ਗੈਜੇਟ ਡੈਸਕ- ਦੁਨੀਆ ਦੀ ਪ੍ਰਮੁੱਖ ਟੈਕਨਾਲੋਜੀ ਕੰਪਨੀ ਸ਼ਾਓਮੀ ਨੇ ਆਪਣੇ ਪ੍ਰੀਮੀਅਮ 17 ਲਾਈਨਅਪ ਦਾ ਵਿਸਥਾਰ ਕਰਦੇ ਹੋਏ ਪੰਜਵਾਂ ਮਾਡਲ 'Xiaomi 17 Max' ਚੀਨ ਵਿੱਚ ਲਾਂਚ ਕਰ ਦਿੱਤਾ ਹੈ। ਇਹ ਸਮਾਰਟਫੋਨ ਆਪਣੇ ਬਿਹਤਰੀਨ ਕੈਮਰਾ ਫੀਚਰਜ਼ ਅਤੇ ਪਾਵਰਫੁੱਲ ਪ੍ਰੋਸੈਸਰ ਕਾਰਨ ਬਾਜ਼ਾਰ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
200 ਮੈਗਾਪਿਕਸਲ ਦਾ ਸ਼ਾਨਦਾਰ ਕੈਮਰਾ
ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦਾ ਲਾਈਕਾ-ਟਿਊਨਡ ਟ੍ਰਿਪਲ ਰਿਅਰ ਕੈਮਰਾ ਸੈੱਟਅਪ ਹੈ। ਇਸ ਵਿੱਚ 200 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਦਿੱਤਾ ਗਿਆ ਹੈ ਜੋ OIS ਸਪੋਰਟ ਨਾਲ ਆਉਂਦਾ ਹੈ। ਇਸ ਤੋਂ ਇਲਾਵਾ, ਦੂਰ ਦੀਆਂ ਤਸਵੀਰਾਂ ਲਈ 50MP ਦਾ ਪੈਰੀਸਕੋਪ ਟੈਲੀਫੋਟੋ ਕੈਮਰਾ (3x ਆਪਟੀਕਲ ਜ਼ੂਮ) ਅਤੇ 50MP ਦਾ ਅਲਟਰਾ ਵਾਈਡ ਕੈਮਰਾ ਵੀ ਸ਼ਾਮਲ ਹੈ। ਸੈਲਫੀ ਦੇ ਸ਼ੌਕੀਨਾਂ ਲਈ ਫਰੰਟ ਵਿੱਚ 32MP ਦਾ ਕੈਮਰਾ ਦਿੱਤਾ ਗਿਆ ਹੈ।
Xiaomi 17 Max ਵਿੱਚ 6.9 ਇੰਚ ਦੀ 1.5K AMOLED ਡਿਸਪਲੇਅ ਹੈ, ਜੋ 120Hz ਰਿਫ੍ਰੈਸ਼ ਰੇਟ ਅਤੇ 3500 nits ਦੀ ਪੀਕ ਬ੍ਰਾਈਟਨੈੱਸ ਨੂੰ ਸਪੋਰਟ ਕਰਦੀ ਹੈ। ਫੋਨ ਦੀ ਸੁਰੱਖਿਆ ਲਈ ਇਸ ਵਿੱਚ ਡਰੈਗਨ ਕ੍ਰਿਸਟਲ 3.0 ਪ੍ਰੋਟੈਕਸ਼ਨ ਅਤੇ ਧੂੜ-ਮਿੱਟੀ ਤੇ ਪਾਣੀ ਤੋਂ ਬਚਾਅ ਲਈ IP68 ਰੇਟਿੰਗ ਦਿੱਤੀ ਗਈ ਹੈ। ਪ੍ਰਦਰਸ਼ਨ ਦੇ ਮਾਮਲੇ ਵਿੱਚ, ਇਸ ਵਿੱਚ ਨਵੀਨਤਮ Snapdragon 8 Elite Gen 5 ਚਿੱਪਸੈੱਟ ਲਗਾਇਆ ਗਿਆ ਹੈ, ਜੋ 4.6GHz ਦੀ ਸਪੀਡ ਪ੍ਰਦਾਨ ਕਰਦਾ ਹੈ।
ਕੰਪਨੀ ਨੇ ਇਸ ਫੋਨ ਵਿੱਚ 8000mAh ਦੀ ਦਮਦਾਰ ਬੈਟਰੀ ਦਿੱਤੀ ਹੈ, ਜੋ ਲੰਬਾ ਸਮਾਂ ਬੈਕਅਪ ਦੇਣ ਦੇ ਸਮਰੱਥ ਹੈ। ਇਹ ਬੈਟਰੀ 100W ਫਾਸਟ ਚਾਰਜਿੰਗ ਅਤੇ 22.5W ਰਿਵਰਸ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।
ਕੀਮਤ
ਚੀਨੀ ਬਾਜ਼ਾਰ ਵਿੱਚ ਇਸ ਫੋਨ ਦੀ ਸ਼ੁਰੂਆਤੀ ਕੀਮਤ (12GB/256GB ਮਾਡਲ) 4799 ਯੂਆਨ (ਲਗਭਗ 68,000 ਰੁਪਏ) ਰੱਖੀ ਗਈ ਹੈ। ਇਸ ਦੇ ਟਾਪ ਵੇਰੀਐਂਟ (16GB/512GB) ਦੀ ਕੀਮਤ ਲਗਭਗ 82,000 ਰੁਪਏ ਤੱਕ ਜਾਂਦੀ ਹੈ। ਮਾਹਰਾਂ ਮੁਤਾਬਕ, ਜੇਕਰ ਇਹ ਫੋਨ ਭਾਰਤੀ ਬਾਜ਼ਾਰ ਵਿੱਚ ਆਉਂਦਾ ਹੈ, ਤਾਂ ਇਹ ਆਈਫੋਨ 17 ਅਤੇ ਸੈਮਸੰਗ S25 ਪਲੱਸ ਵਰਗੇ ਮਾਡਲਾਂ ਨੂੰ ਸਖ਼ਤ ਟੱਕਰ ਦੇਵੇਗਾ।
ਮਾਰੂਤੀ ਸੁਜ਼ੂਕੀ ਦਾ ਵੱਡਾ ਝਟਕਾ! 1 ਜੂਨ ਤੋਂ ਮਹਿੰਗੀਆਂ ਹੋ ਜਾਣਗੀਆਂ ਕਾਰਾਂ
NEXT STORY 
