ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਨੂੰ ਫ਼ਿਲਮ ਇੰਡਸਟਰੀ 'ਚ 'ਧਕ ਧਕ ਗਰਲ' ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਨੇ ਆਪਣੇ ਹੁਨਰ ਨਾਲ ਇੰਡਸਟਰੀ 'ਚ ਖੂਬ ਨਾਂ ਕਮਾਇਆ ਹੈ। ਇੰਨ੍ਹੀਂ ਦਿਨੀਂ ਮਾਧੁਰੀ ਦੀਕਸ਼ਿਤ ਫ਼ਿਲਮ 'ਭੂਲ ਭੁਲਈਆ 3' 'ਚ ਨਜ਼ਰ ਆਉਣ ਵਾਲੀ ਹੈ। ਇਹ ਫ਼ਿਲਮ ਦੀਵਾਲੀ ਮੌਕੇ ਸਿਨੇਮਾਘਰਾਂ 'ਚ ਦਸਤਕ ਦੇ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਗੁਰਲੇਜ਼ ਅਖ਼ਤਰ ਤੇ ਸ਼੍ਰੀ ਬਰਾੜ ਮੁਸ਼ਕਿਲਾਂ 'ਚ, ਜਾਰੀ ਹੋ ਗਿਆ ਨੋਟਿਸ
ਪਟਕਿਆਂ ਤੋਂ ਬਿਨਾਂ ਮਨਾਉਂਦੀ ਦੀਵਾਲੀ
ਇਕ ਇੰਟਰਵਿਊ 'ਚ ਮਾਧੁਰੀ ਨੇ ਦੱਸਿਆ ਸੀ ਕਿ ਬਚਪਨ 'ਚ ਇਕ ਵਾਰ ਦੀਵਾਲੀ ਦੇ ਮੌਕੇ 'ਤੇ ਉਨ੍ਹਾਂ ਨਾਲ ਹਾਦਸਾ ਵਾਪਰ ਗਿਆ ਸੀ। ਇਸ ਘਟਨਾ ਨੇ ਉਨ੍ਹਾਂ ਨੂੰ ਕਾਫੀ ਡਰਾ ਦਿੱਤਾ ਸੀ। ਉਹ ਦੀਵਾਲੀ 'ਤੇ ਆਪਣੇ ਦੋਸਤਾਂ ਨਾਲ ਪਟਾਕੇ ਚਲਾ ਰਹੇ ਸਨ। ਉਨ੍ਹਾਂ ਦੇ ਦੋਸਤ ਨੇ ਉਨ੍ਹਾਂ ਦੇ ਹੱਥ 'ਚ ਪਟਾਕਾ ਫੜਾ ਦਿੱਤਾ। ਪਟਾਕੇ ਜਲਾਉਣ ਨਾਲ ਮਾਧੁਰੀ ਦੇ ਵਾਲ ਸੜ ਗਏ ਸਨ। ਇਸ ਤੋਂ ਬਾਅਦ ਮਾਧੁਰੀ ਦੇ ਮਾਤਾ-ਪਿਤਾ ਨੂੰ ਉਨ੍ਹਾਂ ਦਾ ਸਿਰ ਮੁੰਨਵਾਉਣਾ ਪਿਆ ਅਤੇ ਇਸ ਕਾਰਨ ਉਹ ਬਾਹਰ ਨਹੀਂ ਜਾ ਸਕੀ। ਵਾਲਾਂ ਨੂੰ ਮੁੜ ਆਉਣ 'ਚ ਕਾਫੀ ਸਮਾਂ ਲੱਗ ਗਿਆ, ਜਿਸ ਕਾਰਨ ਉਨ੍ਹਾਂ ਦਾ ਪਰਿਵਾਰ ਤਣਾਅ 'ਚ ਸੀ। ਇਸ ਘਟਨਾ ਨੇ ਮਾਧੁਰੀ ਨੂੰ ਕਾਫ਼ੀ ਪ੍ਰਭਾਵਿਤ ਕੀਤਾ ਸੀ। ਮਾਧੁਰੀ ਨੇ ਫਿਰ ਪਟਾਕੇ ਚਲਾਉਣੇ ਬੰਦ ਕਰ ਦਿੱਤੇ ਸਨ। ਅੱਜ ਵੀ ਮਾਧੁਰੀ ਪਟਾਕੇ ਚਲਾਏ ਬਿਨਾਂ ਦੀਵਾਲੀ ਮਨਾਉਂਦੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਬੱਚਿਆਂ ਤੇ ਔਰਤਾਂ ਲਈ ਨੀਤਾ ਅੰਬਾਨੀ ਦਾ ਵੱਡਾ ਐਲਾਨ
'ਭੂਲ ਭੁਲਾਇਆ 3' 'ਚ ਵਿਦਿਆ ਬਾਲਨ ਨਾਲ ਬਣੀ ਜੋੜੀ
ਮਾਧੁਰੀ ਦੀ ਫ਼ਿਲਮ 'ਭੂਲ ਭੁਲਾਇਆ 3' ਦੀ ਗੱਲ ਕਰੀਏ ਤਾਂ ਇਸ ਫ਼ਿਲਮ 'ਚ ਕਾਰਤਿਕ ਆਰੀਅਨ, ਵਿਦਿਆ ਬਾਲਨ ਵਰਗੇ ਸਿਤਾਰੇ ਹਨ। 'ਭੂਲ ਭੁਲਈਆ 3' ਦਾ ਮਾਧੁਰੀ ਦੀਕਸ਼ਿਤ ਅਤੇ ਵਿਦਿਆ ਬਾਲਨ ਦਾ ਗੀਤ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਦੋਵੇਂ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਇਸੇ ਤਰ੍ਹਾਂ ਦੇਵਦਾਸ 'ਚ ਐਸ਼ਵਰਿਆ ਰਾਏ ਬੱਚਨ ਨਾਲ ਮਾਧੁਰੀ ਦੀ ਡਾਂਸਿੰਗ ਜੋੜੀ ਬਣੀ ਸੀ, ਜਿਸ ਨੂੰ ਦਰਸ਼ਕ ਅੱਜ ਤੱਕ ਪਸੰਦ ਕਰਦੇ ਹਨ।
ਇਹ ਖ਼ਬਰ ਵੀ ਪੜ੍ਹੋ - ਰਾਕੇਸ਼ ਟਿਕੈਤ ਦੀ ਸਲਮਾਨ ਖ਼ਾਨ ਨੂੰ ਖ਼ਾਸ ਸਲਾਹ, ਦੱਸਿਆ ਕਿਵੇਂ ਹੋਵੇਗਾ ਵੈਰ ਖ਼ਤਮ
ਸਟੇਜ 'ਤੇ ਡਿੱਗੀ ਮਾਧੁਰੀ
ਫ਼ਿਲਮ 'ਭੂਲ ਭੁਲਾਇਆ 3' ਦੇ ਗੀਤ 'ਆਮੀ ਜੇ ਤੋਮਾਰ 3.0' ਦਾ ਨਵਾਂ ਸੰਸਕਰਣ ਕੁਝ ਦਿਨ ਪਹਿਲਾ ਹੀ ਰਿਲੀਜ਼ ਹੋਇਆ ਹੈ। ਇਸ ਖਾਸ ਮੌਕੇ 'ਤੇ ਵਿਦਿਆ ਬਾਲਨ ਅਤੇ ਮਾਧੁਰੀ ਦੀਕਸ਼ਿਤ ਨੇ ਵੀ ਇਸ ਗੀਤ 'ਤੇ ਲਾਈਵ ਪਰਫਾਰਮ ਕੀਤਾ। ਇਸ ਡਰਾਉਣੀ-ਕਾਮੇਡੀ ਫ਼ਿਲਮ ਦੇ ਗੀਤ 'ਤੇ ਪਰਫਾਰਮ ਕਰਦੇ ਸਮੇਂ ਵਿਦਿਆ ਦਾ ਪੈਰ ਸਾੜ੍ਹੀ 'ਚ ਫਸ ਗਿਆ ਅਤੇ ਉਹ ਸਟੇਜ 'ਤੇ ਡਿੱਗ ਗਈ। ਹਾਲਾਂਕਿ ਅਗਲੇ ਹੀ ਪਲ ਉਸ ਨੇ ਆਪਣੇ ਆਪ ਨੂੰ ਇੰਨੀ ਖੂਬਸੂਰਤੀ ਨਾਲ ਕਾਬੂ ਕਰ ਲਿਆ ਕਿ ਸ਼ਾਇਦ ਦੇਖਣ ਵਾਲੇ ਸੋਚਣਗੇ ਕਿ ਸ਼ਾਇਦ ਇਹ ਉਸ ਦੇ ਡਾਂਸ ਦਾ ਕੋਈ ਸਟੈਪ ਹੈ। ਹਾਲਾਂਕਿ ਬਾਅਦ 'ਚ ਵਿਦਿਆ ਨੇ ਖੁਦ ਦੱਸਿਆ ਕਿ ਸਟੇਜ 'ਤੇ ਕੀ ਗਲਤ ਹੋਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਰਾਕੇਸ਼ ਟਿਕੈਤ ਦੀ ਸਲਮਾਨ ਖ਼ਾਨ ਨੂੰ ਖ਼ਾਸ ਸਲਾਹ, ਦੱਸਿਆ ਕਿਵੇਂ ਹੋਵੇਗਾ ਵੈਰ ਖ਼ਤਮ
NEXT STORY 
