550ਵੇਂ ਪ੍ਰਕਾਸ਼ ਪੁਰਬ ਮੌਕੇ ਰੇਲ ਮੰਤਰਾਲਾ ਚਲਾਏਗਾ ਸਪੈਸ਼ਲ ਗੱਡੀਆਂ

Edited By Shivani Attri,
Updated: 24 Sep, 2019 11:38 AM

ਸੁਲਤਾਨਪੁਰ ਲੋਧੀ (ਧੀਰ)— 550 ਸਾਲਾ ਪ੍ਰਕਾਸ਼ ਪੁਰਬ ਮੌਕੇ ਪਾਵਨ ਨਗਰੀ ਸੁਲਤਾਨਪੁਰ ਲੋਧੀ 'ਚ ਮਨਾਏ ਜਾ ਰਹੇ ਵਿਸ਼ਵ ਪੱਧਰੀ ਸਮਾਗਮ ਮੌਕੇ ਦੇਸ਼-ਵਿਦੇਸ਼ ਦੇ ਵੱਖ-ਵੱਖ ਥਾਵਾਂ ਤੋਂ ਆ ਰਹੀਆਂ ਸੰਗਤਾਂ ਦੀ ਸਹੂਲਤ ਲਈ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਅਤੇ ਹਲਕਾ ਵਿਧਾਇਕ ਨਵਤੇਜ ਸਿੰਘ ਚੀਮਾ ਵੱਲੋਂ ਰੇਲ ਮੰਤਰਾਲਾ ਭਾਰਤ ਸਰਕਾਰ ਨੂੰ ਪਾਵਨ ਨਗਰੀ ਲਈ ਸਪੈਸ਼ਲ ਟਰੇਨਾਂ ਚਲਾਉਣ ਲਈ ਕੀਤੀ ਮੰਗ ਤਹਿਤ ਰੇਲ ਮੰਤਰਾਲੇ ਨੇ ਗੁਰਪੁਰਬ ਮੌਕੇ ਵੱਡੀ ਗਿਣਤੀ 'ਚ ਮੇਲਾ ਸਪੈਸ਼ਲ ਗੱਡੀਆਂ ਚਲਾਉਣ ਦੀ ਆਗਿਆ ਦੇ ਦਿੱਤੀ ਹੈ।

ਜਾਣਕਾਰੀ ਦਿੰਦੇ ਹੋਏ ਸੁਲਤਾਨਪੁਰ ਲੋਧੀ ਰੇਲਵੇ ਸਟੇਸ਼ਨ ਦੇ ਮੁੱਖ ਸੁਪਰਡੈਂਟ ਰਾਜਬੀਰ ਸਿੰਘ ਟਾਈਗਰ ਨੇ ਦੱਸਿਆ ਕਿ ਰੇਲ ਮੰਤਰਾਲੇ ਵੱਲੋਂ ਫਿਰੋਜ਼ਪੁਰ-ਡਿੱਬਰੂਗੜ੍ਹ ਵਾਇਆ ਸੁਲਤਾਨਪੁਰ ਲੋਧੀ, ਗੰਗਾਨਗਰ, ਡੇਰਾ ਬਾਬਾ ਨਾਨਕ, ਨੰਦੇੜ, ਪਟਨਾ, ਨਵਾਂ ਸ਼ਹਿਰ, ਲੋਹੀਆਂ-ਦਿੱਲੀ, ਹੁਸ਼ਿਆਰਪੁਰ, ਫਾਜ਼ਿਲਕਾ, ਲੋਹੀਆਂ-ਪਟਿਆਲਾ, ਨੰਗਲ ਡੈਮ ਆਦਿ ਗੱਡੀਆਂ ਨੂੰ ਚਲਾਉਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਉਨ੍ਹਾਂ ਦੱਸਿਆ ਕਿ ਫਿਰੋਜ਼ਪੁਰ ਤੋਂ ਡਿਬਰੂਗੜ੍ਹ ਲਈ ਟਰੇਨ ਨੰ. 4650 ਦੁਪਹਿਰ ਨੂੰ 12:40 ਮਿੰਟ 'ਤੇ ਰਵਾਨਾ ਹੋਵੇਗੀ ਤੇ ਇਹ ਟਰੇਨ ਸੁਲਤਾਨਪੁਰ ਲੋਧੀ ਦੁਪਹਿਰ 2 ਵਜੇ ਪਹੁੰਚੇਗੀ। ਉਨ੍ਹਾਂ ਦੱਸਿਆ ਕਿ ਇਹ ਟਰੇਨ 6 ਨਵੰਬਰ ਤੋਂ 13 ਨਵੰਬਰ ਤੱਕ ਚੱਲੇਗੀ। ਇਸੇ ਤਰ੍ਹਾਂ ਹੋਰ ਟਰੇਨਾਂ ਦਾ ਵੇਰਵਾ ਹੇਠ ਦਿੱਤੇ ਅਨੁਸਾਰ ਹੈ।

ਗੁਰਪੁਰਬ ਮੌਕੇ ਰੇਲ ਮੰਤਰਾਲੇ ਵੱਲੋਂ ਸਪੈਸ਼ਲ ਗੁਰਪੁਰਬ ਟਰੇਨਾਂ ਵੱਖ-ਵੱਖ ਹਿੱਸਿਆਂ ਤੋਂ ਚਲਾਉਣ ਲਈ ਵਿਧਾਇਕ ਚੀਮਾ ਵੱਲੋਂ ਰੇਲ ਮੰਤਰਾਲੇ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਦੇਸ਼-ਵਿਦੇਸ਼ ਤੋਂ ਵੱਡੀ ਗਿਣਤੀ 'ਚ ਆ ਰਹੀਆਂ ਸੰਗਤਾਂ ਦੇ ਲਈ ਸਾਡੀ ਇਹ ਕੋਸ਼ਿਸ਼ ਸਫਲ ਸਾਬਤ ਹੋਈ ਹੈ। ਹੁਣ ਸੰਗਤਾਂ ਇਸ ਪਾਵਨ ਨਗਰੀ 'ਚ ਕਿਸੇ ਵੀ ਜਗ੍ਹਾ ਤੋਂ ਆਰਾਮ ਨਾਲ ਪਾਵਨ ਨਗਰੀ ਪਹੁੰਚ ਜਾਣਗੀਆਂ।

ਟਰੇਨ ਨੰ	ਕਿੱਥੋਂ ਤੋਂ ਕਿੱਥੋਂ ਤੱਕ	ਸੁਲਤਾਨਪੁਰ ਲੋਧੀ ਤੋਂ ਚੱਲਣ ਅਤੇ ਪਹੁੰਚਣ ਦਾ ਸਮਾਂ	ਕਿੰਨੇ ਦਿਨ
4649	ਡਿੱਬਰੂਗੜ੍ਹ ਤੋਂ ਫਿਰੋਜ਼ਪੁਰ	ਦੁਪਹਿਰ 1:53 ਮਿੰਟ	8 ਨਵੰਬਰ ਤੋਂ 15 ਨਵੰਬਰ ਤੱਕ (ਰੋਜ਼ਾਨਾ)
4652	ਫਿਰੋਜ਼ਪੁਰ ਤੋਂ ਪਟਨਾ,	ਦੁਪਹਿਰ 2 ਵਜੇ,	5, 9 ਤੇ 14 ਨਵੰਬਰ, 3 ਦਿਨ
4609	ਸੁਲਤਾਨਪੁਰ ਤੋਂ ਡੇਰਾ ਬਾਬਾ ਨਾਨਕ	ਰਾਤ 11:55 ਮਿੰਟ	3 ਨਵੰਬਰ ਤੋਂ 16 ਨਵੰਬਰ (ਰੋਜ਼ਾਨਾ)
4610	ਡੇਰਾ ਬਾਬਾ ਨਾਨਕ ਤੋਂ ਸੁਲਤਾਨਪੁਰ ਲੋਧੀ	11:40 ਮਿੰਟ	4 ਨਵੰਬਰ ਤੋਂ 17 ਨਵੰਬਰ (ਰੋਜ਼ਾਨਾ)
4613	ਸੁਲਤਾਨਪੁਰ ਲੋਧੀ ਤੋਂ ਡੇਰਾ ਬਾਬਾ ਨਾਨਕ	ਦੁਪਹਿਰ 1 ਵਜੇ	1 ਨਵੰਬਰ ਤੋਂ 14 ਨਵੰਬਰ (ਰੋਜ਼ਾਨਾ)
4614	ਡੇਰਾ ਬਾਬਾ ਨਾਨਕ ਤੋਂ ਸੁਲਤਾਨਪੁਰ ਲੋਧੀ	ਸਵੇਰੇ 7:15 ਮਿੰਟ	1 ਨਵੰਬਰ ਤੋਂ 14 ਨਵੰਬਰ ਤੱਕ (ਰੋਜ਼ਾਨਾ)
4607	ਸੁਲਤਾਨਪੁਰ ਤੋਂ ਨਵਾਂ ਸ਼ਹਿਰ	ਸ਼ਾਮ 4:30 ਵਜੇ	2 ਨਵੰਬਰ ਤੋਂ 15 ਨਵੰਬਰ ਤੱਕ (ਰੋਜ਼ਾਨਾ)
4608	ਨਵਾਂ ਸ਼ਹਿਰ ਤੋਂ ਸੁਲਤਾਨਪੁਰ ਲੋਧੀ	ਦਿਨ ਨੂੰ 10:55 ਮਿੰਟ	3 ਨਵੰਬਰ ਤੋਂ 16 ਨਵੰਬਰ ਤੱਕ (ਰੋਜ਼ਾਨਾ)
4603	ਸੁਲਤਾਨਪੁਰ ਲੋਧੀ ਤੋਂ ਗੰਗਾਨਗਰ	ਦੁਪਹਿਰ 2 ਵਜੇ	2 ਨਵੰਬਰ ਤੋਂ 15 ਨਵੰਬਰ (ਰੋਜ਼ਾਨਾ)
4604	ਗੰਗਾਨਗਰ ਤੋਂ ਸੁਲਤਾਨਪੁਰ ਲੋਧੀ	ਰਾਤ 11:25 ਮਿੰਟ	2 ਨਵੰਬਰ ਤੋਂ 15 ਨਵੰਬਰ (ਰੋਜ਼ਾਨਾ)
4605	ਸੁਲਤਾਨਪੁਰ ਲੋਧੀ ਤੋਂ ਫਾਜ਼ਿਲਕਾ	11:20 ਮਿੰਟ	3 ਨਵੰਬਰ ਤੋਂ 16 ਨਵੰਬਰ (ਰੋਜ਼ਾਨਾ)
4606	ਫਾਜ਼ਿਲਕਾ ਤੋਂ ਸੁਲਤਾਨਪੁਰ ਲੋਧੀ	ਰਾਤ 11:10 ਮਿੰਟ	3 ਨਵੰਬਰ ਤੋਂ 15 ਨਵੰਬਰ (ਰੋਜ਼ਾਨਾ)
4601	ਹਿਸਾਰ ਤੋਂ ਸੁਲਤਾਨਪੁਰ ਲੋਧੀ	12:35 ਮਿੰਟ	1 ਨਵੰਬਰ ਤੋਂ 14 ਨਵੰਬਰ ਤੱਕ (ਰੋਜ਼ਾਨਾ)
4602	ਸੁਲਤਾਨਪੁਰ ਲੋਧੀ ਤੋਂ ਹਿਸਾਰ	12 ਵਜੇ ਦੁਪਹਿਰ	4 ਨਵੰਬਰ ਤੋਂ 17 ਨਵੰਬਰ (ਰੋਜ਼ਾਨਾ)
04411	ਦਿੱਲੀ ਤੋਂ ਲੋਹੀਆਂ ਖਾਸ	ਸਵੇਰੇ 7 ਵਜੇ	3 ਅਕਤੂਬਰ ਤੋਂ 16 ਨਵੰਬਰ, ਸੋਮਵਾਰ, ਬੁੱਧਵਾਰ, ਸ਼ਨੀਵਾਰ (ਹਫਤੇ 'ਚ ਸਿਰਫ 3 ਦਿਨ)
04412	ਲੋਹੀਆਂ ਤੋਂ ਦਿੱਲੀ	ਸ਼ਾਮ 7:30 ਮਿੰਟ	4 ਅਕਤੂਬਰ ਤੋਂ 17 ਨਵੰਬਰ (ਮੰਗਲਵਾਰ, ਸ਼ੁੱਕਰਵਾਰ, ਐਤਵਾਰ)