ਜਲੰਧਰ (ਵਿਸ਼ੇਸ਼)-ਜਲੰਧਰ 'ਚ ਔਰਤਾਂ ਦੀ ਗੈਰ-ਸਰਕਾਰੀ ਸੰਸਥਾ ਫੁਲਕਾਰੀ ਵੱਲੋਂ ਆਪਣੇ ਮੈਂਬਰਾਂ ਨੂੰ ਵਿੱਤੀ ਪ੍ਰਬੰਧਨ ਦੇ ਪ੍ਰਤੀ ਜਾਗਰੂਕ ਕਰਨ ਲਈ ਹੋਟਲ ਰੀਜੈਂਟ ਪਾਰਕ 'ਚ ਇਕ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। 'ਮਨੀ ਟਾਕਸ ਲਰਨ ਐਂਪਾਵਰ ਲਿਬ੍ਰੇਟ ਐਂਡ ਟੇਕ ਕੰਟਰੋਲ ਆਫ਼ ਯੋਰ ਫਾਈਨਾਂਸਿਸ' ਨਾਂ ਦੇ ਇਸ ਸਪੈਸ਼ਲ ਸੈਸ਼ਨ 'ਚ ਮਿਸਿਜ਼ ਬੈਕਟਰ ਫੂਡ ਦੇ ਚੇਅਰਪਰਸਨ ਰਜਨੀ ਬੈਕਟਰ ਵਿਸ਼ੇਸ਼ ਮਹਿਮਾਨ ਦੇ ਤੌਰ 'ਤੇ ਸ਼ਾਮਲ ਹੋਈ, ਜਦਕਿ ਸ਼ੇਅਰ ਮਾਰਕੀਟ ਅਤੇ ਵਿੱਤੀ ਪ੍ਰਬੰਧਨ ਦੇ ਜਾਣਕਾਰ ਅਸ਼ਵਨੀ ਤਿਵਾੜੀ ਇਸ ਪ੍ਰੋਗਰਾਮ ਦੇ ਮੁੱਖ ਬੁਲਾਰੇ ਸਨ। ਇਸ ਪ੍ਰੋਗਰਾਮ ਦੇ ਦੌਰਾਨ ਮਹਿਲਾ ਮੈਂਬਰਾਂ ਨੂੰ ਵਿੱਤੀ ਪ੍ਰਬੰਧਨ ਬਾਰੇ ਜਾਣਕਾਰੀ ਦਿੱਤੀ ਗਈ। ਇਸ ਦੌਰਾਨ ਫੁਲਕਾਰੀ ਦੀ ਪ੍ਰਧਾਨ ਸਿਮਰਨ ਪੈਂਟਲ ਨੇ ਕਿਹਾ ਕਿ ਸ਼ਹਿਰ 'ਚ ਮਹਿਲਾ ਸਸ਼ਕਤੀਕਰਨ ਨੂੰ ਉਤਸ਼ਾਹ ਦੇਣ ਲਈ ਫੁਲਕਾਰੀ ਡਬਲਯੂ.ਓ.ਜੇ. ਵੱਲੋਂ ਇਹ ਇਕ ਕੋਸ਼ਿਸ਼ ਸੀ ਅਤੇ ਇਸ ਕੋਸ਼ਿਸ਼ 'ਚ ਕਾਰਜਕਾਰੀ ਮੈਂਬਰਾਂ ਦੀਪਤੀ ਸਰਦਾਨਾ, ਰੂਹਾਨੀ ਸੋਂਧੀ ਦਾ ਵੀ ਅਹਿਮ ਯੋਗਦਾਨ ਰਿਹਾ।
ਇਹ ਵੀ ਪੜ੍ਹੋ : ਸਵਿਟਜ਼ਰਲੈਂਡ 'ਚ ਇੰਡੋਨੇਸ਼ੀਆ ਦੇ ਇਕ ਖੇਤਰੀ ਗਵਰਨਰ ਦਾ ਪੁੱਤਰ ਹੋਇਆ ਲਾਪਤਾ
ਔਰਤਾਂ ਬੱਚਤ ਕਰਦੀਆਂ ਹਨ, ਸਹੀ ਨਿਵੇਸ਼ ਕਰਨਾ ਵੀ ਸਿੱਖੋ
ਸਮਾਰੋਹ ਦੌਹਾਨ ਆਪਣੇ ਸੰਬੋਧਨ ’ਚ ਅਸ਼ਵਨੀ ਤਿਵਾੜੀ ਨੇ ਕਿਹਾ ਕਿ ਔਰਤਾਂ ਅੱਜ ਏਅਰਫੋਰਸ ਤੱਕ ’ਚ ਸ਼ਾਮਲ ਹੋ ਕੇ ਮਰਦਾਂ ਦੇ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਕੰਮ ਕਰ ਰਹੀਆਂ ਹਨ ਪਰ ਇਸ ਦੇ ਬਾਵਜੂਦ ਵਿੱਤੀ ਪ੍ਰਬੰਧਨ ਅਤੇ ਵਿੱਤੀ ਫੈਸਲੇ ਲੈਣ ਦੇ ਮਾਮਲੇ ’ਚ ਉਹ ਜਾਗਰੂਕ ਨਹੀਂ ਹਨ। ਇਸ ਸਮੇਂ ਔਰਤਾਂ ਨੂੰ ਇਸ ਮਾਮਲੇ ’ਚ ਜਾਗਰੂਕ ਕੀਤੇ ਜਾਣ ਦੀ ਲੋੜ ਹੈ। ਉਦਾਹਰਣ ਦੇ ਤੌਰ ’ਤੇ ਉਨ੍ਹਾਂ ਨੂੰ ਆਪਣੀ ਬੱਚਤ ਕਿੱਥੇ ਰੱਖਣੀ ਹੈ, ਕਿੰਨੀ ਦੇਰ ਲਈ ਰੱਖਣੀ ਹੈ ਜਾਂ ਆਪਣੀ ਬੱਚਤ ਦਾ ਕਿੱਥੇ ਨਿਵੇਸ਼ ਕਰਨਾ ਹੈ, ਇਸ ਸਾਰੇ ਬਾਰੇ ਜਾਣਕਾਰੀ ਨਹੀਂ ਹੈ। ਆਮ ਤੌਰ ’ਤੇ ਔਰਤਾਂ ਬੱਚਤ ਤਾਂ ਕਰਦੀਆਂ ਹਨ ਪਰ ਉਸ ਦਾ ਨਿਵੇਸ਼ ਨਹੀਂ ਕਰਦੀਆਂ, ਜਿਸ ਨਾਲ ਉਨ੍ਹਾਂ ਨੂੰ ਆਪਣੀ ਬੱਚਤ ’ਤੇ ਜ਼ਿਆਦਾ ਫਾਇਦਾ ਨਹੀਂ ਹੁੰਦਾ। ਔਰਤਾਂ ਨੂੰ ਆਪਣੇ ਭਵਿੱਖ ਲਈ ਫਾਈਨਾਂਸ਼ੀਅਲ ਪਲਾਨਿੰਗ ਬਾਰੇ ਵੀ ਜਾਗਰੂਕਤਾ ਨਹੀਂ ਹੈ। ਲਿਹਾਜ਼ਾ ਉਹ ਨਾ ਤਾਂ ਬੀਮਾ ਸਬੰਧੀ ਕੋਈ ਚੰਗੇ ਫੈਸਲੇ ਲੈ ਪਾਉਂਦੀਆਂ ਹਨ ਅਤੇ ਨਾ ਹੀ ਭਵਿੱਖ ਦੀਆਂ ਯੋਜਨਾਵਾਂ ਲਈ ਵਿੱਤੀ ਟੀਚੇ ਹਾਸਲ ਕਰ ਪਾਉਂਦੀਆਂ ਹਨ। ਜੇਕਰ ਔਰਤਾਂ ਨੂੰ ਵਿੱਤੀ ਜਾਣਕਾਰੀ ਦਿੱਤੀ ਜਾਵੇ ਤਾਂ ਔਰਤਾਂ ਖੁਦ ਵਿੱਤੀ ਫ਼ੈਸਲੇ ਕਰਨ ਤਾਂ ਉਹ ਕਾਫੀ ਕਾਰਗਰ ਸਾਬਤ ਹੋ ਸਕਦੀਆਂ ਹਨ।
ਇਹ ਵੀ ਪੜ੍ਹੋ :ਅਰਜਨਟੀਨਾ 'ਚ ਮੰਕੀਪੌਕਸ ਦਾ ਪਹਿਲਾ ਮਾਮਲਾ ਆਇਆ ਸਾਹਮਣੇ
ਵਿੱਤੀ ਜਾਗਰੂਕਤਾ ਨਾਲ ਖੜ੍ਹੀ ਕੀਤੀ ਕੰਪਨੀ : ਮਿਸਿਜ਼ ਬੈਕਟਰ
ਸਮਾਗਮ ਦੌਰਾਨ ਲੁਧਿਆਣਾ ਦੀ ਮਿਸਿਜ਼ ਬੈਕਟਰ ਫੂਡ ਦੀ ਸੰਸਥਾਪਕ ਰਜਨੀ ਬੈਕਟਰ ਨੇ ਬਤੌਰ ਮਹਿਲਾ ਉਦਯੋਗਪਤੀ ਆਪਣੇ ਤਜਰਬੇ ਔਰਤਾਂ ਨਾਲ ਸਾਂਝੇ ਕੀਤੇ ਅਤੇ ਉਨ੍ਹਾਂ ਨੂੰ ਜ਼ਿੰਦਗੀ ਦੇ ਸੰਘਰਸ਼ ਦੀ ਕਹਾਣੀ ਤੋਂ ਜਾਣੂ ਕਰਵਾਇਆ। ਉਨ੍ਹਾਂ ਨੇ ਦੱਸਿਆ ਕਿ ਕਿਵੇਂ ਉਸ ਨੇ ਇਕ ਛੋਟੀ ਜਿਹੀ ਰਸੋਈ ਤੋਂ ਕੰਮ ਕਰਨਾ ਸ਼ੁਰੂ ਕੀਤਾ ਅਤੇ ਇੰਨੀ ਵੱਡੀ ਫੈਕਟਰੀ ਸਥਾਪਿਤ ਕੀਤੀ। ਉਹ ਅਜਿਹਾ ਕਰਨ ਦੇ ਯੋਗ ਸੀ ਕਿਉਂਕਿ ਉਹ ਵਿੱਤੀ ਤੌਰ ’ਤੇ ਜਾਗਰੂਕ ਸੀ ਅਤੇ ਸਮੇਂ-ਸਮੇਂ ’ਤੇ ਆਪਣੀ ਸਮਝ ਨਾਲ ਵਿੱਤੀ ਫ਼ੈਸਲੇ ਲੈਂਦੀ ਸੀ। ਇਹੀ ਕਾਰਨ ਹੈ ਕਿ ਅੱਜ ਕ੍ਰਿਮਿਕਾ ਦੇ ਉਨ੍ਹਾਂ ਦੀ ਕੰਪਨੀ ਵੱਲੋਂ ਬਣਾਏ ਜਾ ਰਹੇ ਉਤਪਾਦ ਸਟਾਕ ਮਾਰਕੀਟ ’ਚ ਵੀ ਨਿਵੇਸ਼ਕਾਂ ਦੀ ਪਸੰਦ ਹਨ। ਉਨ੍ਹਾਂ ਨੇ ਜ਼ਿੰਦਗੀ ’ਚ ਜੋਖ਼ਮ ਲਿਆ ਅਤੇ ਮਾਰਕੀਟ ਤੋਂ ਪੈਸਾ ਇਕੱਠਾ ਕਰਨ ਦਾ ਫੈਸਲਾ ਕੀਤਾ ਅਤੇ ਕੰਪਨੀ ਨੂੰ ਸਟਾਕ ਮਾਰਕੀਟ ’ਚ ਸੂਚੀਬੱਧ ਕੀਤਾ। ਭਾਵੇਂ ਔਰਤਾਂ ਲਈ ਜ਼ਿੰਦਗੀ ’ਚ ਹੋਰ ਵੀ ਚੁਣੌਤੀਆਂ ਆਉਂਦੀਆਂ ਹਨ ਪਰ ਜੇਕਰ ਉਹ ਆਰਥਿਕ ਤੌਰ ’ਤੇ ਜਾਗਰੂਕ ਹੋ ਜਾਣ ਤਾਂ ਉਨ੍ਹਾਂ ਦਾ ਸਮਾਜਿਕ ਰੁਤਬਾ ਸੁਧਰਦਾ ਹੈ ਅਤੇ ਸਮਾਜ ’ਚ ਉਨ੍ਹਾਂ ਦਾ ਸਨਮਾਨ ਵੀ ਵਧਦਾ ਹੈ। ਇਸ ਲਈ ਔਰਤਾਂ ਨੂੰ ਵਿੱਤੀ ਜਾਗਰੂਕਤਾ ਹਾਸਲ ਕਰਨ ਲਈ ਉਪਰਾਲੇ ਕਰਨੇ ਚਾਹੀਦੇ ਹਨ ਅਤੇ ਚੰਗੀਆਂ ਸਕੀਮਾਂ ’ਚ ਆਪਣੀ ਬੱਚਤ ਦਾ ਨਿਵੇਸ਼ ਕਰਨਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ :ਤਨਖਾਹੀਆ ਕਰਾਰ ਦਿੱਤੇ ਨੇਤਾਵਾਂ ਨੂੰ ਪੰਥਕ ਕਮੇਟੀ ’ਚੋਂ ਤੁਰੰਤ ਕੱਢਿਆ ਜਾਵੇ : ਕਾਲਕਾ, ਕਾਹਲੋਂ
ਨੋਟ - ਇਸ ਖ਼ਬਰ ਸਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ
ਸ਼ਿਕਾਇਤ ਦੀ ਜਾਂਚ ਕਰਨ ਗਏ ਥਾਣੇਦਾਰ ਵੱਲੋਂ ਘਰ ’ਚ ਸੁੱਤੇ ਪਏ ਗੁਆਂਢੀ ਦੀ ਕੁੱਟਮਾਰ
NEXT STORY 
