ ਇਨ੍ਹਾਂ ਨੂੰ ਗਲਤ ਮੁਕਾਬਲਾ ਦੱਸ ਕੇ ਸਵਾਲ ਚੁੱਕ ਰਹੇ ਹਨ ਤਾਂ ਬਰਾੜ ਨੇ ਕਿਹਾ ਕਿ ਗੱਲਾਂ ਕਰਨੀਆਂ ਸੌਖੀਆਂ ਹਨ। ਗੈਂਗਸਟਰਾਂ ਨਾਲ ਮੁਕਾਬਲਾ ਕਰਦੇ ਸਮੇਂ ਬਹੁਤ ਸਾਰੀਆਂ ਗੱਲਾਂ ਦਾ ਧਿਆਨ ਰੱਖਣਾ ਹੁੰਦਾ ਹੈ। ਸਾਡੀ ਕੋਸ਼ਿਸ਼ ਹੁੰਦੀ ਹੈ ਕਿ ਗੈਂਗਸਟਰ ਨੂੰ ਜ਼ਖ਼ਮੀ ਕਰਕੇ ਉਸ ਨੂੰ ਜਿਊਂਦਾ ਫੜਿਆ ਜਾਵੇ, ਜਿਸ ਤੋਂ ਅੱਗੇ ਦੀ ਪੁੱਛਗਿੱਛ ਵਿਚ ਪਤਾ ਲੱਗ ਸਕੇ ਕਿ ਉਸ ਦੇ ਪਿੱਛੇ ਕਿਸ ਦਾ ਹੱਥ ਸੀ।
ਇਹ ਵੀ ਪੜ੍ਹੋ: 26, 27 ਤੇ 29 ਨੂੰ ਪਵੇਗਾ ਭਾਰੀ ਮੀਂਹ! ਇਨ੍ਹਾਂ ਜ਼ਿਲ੍ਹਿਆਂ 'ਚ Alert, ਪੰਜਾਬ ਦੇ ਮੌਸਮ ਲਈ ਹੋਈ ਵੱਡੀ ਭਵਿੱਖਬਾਣੀ
ਹੁਣ ਤਾਂ ਜੇਲ੍ਹਾਂ ਤੋਂ ਗੈਂਗਸਟਰ ਫੋਨ ਕਰਕੇ ਸ਼ਰੇਆਮ ਫਿਰੌਤੀਆਂ ਮੰਗ ਰਹੇ ਹਨ, ਉਨ੍ਹਾਂ ’ਤੇ ਕਾਰਵਾਈ ਕਿਉਂ ਨਹੀਂ ਹੋ ਰਹੀ। ਵਿਰਕਮ ਬਰਾੜ ਨੇ ਦੱਸਿਆ ਕਿ ਪੰਜਾਬ ਤੋਂ ਇਲਾਵਾ ਅਸੀਂ ਦੂਜੇ ਸੂਬਿਆਂ ਦੀਆਂ ਜੇਲ੍ਹਾਂ ਦੇ ਅਧਿਕਾਰੀਆਂ ਨਾਲ ਸੰਪਰਕ ਕਰਦੇ ਹਾਂ। ਕੇਂਦਰੀ ਏਜੰਸੀਆਂ ਤੋਂ ਵੀ ਮਦਦ ਲੈਂਦੇ ਹਾਂ। ਜਦੋਂ ਉਨ੍ਹਾਂ ਨੂੰ ਪਤਾ ਲਗਦਾ ਹੈ ਕਿ ਜੇਲ੍ਹਾਂ ਵਿਚ ਬੰਦ ਗੈਂਗਸਟਰ ਫੋਨ ਕਰਕੇ ਧਮਕਾ ਰਹੇ ਹਨ ਤਾਂ ਉਨ੍ਹਾਂ ਦੀ ਸੂਚਨਾ ’ਤੇ ਬਕਾਇਆ ਜੇਲ੍ਹਾਂ ਵਿਚ ਚੈਕਿੰਗ ਹੁੰਦੀ ਹੈ। ਫੋਨ ਫੜੇ ਜਾਂਦੇ ਹਨ ਅਤੇ ਉਨ੍ਹਾਂ ’ਤੇ ਕਾਰਵਾਈ ਵੀ ਹੁੰਦੀ ਹੈ।
ਲਾਰੈਂਸ ਅਤੇ ਗੋਲਡੀ ਬਰਾੜ ਦੀ ਦੋਸਤੀ ਫਿਰੌਤੀ ਦੇ ਰੁਪਇਆਂ ਕਾਰਨ ਦੁਸ਼ਮਣੀ 'ਚ ਬਦਲੀ
ਵਿਕਰਮ ਬਰਾੜ ਨੇ ਦੱਸਿਆ ਕਿ ਹਰ ਬੁਰਾਈ ਦਾ ਇਕ ਨਾ ਇਕ ਦਿਨ ਅੰਤ ਹੋਣਾ ਹੁੰਦਾ ਹੈ। ਗੋਲਡੀ ਅਤੇ ਲਾਰੈਂਸ ਦੇ ਅੰਤ ਦੀ ਕਹਾਣੀ ਹੁਣ ਨੇੜੇ ਆ ਚੁੱਕੀ ਹੈ। ਉਨ੍ਹਾਂ ਦੱਸਿਆ ਕਿ ਲੋਕਾਂ ਤੋਂ ਜੋ ਇਹ ਫਿਰੌਤੀ ਮੰਗ ਕੇ ਆਪਣਾ ਗੈਂਗ ਚਲਾ ਰਹੇ ਸਨ, ਉਸੇ ਫਿਰੌਤੀ ਦੇ ਪੈਸਿਆਂ ਦੇ ਚੱਕਰ ਵਿਚ ਇਨ੍ਹਾਂ ਦੇ ਗੈਂਗ ਵਿਚ ਫੁੱਟ ਪੈ ਗਈ। ਹੁਣ ਇਹ ਦੋਵੇਂ ਖ਼ੁਦ ਨੂੰ ਦੇਸ਼ ਭਗਤ ਦੱਸ ਰਹੇ ਹਨ, ਜਦੋਂਕਿ ਅਜਿਹਾ ਕੁਝ ਨਹੀਂ ਇਹ ਦੇਸ਼ ਦੇ ਸਭ ਤੋਂ ਵੱਡੇ ਗੱਦਾਰ ਹਨ।
ਇਹ ਵੀ ਪੜ੍ਹੋ: ਹੁਸ਼ਿਆਰਪੁਰ ਜ਼ਿਲ੍ਹੇ 'ਚ ਲੱਗੀ ਇਹ ਵੱਡੀ ਪਾਬੰਦੀ! ਸ਼ਾਮ 7 ਤੋਂ ਸਵੇਰੇ 7 ਵਜੇ ਤੱਕ...
ਵਿਦੇਸ਼ਾਂ ’ਚ ਬੈਠੇ ਗੈਂਗਸਟਰ ਕੀ ਪੰਜਾਬ ਪੁਲਸ ਦੇ ਲਈ ਚੁਣੌਤੀ ਨਹੀਂ?
ਬਰਾੜ ਨੇ ਦੱਸਿਆ ਕਿ ਵਿਦੇਸ਼ਾਂ ਵਿਚ ਬੈਠੇ ਗੈਂਗਸਟਰ ਚਾਹੇ ਉਹ ਗੋਲਡੀ ਬਰਾੜ ਹੋਵੇ, ਰਿੰਦਾ ਹੋਵੇ, ਲੰਡਾ ਹੋਵੇ ਜਾਂ ਫਿਰ ਹੈਰੀ ਬਾਕਸਰ ਹੋਵੇ, ਉਨ੍ਹਾਂ ਦੇ ਲਈ ਬਿਲਕੁਲ ਵੀ ਚੁਣੌਤੀ ਨਹੀਂ ਹੈ। ਇਹ ਤਾਂ ਪੁਲਸ ਤੋਂ ਡਰ ਕੇ ਖ਼ੁਦ ਲੁਕ ਕੇ ਰਹਿ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਰੋਮੀ ਜਿਸ ਨੇ ਨਾਭਾ ਜੇਲ੍ਹ ਬ੍ਰੇਕ ਕਰਵਾਈ ਸੀ, ਉਹ 5 ਸਾਲ ਤੱਕ ਹਾਂਗਕਾਂਗ ਵਿਚ ਲੁਕ ਕੇ ਬੈਠਾ ਰਿਹਾ। ਐੱਸ. ਐੱਸ. ਪੀ. ਜਲੰਧਰ ਦਿਹਾਤੀ ਹਰਵਿੰਦਰ ਸਿੰਘ ਵਿਰਕ ਉਸ ਸਮੇਂ ਏ. ਆਈ. ਜੀ. ਸਨ। ਇਕ ਡੀ. ਆਈ. ਜੀ. ਸਾਹਿਬ ਸਨ ਅਤੇ ਉਨ੍ਹਾਂ ਦੀਆਂ ਟੀਮਾਂ 5 ਸਾਲ ਤੱਕ ਉਸ ਦੇ ਪਿੱਛੇ ਪਈਆਂ ਰਹੀਆਂ। ਆਖਿਰਕਾਰ ਉਸ ਨੂੰ ਫੜ ਕੇ ਭਾਰਤ ਲੈ ਆਏ। ਇਨ੍ਹਾਂ ਨੂੰ ਫੜਨ ਲਈ ਵੀ ਰੈੱਡ ਕਾਰਨਰ ਅਤੇ ਬਲਿਊ ਕਾਰਨਰ ਨੋਟਿਸ ਜਾਰੀ ਕੀਤੇ ਹੋਏ ਹਨ। ਸੈਂਟ੍ਰਲ ਏਜੰਸੀਆਂ ਨੂੰ ਇਨ੍ਹਾਂ ਦੇ ਸਬੂਤ ਦੇਣੇ ਪੈਂਦੇ ਹਨ। ਆਉਣ ਵਾਲੇ ਸਮੇਂ ਵਿਚ ਇਹ ਸਾਰੇ ਪੰਜਾਬ ਦੀਆਂ ਜੇਲਾਂ ਵਿਚ ਬੰਦ ਹੋਣਗੇ।
ਇਹ ਵੀ ਪੜ੍ਹੋ: Punjab: ਗੈਸ ਤੋਂ ਬਾਅਦ ਹੁਣ ਤੇਲ ਦੀ ਕਿੱਲਤ ਸ਼ੁਰੂ! ਪੈਟਰੋਲ ਪੰਪ ਹੋਏ ਡਰਾਈ, ਵਿਕਰੀ ਬੰਦ
ਸੋਸ਼ਲ ਮੀਡੀਆ ’ਤੇ ਲਾਈਵ ਹੋਣ ਵਾਲਿਆਂ ’ਤੇ ਪੁਲਸ ਤੁਰੰਤ ਦਰਜ ਕਰਦੀ ਹੈ ਕੇਸ
ਵਿਕਰਮ ਬਰਾੜ ਨੇ ਦੱਸਿਆ ਕਿ ਕੋਈ ਵੀ ਗੈਂਗਸਟਰ ਹੋਵੇ, ਪਹਿਲਾਂ ਇਹ ਆਪਣੇ ਵਿਰੋਧੀ ਨੂੰ ਆਪਣੇ ਗਰੁੱਪ ਵਿਚ ਸ਼ਾਮਲ ਕਰਦੇ ਹਨ, ਫਿਰ ਜਿਸ ਕਿਸੇ ਤੋਂ ਵੀ ਇਹ ਫਿਰੌਤੀ ਮੰਗਦੇ ਹਨ, ਉਸ ਵਿਚ ਉਸ ਦਾ ਇਸਤੇਮਾਲ ਕਰਦੇ ਹਨ। ਜਦੋਂ ਇਨ੍ਹਾਂ ਦੇ ਦੂਜੇ ਗਰੁੱਪ ਨੂੰ ਪਤਾ ਲੱਗਦਾ ਹੈ ਤਾਂ ਉਹ ਆਪਣੇ ਲੜਕਿਆਂ ਨੂੰ ਭੇਜ ਕੇ ਉਸ ਨੂੰ ਮਰਵਾ ਦਿੰਦਾ ਹੈ। ਇਨ੍ਹਾਂ ਦੇ ਆਪਸੀ ਝਗੜੇ ਫਿਰੌਤੀ ਲਈ ਚੱਲ ਰਹੇ ਹਨ। ਜੋ ਕੋਈ ਵੀ ਇਨ੍ਹਾਂ ਦੇ ਪਿੱਛੇ ਲੱਗ ਕੇ ਗ਼ਲਤ ਕੰਮ ਨੂੰ ਅੰਜਾਮ ਦਿੰਦਾ ਹੈ, ਉਸ ਨੂੰ ਇਕ ਗੱਲ ਸਮਝ ਲੈਣੀ ਚਾਹੀਦੀ ਹੈ ਕਿ ਉਹ ਹਰ ਵਕਤ ਆਪਣੇ ਵਿਰੋਧੀ ਗੈਂਗ ਦੇ ਨਿਸ਼ਾਨੇ ’ਤੇ ਹੈ।
ਇਸ ਤੋਂ ਚੰਗਾ ਹੈ ਕਿ ਉਹ ਇਨ੍ਹਾਂ ਦੀਆਂ ਗਤੀਵਿਧੀਆਂ ਦੀ ਜਾਣਕਾਰੀ ਪੁਲਸ ਨੂੰ ਦੇਣ, ਜਿਸ ਨਾਲ ਇਕ ਤਾਂ ਉਨ੍ਹਾਂ ਦੀ ਜਾਨ ਸੁਰੱਖਿਅਤ ਹੋ ਸਕਦੀ ਹੈ, ਦੂਜਾ ਉਨ੍ਹਾਂ ਦੀ ਜਾਣਕਾਰੀ ਨਾਲ ਪੁਲਸ ਨੂੰ ਵੀ ਕਾਫ਼ੀ ਮਦਦ ਮਿਲ ਸਕਦੀ ਹੈ। ਜੋ ਕੋਈ ਵੀ ਇਹ ਜ਼ਿੰਮੇਵਾਰੀ ਚੁੱਕਦਾ ਹੈ, ਪੁਲਸ ਸਿੱਧਾ ਉਨ੍ਹਾਂ ’ਤੇ ਕਤਲ ਦਾ ਮੁਕੱਦਮਾ ਦਰਜ ਕਰ ਦਿੰਦੀ ਹੈ। ਉਨ੍ਹਾਂ ਕਿਹਾ ਕਿ ਗੈਂਗਸਟਰਾਂ ਕੋਲ ਗੁਆਂਢੀ ਦੇਸ਼ ਤੋਂ ਆਧੁਨਿਕ ਤਕਨਾਲੋਜੀ ਦੇ ਵਿਦੇਸ਼ੀ ਹਥਿਆਰ ਆ ਰਹੇ ਹਨ। ਇਹ ਹੁਣ 17 ਸਾਲ ਤੋਂ ਲੈ ਕੇ 20 ਸਾਲ ਦੇ ਲੜਕਿਆਂ ਨੂੰ ਆਪਣੇ ਗੈਂਗ ਵਿਚ ਸ਼ਾਮਲ ਕਰ ਰਹੇ ਹਨ, ਜਿਨ੍ਹਾਂ ਤੋਂ ਵੱਡੀਆਂ ਅਪਰਾਧਿਕ ਗਤੀਵਿਧੀਆਂ ਕਰਵਾਈਆਂ ਜਾ ਰਹੀਆਂ ਹਨ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਪੈਸੇ ਨਾਲ ਕੇਜਰੀਵਾਲ ਲਈ ਪ੍ਰਾਈਵੇਟ ਜੈੱਟ ਦਾ ਪ੍ਰਬੰਧ, ਮਜੀਠੀਆ ਨੇ CM ਮਾਨ ਨੂੰ ਕਿਹਾ ਦਿੱਲੀ ਦਾ ‘ਪਾਇਲਟ’
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਫ਼ਾਜ਼ਿਲਕਾ-ਫ਼ਿਰੋਜ਼ਪੁਰ ਹਾਈਵੇ ’ਤੇ ਸਿਲੰਡਰਾਂ ਨਾਲ ਭਰੇ ਟਰੱਕ ਤੇ ਕਾਰ ਵਿਚਕਾਰ ਟੱਕਰ
NEXT STORY 
