ਵੈੱਬ ਡੈਸਕ - ਵਾਸਤੂ ਸ਼ਾਸਤਰ ਅਨੁਸਾਰ ਘਰ 'ਚ ਹਰ ਚੀਜ਼ ਨੂੰ ਰੱਖਣ ਲਈ ਇਕ ਸਹੀ ਦਿਸ਼ਾ ਅਤੇ ਸਥਾਨ ਨਿਰਧਾਰਤ ਕੀਤਾ ਗਿਆ ਹੈ। ਜੇਕਰ ਅਸੀਂ ਰੋਜ਼ਾਨਾ ਵਰਤੀਆਂ ਜਾਣ ਵਾਲੀਆਂ ਚਾਬੀਆਂ ਨੂੰ ਗਲਤ ਥਾਂ 'ਤੇ ਰੱਖਦੇ ਹਾਂ, ਤਾਂ ਇਸ ਨਾਲ ਸਾਡੀ ਕਿਸਮਤ ਰੁੱਸ ਸਕਦੀ ਹੈ ਅਤੇ ਧਨ ਦੀ ਹਾਨੀ ਹੋ ਸਕਦੀ ਹੈ। ਵਾਸਤੂ ਮਾਹਿਰਾਂ ਅਨੁਸਾਰ, ਜੀਵਨ 'ਚ ਮੁਸ਼ਕਲਾਂ ਤੋਂ ਬਚਣ ਲਈ ਚਾਬੀਆਂ ਰੱਖਣ ਵੇਲੇ ਕੁਝ ਖਾਸ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।
ਆਓ ਜਾਣਦੇ ਹਾਂ ਉਹ ਚਾਰ ਮੁੱਖ ਥਾਵਾਂ ਜਿੱਥੇ ਚਾਬੀਆਂ ਰੱਖਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ :-
ਘਰ ਦੇ ਮੁੱਖ ਦਰਵਾਜ਼ੇ 'ਤੇ
- ਬਹੁਤ ਸਾਰੇ ਲੋਕ ਮੁੱਖ ਦਰਵਾਜ਼ੇ 'ਤੇ ਹੀ ਚਾਬੀਆਂ ਲਟਕਾਉਣ ਦੀ ਜਗ੍ਹਾ ਬਣਾ ਲੈਂਦੇ ਹਨ, ਪਰ ਵਾਸਤੂ ਅਨੁਸਾਰ ਇਹ ਠੀਕ ਨਹੀਂ ਹੈ। ਮੁੱਖ ਦਰਵਾਜ਼ੇ 'ਤੇ ਚਾਬੀਆਂ ਲਟਕਾਉਣ ਨਾਲ ਬਾਹਰੋਂ ਆਉਣ-ਜਾਣ ਵਾਲੇ ਹਰ ਵਿਅਕਤੀ ਦੀ ਨਜ਼ਰ ਉਨ੍ਹਾਂ 'ਤੇ ਪੈਂਦੀ ਹੈ, ਜਿਸ ਨਾਲ ਜੀਵਨ 'ਤੇ ਨਕਾਰਾਤਮਕ ਪ੍ਰਭਾਵ ਪੈ ਸਕਦਾ ਹੈ। ਇਸ ਤੋਂ ਇਲਾਵਾ, ਮੁੱਖ ਦਰਵਾਜ਼ੇ ਰਾਹੀਂ ਮਾਤਾ ਲਕਸ਼ਮੀ ਦਾ ਪ੍ਰਵੇਸ਼ ਹੁੰਦਾ ਹੈ, ਇਸ ਲਈ ਉੱਥੇ ਚਾਬੀਆਂ ਰੱਖਣਾ ਅਸ਼ੁਭ ਮੰਨਿਆ ਜਾਂਦਾ ਹੈ।
ਪੂਜਾ ਘਰ 'ਚ
- ਚਾਬੀਆਂ ਨੂੰ ਕਦੇ ਵੀ ਭੁੱਲ ਕੇ ਪੂਜਾ ਵਾਲੀ ਥਾਂ 'ਤੇ ਨਹੀਂ ਰੱਖਣਾ ਚਾਹੀਦਾ। ਇਸ ਦਾ ਕਾਰਨ ਇਹ ਹੈ ਕਿ ਚਾਬੀਆਂ ਅਕਸਰ ਗੰਦੇ ਹੱਥਾਂ ਨਾਲ ਫੜੀਆਂ ਜਾਂਦੀਆਂ ਹਨ। ਪੂਜਾ ਘਰ ਵਰਗੇ ਪਵਿੱਤਰ ਸਥਾਨ 'ਤੇ ਅਜਿਹੀਆਂ ਚੀਜ਼ਾਂ ਰੱਖਣ ਨਾਲ ਦੇਵੀ-ਦੇਵਤਿਆਂ ਦੀ ਨਾਰਾਜ਼ਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਰਸੋਈ ਘਰ 'ਚ
- ਰਸੋਈ 'ਚ ਚਾਬੀਆਂ ਰੱਖਣਾ ਵੀ ਵਾਸਤੂ ਦੇ ਖਿਲਾਫ ਮੰਨਿਆ ਜਾਂਦਾ ਹੈ। ਚਾਬੀਆਂ ਆਮ ਤੌਰ 'ਤੇ ਲੋਹੇ ਜਾਂ ਹੋਰ ਧਾਤਾਂ ਦੀਆਂ ਬਣੀਆਂ ਹੁੰਦੀਆਂ ਹਨ ਅਤੇ ਲੋਹਾ ਸ਼ਨੀ ਦੀ ਧਾਤੂ ਹੈ। ਰਸੋਈ 'ਚ ਚਾਬੀਆਂ ਰੱਖਣ ਨਾਲ ਘਰ ਦੇ ਮੈਂਬਰਾਂ ਦੇ ਜੀਵਨ 'ਚ ਸ਼ਨੀ ਦਾ ਪ੍ਰਭਾਵ ਵੱਧ ਸਕਦਾ ਹੈ ਅਤੇ ਕਈ ਦਿੱਕਤਾਂ ਆ ਸਕਦੀਆਂ ਹਨ।
ਬਿਸਤਰੇ ਦੇ ਕੋਲ
- ਚਾਬੀ ਨੂੰ ਇਕ 'ਚਲਾਇਮਾਨ' ਵਸਤੂ ਮੰਨਿਆ ਜਾਂਦਾ ਹੈ, ਜਦੋਂ ਕਿ ਬੈਡਰੂਮ ਆਰਾਮ ਕਰਨ ਦੀ ਜਗ੍ਹਾ ਹੈ। ਇਸ ਲਈ ਬਿਸਤਰੇ ਦੇ ਕੋਲ ਚਾਬੀਆਂ ਰੱਖਣ ਨਾਲ ਤੁਹਾਡੇ ਆਰਾਮ 'ਚ ਖਲਲ ਪੈ ਸਕਦਾ ਹੈ ਅਤੇ ਸਿਹਤ 'ਤੇ ਵੀ ਮਾੜਾ ਅਸਰ ਪੈ ਸਕਦਾ ਹੈ।
ਨੋਟ :- ਇਹ ਜਾਣਕਾਰੀ ਆਮ ਤੱਥਾਂ 'ਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।
ਅੱਜ ਇਨ੍ਹਾਂ ਰਾਸ਼ੀਆਂ ਦੀ ਹੋਵੇਗੀ ਚਾਂਦੀ! 'ਨਵਪੰਚਮ ਰਾਜਯੋਗ' ਨਾਲ ਬਦਲੇਗੀ ਕਿਸਮਤ ਤੇ ਨੋਟਾਂ ਦੇ ਵਰ੍ਹੇਗਾ...
NEXT STORY 
