ਨਵੀਂ ਦਿੱਲੀ : ਵਿੱਤੀ ਤੌਰ 'ਤੇ ਕਮਜ਼ੋਰ ਹੋ ਚੁੱਕੀ ਸਰਕਾਰੀ ਏਅਰਲਾਈਨ ਕੰਪਨੀ ਏਅਰ ਇੰਡੀਆ ਦੇ ਵਿਨਿਵੇਸ਼ ਵਿੱਚ ਤੇਜ਼ੀ ਲਿਆਉਣ ਦੇ ਮੱਦੇਨਜ਼ਰ, ਸਰਕਾਰ ਨੇ ਉਸਦੀ ਪੂੰਜੀ ਸੰਪਤੀ ਨੂੰ ਇਕ ਵਿਸ਼ੇਸ਼ ਕੰਪਨੀ ਏਅਰ ਇੰਡੀਆ ਹੋਲਡਿੰਗਜ਼ ਕੰਪਨੀ ਲਿਮਟਿਡ ਨੂੰ ਟ੍ਰਾਂਸਫਰ ਕਰਨ ਦੀ ਸੂਚਨਾ ਦਿੱਤੀ ਹੈ। ਇਸ ਵਿਸ਼ੇਸ਼ ਕੰਪਨੀ ਵਿੱਚ ਏਅਰ ਇੰਡੀਆ ਦੀਆਂ ਚਾਰ ਸਹਾਇਕ ਕੰਪਨੀਆਂ, ਗੈਰ-ਕੋਰ ਸੰਪਤੀਆਂ, ਪੇਂਟਿੰਗ ਅਤੇ ਹਵਾਬਾਜ਼ੀ ਦੇ ਨਾਲ ਨਾਲ ਹੋਰ ਗੈਰ-ਸੰਚਾਲਨ ਸੰਪਤੀਆਂ ਸ਼ਾਮਲ ਹਨ।
ਏਅਰ ਇੰਡੀਆ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਸਰਕਾਰ ਨੇ ਹੁਣ ਏਅਰਲਾਈਨ ਦੀ ਸਾਰੀ ਸੰਪਤੀ ਇੱਕ ਕੰਪਨੀ ਨੂੰ ਸੌਂਪ ਦਿੱਤੀ ਹੈ ਅਤੇ ਜੇਕਰ ਇਸਦਾ ਵਿਨਿਵੇਸ਼ ਨਹੀਂ ਕੀਤਾ ਗਿਆ ਤਾਂ ਇਸ ਦੇ ਕੋਲ ਕੁਝ ਵੀ ਨਹੀਂ ਬਚੇਗਾ। ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ (ਸੀਬੀਡੀਟੀ) ਨੇ ਇਸ ਸਬੰਧ ਵਿੱਚ ਜਾਰੀ ਇੱਕ ਨੋਟੀਫਿਕੇਸ਼ਨ ਵਿੱਚ ਕਿਹਾ ਹੈ ਕਿ ਇਹ ਨੋਟੀਫਿਕੇਸ਼ਨ 1 ਅਪ੍ਰੈਲ, 2022 ਤੋਂ ਲਾਗੂ ਹੋਵੇਗਾ। ਏਅਰ ਇੰਡੀਆ ਦੇ ਵਿਨਿਵੇਸ਼ ਲਈ ਵਿੱਤੀ ਬੋਲੀ ਮੰਗੀ ਗਈ ਹੈ, ਜਿਸ ਦੀ ਆਖਰੀ ਮਿਤੀ 15 ਸਤੰਬਰ 2021 ਹੈ। ਟਾਟਾ ਸਮੂਹ ਇਸਦਾ ਸਭ ਤੋਂ ਪ੍ਰਮੁੱਖ ਸੰਭਾਵੀ ਗਾਹਕ ਹੈ।
ਧੋਨੀ ਸਮੇਤ ਆਮ੍ਰਪਾਲੀ ਦੇ 1,800 ਤੋਂ ਵਧ ਘਰ ਖ਼ਰੀਦਦਾਰਾਂ ਨੂੰ 15 ਦਿਨਾਂ ਅੰਦਰ ਚੁਕਾਣੀ ਹੈ ਬਕਾਇਆ ਰਾਸ਼ੀ
NEXT STORY 
