ਮੁੰਬਈ : ਦਿੱਗਜ ਨਿਵੇਸ਼ਕ ਰਾਕੇਸ਼ ਝੁਨਝੁਨਵਾਲਾ ਦੀ ਆਕਾਸਾ ਏਅਰਲਾਈਨ ਜਲਦੀ ਹੀ ਉਡਾਣ ਭਰਨ ਜਾ ਰਹੀ ਹੈ। ਅੱਜ ਸੋਮਵਾਰ ਨੂੰ ਆਕਾਸਾ ਨੇ ਆਪਣੇ ਕਰੂ ਮੈਂਬਰਾਂ ਲਈ ਵਰਦੀ ਲਾਂਚ ਕੀਤੀ ਹੈ। ਆਕਾਸਾ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਕਰੂ ਮੈਂਬਰ ਦਾ ਨਵਾਂ ਡਰੈੱਸ ਕੋਡ ਪੋਸਟ ਕੀਤਾ ਹੈ। ਫੋਟੋ ਦੇ ਨਾਲ ਏਅਰਲਾਈਨ ਨੇ ਲਿਖਿਆ ਕਿ ਆਰਾਮਦਾਇਕ, ਈਕੋ-ਫ੍ਰੈਂਡਲੀ ਅਤੇ ਮਜ਼ੇਦਾਰ।
ਇਹ ਵੀ ਪੜ੍ਹੋ : ਦਵਾਈਆਂ 'ਤੇ ਸਰਕਾਰ ਦਾ ਵੱਡਾ ਫੈਸਲਾ, NPPA ਨੇ 84 ਦਵਾਈਆਂ ਦੀਆਂ ਕੀਮਤਾਂ ਕੀਤੀਆਂ ਤੈਅ
ਆਕਾਸਾ ਦੀ ਪਹਿਰਾਵਾ ਹੋਰ ਏਅਰਲਾਈਨਜ਼ ਤੋਂ ਕੁਝ ਵੱਖਰਾ ਹੈ। ਅਕਾਸਾ ਏਅਰ ਪਹਿਲੀ ਭਾਰਤੀ ਏਅਰਲਾਈਨ ਹੈ ਜਿਸ ਨੇ ਆਪਣੀ ਏਅਰਲਾਈਨ ਦੇ ਅੰਦਰ-ਅੰਦਰ ਫਲਾਈਟ ਚਾਲਕਾਂ ਲਈ ਕਸਟਮ ਟਰਾਊਜ਼ਰ, ਜੈਕਟਾਂ ਅਤੇ ਆਰਾਮਦਾਇਕ ਸਨੀਕਰ ਪੇਸ਼ ਕੀਤੇ ਹਨ। ਕੰਪਨੀ ਨਾਲ ਜੁੜੇ ਲੋਕਾਂ ਮੁਤਾਬਕ ਟਰਾਊਜ਼ਰ ਅਤੇ ਜੈਕੇਟ ਦਾ ਫੈਬਰਿਕ ਖਾਸ ਤੌਰ 'ਤੇ ਅਕਾਸਾ ਏਅਰ ਲਈ ਬਣਾਇਆ ਗਿਆ ਹੈ। ਇਹ ਕੱਪੜੇ ਸਮੁੰਦਰੀ ਕਚਰੇ ਤੋਂ ਕੱਢੀਆਂ ਗਈਆਂ ਪਲਾਸਟਿਕ ਦੀਆਂ ਬੋਤਲਾਂ ਦੀ ਵਰਤੋਂ ਕਰਕੇ ਬਣਾਏ ਗਏ ਹਨ। ਇਸ ਨੂੰ ਰਾਜੇਸ਼ ਪ੍ਰਤਾਪ ਸਿੰਘ ਨੇ ਡਿਜ਼ਾਈਨ ਕੀਤਾ ਹੈ।
ਜੁੱਤੇ ਪਲਾਸਟਿਕ ਦੀ ਵਰਤੋਂ ਕੀਤੇ ਬਿਨਾਂ ਬਣਾਏ ਜਾਂਦੇ ਹਨ
ਚਾਲਕ ਦਲ ਦੇ ਮੈਂਬਰਾਂ ਦੀ ਮੋਬਾਈਲ ਜੀਵਨ ਸ਼ੈਲੀ ਅਤੇ ਲੰਬੇ ਸਮੇਂ ਤੱਕ ਖੜ੍ਹੇ ਰਹਿਣ ਦੀ ਜ਼ਰੂਰਤ ਨੂੰ ਵੇਖਦੇ ਹੋਏ ਵਨੀਲਾ ਮੂਨ ਨੇ ਅਜਿਹੇ ਸਨੀਕਰ ਡਿਜ਼ਾਈਨ ਕੀਤੇ ਹਨ ਜੋ ਹਲਕੇ ਹਨ। ਇਸ ਵਿੱਚ ਬਿਹਤਰ ਸਹਾਇਤਾ ਲਈ ਅੱਡੀ ਤੋਂ ਪੈਰਾਂ ਤੱਕ ਵਾਧੂ ਗੱਦੀ ਹੈ। ਇਹ ਪਲਾਸਟਿਕ ਦੀ ਵਰਤੋਂ ਕੀਤੇ ਬਿਨਾਂ ਬਣਾਇਆ ਗਿਆ ਹੈ।
ਅਕਾਸਾ ਏਅਰ ਦੇ ਸਹਿ ਸੰਸਥਾਪਕ ਅਤੇ ਮੁੱਖ ਮਾਰਕੀਟਿੰਗ ਅਤੇ ਅਨੁਭਵ ਅਧਿਕਾਰੀ ਬੇਲਸਨ ਕੌਟੀਨਹੋ ਨੇ ਇਸ ਵਰਦੀ ਦੇ ਪਿੱਛੇ ਪ੍ਰੇਰਣਾ ਨੂੰ ਸਾਂਝਾ ਕੀਤਾ। ਉਸ ਨੇ ਅੱਗੇ ਕਿਹਾ ਕਿ ਅਕਾਸਾ ਏਅਰ 'ਤੇ ਅਸੀਂ ਜੋ ਵੀ ਕਰਦੇ ਹਾਂ ਉਸ ਦਾ ਮੁੱਖ ਹਿੱਸਾ ਕਰਮਚਾਰੀ ਕੇਂਦਰਿਤ ਅਤੇ ਇਕਸਾਰਤਾ ਹੈ। ਅਸੀਂ ਅਜਿਹੀ ਵਰਦੀ ਡਿਜ਼ਾਈਨ ਕੀਤੀ ਹੈ ਜਿਸ ਵਿਚ ਸਾਡੀ ਟੀਮ ਮਾਣ ਅਤੇ ਆਰਾਮ ਦੋਵੇਂ ਮਹਿਸੂਸ ਕਰ ਸਕੇ।
ਇਹ ਵੀ ਪੜ੍ਹੋ : ਈਕੋ-ਫਰੈਂਡਲੀ ਨਹੀਂ ਹਨ ਇਲੈਕਟ੍ਰਿਕ ਕਾਰਾਂ, ਵਾਤਾਵਰਣ ਨੂੰ ਪਹੁੰਚਾਉਂਦੀਆਂ ਹਨ ਨੁਕਸਾਨ- ਰਿਪੋਰਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਈ-ਇਨਵੌਇਸਿੰਗ ਦਾ ਦਾਇਰਾ ਵਧਾਉਣ ਦੀ ਯੋਜਨਾ ਬਣਾ ਰਹੀ ਸਰਕਾਰ
NEXT STORY 
