ਜਲੰਧਰ (ਬਿਊਰੋ) - ਪੂਰੀ ਦੁਨੀਆਂ ’ਚ 2 ਨਵੰਬਰ ਨੂੰ ਧਨਤੇਰਸ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਦੱਸ ਦੇਈਏ ਕਿ ਮਨੋਕਾਮਨਾ ਦੀ ਪੂਰਤੀ ਲਈ ਧਨਤੇਰਸ ਦੇ ਤਿਉਹਾਰ ਨੂੰ ਸਭ ਤੋਂ ਸ਼ੁੱਭ ਦਿਨ ਮੰਨਿਆ ਜਾਂਦਾ ਹੈ। ਧਨਤੇਰਸ ’ਤੇ ਖ਼ਰੀਦਦਾਰੀ ਦਾ ਵਿਸ਼ੇਸ਼ ਮਹੱਤਵ ਹੁੰਦਾ ਹੈ। ਸਾਲ ਭਰ ਤੁਹਾਨੂੰ ਪੈਸਿਆਂ ਦੀ ਕਮੀ ਨਾ ਹੋਵੇ, ਆਰਥਿਕ ਤੰਗੀ ਨਾਲ ਨਾ ਨਜਿੱਠਣਾ ਪਵੇ, ਇਸਦੇ ਲਈ ਧਨਤੇਰਸ ’ਤੇ ਛੋਟੀ-ਮੋਟੀ ਖਰੀਦਦਾਰੀ ਜ਼ਰੂਰ ਕਰੋ। ਘਰ ’ਚ ਸੁੱਖ, ਸ਼ਾਂਤੀ ਅਤੇ ਖੁਸ਼ਹਾਲੀ ਲਈ ਖ਼ਰੀਦਦਾਰੀ ਨੂੰ ਸ਼ੁੱਭ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਧਨਤੇਰਸ ਦੇ ਦਿਨ ਖ਼ਰੀਦੀ ਗਈ ਕੋਈ ਵੀ ਚੀਜ਼ ਸਾਲ ਭਰ ਸ਼ੁੱਭ ਫਲ਼ ਦਿੰਦੀ ਰਹਿੰਦੀ ਹੈ। ਇਸੇ ਲਈ ਆਓ ਜਾਣਦੇ ਹਾਂ ਕਿ ਸੋਨਾ-ਚਾਂਦੀ ਤੋਂ ਇਲਾਵਾ ਅਜਿਹੀਆਂ ਕਿਹੜੀਆਂ ਚੀਜ਼ਾਂ ਹਨ, ਜਿਨ੍ਹਾਂ ਨੂੰ ਧਨਤੇਰਸ ਦੇ ਦਿਨ ਖ਼ਰੀਦਣ ਨਾਲ ਸਾਲ ਭਰ ਧਨ ਦੀ ਵਰਖਾ ਹੁੰਦੀ ਹੈ।
ਝਾੜੂ
ਝਾੜੂ ਮਾਂ ਲਕਸ਼ਮੀ ਦਾ ਪ੍ਰਤੀਕ ਤਾਂ ਮੰਨਿਆ ਹੀ ਜਾਂਦਾ ਹੈ। ਮਾਨਤਾ ਹੈ ਕਿ ਧਨਤੇਰਸ ਦੇ ਦਿਨ ਝਾੜੂ ਖ਼ਰੀਦ ਕੇ ਘਰ ਲਿਆਉਣ ਨਾਲ ਘਰ ’ਚ ਮਾਂ ਲਕਸ਼ਮੀ ਦਾ ਵਾਸ ਹੁੰਦਾ ਹੈ। ਇਸ ਦਿਨ ਝਾੜੂ ਖਰੀਦਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ।
ਧਨੀਏ ਦੇ ਬੀਜ
ਇਸ ਦਿਨ ਧਨੀਏ ਦੀ ਬੀਜ ਖ਼ਰੀਦਣ ਦੀ ਵੀ ਪਰੰਪਰਾ ਹੈ। ਧਨਤੇਰਸ ’ਤੇ ਧਨੀਆ ਖ਼ਰੀਦਣਾ ਬਹੁਤ ਸ਼ੁੱਭ ਮੰਨਿਆ ਜਾਂਦਾ ਹੈ, ਇਸਨੂੰ ਖੁਸ਼ਹਾਲੀ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਪੂਜਾ ’ਚ ਮਾਂ ਲਕਸ਼ਮੀ ਨੂੰ ਧਨੀਏ ਦੇ ਬੀਜ ਅਰਪਿਤ ਕਰਕੇ ਇਸਨੂੰ ਆਪਣੀ ਤਿਜੋਰੀ ’ਚ ਰੱਖ ਦਿਓ।
ਪੜ੍ਹੋ ਇਹ ਵੀ ਖ਼ਬਰ - Diwali 2021 : ਦੀਵਾਲੀ ਦੇ ਤਿਉਹਾਰ ਮੌਕੇ ਜਾਣੋ ਕੀ ਕਰਨਾ ਹੁੰਦੈ ‘ਸ਼ੁੱਭ’ ਅਤੇ ਕੀ ਨਾ ਕਰਨਾ ਹੈ ‘ਅਸ਼ੁੱਭ’
ਕਾਰੋਬਾਰ ਸਬੰਧੀ ਸਾਮਾਨ
ਧਨਤੇਰਸ ਦੇ ਦਿਨ ਤੁਸੀਂ ਆਪਣੇ ਕਾਰੋਬਾਰ ਸਬੰਧੀ ਕੋਈ ਸਾਮਾਨ ਖ਼ਰੀਦ ਸਕਦੇ ਹੋ ਜਿਵੇਂ ਰਾਈਟਰ ਪੈੱਨ, ਆਰਟਿਸਟ ਬਰੱਸ਼ ਅਤੇ ਸਟੂਡੈਂਟ ਕਾਪੀ-ਕਿਤਾਬ ਖ਼ਰੀਦ ਸਕਦੇ ਹਨ। ਧਨਤੇਰਸ ਦੇ ਦਿਨ ਇਨ੍ਹਾਂ ਸਾਮਾਨਾਂ ਦੀ ਪੂਜਾ ਵੀ ਕਰਨੀ ਚਾਹੀਦੀ ਹੈ। ਕਾਰੋਬਾਰੀਆਂ ਨੂੰ ਧਨਤੇਰਸ ਦੇ ਦਿਨ ਬੁੱਕਕੀਪਿੰਗ ਦੇ ਰਜਿਸਟਰ ਅਤੇ ਅਕਾਊਂਟ ਬਣਾ ਕੇ ਰੱਖਣੇ ਚਾਹੀਦੇ ਹਨ। ਇਸ ਰਜਿਸਟਰ ਨੂੰ ਆਪਣੇ ਘਰ ਦੇ ਪੱਛਮ ’ਚ ਰੱਖੋ।
ਚਾਂਦੀ ਦੇ ਸਿੱਕੇ
ਜੇਕਰ ਤੁਸੀਂ ਸੋਨੇ ਦੇ ਸਿੱਕੇ ਨਹੀਂ ਖ਼ਰੀਦ ਪਾ ਰਹੇ ਤਾਂ ਚਾਂਦੀ ਦੇ ਸਿੱਕੇ ਨਾਲ ਵੀ ਲਕਸ਼ਮੀ ਮਾਂ ਦਾ ਆਸ਼ੀਰਵਾਦ ਮਿਲ ਜਾਵੇਗਾ। ਚਾਂਦੀ ਦੇ ਸਿੱਕੇ ਕਿਸੇ ਨੂੰ ਉਪਹਾਰ ’ਚ ਦੇਣ ਲਈ ਵੀ ਚੰਗਾ ਵਿਕੱਲਪ ਹੈ।
ਇਲੈਕਟ੍ਰਾਨਿਕ ਆਈਟਮਜ਼
ਧਨਤੇਰਸ ਦੇ ਦਿਨ ਇਲੈਕਟ੍ਰਾਨਿਕ ਆਈਟਮਜ਼ ਜਿਵੇਂ ਫਰਿੱਜ਼, ਓਵਨ, ਮੋਬਾਈਲ ਫੋਨ, ਲੈਪਟਾਪ ਆਦਿ ਵੀ ਖ਼ਰੀਦ ਸਕਦੇ ਹੋ। ਤੁਸੀਂ ਇਨ੍ਹਾਂ ਸਾਮਾਨਾਂ ਨੂੰ ਘਰ ਦੇ ਉੱਤਰ-ਪੂਰਬੀ ਦਿਸ਼ਾ ’ਚ ਰੱਖ ਸਕਦੇ ਹੋ।
ਪੜ੍ਹੋ ਇਹ ਵੀ ਖ਼ਬਰ - Diwali 2021: ਦੀਵਾਲੀ 'ਤੇ ਮਾਂ ਲਕਸ਼ਮੀ ਦੀ ‘ਤਸਵੀਰ’ ਲਿਆਉਂਦੇ ਸਮੇਂ ਰੱਖੋ ਇਨ੍ਹਾਂ ਗੱਲਾ ਦਾ ਖ਼ਾਸ ਧਿਆਨ, ਹੋਵੇਗਾ ਸ਼ੁੱਭ
ਗੋਮਤੀ ਚੱਕਰ
ਸਿਹਤਮੰਦ ਅਤੇ ਸੰਪਨਤਾ ਲਈ ਧਨਤੇਰਸ ਦੇ ਦਿਨ 11 ਗੋਮਤੀ ਚੱਕਰ ਖ਼ਰੀਦ ਸਕਦੇ ਹੋ। ਧਨਤੇਰਸ ’ਤੇ ਗੋਮਤੀ ਚੱਕਰ ਨੂੰ ਪੀਲੇ ਕੱਪੜੇ ’ਚ ਬੰਨ੍ਹ ਕੇ ਆਪਣੀ ਤਿਜੋਰੀ ਜਾਂ ਲਾਕਰ ’ਚ ਰੱਖ ਦਿਓ।
ਗਹਿਣੇ
ਕਿਸੀ ਵੀ ਤਰ੍ਹਾਂ ਦੇ ਗਹਿਣੇ ਖ਼ਰੀਦਣ ਦਾ ਸਭ ਤੋਂ ਚੰਗਾ ਸਮਾਂ ਧਨਤੇਰਸ ਹੈ। ਖ਼ਾਸ ਤੌਰ ’ਤੇ ਸੋਨੇ ਅਤੇ ਚਾਂਦੀ ਦੇ ਗਹਿਣੇ। ਇਸਤੋਂ ਇਲਾਵਾ ਇਸ ਦਿਨ ਦਰਵਾਜ਼ੇ ’ਤੇ ਸਵਾਸਤਿਕ ਦਾ ਇਕ ਚਿੰਨ੍ਹ ਬਣਾਉਣ ਨਾਲ ਵੀ ਸੌਭਾਗਿਆ ’ਚ ਵਾਧਾ ਹੁੰਦਾ ਹੈ।
ਪੜ੍ਹੋ ਇਹ ਵੀ ਖ਼ਬਰ - Diwali 2021: ਦੀਵਾਲੀ ’ਤੇ ਲਕਸ਼ਮੀ ਮਾਂ ਦੇ ਸਵਾਗਤ ਤੇ ਸੁੱਖ-ਸਮ੍ਰਿਧੀ ਦੇ ਵਾਸ ਲਈ ਘਰ ’ਚ ਬਣਾਓ ਰੰਗੋਲੀ, ਹੋਵੇਗੀ ਸ਼ੁੱਭ
ਬਰਤਨ
ਧਨਤੇਰਸ ’ਤੇ ਬਰਤਨ ਖ਼ਰੀਦਣ ਦੀ ਵੀ ਪਰੰਪਰਾ ਹੈ। ਪਰ ਜ਼ਿਆਦਾਤਰ ਲੋਕਾਂ ਨੂੰ ਇਹ ਪਤਾ ਨਹੀਂ ਹੁੰਦਾ ਕਿ ਕਿਸ ਧਾਤੂ ਦੇ ਬਰਤਨ ਖਰੀਦਣ। ਜੇਕਰ ਤੁਹਾਨੂੰ ਇਸ ’ਚ ਸ਼ੱਕ ਹੈ ਤਾਂ ਤੁਸੀਂ ਪਿੱਤਲ ਦੇ ਬਰਤਨ ਖ਼ਰੀਦ ਲਓ ਅਤੇ ਇਸਨੂੰ ਆਪਣੇ ਘਰ ਦੀ ਪੂਰਬ ਦਿਸ਼ਾ ’ਚ ਰੱਖੋ।
ਸੋਨੇ ਦੇ ਸਿੱਕੇ
ਧਨਤੇਰਸ ਦੇ ਦਿਨ ਸੋਨੇ ਦਾ ਸਿੱਕਾ ਖ਼ਰੀਦੋ, ਜਿਸ ’ਤੇ ਮਾਂ ਲਕਸ਼ਮੀ ਦਾ ਚਿੱਤਰ ਅੰਕਿਤ ਹੋਵੇ। ਜੇਕਰ ਤੁਸੀਂ ਸੋਨੇ ਦਾ ਸਿੱਕਾ ਨਹੀਂ ਖ਼ਰੀਦ ਸਕਦੇ ਤਾਂ ਲਕਸ਼ਮੀ ਮਾਂ ਦੇ ਕਿਸੇ ਵੀ ਚਿੱਤਰ ਦਾ ਪੂਜਨ ਕਰ ਸਕਦੇ ਹੋ।
ਪੜ੍ਹੋ ਇਹ ਵੀ ਖ਼ਬਰ - ਦੀਵਾਲੀ ਦੇ ਤਿਉਹਾਰ ’ਤੇ ਇਨ੍ਹਾਂ ਨਵੇਂ ਤਰੀਕਿਆਂ ਨਾਲ ਕਰੋ ਆਪਣੇ ਘਰ ਦੀ ਸਜਾਵਟ, ਵਧੇਗੀ ਖ਼ੂਬਸੂਰਤੀ
Diwali 2021 : ਦੀਵਾਲੀ ਦੇ ਤਿਉਹਾਰ ਮੌਕੇ ਜਾਣੋ ਕੀ ਕਰਨਾ ਹੁੰਦੈ ‘ਸ਼ੁੱਭ’ ਅਤੇ ਕੀ ਨਾ ਕਰਨਾ ਹੈ ‘ਅਸ਼ੁੱਭ’
NEXT STORY 
