ਮੁੰਬਈ- ਬਾਲੀਵੁੱਡ ਅਦਾਕਾਰ ਅਰਸ਼ਦ ਵਾਰਸੀ ਆਪਣੇ ਕਾਮਿਕ ਟਾਈਮਿੰਗ ਅਤੇ ਹਾਸੇ ਦੀ ਭਾਵਨਾ ਲਈ ਜਾਣੇ ਜਾਂਦੇ ਹਨ। ਇਹੀ ਕਾਰਨ ਹੈ ਕਿ ਪ੍ਰਸ਼ੰਸਕ ਉਸ ਦੀਆਂ ਫਿਲਮਾਂ ਨੂੰ ਕਾਫੀ ਪਸੰਦ ਕਰਦੇ ਹਨ। ਉਨ੍ਹਾਂ ਦੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ 'ਮੁੰਨਾ ਭਾਈ ਐਮਬੀਬੀਐਸ', 'ਲਗੇ ਰਹੋ ਮੁੰਨਾ ਭਾਈ', 'ਜੌਲੀ ਐਲਐਲਬੀ', 'ਗੋਲਮਾਲ-3', 'ਧਮਾਲ' ਵਰਗੀਆਂ ਕਈ ਵੱਡੀਆਂ ਫਿਲਮਾਂ ਦਾ ਹਿੱਸਾ ਰਹਿ ਚੁੱਕੇ ਹਨ। ਉਸ ਦੀ ਖਾਸ ਗੱਲ ਇਹ ਹੈ ਕਿ ਉਹ ਆਪਣੇ ਅੰਦਾਜ਼ ਨਾਲ ਫਿਲਮ 'ਚ ਕਿਰਦਾਰ 'ਚ ਜਾਨ ਪਾ ਦਿੰਦਾ ਹੈ। ਅੱਜ ਵੀ ਲੋਕ ਉਸ ਨੂੰ ਉਸ ਦੇ ਕਿਰਦਾਰ ਸਰਕਟ, ਮਾਧਵ ਦੇ ਨਾਂ ਨਾਲ ਬੁਲਾਉਂਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਅਰਸ਼ਦ ਵਾਰਸੀ ਨੇ ਹਾਲ ਹੀ 'ਚ 'UNFILTERED by Samdish'ਨੂੰ ਇੰਟਰਵਿਊ ਦਿੱਤਾ ਸੀ, ਜਿਸ 'ਚ ਉਹਨਾਂ ਨੇ ਆਪਣੇ ਸੰਘਰਸ਼ ਦੇ ਦਿਨਾਂ ਬਾਰੇ ਵੀ ਗੱਲ ਕੀਤੀ ਅਤੇ ਕਈ ਰਾਜ਼ਾਂ ਦਾ ਖੁਲਾਸਾ ਕੀਤਾ ਜੋ ਅਸੀਂ ਅੱਜ ਤੱਕ ਨਹੀਂ ਜਾਣਦੇ ਸੀ। ਜੀ ਹਾਂ, ਇਹ ਸਵਾਲ-ਜਵਾਬ ਸੁਣ ਕੇ ਤੁਸੀਂ ਵੀ ਦੰਗ ਰਹਿ ਜਾਓਗੇ।ਜਿਵੇਂ ਕਿ ਅਸੀਂ ਜਾਣਦੇ ਹਾਂ ਕਿ ਸਮਦੀਸ਼ ਆਪਣੇ ਬੇਬਾਕ ਸਵਾਲਾਂ ਲਈ ਜਾਣਿਆ ਜਾਂਦਾ ਹੈ, ਉਨ੍ਹਾਂ ਨੇ ਅਰਸ਼ਦ ਨੂੰ ਉਸ ਦੀ ਨਿੱਜੀ ਅਤੇ ਪੇਸ਼ੇਵਰ ਜ਼ਿੰਦਗੀ ਬਾਰੇ ਵੀ ਅਜਿਹੇ ਸਵਾਲ ਪੁੱਛੇ ਜੋ ਸ਼ਾਇਦ ਹੀ ਕੋਈ ਹੋਰ ਪੁੱਛੇ। ਅਰਸ਼ਦ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਈ ਅਜਿਹੇ ਡਰ ਹਨ ਜੋ ਉਨ੍ਹਾਂ ਨੂੰ ਹਮੇਸ਼ਾ ਡਰਾਉਂਦੇ ਰਹਿੰਦੇ ਹਨ, ਸਮਦੀਸ਼ ਦੇ ਪੁੱਛਣ ਤੇ ਅਦਾਕਾਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਅਚਾਨਕ ਮੌਤ ਦਾ ਡਰ ਸਤਾਉਂਦਾ ਹੈ। ਅਦਾਕਾਰ ਨੇ ਅੱਗੇ ਕਿਹਾ ਕਿ ਇਹ ਸ਼ਾਇਦ ਉਦੋਂ ਤੱਕ ਦੂਰ ਨਹੀਂ ਹੋਵੇਗਾ ਜਦੋਂ ਤੱਕ ਉਹ ਆਪਣੇ ਬੱਚਿਆਂ ਨੂੰ ਸੈਟਲ ਨਹੀਂ ਕਰ ਲੈਂਦੇ। ਅਦਾਕਾਰ ਨੇ ਆਪਣੀ ਪਤਨੀ ਬਾਰੇ ਵੀ ਬਹੁਤ ਕੁਝ ਕਿਹਾ ਅਤੇ ਬਹੁਤ ਮਜ਼ਾਕ ਕੀਤਾ ਜਿਸ ਲਈ ਉਹ ਜਾਣਿਆ ਜਾਂਦਾ ਹੈ।
ਇਹ ਖ਼ਬਰ ਵੀ ਪੜ੍ਹੋ -ਮਹਿਲਾ ਡਾਕਟਰ ਨਾਲ ਹੋਈ ਦਰਿੰਦਗੀ ਵਿਚਾਲੇ ਆਯੁਸ਼ਮਾਨ ਖੁਰਾਨਾ ਨੇ ਲਿਖੀ ਕਵਿਤਾ, ਇਮੋਸ਼ਨਲ ਕਰ ਦੇਣਗੇ ਬੋਲ
ਇੰਟਰਵਿਊ ਦੌਰਾਨ ਅਰਸ਼ਦ ਵਾਰਸੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਐਮਾਜ਼ਾਨ ਤੋਂ ਸ਼ਾਪਿੰਗ ਕਰਨ ਦੀ ਅਜੀਬ ਬੀਮਾਰੀ ਲੱਗ ਗਈ ਹੈ। ਸਵੇਰੇ ਉੱਠਦੇ ਹੀ ਅਸੀਂ ਐਮਾਜ਼ਾਨ ਤੋਂ ਕੁਝ ਖਰੀਦਣ ਲਈ ਬੈਠ ਜਾਂਦੇ ਹਾਂ। ਫਿਰ ਜਦੋਂ ਸਾਮਾਨ ਪਹੁੰਚਦਾ ਹੈ ਤਾਂ ਉਹ ਆਪ ਹੀ ਹੈਰਾਨ ਹੋ ਜਾਂਦੇ ਹਨ ਜਿਵੇਂ ਉਨ੍ਹਾਂ ਨੂੰ ਕਿਸੇ ਨੇ ਤੋਹਫ਼ਾ ਭੇਜਿਆ ਹੋਵੇ। ਅਦਾਕਾਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਹ ਸਭ ਕਰ ਕੇ ਬਹੁਤ ਖੁਸ਼ੀ ਮਿਲਦੀ ਹੈ। ਜਦੋਂ ਸਮਦੀਸ਼ ਪੁੱਛਦਾ ਹੈ ਕਿ ਤੁਸੀਂ ਪਿਛਲੀ ਵਾਰ ਕੀ ਖਰੀਦਿਆ ਸੀ, ਤਾਂ ਅਦਾਕਾਰ ਹੱਸਦਾ ਹੈ ਅਤੇ ਕਹਿੰਦਾ ਹੈ ਕਿ ਮੈਂ 'ਬੈਕ ਸਕ੍ਰੈਚਰ' ਦਾ ਆਰਡਰ ਕੀਤਾ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਸਰੀਰਕ ਤੌਰ 'ਤੇ ਅਸਰਮਥ ਸਿੱਧੂ ਮੂਸੇਵਾਲਾ ਦਾ ਇਹ ਫੈਨ, ਸੀਨੇ ਨਾਲ ਲਾਈ ਰੱਖਦਾ ਗਾਇਕ ਦੀ ਤਸਵੀਰ
NEXT STORY 
