ਮੁੰਬਈ (ਬਿਊਰੋ) : ਰਿਐਲਿਟੀ ਸ਼ੋਅ 'ਬਿੱਗ ਬੌਸ 14' 'ਚ ਰਾਖੀ ਸਾਵੰਤ ਕਾਫ਼ੀ ਜ਼ਿਆਦਾ ਐਂਟਰਟੇਨਮੈਂਟ ਲੈ ਕੇ ਆਈ ਹੈ। ਹਾਲ ਹੀ 'ਚ 'ਬਿੱਗ ਬੌਸ' ਦੇ ਘਰ 'ਚ ਐਂਟਰੀ ਕਰਨ ਵਾਲੀ ਰਾਖੀ ਆਪਣੇ ਵੱਖ-ਵੱਖ ਅੰਦਾਜ਼ਾਂ ਨਾਲ ਦਰਸ਼ਕਾਂ ਦਾ ਬਹੁਤ ਮਨੋਰੰਜਨ ਕਰ ਰਹੀ ਹੈ। ਕਦੀ ਉਹ ਝਗੜੇ ਕਰਦੀ ਹੈ, ਕਦੇ ਉਹ ਪਾਗਲਪਨ ਕਰਦੀ ਹੈ, ਕੁੱਲ ਮਿਲਾ ਕੇ ਰਾਖੀ ਨੂੰ ਦੇਖਣਾ ਦਰਸ਼ਕਾਂ ਨੂੰ ਐਂਟਰਟੇਨਿੰਗ ਲੱਗਾ ਰਿਹਾ ਹੈ ਪਰ ਹੁਣ ਰਾਖੀ ਦਾ ਇਕ ਵੱਖਰਾ ਹੀ ਅੰਦਾਜ਼ ਸਾਹਮਣੇ ਆ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਘਰ ਵਾਲਿਆਂ ਦੇ ਪਸੀਨੇ ਛੁੱਟ ਗਏ ਹਨ। ਅੱਜ ਦੇ ਐਪੀਸੋਡ ਦਾ ਟੀਜ਼ਰ ਸਾਹਮਣੇ ਆਇਆ ਹੈ, ਜਿਸ 'ਚ ਰਾਖੀ ਸਾਵੰਤ ਅਜੀਬ ਕਿਰਦਾਰ 'ਚ ਅਜੀਬ ਜਿਹੀਆਂ ਹਰਕਤਾਂ ਕਰ ਰਹੀ ਹੈ। ਰਾਖੀ ਨੂੰ ਦੇਖ ਕੇ ਇਸ ਤਰ੍ਹਾਂ ਲੱਗ ਰਿਹਾ ਹੈ ਕਿ ਰਾਖੀ ਨਹੀਂ ਕੋਈ ਹੋਰ ਹੈ। ਸ਼ੀਸ਼ੇ 'ਚ ਖ਼ੁਦ ਨੂੰ ਦੇਖ ਕੇ ਉਹ ਆਪਣੇ ਆਪ ਨਾਲ ਗੱਲਾਂ ਕਰ ਰਹੀ ਹੈ ਅਤੇ ਬਾਕੀ ਲੋਕਾਂ ਨਾਲ ਅਜੀਬ ਜਿਹੀਆਂ ਹਰਕਤਾਂ ਕਰ ਰਹੀ ਹੈ।
ਵੀਡੀਓ 'ਚ ਨਜ਼ਰ ਆ ਰਿਹਾ ਹੈ ਕਿ ਅਰਸ਼ੀ ਖ਼ਾਨ, ਰਾਖੀ ਸਾਵੰਤ ਤੋਂ ਪੁੱਛ ਰਹੀ ਹੈ, 'ਕੀ ਤੂੰ ਰਾਖੀ ਹੈ? ਤੂੰ ਇਸ ਦੇ ਨਾਲ ਰਹਿਣਾ ਹੈ? ਇਸ 'ਤੇ ਰਾਖੀ ਸਿਰਫ਼ ਸਿਰ ਹਿਲਾ ਕੇ ਹਾਂ ਕਹਿ ਦਿੰਦੀ ਹੈ। ਇਸ ਤੋਂ ਬਾਅਦ ਰਾਖੀ, ਬਾਥਰੂਮ ਏਰੀਆ 'ਚ ਖੜ੍ਹੇ ਹੋ ਕੇ ਅਜੀਬ ਤਰੀਕੇ ਦੀਆਂ ਹਰਕਤਾਂ ਕਰਦੀ ਹੈ, ਜਿਸ ਨੂੰ ਦੇਖ ਕੇ ਜੈਸਮੀਨ ਡਰ ਜਾਂਦੀ ਹੈ ਤੇ ਉਸ ਨੂੰ ਪੁੱਛਦੀ ਹੈ 'ਕੀ ਕਰ ਰਹੀ ਆਂ।' ਜੈਸਮੀਨ ਦੇ ਸਵਾਲ ਦਾ ਰਾਖੀ ਕੋਈ ਜਵਾਬ ਨਹੀਂ ਦਿੰਦੀ। ਰਾਖੀ ਕਹਿ ਰਹੀ ਹੈ ਮੈਂ 200 ਸਾਲ ਤੋਂ ਖੁਸ਼ ਨਹੀਂ ਹਾਂ ਇਹ ਮੇਰੀ ਜਗ੍ਹਾ ਹੈ। ਹੁਣ ਰਾਖੀ ਇਹ ਸਭ ਸਿਰਫ਼ ਮਸਤੀ ਕਰ ਰਹੀ ਹੈ ਜਾਂ ਫਿਰ ਕੋਈ ਟਾਸਕ ਹੈ? ਜਾਂ ਰਾਖੀ ਦੇ ਉਪਰ ਕੋਈ ਓਪਰੀ ਛੈਅ ਹੈ ਤਾਂ ਐਪੀਸੋਡ ਦੇਖਣ ਤੋਂ ਬਾਅਦ ਹੀ ਪਤਾ ਚਲੇਗਾ।
ਦੱਸਣਯੋਗ ਹੈ ਕਿ 'ਬਿੱਗ ਬੌਸ 13' 'ਚ ਸ਼ਹਿਨਾਜ਼ ਕੌਰ ਗਿੱਲ ਵੀ ਅਜਿਹੀਆਂ ਹਰਕਤਾਂ ਕਰਕੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਕੇਂਦਰਿਤ ਕਰਦੀ ਸੀ। ਉਸ ਦੀਆਂ ਅਜਿਹੀਆਂ ਹਰਕਤਾਂ ਨੂੰ ਦਰਸ਼ਕਾਂ ਵਲੋਂ ਵੀ ਕਾਫ਼ੀ ਪਸੰਦ ਕੀਤੀਆਂ ਜਾਂਦੀਆਂ ਸਨ। ਹੁਣ ਰਾਖੀ ਸਾਵੰਤ ਵੀ ਬਿਲਕੁਲ ਸ਼ਹਿਨਾਜ਼ ਵਾਂਗ ਹੀ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਕੇਂਦਰਿਤ ਕਰ ਰਹੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਤੁਹਾਡੀ ਕੀ ਹੈ ਰਾਏ? ਕੁਮੈਂਟ ਬਾਕਸ 'ਚ ਜ਼ਰੂਰ ਦੱਸੋ।
ਫ਼ਿਲਮ ਇੰਡਸਟਰੀ 'ਚ ਛਾਇਆ ਮਾਤਮ, ਦਿਲ ਦਾ ਦੌਰਾ ਪੈਣ ਕਾਰਨ ਸੀਨੀਅਰ ਅਦਾਕਾਰਾ ਦੀ ਹੋਈ ਮੌਤ
NEXT STORY