ਨਵੀਂ ਦਿੱਲੀ - ਜੇ ਤੁਸੀਂ ਸੋਨਾ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਡੇ ਲਈ ਇਹ ਮਹੱਤਵਪੂਰਣ ਖਬਰ ਹੈ। ਅੱਜ ਤੋਂ ਸੋਨੇ ਦੀ ਹਾਲਮਾਰਕਿੰਗ ਲਾਜ਼ਮੀ ਕਰ ਦਿੱਤੀ ਗਈ ਹੈ। ਅਜਿਹੀ ਸਥਿਤੀ 'ਚ ਜੇ ਤੁਸੀਂ ਖਰੀਦਾਰੀ ਕਰਨ ਜਾ ਰਹੇ ਹੋ, ਤਾਂ ਉਸ ਤੋਂ ਪਹਿਲਾਂ ਨਿਯਮਾਂ ਨੂੰ ਜਾਣਨਾ ਮਹੱਤਵਪੂਰਨ ਹੈ। ਕੇਂਦਰ ਸਰਕਾਰ ਨੇ ਸੋਨੇ ਦੇ ਗਹਿਣਿਆਂ ਉੱਤੇ ਬੀਆਈਐਸ ਹਾਲਮਾਰਕਿੰਗ ਨੂੰ ਲਾਜ਼ਮੀ ਕਰ ਦਿੱਤਾ ਹੈ। 15 ਜੂਨ ਤੋਂ ਸਾਰੇ ਜਿਊਲਰ ਲਈ ਸਿਰਫ BIS ਪ੍ਰਮਾਣਤ ਗਹਿਣੇ ਵੇਚਣੇ ਲਾਜ਼ਮੀ ਹੋ ਗਏ ਹਨ।
ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ! 815 ਰੁਪਏ ਵਾਲਾ ਗੈਸ ਸਿਲੰਡਰ ਖ਼ਰੀਦੋ ਸਿਰਫ਼ 15 ਰੁਪਏ ਵਿਚ, ਜਾਣੋ ਕਿਵੇਂ
ਕੇਂਦਰ ਸਰਕਾਰ ਪਿਛਲੇ ਡੇਢ ਸਾਲਾਂ ਤੋਂ ਸੋਨੇ ਦੀ ਹਾਲਮਾਰਕਿੰਗ ਨੂੰ ਲੈ ਕੇ ਯੋਜਨਾ ਬਣਾ ਰਹੀ ਹੈ ਅਤੇ ਇਹ ਹੁਕਮ ਅੱਜ ਤੋਂ ਪੂਰੇ ਦੇਸ਼ ਵਿਚ ਲਾਗੂ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ ਇਸ ਹੁਕਮ ਨੂੰ ਪਹਿਲਾਂ ਲਾਗੂ ਕੀਤਾ ਜਾ ਸਕਦਾ ਸੀ, ਪਰ ਦੇਸ਼ ਵਿਚ ਮਹਾਮਾਰੀ ਫੈਲਣ ਕਾਰਨ ਇਸ ਨੂੰ ਲਾਗੂ ਨਹੀਂ ਕੀਤਾ ਜਾ ਸਕਿਆ। ਆਓ ਜਾਣਦੇ ਹਾਂ ਇਸ ਨਿਯਮਾਂ ਬਾਰੇ ਅਤੇ ਜਾਣੋ ਇਸ ਨਿਯਮ ਦਾ ਆਮ ਲੋਕਾਂ ਉੱਤੇ ਕੀ ਪ੍ਰਭਾਵ ਪਏਗਾ।
ਗੋਲਡ ਹਾਲਮਾਰਕਿੰਗ ਕੀ ਹੈ?
ਕੇਂਦਰ ਸਰਕਾਰ ਨੇ ਕਿਹਾ ਹੈ ਕਿ ਸੋਨੇ ਦੀ ਹਾਲਮਾਰਕਿੰਗ ਦੇ ਤਹਿਤ ਦੇਸ਼ ਦੇ ਸਾਰੇ ਸੋਨੇ ਦੇ ਵਪਾਰੀਆਂ ਨੂੰ ਸੋਨੇ ਦੇ ਗਹਿਣਿਆਂ ਜਾਂ ਆਰਟਵਰਕ ਨੂੰ ਵੇਚਣ ਲਈ ਬੀ.ਆਈ.ਐੱਸ ਦੇ ਮਾਪਦੰਡਾਂ ਨੂੰ ਪੂਰਾ ਕਰਨਾ ਹੋਵੇਗਾ। ਕੋਈ ਵੀ ਵਪਾਰੀ ਜੋ ਇਨ੍ਹਾਂ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦਾ ਉਸ ਵਿਰੁੱਧ ਸਖਤ ਕਾਰਵਾਈ ਕੀਤੀ ਜਾਏਗੀ।
ਇਹ ਵੀ ਪੜ੍ਹੋ : ਕ੍ਰਿਪਟੋ ਕਰੰਸੀ ਕਾਰਨ ਦੁਨੀਆ ’ਚ ਵਧੀ ਚਿੰਤਾ, ਚੀਨ ਨੇ 1100 ਕ੍ਰਿਪਟੋ ਟ੍ਰੇਡਰ ਕੀਤੇ ਗ੍ਰਿਫਤਾਰ
ਨਿਯਮਾਂ ਦੀ ਪਾਲਣਾ ਨਾ ਕਰਨ ਵਾਲੇ ਨੂੰ ਸਜ਼ਾ
ਜੇ ਕੋਈ ਸਰਕਾਰ ਦੁਆਰਾ ਜਾਰੀ ਨਿਯਮਾਂ ਦੀ ਪਾਲਣਾ ਨਹੀਂ ਕਰਦਾ ਹੈ, ਤਾਂ ਉਸ ਨੂੰ BIS Act 2016 ਦੀ ਧਾਰਾ 29 ਤਹਿਤ ਇਕ ਸਾਲ ਤੱਕ ਦੀ ਕੈਦ ਜਾਂ 1 ਲੱਖ ਰੁਪਏ ਤੋਂ ਵੱਧ ਦਾ ਜੁਰਮਾਨਾ ਹੋ ਸਕਦਾ ਹੈ।
ਕਿੰਨੀ ਸ਼ੁੱਧਤਾ ਵਾਲੇ ਸੋਨੇ ਦੀ ਹੋ ਸਕੇਗੀ ਹਾਲਮਾਰਕਿੰਗ
ਤੁਹਾਨੂੰ ਦੱਸ ਦੇਈਏ ਕਿ 14 ਕੈਰਟ, 18 ਕੈਰਟ ਅਤੇ 22 ਕੈਰਟ ਸ਼ੁੱਧਤਾ ਵਾਲਾ ਸੋਨਾ ਹਾਲਮਾਰਕ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ : EPFO ਕਰਨ ਜਾ ਰਿਹੈ ਆਟੋਮੈਟਿਕ ਸੈਟਲਮੈਂਟ ਦੀ ਵਿਵਸਥਾ, ਇਨ੍ਹਾਂ ਲੋਕਾਂ ਨੂੰ ਮਿਲੇਗਾ ਵੱਡਾ ਫ਼ਾਇਦਾ
ਘਰ ਵਿਚ ਪਹਿਲਾਂ ਤੋਂ ਰੱਖੇ ਹੋਏ ਸੋਨੇ ਦਾ ਕੀ ਬਣੇਗਾ?
ਸਭ ਤੋਂ ਮਹੱਤਵਪੂਰਣ ਗੱਲ ਇਹ ਹੈ ਕਿ ਤੁਹਾਡੇ ਘਰ ਵਿਚ ਰੱਖੇ ਸੋਨੇ ਦਾ ਕੀ ਹੋਵੇਗਾ। ਜੇ ਇਹ ਸਵਾਲ ਤੁਹਾਡੇ ਦਿਮਾਗ ਵਿਚ ਵੀ ਆ ਰਿਹਾ ਹੈ, ਤਾਂ ਇਥੇ ਇਹ ਸਮਝਣਾ ਜ਼ਰੂਰੀ ਹੈ ਕਿ ਹਾਲਮਾਰਕਿੰਗ ਦਾ ਇਹ ਨਿਯਮ ਸੋਨੇ ਦੇ ਗਹਿਣਿਆਂ ਨੂੰ ਵੇਚਣ ਵਾਲੇ ਜਿਊਲਰ ਲਈ ਲਾਗੂ ਹੋਵੇਗਾ। ਗਾਹਕ ਬਿਨਾਂ ਕਿਸੇ ਹਾਲਮਾਰਕਿੰਗ ਨਿਸ਼ਾਨ ਦੇ ਆਪਣੇ ਗਹਿਣਿਆਂ ਨੂੰ ਵੇਚ ਸਕਦੇ ਹਨ।
ਇਸ ਨਿਯਮ ਦਾ ਫਾਇਦਾ
ਸਰਕਾਰ ਦੇ ਇਸ ਕਦਮ ਨਾਲ ਸੋਨੇ ਦੀ ਸ਼ੁੱਧਤਾ ਦਾ ਪਤਾ ਅਸਾਨੀ ਨਾਲ ਲਗਾਇਆ ਜਾ ਸਕਦਾ ਹੈ। ਇਸ ਨਿਯਮ ਦੇ ਲਾਗੂ ਹੋਣ ਤੋਂ ਬਾਅਦ ਕੀਮਤੀ ਧਾਤੂ ਲਈ ਬਾਜ਼ਾਰ ਵਿਚ ਵਿਸ਼ਵਾਸ ਵਧੇਗਾ। ਇਸ ਦੇ ਨਾਲ ਹੀ ਹੈਂਡਕ੍ਰਾਫਟ ਸੋਨੇ ਦੀ ਮਾਰਕੀਟ ਨੂੰ ਵੀ ਹੁਲਾਰਾ ਮਿਲੇਗਾ ਅਤੇ ਗਹਿਣਿਆਂ ਦਾ ਉਦਯੋਗ ਵੀ ਵਧੇਗਾ। ਇਸ ਸਮੇਂ ਦੇਸ਼ ਭਰ ਦੇ 234 ਜ਼ਿਲ੍ਹਿਆਂ ਵਿਚ 892 ਹਾਲਮਾਰਕਿੰਗ ਕੇਂਦਰ ਚੱਲ ਰਹੇ ਹਨ ਜੋ 28,849 ਬੀ.ਆਈ.ਐਸ. ਰਜਿਸਟਰਡ ਗਹਿਣਿਆਂ ਲਈ ਹਾਲਮਾਰਕਿੰਗ ਕਰ ਰਹੇ ਹਨ। ਹਾਲਾਂਕਿ, ਹੁਣ ਇਹ ਗਿਣਤੀ ਹੋਰ ਵਧਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : ਕ੍ਰਿਪਟੋ ਕਰੰਸੀ ਕਾਰਨ ਦੁਨੀਆ ’ਚ ਵਧੀ ਚਿੰਤਾ, ਚੀਨ ਨੇ 1100 ਕ੍ਰਿਪਟੋ ਟ੍ਰੇਡਰ ਕੀਤੇ ਗ੍ਰਿਫਤਾਰ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
Airtel ਨੇ ਸ਼ੁਰੂ ਕੀਤਾ 5G ਦਾ ਟਰਾਇਲ, ਸਿਰਫ਼ 1 ਮਿੰਟ ’ਚ ਡਾਊਨਲੋਡ ਹੋਵੇਗੀ 4k ਪੂਰੀ ਫਿਲਮ
NEXT STORY 
