ਭੋਗਪੁਰ, (ਸੂਰੀ)— ਥਾਣਾ ਭੋਗਪੁਰ ਦੀ ਪੁਲਸ ਚੌਂਕੀ ਪਚਰੰਗਾ ਹੇਠ ਪੈਂਦੇ ਪਿੰਡ ਨਿਜ਼ਾਮਦੀਨਪੁਰ 'ਚ ਇਕ ਵਿਆਹੁਤਾ ਵੱਲੋਂ ਚੁੰਨੀ ਨਾਲ ਫਾਹਾ ਲਾ ਕੇ ਖੁਦਕੁਸ਼ੀ ਕੀਤੇ ਜਾਣ ਦੀ ਖਬਰ ਹੈ। ਮਾਮਲੇ ਦੀ ਸੂਚਨੇ ਮਿਲਦੇ ਹੀ ਏ.ਐੱਸ.ਪੀ. ਅੰਕੁਰ ਗੁਪਤਾ, ਥਾਣਾ ਮੁੰਖੀ ਨਰੇਸ਼ ਜੋਸ਼ੀ ਅਤੇ ਸਹਾਇਕ ਥਾਣਾ ਮੁੱਖੀ ਗੁਰਵਿੰਦਰਜੀਤ ਸਿੰਘ ਨਾਗਰਾ ਪਿੰਡ ਨਿਯਾਮਦੀਨਪੁਰ ਪੁੱਜੇ ਤੇ ਉਨ੍ਹਾਂ ਮ੍ਰਿਤਕਾ ਦੀ ਲਾਸ਼ ਕਬਜ਼ੇ 'ਚ ਲੈ ਕੇ ਕਾਰਵਾਈ ਸ਼ੁਰੂ ਕੀਤੀ।
ਇਸ ਸਬੰਧੀ ਬਲਦੇਵ ਸਿੰਘ ਪੁੱਤਰ ਤਾਰੂ ਸਿੰਘ ਵਾਸੀ ਪਿੰਡ ਸਹੋਤਾ ਥਾਣਾ ਬੁੱਲ੍ਹੋਵਾਲ ਨੇ ਪੁਲਸ ਨੂੰ ਬਿਆਨ ਦਿੱਤਾ ਹੈ ਕਿ ਉਸ ਦੀ ਛੋਟੀ ਲੜਕੀ ਰਜਨੀ ਜਿਸ ਦੀ ਸ਼ਾਦੀ ਅਮਨ ਕੁਮਾਰ ਪੁੱਤਰ ਜੋਗਿੰਦਰ ਪਾਲ ਵਾਸੀ ਨਿਜਾਮਦੀਨਪੁਰ ਨਾਲ ਦਸ ਸਾਲ ਪਹਿਲਾਂ ਹੋਈ ਸੀ ਅਤੇ ਉਸ ਦੀ ਲੜਕੀ ਦੇ 2 ਬੱਚੇ ਹਨ। ਰਜਨੀ ਨੂੰ ਉਸ ਦਾ ਘਰ ਵਾਲਾ ਅਮਨ ਕੁਮਾਰ, ਦਿਓਰ ਗੁਰਪ੍ਰੀਤ ਸਿੰਘ (ਦੋਨੋਂ) ਪੁੱਤਰ ਜੋਗਿੰਦਰ ਪਾਲ, ਸਹੁਰਾ ਜੋਗਿੰਦਰ ਪਾਲ ਪੁੱਤਰ ਹਜ਼ਾਰਾ ਸਿੰਘ, ਦਰਾਣੀ ਸਰਬਜੀਤ ਕੌਰ ਪਤਨੀ ਗੁਰਪ੍ਰੀਤ ਸਿੰਘ ਸਾਰੇ ਵਾਸੀ ਨਿਜ਼ਾਮਦੀ ਪੁਰ ਉਸ ਨਾਲ ਹਰ ਵਕਤ ਲੜਾਈ-ਝਗੜਾ ਕਰਦੇ ਰਹਿੰਦੇ ਸਨ।
ਉਨ੍ਹਾਂ ਨੇ ਦੱਸਿਆ ਕਿ ਇਕ ਦਿਨ ਉਸ ਦੀ ਲੜਕੀ ਨੇ ਪੇਕੇ ਘਰ ਆ ਕੇ ਸੁਹਰਾ ਪਰਿਵਾਰ ਵੱਲੋਂ ਕੀਤੇ ਜਾਂਦੇ ਲੜਾਈ-ਝਗੜੇ ਬਾਰੇ ਦੱਸਿਆ ਸੀ ਪਰ ਉਨ੍ਹਾਂ ਨੇ ਉਸ ਨੂੰ ਸਮਝਾ ਕੇ ਵਾਪਸ ਭੇਜ ਦਿੱਤਾ। ਮੰਗਲਵਾਰ ਸਵੇਰੇ ਰਜਨੀ ਦਾ ਸਹੁਰਾ ਜੋਗਿੰਦਰ ਪਾਲ ਉਸ ਦੇ ਪੇਕੇ ਪਿੰਡ ਗਿਆ ਤੇ ਉਸ ਨੇ ਜਾ ਕੇ ਦੱਸਿਆ ਕਿ ਰਜਨੀ ਨੂੰ ਹਾਰਟ ਅਟੈਕ ਆ ਗਿਆ ਹੈ ਤੇ ਉਸ ਦੀ ਮੌਤ ਹੋ ਗਈ ਹੈ। ਬਲਦੇਵ ਸਿੰਘ ਜਦੋਂ ਆਪਣੀ ਲੜਕੀ ਦੇ ਘਰ ਨਿਜਾਮਦੀਨਪੁਰ ਪੁੱਜਾ ਤਾਂ ਉਸਨੂੰ ਪਤਾ ਲੱਗਾ ਕਿ ਉਸਦੀ ਲੜਕੀ ਨੇ ਗਲ 'ਚ ਚੁੰਨੀ ਪਾ ਕੇ ਫਾਹਾ ਲਗਾ ਕੇ ਜਾਨ ਦੇ ਦਿੱਤੀ ਹੈ। ਉਸਨੇ ਕਿਹਾ ਕਿ ਰਜਨੀ ਦੇ ਸਹੁਰਾ ਪਰਿਵਾਰ ਵੱਲੋਂ ਰਜਨੀ ਨਾਲ ਲੜਾਈ ਝਗੜਾ ਕੀਤਾ ਜਾਂਦਾ ਸੀ। ਇਸ ਤੋਂ ਤੰਗ ਆ ਕੇ ਮਜਬੂਰ ਹੋ ਕੇ ਉਸ ਨੇ ਆਪਣੀ ਜਾਨ ਦੇ ਦਿੱਤੀ ਹੈ ਅਤੇ ਉਸ ਦੀ ਮੌਤ ਦੇ ਜ਼ਿੰਮੇਵਾਰ ਉਸ ਦਾ ਸਹੁਰਾ ਪਰਿਵਾਰ ਹੈ। ਪੁਲਿਸ ਵੱਲੋਂ ਇਸ ਸਬੰਧ ਵਿਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਨੌਜਵਾਨ ਨੇ ਹੋਟਲ ਦੇ ਕਮਰੇ 'ਚ ਕੀਤੀ ਖੁਦਕੁਸ਼ੀ
NEXT STORY 
