ਮੁੰਬਈ- 90 ਦੇ ਦਹਾਕੇ ਦੀ ਮਸ਼ਹੂਰ ਗਾਇਕਾ ਅਲਕਾ ਯਾਗਨਿਕ ਦਾ ਜਨਮ 20 ਮਾਰਚ 1966 ਨੂੰ ਕੋਲਕਾਤਾ 'ਚ ਇੱਕ ਗੁਜਰਾਤੀ ਪਰਿਵਾਰ 'ਚ ਹੋਇਆ ਸੀ। ਅਲਕਾ ਦੀ ਮਾਂ ਸ਼ੁਭਾ ਭਾਰਤੀ ਸ਼ਾਸਤਰੀ ਸੰਗੀਤ ਦੀ ਇੱਕ ਗਾਇਕਾ ਸੀ ਅਤੇ ਉਸ ਨੇ ਗਾਇਕਾ ਨੂੰ ਸੰਗੀਤ ਦੇ ਸਬਕ ਦੇਣੇ ਸ਼ੁਰੂ ਕਰ ਦਿੱਤੇ। ਆਪਣੀ ਮਾਂ ਦੇ ਨਕਸ਼ੇ ਕਦਮਾਂ 'ਤੇ ਚੱਲਦਿਆਂ, ਉਸ ਨੇ ਬਹੁਤ ਛੋਟੀ ਉਮਰ 'ਚ ਹੀ ਗਾਉਣ 'ਚ ਰੁਚੀ ਦਿਖਾਉਣੀ ਸ਼ੁਰੂ ਕਰ ਦਿੱਤੀ ਅਤੇ ਆਪਣੀ ਮਾਂ ਨੂੰ ਆਪਣਾ ਗੁਰੂ ਮੰਨਦੀ ਹੈ। ਅਲਕਾ ਯਾਗਨਿਕ ਦੀ ਪ੍ਰੇਮ ਕਹਾਣੀ ਵੀ ਕਾਫੀ ਦਿਲਚਸਪ ਅਤੇ ਫਿਲਮੀ ਹੈ। ਗਾਇਕ ਦੀ ਪ੍ਰੇਮ ਕਹਾਣੀ ਰੇਲਗੱਡੀ ਤੋਂ ਸ਼ੁਰੂ ਹੋਈ ਸੀ।
ਇਹ ਖ਼ਬਰ ਵੀ ਪੜ੍ਹੋ- ਸ਼ਰਧਾ ਕਪੂਰ ਨੇ ਆਪਣਾ ਰਿਲੇਸ਼ਨ ਕੀਤਾ ਆਫੀਸ਼ੀਅਲ, ਜਾਣੋ ਕੌਣ ਹੈ ਅਦਾਕਾਰਾ ਦੇ ਦਿਲ ਦਾ ਰਾਜਾ
ਅਲਕਾ ਯਾਗਨਿਕ ਨੇ ਹਾਲ ਹੀ 'ਚ ਆਪਣੇ ਬਾਰੇ ਇੱਕ ਅਜਿਹਾ ਖੁਲਾਸਾ ਕੀਤਾ ਹੈ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਮਖਮਲੀ ਆਵਾਜ਼ ਦੀ ਮਲਿਕਾ 'ਤੇ ਵਾਇਰਲ ਅਟੈਕ ਹੋਇਆ ਹੈ, ਜਿਸ ਕਾਰਨ ਉਹ ਸੁਣਨ ਦੀ ਸਮਰੱਥਾ ਗੁਆ ਚੁੱਕੀ ਹੈ। ਗਾਇਕ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਇਹ ਖੁਲਾਸਾ ਕੀਤਾ ਹੈ, ਜਿਸ ਨਾਲ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਅਤੇ ਸੈਲੇਬਸ ਦੁਖੀ ਹਨ। ਅਲਕਾ ਯਾਗਨਿਕ ਨੇ ਆਪਣੀ ਦੁਰਲੱਭ ਸੁਣਨ ਦੀ ਸਮੱਸਿਆ ਬਾਰੇ ਖੁਲਾਸਾ ਕਰਦੇ ਹੋਏ, ਇੱਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਸ ਨੇ ਦੱਸਿਆ ਕਿ ਜਦੋਂ ਉਹ ਕੁਝ ਦਿਨ ਪਹਿਲਾਂ ਫਲਾਈਟ ਤੋਂ ਉਤਰੀ ਤਾਂ ਉਸ ਨੂੰ ਅਹਿਸਾਸ ਹੋਇਆ ਕਿ ਉਹ ਕੁਝ ਵੀ ਨਹੀਂ ਸੁਣ ਸਕਦੀ। ਜਦੋਂ ਉਸ ਨੇ ਇਸ ਸਬੰਧੀ ਡਾਕਟਰਾਂ ਨਾਲ ਸੰਪਰਕ ਕੀਤਾ ਤਾਂ ਡਾਕਟਰਾਂ ਨੇ ਉਸ ਨੂੰ ਦੱਸਿਆ ਕਿ ਵਾਇਰਲ ਅਟੈਕ ਕਾਰਨ ਉਸ ਦੀ ਸੁਣਨ ਦੀ ਸ਼ਕਤੀ ਖਤਮ ਹੋ ਗਈ ਹੈ।
ਇਹ ਖ਼ਬਰ ਵੀ ਪੜ੍ਹੋ- ਕੀ ਨਿਖਿਲ ਪਟੇਲ ਨੇ ਫੇਮਸ ਹੋਣ ਲਈ ਕੀਤਾ ਦਲਜੀਤ ਨਾਲ ਵਿਆਹ? ਅਦਾਕਾਰਾ ਦਾ ਖ਼ੁਲਾਸਾ
16 ਭਾਸ਼ਾਵਾਂ 'ਚ 2000 ਤੋਂ ਵੱਧ ਗੀਤ ਗਾਏ
ਅਲਕਾ ਨੇ ਹਿੰਦੀ ਸਿਨੇਮਾ ਨੂੰ 'ਗਲੀ ਮੈਂ ਆਜ ਚੰਦ ਨਿਕਲਾ', 'ਜ਼ਿੰਦਗੀ ਸੇ ਜੰਗ', 'ਸੁਨ ਸਨਾਣਾ', 'ਯੇ ਬੰਧਨ ਤੋ ਪਿਆਰ ਕਾ ਬੰਧਨ ਹੈ' ਸਮੇਤ ਕਈ ਸ਼ਾਨਦਾਰ ਗੀਤ ਦਿੱਤੇ ਹਨ। ਅਲਕਾ ਨੇ ਆਪਣੀ ਸੁਰੀਲੀ ਆਵਾਜ਼ ਨਾਲ 16 ਤੋਂ ਵੱਧ ਭਾਸ਼ਾਵਾਂ 'ਚ ਲਗਭਗ 2000 ਗੀਤ ਰਿਕਾਰਡ ਕੀਤੇ। ਅਲਕਾ ਨੂੰ ਭਾਰਤੀ ਸਿਨੇਮਾ ਦੀ ਸਭ ਤੋਂ ਸ਼ਾਨਦਾਰ ਮਹਿਲਾ ਗਾਇਕਾ 'ਚ ਗਿਣਿਆ ਜਾਂਦਾ ਹੈ। ਗਾਇਕਾ ਜਿੰਨੀ ਆਪਣੀ ਪ੍ਰੋਫੈਸ਼ਨਲ ਲਾਈਫ ਨੂੰ ਲੈ ਕੇ ਸੁਰਖੀਆਂ 'ਚ ਰਹੀ ਹੈ, ਓਨੀ ਹੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਸੁਰਖੀਆਂ 'ਚ ਰਹੀ ਹੈ। ਅਲਕਾ ਯਾਗਨਿਕ ਦੀ ਪਤੀ ਨੀਰਜ ਕਪੂਰ ਨਾਲ ਪ੍ਰੇਮ ਕਹਾਣੀ ਨੇ ਕਾਫੀ ਸੁਰਖੀਆਂ ਬਟੋਰੀਆਂ ਹਨ।
ਇਹ ਖ਼ਬਰ ਵੀ ਪੜ੍ਹੋ- ਅਦਾਕਾਰਾ ਆਥੀਆ ਸ਼ੈੱਟੀ- ਕੇ. ਐੱਲ ਰਾਹੁਲ ਦੇ ਵਿਆਹ ਦੀ ਵਰ੍ਹੇਗੰਢ ਦੀਆਂ ਤਸਵੀਰਾਂ ਆਈਆਂ ਸਾਹਮਣੇ
ਅਲਕਾ ਯਾਗਨਿਕ ਆਪਣੇ ਪਤੀ ਨੀਰਜ ਕਪੂਰ ਨੂੰ ਪਹਿਲੀ ਵਾਰ ਰੇਲਗੱਡੀ 'ਚ ਮਿਲੀ ਸੀ ਅਤੇ ਦੋਵਾਂ ਨੂੰ ਪਹਿਲੀ ਨਜ਼ਰ 'ਚ ਹੀ ਇੱਕ ਦੂਜੇ ਨਾਲ ਪਿਆਰ ਹੋ ਗਿਆ ਸੀ। ਜਦੋਂ ਅਲਕਾ ਨੇ ਨੀਰਜ ਨੂੰ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਵਿਆਹ ਦਾ ਪ੍ਰਸਤਾਵ ਦਿੱਤਾ ਤਾਂ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ। ਅਜਿਹੇ 'ਚ ਅਲਕਾ ਨੇ ਆਪਣੇ ਪਰਿਵਾਰ ਵਾਲਿਆਂ ਦੇ ਖਿਲਾਫ ਜਾ ਕੇ ਨੀਰਜ ਕਪੂਰ ਨਾਲ ਵਿਆਹ ਕਰ ਲਿਆ। ਹਾਲਾਂਕਿ ਵਿਆਹ ਦੇ ਕੁਝ ਸਾਲਾਂ ਬਾਅਦ ਹੀ ਦੋਵੇਂ ਲੰਬੀ ਦੂਰੀ 'ਤੇ ਰਹਿਣ ਲੱਗ ਪਏ, ਕਾਰਨ ਦੋਵਾਂ ਦਾ ਕੰਮ ਸੀ। ਅਲਕਾ ਜਿੱਥੇ ਇੱਕ ਮਸ਼ਹੂਰ ਗਾਇਕ ਹੈ, ਉੱਥੇ ਨੀਰਜ ਇੱਕ ਕਾਰੋਬਾਰੀ ਹੈ। ਹਾਲਾਂਕਿ, ਸਾਲਾਂ ਤੱਕ ਵੱਖ ਰਹਿਣ ਦੇ ਬਾਅਦ ਵੀ, ਦੋਵਾਂ ਵਿਚਕਾਰ ਸਮਝ ਇੰਨੀ ਜ਼ਿਆਦਾ ਹੈ ਕਿ ਅੱਜ ਵੀ ਉਹ ਇਕੱਠੇ ਹਨ। ਜਦੋਂ ਵੀ ਦੋਵਾਂ ਕੋਲ ਸਮਾਂ ਹੁੰਦਾ ਹੈ, ਉਹ ਇਕੱਠੇ ਸਮਾਂ ਬਿਤਾਉਣ ਲਈ ਬਾਹਰ ਜਾਂਦੇ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
'ਸਿਕੰਦਰ' ਤੋਂ ਸਲਮਾਨ ਖ਼ਾਨ ਦੀ ਪਹਿਲੀ ਝਲਕ, 'ਭਾਈਜਾਨ' ਦਾ ਨਵਾਂ ਲੁੱਕ ਦੇਖ ਫੈਨਜ਼ ਹੋਏ ਦੀਵਾਨੇ
NEXT STORY 
