ਵੈੱਬ ਡੈਸਕ- ਅਕਸਰ ਘਰਾਂ 'ਚ ਭੋਜਨ ਬਣਾਉਂਦੇ ਸਮੇਂ ਰੋਟੀਆਂ ਗਿਣ ਕੇ ਬਣਾਈਆਂ ਜਾਂਦੀਆਂ ਹਨ ਤਾਂ ਜੋ ਹਰ ਮੈਂਬਰ ਨੂੰ ਬਰਾਬਰ ਮਿਲ ਸਕੇ ਅਤੇ ਖਾਣਾ ਬਰਬਾਦ ਨਾ ਹੋਵੇ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵਾਸਤੂ ਸ਼ਾਸਤਰ ਅਨੁਸਾਰ ਰੋਟੀਆਂ ਗਿਣ ਕੇ ਬਣਾਉਣਾ ਅਸ਼ੁੱਭ ਮੰਨਿਆ ਜਾਂਦਾ ਹੈ? ਅਜਿਹਾ ਕਰਨ ਨਾਲ ਘਰ ਦੀ ਸਕਾਰਾਤਮਕ ਊਰਜਾ 'ਤੇ ਬੁਰਾ ਅਸਰ ਪੈ ਸਕਦਾ ਹੈ ਅਤੇ ਜੀਵਨ 'ਚ ਕਈ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਆ ਸਕਦੀਆਂ ਹਨ।
ਰੋਟੀਆਂ ਗਿਣਨਾ ਕਿਉਂ ਮੰਨਿਆ ਜਾਂਦਾ ਹੈ ਅਸ਼ੁੱਭ?
ਵਾਸਤੂ ਸ਼ਾਸਤਰ 'ਚ ਭੋਜਨ ਨੂੰ ਬਹੁਤ ਮਹੱਤਵ ਦਿੱਤਾ ਗਿਆ ਹੈ। ਰੋਟੀਆਂ ਨੂੰ ਗਿਣਨਾ ਮਨ 'ਚ 'ਕਮੀ' ਦੀ ਭਾਵਨਾ ਨੂੰ ਦਰਸਾਉਂਦਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਨਾਲ ਅੰਨ ਦੀ ਦੇਵੀ ਮਾਂ ਅੰਨਪੂਰਨਾ ਅਤੇ ਧਨ ਦੀ ਦੇਵੀ ਲਕਸ਼ਮੀ ਦਾ ਅਪਮਾਨ ਹੁੰਦਾ ਹੈ। ਇਸ ਲਈ ਰੋਟੀਆਂ ਗਿਣ ਕੇ ਬਣਾਉਣਾ ਜਾਂ ਪਰੋਸਣਾ ਸਹੀ ਨਹੀਂ ਮੰਨਿਆ ਜਾਂਦਾ।
ਹੋ ਸਕਦੇ ਹਨ ਇਹ ਨੁਕਸਾਨ ਸਰੋਤਾਂ ਮੁਤਾਬਕ, ਰੋਟੀਆਂ ਗਿਣ ਕੇ ਬਣਾਉਣ ਦੇ ਕਈ ਮਾੜੇ ਪ੍ਰਭਾਵ ਹੋ ਸਕਦੇ ਹਨ:
ਆਰਥਿਕ ਤੰਗੀ: ਇਸ ਨਾਲ ਘਰ ਵਿੱਚ ਪੈਸੇ ਦੀ ਆਮਦ ਘਟ ਸਕਦੀ ਹੈ ਅਤੇ ਫਾਲਤੂ ਖਰਚੇ ਵਧ ਸਕਦੇ ਹਨ।
ਬਰਕਤ ਦੀ ਕਮੀ: ਭੋਜਨ ਦੀ ਕਦਰ ਘਟਣ ਲੱਗਦੀ ਹੈ ਅਤੇ ਘਰ ਵਿੱਚ ਅੰਨ ਦੀ ਬਰਕਤ ਖਤਮ ਹੋ ਜਾਂਦੀ ਹੈ।
ਪਰਿਵਾਰਕ ਕਲੇਸ਼: ਵਾਸਤੂ ਦੋਸ਼ ਕਾਰਨ ਘਰ 'ਚ ਛੋਟੀਆਂ-ਛੋਟੀਆਂ ਗੱਲਾਂ 'ਤੇ ਝਗੜੇ ਵਧ ਸਕਦੇ ਹਨ ਅਤੇ ਰਸੋਈ 'ਚ ਨਕਾਰਾਤਮਕ ਊਰਜਾ ਵਧਦੀ ਹੈ, ਜਿਸ ਦਾ ਅਸਰ ਪੂਰੇ ਪਰਿਵਾਰ 'ਤੇ ਪੈਂਦਾ ਹੈ।
ਰੋਟੀ ਬਣਾਉਂਦੇ ਸਮੇਂ ਰੱਖੋ ਇਨ੍ਹਾਂ ਗੱਲਾਂ ਦਾ ਖਾਸ ਧਿਆਨ ਵਾਸਤੂ ਅਨੁਸਾਰ ਰਸੋਈ 'ਚ ਖੁਸ਼ਹਾਲੀ ਬਣਾਈ ਰੱਖਣ ਲਈ ਕੁਝ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ:
ਮਨ ਦੀ ਸਥਿਤੀ: ਰੋਟੀ ਬਣਾਉਂਦੇ ਸਮੇਂ ਕਦੇ ਵੀ ਗੁੱਸਾ, ਤਣਾਅ ਜਾਂ ਨਕਾਰਾਤਮਕ ਸੋਚ ਨਹੀਂ ਰੱਖਣੀ ਚਾਹੀਦੀ, ਕਿਉਂਕਿ ਅਜਿਹੇ ਭਾਵ ਭੋਜਨ 'ਚ ਨਕਾਰਾਤਮਕਤਾ ਭਰ ਦਿੰਦੇ ਹਨ।
ਥੋੜ੍ਹੀਆਂ ਜ਼ਿਆਦਾ ਰੋਟੀਆਂ: ਰੋਟੀਆਂ ਹਮੇਸ਼ਾ ਲੋੜ ਤੋਂ ਥੋੜ੍ਹੀਆਂ ਜ਼ਿਆਦਾ ਬਣਾਉਣੀਆਂ ਚਾਹੀਦੀਆਂ ਹਨ।
ਪਹਿਲੀ ਰੋਟੀ ਗਾਂ ਲਈ: ਮਾਨਤਾ ਹੈ ਕਿ ਪਹਿਲੀ ਰੋਟੀ ਗਾਂ ਨੂੰ ਖਿਲਾਉਣਾ ਬਹੁਤ ਸ਼ੁੱਭ ਹੁੰਦਾ ਹੈ। ਇਸ ਤੋਂ ਬਾਅਦ ਹੀ ਬਾਕੀ ਮੈਂਬਰਾਂ ਲਈ ਰੋਟੀਆਂ ਬਣਾਉਣੀਆਂ ਚਾਹੀਦੀਆਂ ਹਨ।
ਬਚੀ ਹੋਈ ਰੋਟੀ: ਬਾਸੀ ਜਾਂ ਬਚੀ ਹੋਈ ਰੋਟੀ ਨੂੰ ਸੁੱਟਣ ਦੀ ਬਜਾਏ ਕਿਸੇ ਲੋੜਵੰਦ ਜਾਂ ਪਸ਼ੂਆਂ ਨੂੰ ਦੇ ਦੇਣੀ ਚਾਹੀਦੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਅੱਜ ਰਾਤ ਅਸਮਾਨ 'ਚ ਦਿਖੇਗਾ ਦੁਰਲੱਭ ਨਜ਼ਾਰਾ, ਇਨ੍ਹਾਂ 4 ਰਾਸ਼ੀਆਂ ਦੀ ਚਮਕੇਗੀ ਕਿਸਮਤ
NEXT STORY 
