ਜਲੰਧਰ—ਸੇਂਟ ਸੋਲਜਰ ਮੈਨੇਜਮੈਂਟ ਅਤੇ ਟੈਕਨੀਕਲ ਇੰਸਟੀਚਿਊਟ ਵਿਖੇ ਅੱਜ ਵਿਸ਼ਵ ਫੋਟੋਗ੍ਰਾਫੀ ਡੇਅ ਮਨਾਇਆ ਗਿਆ ਹੈ। ਇਸ ਮੌਕੇ ਵਾਈਸ ਚੇਅਰਪਰਸਨ ਸ਼੍ਰੀ ਮਤੀ ਸੰਗੀਤਾ ਚੋਪੜਾ, ਪ੍ਰਿੰ : ਆਰ.ਕੇ. ਪੁਸ਼ਕਰਨਾ ਅਤੇ ਮੀਡੀਆ ਦੇ ਉਘੇ ਫੋਟੋ ਜਰਨਲਿਸਟ ਵੀ ਸ਼ਾਮਲ ਹੋਏ। ਮੀਡੀਆ ਡਿਪਾਟਰਮੈਂਟ ਦੇ ਵਿਦਿਆਰਥੀਆਂ ਵੱਲੋਂ ਫੋਟੋ ਐਕਸੀਬਿਸ਼ਨ ਦਾ ਆਯੋਜਨ ਕੀਤਾ ਗਿਆ, ਜਿਸ 'ਚ ਵਿਦਿਆਰਥੀਆਂ ਵੱਲੋਂ ਵਾਇਲਡ ਲਾਈਫ, ਨੇਚਰ, ਖੇਡਾਂ, ਧਰਮ ਆਦਿ ਥੀਮ 'ਤੇ ਆਪਣੀ ਫੋਟੋਗ੍ਰਾਫੀ ਨੂੰ ਪੇਸ਼ ਕੀਤਾ ਗਿਆ।
ਸ਼੍ਰੀ ਮਤੀ ਸੰਗੀਤਾ ਚੋਪੜਾ ਨੇ ਵਿਦਿਆਰਥੀਆਂ ਨੂੰ ਉਤਸ਼ਾਹਿਤ ਕਰਦੇ ਹੋਏ ਅੱਗੇ ਤੋਂ ਵੀ ਵਧ ਚੜ੍ਹ ਕੇ ਹਿੱਸਾ ਲੈਣ ਦੀ ਪ੍ਰੇਰਨਾ ਦਿੱਤੀ ਅਤੇ ਇਸ ਦੇ ਨਾਲ ਹੀ ਉਘੇ ਫੋਟੋ ਜਰਨਲਿਸਟਾਂ ਨੇ ਵਿਦਿਆਰਥੀਆਂ ਨੂੰ ਫੋਟੋਗ੍ਰਾਫੀ ਦੇ ਗੁਣ ਦੱਸੇ। ਫੋਟੋਗ੍ਰਾਫੀ ਦੌਰਾਨ ਵਿਦਿਆਰਥੀਆਂ ਨੂੰ ਪ੍ਰਾਈਜ਼ ਵੀ ਦਿੱਤੇ ਗਏ ਜਿਸ 'ਚ ਲਵਪ੍ਰੀਤ ਨੇ ਪਹਿਲਾ ਸਥਾਨ, ਤਰਨਪ੍ਰੀਤ ਨੇ ਦੂਜਾ ਸਥਾਨ ਅਤੇ ਪ੍ਰੀਆ ਨੇ ਤੀਸਰਾ ਸਥਾਨ ਹਾਸਲ ਕੀਤਾ। ਇਸ ਮੌਕੇ ਮੀਡੀਆ ਵਿਭਾਗ ਦੇ ਸਟਾਫ ਮੈਂਬਰ ਜਸਪ੍ਰੀਤ ਕੌਰ, ਦਿਕਸ਼ਾ ਸ਼ਰਮਾ ਅਤੇ ਪ੍ਰਿੰਯਕਾ ਜੈਨ ਵੀ ਸ਼ਾਮਲ ਹੋਏ।
ਮਕਾਨ ਮਾਲਕ ਦੇ ਲੜਕੇ ਨੇ 8 ਸਾਲਾ ਬੱਚੀ ਨਾਲ ਕੀਤਾ ਜਬਰ ਜ਼ਨਾਹ
NEXT STORY 
