ਨਵੀਂ ਦਿੱਲੀ - ਪਹਿਲੀ ਅਕਤੂਬਰ ਤੋਂ ਬਹੁਤ ਸਾਰੇ ਨਿਯਮ ਬਦਲਣ ਜਾ ਰਹੇ ਹਨ। ਨਵੇਂ ਲਾਗੂ ਹੋਣ ਵਾਲੇ ਨਿਯਮ ਜਾਂ ਬਦਲਾਅ ਰੁਪਏ-ਪੈਸੇ ਦੇ ਲੈਣ-ਦੇਣ ਅਤੇ ਸ਼ੇਅਰ ਬਾਜ਼ਾਰ ਵਿੱਚ ਵਪਾਰ ਨਾਲ ਸਬੰਧਤ ਹਨ। ਇਨ੍ਹਾਂ ਨਵੇਂ ਨਿਯਮਾਂ ਦਾ ਸਿੱਧਾ ਅਸਰ ਗਾਹਕਾਂ 'ਤੇ ਪਵੇਗਾ। ਇਸ ਵਿੱਚ ਆਟੋ ਡੈਬਿਟ ਨਿਯਮਾਂ, ਤਿੰਨ ਬੈਂਕਾਂ ਦੀ ਚੈਕਬੁੱਕਾਂ ਦੇ ਕੰਮ ਨਾ ਕਰਨ ਸਮੇਤ ਕਈ ਹੋਰ ਨਿਯਮ ਸ਼ਾਮਲ ਹਨ। ਸਾਨੂੰ ਅਗਲੇ ਮਹੀਨੇ ਤੋਂ ਲਾਗੂ ਕੀਤੇ ਜਾ ਰਹੇ ਇਨ੍ਹਾਂ ਬਦਲਾਵਾਂ ਬਾਰੇ ਪਤਾ ਹੋਣਾ ਲਾਜ਼ਮੀ ਹੈ।
ਡੈਬਿਟ-ਕ੍ਰੈਡਿਟ ਕਾਰਡ ਨਾਲ ਹੋਣ ਵਾਲੇ ਆਟੋ ਡੈਬਿਟ ਨਿਯਮ
1 ਅਕਤੂਬਰ 2021 ਤੋਂ ਤੁਹਾਡੇ ਕ੍ਰੈਡਿਟ ਅਤੇ ਡੈਬਿਟ ਕਾਰਡਾਂ ਤੇ ਆਟੋ ਡੈਬਿਟ ਦਾ ਬਦਲਣ ਜਾ ਰਿਹਾ ਹੈ। ਆਰ.ਬੀ.ਆਈ. ਦਾ ਨਵਾਂ ਨਿਯਮ 1 ਅਕਤੂਬਰ ਤੋਂ ਲਾਗੂ ਹੋਵੇਗਾ। ਆਰਬੀਆਈ ਦਾ ਨਿਯਮ ਹੈ ਕਿ ਬੈਂਕਾਂ ਜਾਂ ਹੋਰ ਵਿੱਤੀ ਸੰਸਥਾਵਾਂ ਨੂੰ ਡੈਬਿਟ-ਕ੍ਰੈਡਿਟ ਕਾਰਡ ਜਾਂ ਮੋਬਾਈਲ ਵਾਲਿਟ ਰਾਹੀਂ 5000 ਰੁਪਏ ਤੋਂ ਵੱਧ ਦੇ ਲੈਣ-ਦੇਣ ਲਈ ਵਾਧੂ ਕਾਰਕ ਪ੍ਰਮਾਣੀਕਰਣ ਦੀ ਮੰਗ ਕਰਨੀ ਪਏਗੀ ਭਾਵ ਹੁਣ ਗਾਹਕ ਦੀ ਮਨਜ਼ੂਰੀ ਤੋਂ ਬਿਨਾਂ ਬੈਂਕ ਤੁਹਾਡੇ ਕਾਰਡ ਤੋਂ ਪੈਸੇ ਡੈਬਿਟ ਨਹੀਂ ਕਰ ਸਕੇਗਾ।
ਇਹ ਵੀ ਪੜ੍ਹੋ : ਕੀ 1000 ਰੁਪਏ 'ਚ ਮਿਲੇਗਾ ਗੈਸ ਸਿਲੰਡਰ? ਜਾਣੋ ਕੀ ਹੈ ਸਰਕਾਰ ਦਾ ਅਗਲਾ ਪਲਾਨ
ਆਟੋ ਡੈਬਿਟ ਭਾਵ ਤੈਅ ਸਮੇਂ 'ਤੇ ਆਪਣੇ-ਆਪ ਹੋ ਜਾਣ ਵਾਲੇ ਟਰਾਂਜੈਕਸ਼ਨ ਵਰਗੇ ਐੱਸ.ਆਈ.ਪੀ. ਕੱਟ, ਈ.ਐੱਮ.ਆਈ. ਕੱਟ, ਕਿਸੇ ਐਪ ਦੀ ਸਬਸਕ੍ਰਿਪਸ਼ਨ ਫ਼ੀਸ ਦੀ ਪੇਮੈਂਟ , ਬਿੱਲ ਪੇਮੈਂਟ ਆਦਿ ਦੀ ਮਨਜ਼ੂਰੀ ਪ੍ਰਾਪਤ ਕਰਨ ਲਈ ਗਾਹਕ ਦੇ ਕੋਲ ਘੱਟੋ-ਘੱਟ 24 ਘੰਟੇ ਪਹਿਲਾਂ ਇਕ ਐਸ.ਐੱਮ.ਐੱਸ. ਜਾਂ ਈ-ਮੇਲ ਆਵੇਗਾ। ਆਟੋ-ਡੈਬਿਟ ਜੇਕਰ ਸਿੱਧਾ ਤੁਹਾਡੇ ਖ਼ਾਤੇ ਵਿਚੋਂ ਹੁੰਦਾ ਹੈ ਤਾਂ ਨਵੇਂ ਨਿਯਮ ਦਾ ਕੋਈ ਪ੍ਰਭਾਵ ਨਹੀਂ ਪਵੇਗਾ।
ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿਚ ਵਾਧਾ
ਦੇਸ਼ ਦੀ ਸਭ ਤੋਂ ਵੱਡੀ ਸਰਕਾਰੀ ਤੇਲ ਕੰਪਨੀ ਇੰਡੀਅਨ ਆਇਲ ਕਾਰਪੋਰੇਸ਼ਨ (ਆਈਓਸੀ) ਨੇ 19 ਕਿਲੋ ਦੇ ਵਪਾਰਕ ਗੈਸ ਸਿਲੰਡਰ ਦੀ ਕੀਮਤ ਵਿੱਚ 43.5 ਰੁਪਏ ਪ੍ਰਤੀ ਸਿਲੰਡਰ ਦਾ ਵਾਧਾ ਕੀਤਾ ਹੈ। ਇਸ ਤੋਂ ਬਾਅਦ ਰਾਸ਼ਟਰੀ ਰਾਜਧਾਨੀ ਦਿੱਲੀ ਵਿੱਚ 19 ਕਿਲੋ ਵਪਾਰਕ ਗੈਸ ਸਿਲੰਡਰ ਦੀ ਕੀਮਤ 1693 ਰੁਪਏ ਤੋਂ ਵੱਧ ਕੇ 1736.5 ਰੁਪਏ ਪ੍ਰਤੀ ਸਿਲੰਡਰ ਹੋ ਗਈ ਹੈ।
ਹਾਲਾਂਕਿ ਤੇਲ ਕੰਪਨੀਆਂ ਨੇ ਆਮ ਆਦਮੀ ਦੁਆਰਾ ਵਰਤੇ ਜਾਂਦੇ 14.2 ਕਿਲੋਗ੍ਰਾਮ ਗੈਰ-ਸਬਸਿਡੀ ਵਾਲੇ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਨਹੀਂ ਕੀਤਾ ਹੈ। ਇਸ ਦੀ ਕੀਮਤ 'ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਦਿੱਲੀ ਵਿੱਚ 14.2 ਕਿਲੋਗ੍ਰਾਮ ਗੈਰ ਸਬਸਿਡੀ ਵਾਲੇ ਸਿਲੰਡਰ ਦੀ ਕੀਮਤ 884.50 ਰੁਪਏ ਬਣੀ ਹੋਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਯਾਨੀ ਸਤੰਬਰ ਵਿੱਚ ਤੇਲ ਕੰਪਨੀਆਂ ਨੇ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀ ਕੀਮਤ ਵਿੱਚ 25 ਰੁਪਏ ਦਾ ਵਾਧਾ ਕੀਤਾ ਸੀ।
3 ਬੈਂਕਾਂ ਦੀ ਚੈੱਕ ਬੁੱਕ ਹੋ ਜਾਵੇਗੀ ਬੇਕਾਰ
1 ਅਕਤੂਬਰ ਤੋਂ ਤਿੰਨ ਬੈਂਕਾਂ ਦੀ ਚੈੱਕ ਬੁੱਕ ਅਤੇ MICR ਕੋਡ ਇਨਵੈਲਿਡ ਹੋਣ ਜਾ ਰਹੇ ਹਨ। ਇਹ ਬੈਂਕ ਹਨ ਇਲਾਹਾਬਾਦ ਬੈਂਕ, ਓਰੀਐਂਟਲ ਬੈਂਕ ਆਫ਼ ਕਾਮਰਸ ਅਤੇ ਯੁਨਾਇਟਿਡ ਬੈਂਕ ਆਫ਼ ਇੰਡੀਆ। ਇਲਾਹਾਬਾਦਾ ਬੈਂਕ ਦਾ ਰਲੇਵਾਂ ਇੰਡੀਅਨ ਬੈਂਕ ਵਿਚ ਹੋ ਚੁੱਕਾ ਹੈ ਜਿਹੜਾ 1 ਅਪ੍ਰੈਲ 2020 ਤੋਂ ਲਾਗੂ ਹੋ ਗਿਆ ਹੈ। ਓਰੀਐਂਟਲ ਬੈਂਕ ਆਫ਼ ਕਾਮਰਸ ਅਤੇ ਯੂਨਾਈਟਿਡ ਬੈਂਕ ਆਫ਼ ਇੰਡੀਆ ਨੂੰ 1 ਅਪ੍ਰੈਲ 2019 ਤੋਂ ਪੰਜਾਬ ਨੈਸ਼ਨਲ ਬੈਂਕ (ਪੀਐਨਬੀ) ਵਿੱਚ ਮਿਲਾ ਦਿੱਤਾ ਗਿਆ ਹੈ। ਇਨ੍ਹਾਂ ਤਿੰਨਾਂ ਪੁਰਾਣੇ ਬੈਂਕਾਂ ਦੇ ਗਾਹਕਾਂ ਨੂੰ 30 ਸਤੰਬਰ ਤੱਕ ਨਵੀਂ ਚੈੱਕਬੁੱਕ ਪ੍ਰਾਪਤ ਕਰਨ ਲਈ ਕਿਹਾ ਗਿਆ ਹੈ।
ਇਹ ਵੀ ਪੜ੍ਹੋ : 10 ਕਰੋੜ 'ਚ ਵਿਕਿਆ 1 ਰੁਪਏ ਦਾ ਦੁਰਲੱਭ ਸਿੱਕਾ, ਜਾਣੋ ਖ਼ਾਸੀਅਤ
ਡੀਮੈਟ ਅਤੇ ਟ੍ਰੇਡਿੰਗ ਖਾਤੇ ਲਈ KYC ਅਪਡੇਟ ਦੀ ਆਖਰੀ ਮਿਤੀ
ਸੇਬੀ ਨੇ ਡੀਮੈਟ ਅਤੇ ਟ੍ਰੇਡਿੰਗ ਖਾਤੇ ਰੱਖਣ ਵਾਲੇ ਲੋਕਾਂ ਨੂੰ 30 ਸਤੰਬਰ 2021 ਤੋਂ ਪਹਿਲਾਂ ਕੇ.ਵਾਈ.ਸੀ. ਵੇਰਵੇ ਅਪਡੇਟ ਕਰਨ ਲਈ ਕਿਹਾ ਹੈ। ਜੇ ਤੁਸੀਂ 30 ਸਤੰਬਰ ਤੋਂ ਪਹਿਲਾਂ ਆਪਣੇ ਖਾਤੇ ਵਿੱਚ ਕੇ.ਵਾਈ.ਸੀ. ਅਪਡੇਟ ਨਹੀਂ ਕਰਦੇ, ਤਾਂ ਡੀਮੈਟ ਖਾਤਾ ਅਕਿਰਿਆਸ਼ੀਲ ਹੋ ਜਾਵੇਗਾ ਅਤੇ ਖਾਤਾ ਧਾਰਕ ਬਾਜ਼ਾਰ ਵਿਚ ਟ੍ਰੇਡਿੰਗ ਨਹੀਂ ਕਰ ਸਕੇਗਾ।
ਡੀਮੈਟ ਅਤੇ ਟ੍ਰੇਡਿੰਗ ਖਾਤੇ ਵਿੱਚ ਨਾਮਜ਼ਦਗੀ ਜ਼ਰੂਰੀ
ਡੀਮੈਟ ਅਤੇ ਟ੍ਰੇਡਿੰਗ ਖਾਤਾ ਖੋਲ੍ਹਣ ਲਈ ਹੁਣ ਨਿਵੇਸ਼ਕਾਂ ਲਈ ਨਾਮਜ਼ਦਗੀ ਦੀ ਜਾਣਕਾਰੀ ਪ੍ਰਦਾਨ ਕਰਨਾ ਜ਼ਰੂਰੀ ਹੈ। ਜੇ ਕੋਈ ਨਿਵੇਸ਼ਕ ਨਾਮਜ਼ਦਗੀ ਨਹੀਂ ਦੇਣਾ ਚਾਹੁੰਦਾ, ਤਾਂ ਉਸਨੂੰ ਇਸ ਬਾਰੇ ਘੋਸ਼ਣਾ ਪੱਤਰ ਭਰਨਾ ਪਏਗਾ। ਜੇ ਕੋਈ ਨਿਵੇਸ਼ਕ ਅਜਿਹਾ ਨਹੀਂ ਕਰਦਾ, ਤਾਂ ਉਸਦਾ ਵਪਾਰ ਅਤੇ ਡੀਮੈਟ ਖਾਤਾ ਫਰੀਜ਼ ਕਰ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ : ਭਾਰਤ ਛੱਡਣ ਤੋਂ ਪਹਿਲਾਂ ਵਿਵਾਦਾਂ 'ਚ Ford, ਡੀਲਰਾਂ ਨੇ ਲਗਾਏ ਵੱਡੇ ਇਲਜ਼ਾਮ
ਫੂਡ ਬਿਜ਼ਨੈਸ ਸੰਚਾਲਕਾਂ ਲਈ ਲਾਗੂ ਕੀਤਾ ਜਾ ਰਿਹਾ ਹੈ ਇਹ ਨਿਯਮ
ਫੂਡ ਸੇਫਟੀ ਰੈਗੂਲੇਟਰ ਐਫ.ਐਸ.ਐਸ.ਏ.ਆਈ. ਨੇ ਫੂਡ ਬਿਜ਼ਨੈੱਸ ਆਪਰੇਟਰਾਂ ਲਈ 1 ਅਕਤੂਬਰ 2021 ਤੋਂ ਨਕਦ ਰਸੀਦਾਂ ਜਾਂ ਖਰੀਦ ਇਨਵੌਇਸਾਂ 'ਤੇ ਐਫ.ਐਸ.ਐਸ.ਏ.ਆਈ. ਲਾਇਸੈਂਸ ਨੰਬਰ ਜਾਂ ਰਜਿਸਟ੍ਰੇਸ਼ਨ ਨੰਬਰ ਦਾ ਜ਼ਿਕਰ ਕਰਨਾ ਲਾਜ਼ਮੀ ਕਰ ਦਿੱਤਾ ਹੈ। ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (ਐਫਐਸਐਸਏਆਈ) ਦੇ ਆਦੇਸ਼ ਅਨੁਸਾਰ, "ਲਾਇਸੈਂਸਿੰਗ ਅਤੇ ਰਜਿਸਟ੍ਰੇਸ਼ਨ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤਾ ਗਿਆ ਹੈ ਕਿ ਉਹ ਨੀਤੀ ਨੂੰ ਵਿਆਪਕ ਪ੍ਰਚਾਰ ਦੇਣ ਅਤੇ 2 ਅਕਤੂਬਰ, 2021 ਤੋਂ ਇਸ ਨੂੰ ਲਾਗੂ ਕਰਨ ਨੂੰ ਯਕੀਨੀ ਬਣਾਉਣ।" ਜੇ ਐਫ.ਐਸ.ਐਸ.ਏ.ਆਈ. ਨੰਬਰ ਦਾ ਜ਼ਿਕਰ ਨਹੀਂ ਕੀਤਾ ਗਿਆ, ਤਾਂ ਇਹ ਫੂਡ ਬਿਜ਼ਨਸ ਦੁਆਰਾ ਗੈਰ-ਪਾਲਣਾ ਜਾਂ ਰਜਿਸਟਰੀ/ਲਾਇਸੈਂਸ ਨਾ ਹੋਣ ਦਾ ਸੰਕੇਤ ਦੇਵੇਗਾ।
ਲਾਈਫ ਸਰਟੀਫਿਕੇਟ ਜਮ੍ਹਾਂ ਹੋਣਾ ਸ਼ੁਰੂ ਹੋ ਜਾਵੇਗਾ
1 ਅਕਤੂਬਰ 2021 ਤੋਂ 30 ਨਵੰਬਰ 2021 ਤੱਕ, 80 ਸਾਲ ਅਤੇ ਇਸਤੋਂ ਵੱਧ ਉਮਰ ਦੇ ਪੈਨਸ਼ਨਰ ਦੇਸ਼ ਦੇ ਸੰਬੰਧਤ ਮੁੱਖ ਡਾਕਘਰਾਂ ਦੇ ਡਾਕਘਰਾਂ ਦੇ ਜੀਵਨ ਪ੍ਰਮਾਣ ਕੇਂਦਰਾਂ ਵਿੱਚ ਆਪਣਾ ਡਿਜੀਟਲ ਜੀਵਨ ਪ੍ਰਧਾਨ ਪੱਤਰ (ਡਿਜੀਟਲ ਜੀਵਨ ਪ੍ਰਮਾਣ ਪੱਤਰ) ਜਮ੍ਹਾਂ ਕਰ ਸਕਣਗੇ। ਬਾਕੀ ਪੈਨਸ਼ਨਰ 1 ਤੋਂ 30 ਨਵੰਬਰ ਤੱਕ ਜੀਵਨ ਸਰਟੀਫਿਕੇਟ ਜਮ੍ਹਾਂ ਕਰਵਾ ਸਕਣਗੇ। ਜੀਵਨ ਸਰਟੀਫਿਕੇਟ ਪੈਨਸ਼ਨਰ ਦੇ ਜ਼ਿੰਦਾ ਹੋਣ ਦਾ ਸਬੂਤ ਹੈ ਅਤੇ ਇਸਨੂੰ ਹਰ ਸਾਲ ਬੈਂਕ ਜਾਂ ਵਿੱਤੀ ਸੰਸਥਾ ਵਿੱਚ ਜਮ੍ਹਾਂ ਕਰਵਾਉਣਾ ਪੈਂਦਾ ਹੈ ਜਿੱਥੇ ਪੈਨਸ਼ਨ ਆਉਂਦੀ ਹੈ।
ਇਹ ਵੀ ਪੜ੍ਹੋ : LPG ਗੈਸ ਕੁਨੈਕਨਸ਼ ਲੈਣਾ ਹੋਇਆ ਹੋਰ ਆਸਾਨ, ਸਿਰਫ਼ ਕਰਨਾ ਹੋਵੇਗਾ ਇਸ ਨੰਬਰ 'ਤੇ 'ਮਿਸਡ ਕਾਲ'
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਵੱਡਾ ਝਟਕਾ: 45 ਰੁਪਏ ਮਹਿੰਗਾ ਹੋਇਆ LPG ਗੈਸ ਸਿਲੰਡਰ
NEXT STORY 
