ਮੁੰਬਈ (ਬਿਊਰੋ)– ਬਾਲੀਵੁੱਡ ਗਾਇਕ ਰਾਹੁਲ ਵੈਦਿਆ ਤੇ ਦਿਸ਼ਾ ਪਰਮਾਰ 16 ਜੁਲਾਈ ਨੂੰ ਵਿਆਹ ਦੇ ਬੰਧਨ ’ਚ ਬੱਝ ਗਏ ਹਨ। ਦੋਵਾਂ ਦੀ ਪ੍ਰੇਮ ਕਹਾਣੀ ਤੇ ਵਿਆਹ ਦਾ ‘ਬਿੱਗ ਬੌਸ’ ਨਾਲ ਖ਼ਾਸ ਸਬੰਧ ਹੈ। ‘ਬਿੱਗ ਬੌਸ’ ’ਚ ਹੀ ਰਾਹੁਲ ਨੇ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਕੀਤੀ ਤੇ ਦਿਸ਼ਾ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਸੀ। ਇਸ ਦੇ ਨਾਲ ਹੀ ਦਿਸ਼ਾ ਨੇ ਖ਼ੁਦ ‘ਬਿੱਗ ਬੌਸ’ ’ਚ ਹੀ ਰਾਹੁਲ ਦੇ ਪ੍ਰਪੋਜ਼ ਦਾ ਜਵਾਬ ਦਿੱਤਾ ਸੀ। ਰਾਹੁਲ ਤੇ ਦਿਸ਼ਾ ਤੋਂ ਪਹਿਲਾਂ ਵੀ ਕਈ ਸੈਲੇਬ੍ਰਿਟੀਜ਼ ਹਨ, ਜਿਨ੍ਹਾਂ ਦਾ ਪਿਆਰ ‘ਬਿੱਗ ਬੌਸ’ ਦੇ ਘਰ ’ਚ ਪਰਵਾਨ ਚੜ੍ਹਿਆ। ਆਓ ਜਾਣਦੇ ਹਾਂ ਕਿਹੜੇ ਸਿਤਾਰੇ ‘ਬਿੱਗ ਬੌਸ’ ’ਚ ਆਉਣ ਤੋਂ ਬਾਅਦ ਇਕ-ਦੂਜੇ ਦੇ ਹੋ ਗਏ–
ਕੀਥ ਸੁਕੇਰਾ-ਰੋਸ਼ੇਲ ਰਾਓ
ਕੀਥ ਸੁਕੇਰਾ ਤੇ ਰੋਸ਼ੇਲ ਰਾਓ ‘ਬਿੱਗ ਬੌਸ’ ’ਚ ਨਜ਼ਰ ਆਉਣ ਤੋਂ ਪਹਿਲਾਂ ਹੀ ਕੱਪਲ ਸਨ। ਸ਼ੋਅ ’ਚ ਉਨ੍ਹਾਂ ਨੂੰ ਇਕ-ਦੂਜੇ ਨੂੰ ਜਾਣਨ ਦਾ ਇਕ ਵਧੀਆ ਮੌਕਾ ਮਿਲਿਆ। ਦੋਵਾਂ ਦਾ ਰਿਸ਼ਤਾ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਵੀ ਬਣਿਆ ਰਿਹਾ। ਕੁਝ ਸਮੇਂ ਬਾਅਦ ਉਨ੍ਹਾਂ ਦਾ ਵਿਆਹ ਹੋ ਗਿਆ।
ਕਿਸ਼ਵਰ ਮਰਚੈਂਟ-ਸੁਯਸ਼ ਰਾਏ
‘ਬਿੱਗ ਬੌਸ’ ’ਚ ਆਉਣ ਤੋਂ ਪਹਿਲਾਂ ਕਿਸ਼ਵਰ ਮਰਚੈਂਟ ਤੇ ਸੁਯਸ਼ ਰਾਏ ਵੀ ਇਕ ਕੱਪਲ ਸੀ। ਸ਼ੋਅ ਦੌਪਾਨ ਦੋਵਾਂ ਨੂੰ ਇਕ-ਦੂਜੇ ਨੂੰ ਚੰਗੀ ਤਰ੍ਹਾਂ ਜਾਣਨ ਦਾ ਮੌਕਾ ਮਿਲਿਆ ਤੇ ਦੋਵਾਂ ਨੇ ਵਿਆਹ ਕਰਨ ਦਾ ਫ਼ੈਸਲਾ ਕੀਤਾ। ਕਿਸ਼ਵਰ ਜਲਦ ਹੀ ਇਕ ਬੱਚੇ ਨੂੰ ਜਨਮ ਦੇਣ ਜਾ ਰਹੀ ਹੈ।
ਅਭਿਨਵ ਸ਼ੁਕਲਾ-ਰੁਬੀਨਾ ਦਿਲੈਕ
‘ਬਿੱਗ ਬੌਸ 14’ ਤੋਂ ਬਾਅਦ ‘ਬਿੱਗ ਬੌਸ’ ਦਾ ਘਰ ਟੁੱਟੇ ਰਿਸ਼ਤਿਆਂ ਨੂੰ ਸੁਲਝਾਉਣ ਲਈ ਵੀ ਜਾਣਿਆ ਜਾਵੇਗਾ। ਅਭਿਨਵ ਸ਼ੁਕਲਾ ਤੇ ਰੁਬੀਨਾ ਦਿਲੈਕ ਪਤੀ ਤੇ ਪਤਨੀ ਦੇ ਰੂਪ ’ਚ ਸ਼ੋਅ ’ਚ ਆਏ ਪਰ ਕੌਣ ਜਾਣਦਾ ਸੀ ਕਿ ਉਹ ਆਪਣੇ ਵਿਆਹ ਨੂੰ ਦੂਜਾ ਮੌਕਾ ਦੇਣ ਲਈ ਸ਼ੋਅ ’ਚ ਆਏ ਸਨ। ਦੋਵੇਂ ਤਲਾਕ ਲੈਣ ਜਾ ਰਹੇ ਸਨ। ‘ਬਿੱਗ ਬੌਸ’ ਨੇ ਉਨ੍ਹਾਂ ਦੇ ਰਿਸ਼ਤੇ ਨੂੰ ਮੁੜ ਜੋੜਨ ਦਾ ਕੰਮ ਕੀਤਾ। ਹੁਣ ਉਹ ਦੋਵੇਂ ਫਿਰ ਇਕੱਠੇ ਹਨ ਤੇ ਖੁਸ਼ਹਾਲ ਜ਼ਿੰਦਗੀ ਜੀਅ ਰਹੇ ਹਨ।
ਮੋਨਾਲੀਸਾ-ਵਿਕਰਾਂਤ
ਭੋਜਪੁਰੀ ਫ਼ਿਲਮਾਂ ’ਚ ਕੰਮ ਕਰ ਚੁੱਕੀ ਮੋਨਾਲੀਸਾ ਜਦੋਂ ‘ਬਿੱਗ ਬੌਸ’ ’ਚ ਆਈ ਤਾਂ ਉਸ ਦੀ ਪ੍ਰਸਿੱਧੀ ਘੱਟ ਸੀ ਪਰ ‘ਬਿੱਗ ਬੌਸ’ ਨੇ ਉਸ ਨੂੰ ਹਰ ਘਰ ’ਚ ਮਸ਼ਹੂਰ ਕਰ ਦਿੱਤਾ। ਸ਼ੋਅ ’ਚ ਮੋਨਾਲੀਸਾ ਨੇ ਆਪਣੇ ਬੁਆਏਫਰੈਂਡ ਵਿਕਰਾਂਤ ਨਾਲ ਵਿਆਹ ਕਰਵਾਇਆ। ਵਿਆਹ ਤੋਂ ਪਹਿਲਾਂ ਪ੍ਰੀ-ਵੈਡਿੰਗ ਨੈਸ਼ਨਲ ਟੈਲੀਵਿਜ਼ਨ ’ਤੇ ਦਿਖਾਈ ਗਈ। ਜੋੜਾ ਇਕ-ਦੂਜੇ ਦੇ ਨਾਲ ਇਕ ਸੁੰਦਰ ਜ਼ਿੰਦਗੀ ਬਤੀਤ ਕਰ ਰਿਹਾ ਹੈ।
ਆਸਿਮ ਰਿਆਜ਼-ਹਿਮਾਂਸ਼ੀ ਖੁਰਾਣਾ
ਹਿਮਾਂਸ਼ੀ ਖੁਰਾਣਾ ਤੇ ਆਸਿਮ ਰਿਆਜ਼ ਦੀ ਜੋੜੀ ‘ਬਿੱਗ ਬੌਸ’ ’ਚ ਹੀ ਬਣੀ ਸੀ। ਹਿਮਾਂਸ਼ੀ ਸ਼ੋਅ ’ਚ ਆਉਣ ਤੋਂ ਪਹਿਲਾਂ ਇਕ ਰਿਸ਼ਤੇ ’ਚ ਸੀ। ਕਹਾਣੀ ’ਚ ਮੋੜ ਉਦੋਂ ਆਇਆ, ਜਦੋਂ ਹਿਮਾਂਸ਼ੀ ਨੂੰ ਸ਼ੋਅ ਦੌਰਾਨ ਆਸਿਮ ਨਾਲ ਪਿਆਰ ਹੋ ਗਿਆ। ਆਸਿਮ ਦੇ ਇਕ ਪਾਸੜ ਪਿਆਰ ਨੇ ਹਿਮਾਂਸ਼ੀ ਦੇ ਦਿਲ ’ਚ ਦਸਤਕ ਦਿੱਤੀ ਤੇ ਇਸ ਬਾਰੇ ਕਿਸੇ ਨੂੰ ਪਤਾ ਨਹੀਂ ਲੱਗਾ। ਅੱਜ ਦੋਵੇਂ ਰਿਸ਼ਤੇ ’ਚ ਹਨ ਤੇ ਇਕੱਠੇ ਖ਼ੁਸ਼ ਹਨ।
ਪ੍ਰਿੰਸ ਨਰੂਲਾ-ਯੁਵਿਕਾ ਚੌਧਰੀ
ਪ੍ਰਿੰਸ ਨਰੂਲਾ-ਯੁਵਿਕਾ ਚੌਧਰੀ ਦੀ ਪ੍ਰੇਮ ਕਹਾਣੀ ਵੀ ‘ਬਿੱਗ ਬੌਸ’ ’ਚ ਸ਼ੁਰੂ ਹੋਈ ਸੀ। ਰਿਐਲਿਟੀ ਸ਼ੋਅਜ਼ ’ਚ ਪ੍ਰਿੰਸ ਅਕਸਰ ਯੁਵਿਕਾ ਨਾਲ ਫਲਰਟ ਕਰਦੇ ਦੇਖੇ ਗਏ। ਸ਼ੋਅ ਛੱਡਣ ਤੋਂ ਬਾਅਦ ਦੋਵੇਂ ਇਕ-ਦੂਜੇ ਲਈ ਗੰਭੀਰ ਹੋ ਗਏ। ਬਾਅਦ ’ਚ ਉਨ੍ਹਾਂ ਦਾ ਵਿਆਹ ਹੋ ਗਿਆ।
ਪੁਨੀਸ਼ ਸ਼ਰਮਾ-ਬੰਦਗੀ ਕਾਲਰਾ
ਪੁਨੀਸ਼ ਤੇ ਬੰਦਗੀ ਦੀ ਜੋੜੀ ‘ਬਿੱਗ ਬੌਸ’ ’ਚ ਬਣੀ। ‘ਬਿੱਗ ਬੌਸ’ ਦਾ ਘਰ ਉਨ੍ਹਾਂ ਦੇ ਪਿਆਰ ਦਾ ਗਵਾਹ ਬਣਿਆ। ਸ਼ੋਅ ’ਚ ਹਰ ਕਿਸੇ ਨੇ ਉਨ੍ਹਾਂ ਦੀ ਰੋਮਾਂਟਿਕ ਕੈਮਿਸਟਰੀ ਵੇਖੀ। ਇਹ ਵੀ ਵੇਖਿਆ ਗਿਆ ਕਿ ਕਿਵੇਂ ਉਹ ਪਿਆਰ ’ਚ ਆਪਣੀਆਂ ਭਾਵਨਾਵਾਂ ਨੂੰ ਕਾਬੂ ’ਚ ਨਹੀਂ ਰੱਖ ਪਾਉਂਦੇ ਸਨ। ਪੁਨੀਸ਼ ਤੇ ਬੰਦਗੀ ਅਜੇ ਵੀ ਇਕੱਠੇ ਹਨ।
ਏਜਾਜ਼ ਖ਼ਾਨ-ਪਵਿਤਰਾ ਪੁਨੀਆ
‘ਬਿੱਗ ਬੌਸ 14’ ’ਚ ਇਕ ਹੋਰ ਜੋੜੀ ਬਣੀ ਸੀ, ਜਿਸ ਦਾ ਕਿਸੇ ਨੇ ਅੰਦਾਜ਼ਾ ਨਹੀਂ ਲਗਾਇਆ ਸੀ। ਕਿਸੇ ਨੂੰ ਪਤਾ ਨਹੀਂ ਲੱਗ ਸਕਿਆ ਕਿ ਜਦੋਂ ਸ਼ੋਅ ’ਚ ਲੜਦੇ ਹੋਏ ਏਜਾਜ਼ ਖ਼ਾਨ ਤੇ ਪਵਿਤਰਾ ਪੁਨੀਆ ਨੇ ਇਕ-ਦੂਜੇ ਨੂੰ ਆਪਣਾ ਦਿਲ ਦੇ ਦਿੱਤਾ। ਸ਼ੁਰੂ ’ਚ ਉਨ੍ਹਾਂ ਦਾ ਪਿਆਰ ਹਰ ਕਿਸੇ ਨੂੰ ਜਾਅਲੀ ਲੱਗਦਾ ਸੀ ਪਰ ਕੌਣ ਜਾਣਦਾ ਸੀ ਕਿ ਉਹ ਇਕ-ਦੂਜੇ ਲਈ ਗੰਭੀਰ ਸਨ। ਸ਼ੋਅ ਦੀ ਸਮਾਪਤੀ ਤੋਂ ਬਾਅਦ ਵੀ ਏਜਾਜ਼ ਤੇ ਪਵਿਤਰਾ ਇਕੱਠੇ ਰਹੇ।
ਨੋਟ– ਤੁਹਾਨੂੰ ‘ਬਿੱਗ ਬੌਸ’ ਦੇ ਘਰ ’ਚ ਬਣੀ ਕਿਹੜੀ ਜੋੜੀ ਵਧੀਆ ਲੱਗਦੀ ਹੈ? ਕੁਮੈਂਟ ਕਰਕੇ ਦੱਸੋ।
‘ਬਾਹੂਬਲੀ’ ਦੀ ਵੈੱਬ ਸੀਰੀਜ਼ ਨਾਲ ਜੁੜਿਆ ਮਸ਼ਹੂਰ ਸਾਊਥ ਅਦਾਕਾਰਾ ਨਯਨਤਾਰਾ ਦਾ ਨਾਂ, ਨਿਭਾਏਗੀ ਅਹਿਮ ਭੂਮਿਕਾ
NEXT STORY 
