ਵੈੱਬ ਡੈਸਕ- ਦੇਸ਼ ਭਰ ਵਿੱਚ ਲੋਹੜੀ ਦਾ ਤਿਉਹਾਰ ਮਕਰ ਸੰਕ੍ਰਾਂਤੀ ਤੋਂ ਇੱਕ ਦਿਨ ਪਹਿਲਾਂ 13 ਜਨਵਰੀ ਨੂੰ ਬੜੀ ਧੂਮ-ਧਾਮ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਸਾਲ ਦੀ ਲੋਹੜੀ ਨਾ ਸਿਰਫ਼ ਪਰੰਪਰਾਵਾਂ ਲਈ, ਸਗੋਂ ਜੋਤਿਸ਼ ਉਪਾਵਾਂ ਲਈ ਵੀ ਬਹੁਤ ਮਹੱਤਵਪੂਰਨ ਮੰਨੀ ਜਾ ਰਹੀ ਹੈ ਕਿਉਂਕਿ ਲੋਹੜੀ ਦੀ ਅਗਨੀ ਨੂੰ ਨਕਾਰਾਤਮਕਤਾ ਦੂਰ ਕਰਨ ਅਤੇ ਸੁੱਖ-ਸਮ੍ਰਿੱਧੀ ਲਿਆਉਣ ਵਾਲੀ ਮੰਨਿਆ ਜਾਂਦਾ ਹੈ।
ਆਰਥਿਕ ਤੰਗੀ ਦੂਰ ਕਰਨ ਲਈ ਸਰਲ ਉਪਾਅ
ਜੋਤਿਸ਼ ਸ਼ਾਸਤਰ ਅਨੁਸਾਰ ਲੋਹੜੀ ਦੀ ਰਾਤ ਕੁਝ ਖ਼ਾਸ ਉਪਾਅ ਕਰਨ ਨਾਲ ਰੁਕੇ ਹੋਏ ਕੰਮ ਪੂਰੇ ਹੁੰਦੇ ਹਨ ਅਤੇ ਕਿਸਮਤ ਦਾ ਸਾਥ ਮਿਲਦਾ ਹੈ:
ਧਨ-ਦੌਲਤ ਵਿੱਚ ਵਾਧਾ: ਜੇਕਰ ਘਰ ਵਿੱਚ ਪੈਸਾ ਨਹੀਂ ਟਿਕ ਰਿਹਾ, ਤਾਂ ਲੋਹੜੀ ਵਾਲੇ ਦਿਨ ਸਾਫ਼ ਲਾਲ ਕੱਪੜੇ ਵਿੱਚ ਕਣਕ ਬੰਨ੍ਹ ਕੇ ਕਿਸੇ ਲੋੜਵੰਦ ਨੂੰ ਦਾਨ ਕਰੋ। ਇਸ ਨਾਲ ਆਰਥਿਕ ਸਮੱਸਿਆਵਾਂ ਦੂਰ ਹੁੰਦੀਆਂ ਹਨ।
ਤਰੱਕੀ ਅਤੇ ਸਫਲਤਾ: ਕਾਰੋਬਾਰ ਜਾਂ ਨੌਕਰੀ ਵਿੱਚ ਆ ਰਹੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਲਈ ਲੋੜਵੰਦ ਕੰਨਿਆਵਾਂ ਨੂੰ ਰੇਵੜੀ, ਤਿਲ, ਗਜਕ ਜਾਂ ਲੱਡੂ ਭੇਟ ਕਰੋ।
ਨਜ਼ਰ ਦੋਸ਼ ਤੋਂ ਬਚਾਅ: ਬੱਚਿਆਂ ਨੂੰ ਬੁਰੀ ਨਜ਼ਰ ਤੋਂ ਬਚਾਉਣ ਲਈ ਲੋਹੜੀ ਦੀ ਪੂਜਾ ਤੋਂ ਬਾਅਦ ਉਨ੍ਹਾਂ ਨੂੰ ਹਲਕਾ ਜਿਹਾ ਅਗਨੀ ਦਾ ਧੂੰਆਂ ਦਿਖਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ।
ਖੁਸ਼ਹਾਲੀ ਲਈ ਆਹੁਤੀ: ਸ਼ਾਮ ਨੂੰ ਲੋਹੜੀ ਦੀ ਅਗਨੀ ਵਿੱਚ ਤਿਲ, ਗੁੜ, ਗਜਕ ਅਤੇ ਕਣਕ ਜ਼ਰੂਰ ਪਾਓ। ਇਸ ਨਾਲ ਘਰ ਵਿੱਚ ਸਕਾਰਾਤਮਕ ਊਰਜਾ ਦਾ ਵਾਸ ਹੁੰਦਾ ਹੈ।
ਸ਼ਨੀ ਦੀ ਰਾਸ਼ੀ 'ਚ ਸ਼ੁੱਕਰ ਦਾ ਗੋਚਰ! ਕੱਲ੍ਹ ਤੋਂ ਇਨ੍ਹਾਂ 3 ਰਾਸ਼ੀਆਂ ਦੇ ਸ਼ੁਰੂ ਹੋਣ ਵਾਲੇ ਨੇ ਚੰਗੇ ਦਿਨ
NEXT STORY 
