ਨਵੀਂ ਦਿੱਲੀ - ਭਾਰਤ ਦੀ ਸਾਵਿਤਰੀ ਜਿੰਦਲ ਹੁਣ ਏਸ਼ੀਆ ਦੀ ਸਭ ਤੋਂ ਅਮੀਰ ਔਰਤ ਬਣ ਗਈ ਹੈ। ਉਸ ਨੇ ਚੀਨ ਦੀ ਯਾਂਗ ਹੁਯਾਨ ਨੂੰ ਪਛਾੜ ਦਿੱਤਾ ਹੈ। ਚੀਨ ਦੇ ਸਭ ਤੋਂ ਵੱਡੇ ਰੀਅਲ ਅਸਟੇਟ ਡਿਵੈਲਪਰ ਕੰਟਰੀ ਗਾਰਡਨ ਹੋਲਡਿੰਗਜ਼ ਨੂੰ ਨਿਯੰਤਰਿਤ ਕਰਨ ਵਾਲੀ ਹੁਈਆਨ ਨੂੰ ਇਸ ਸਾਲ ਚੀਨ ਵਿੱਚ ਜਾਇਦਾਦ ਸੰਕਟ ਕਾਰਨ 11 ਅਰਬ ਡਾਲਰ ਦਾ ਨੁਕਸਾਨ ਹੋਇਆ ਹੈ ਅਤੇ ਅਰਬਪਤੀ ਸੂਚਕਾਂਕ ਤੋਂ ਪਿੱਛੇ ਰਹਿ ਗਈ ਹੈ। ਸਾਵਿਤਰੀ ਜਿੰਦਲ 18 ਅਰਬ ਡਾਲਰ ਦੀ ਕੁੱਲ ਜਾਇਦਾਦ ਨਾਲ ਭਾਰਤ ਦੀ ਸਭ ਤੋਂ ਅਮੀਰ ਔਰਤ ਹੈ। ਫੋਰਬਸ ਦੀ 2021 ਦੀ ਸਭ ਤੋਂ ਅਮੀਰ ਭਾਰਤੀਆਂ ਦੀ ਸੂਚੀ ਦੇ ਸਿਖਰਲੇ 10 ਵਿੱਚ ਉਹ ਇਕਲੌਤੀ ਔਰਤ ਹੈ।
ਇਹ ਵੀ ਪੜ੍ਹੋ : ਛੋਟੀ ਜਿਹੀ ਗਲਤੀ ਵੀ ਬੰਦ ਕਰਵਾ ਸਕਦੀ ਹੈ ਡੀਮੈਟ ਖਾਤਾ, SEBI ਨੇ ਜਾਰੀ ਕੀਤੇ ਨਵੇਂ ਨਿਯਮ
5 ਸਾਲਾਂ ਤੱਕ ਏਸ਼ੀਆ ਦੀ ਸਭ ਤੋਂ ਅਮੀਰ ਔਰਤ ਰਹੀ ਯਾਂਗ ਹੁਈਆਨ
ਬਲੂਮਬਰਗ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਪਿਛਲੇ ਪੰਜ ਸਾਲਾਂ ਵਿੱਚ ਏਸ਼ੀਆ ਦੀ ਸਭ ਤੋਂ ਅਮੀਰ ਔਰਤ, ਯਾਂਗ ਹੁਈਆਨ ਲਈ ਇਹ ਇੱਕ ਨਾਟਕੀ ਗਿਰਾਵਟ ਸਾਬਤ ਹੋਈ, ਪਰ ਸਾਵਿਤਰੀ ਜਿੰਦਲ ਦੀ ਕੁੱਲ ਜਾਇਦਾਦ ਵਿੱਚ ਹਾਲ ਹੀ ਦੇ ਸਾਲਾਂ ਵਿੱਚ ਭਾਰੀ ਉਤਰਾਅ-ਚੜ੍ਹਾਅ ਆਇਆ ਹੈ। ਅਪ੍ਰੈਲ 2020 ਵਿੱਚ ਕੋਵਿਡ-19 ਮਹਾਮਾਰੀ ਦੀ ਸ਼ੁਰੂਆਤ ਵਿੱਚ ਇਹ ਘਟ ਕੇ 3.2 ਬਿਲੀਅਨ ਡਾਲਰ ਹੋ ਗਈ ਅਤੇ ਫਿਰ ਅਪ੍ਰੈਲ 2022 ਵਿੱਚ 15.6 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ।
ਇਹ ਵੀ ਪੜ੍ਹੋ : ਅਮਰੀਕਾ 'ਚ ਮੰਦੀ ਦਾ ਵਧਿਆ ਖ਼ਤਰਾ, ਲਗਾਤਾਰ ਦੂਜੀ ਤਿਮਾਹੀ 'ਚ GDP 'ਚ ਗਿਰਾਵਟ
ਸਾਵਿਤਰੀ ਜਿੰਦਲ ਨੂੰ ਸਾਲ 2015 ਵਿੱਚ ਮਿਲੀ ਸੀ ਓਪੀ ਜਿੰਦਲ ਗਰੁੱਪ ਦੀ ਕਮਾਨ
2015 ਵਿੱਚ ਹੀ, ਸਾਵਿਤਰੀ ਜਿੰਦਲ ਨੂੰ ਉਸਦੇ ਪਤੀ ਓਮ ਪ੍ਰਕਾਸ਼ ਜਿੰਦਲ ਦੇ ਸਟੀਲ ਅਤੇ ਪਾਵਰ ਗਰੁੱਪ ਦੀ ਵਾਗਡੋਰ ਸੰਭਾਲਣ ਲਈ ਮਜਬੂਰ ਹੋਣਾ ਪਿਆ ਸੀ ਜਦੋਂ ਇੱਕ ਹੈਲੀਕਾਪਟਰ ਹਾਦਸੇ ਵਿੱਚ ਉਸਦੀ ਮੌਤ ਹੋ ਗਈ ਸੀ। ਉਦੋਂ ਉਹ 55 ਸਾਲਾਂ ਦੀ ਸੀ। ਅੱਜ ਉਹ ਓ.ਪੀ. ਜਿੰਦਲ ਗਰੁੱਪ ਦੀ ਐਮਰੀਟਸ ਚੇਅਰਪਰਸਨ ਹੈ, ਜਿਸ ਦੀ ਅਗਵਾਈ ਹੇਠ ਮਾਲੀਆ ਚਾਰ ਗੁਣਾ ਵਧਿਆ ਹੈ।
2005 ਵਿੱਚ, ਯਾਂਗ ਹੁਈਆਨ ਨੂੰ ਇੱਕ ਰੀਅਲ ਅਸਟੇਟ ਡਿਵੈਲਪਰ ਵਿੱਚ ਆਪਣੇ ਪਿਤਾ ਦੀ ਹਿੱਸੇਦਾਰੀ ਵਿਰਾਸਤ ਵਿੱਚ ਮਿਲੀ ਅਤੇ ਉਹ ਦੁਨੀਆ ਦੇ ਸਭ ਤੋਂ ਘੱਟ ਉਮਰ ਦੇ ਅਰਬਪਤੀਆਂ ਵਿੱਚੋਂ ਇੱਕ ਬਣ ਗਈ। ਉਸਨੇ 2018 ਵਿੱਚ 4 ਦਿਨਾਂ ਵਿੱਚ 2 ਬਿਲੀਅਨ ਡਾਲਰ ਕਮਾਏ। ਇਸ ਸਾਲ ਉਨ੍ਹਾਂ ਨੂੰ ਸਿਰਫ ਇੱਕ ਦਿਨ ਵਿੱਚ 1 ਬਿਲੀਅਨ ਡਾਲਰ ਤੋਂ ਵੱਧ ਦਾ ਨੁਕਸਾਨ ਹੋਇਆ।
ਇਹ ਵੀ ਪੜ੍ਹੋ : ਆਧਾਰ ਨਾਲ ਜੁੜੇਗਾ ਵੋਟਰ ਕਾਰਡ, ਇਸ ਤਾਰੀਖ਼ ਤੋਂ ਸ਼ੁਰੂ ਹੋਵੇਗੀ ਦੇਸ਼ ਭਰ ਵਿਚ ਮੁਹਿੰਮ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
1 ਅਗਸਤ ਤੋਂ ਹੋਣ ਜਾ ਰਹੇ ਹਨ ਕਈ ਵੱਡੇ ਬਦਲਾਅ, ਆਮ ਆਦਮੀ ’ਤੇ ਹੋਵੇਗਾ ਸਿੱਧਾ ਅਸਰ
NEXT STORY 
