ਮੁੰਬਈ- ਪਿਛਲੇ ਕਾਫੀ ਸਮੇਂ ਤੋਂ ਅਭਿਸ਼ੇਕ ਬੱਚਨ ਅਤੇ ਐਸ਼ਵਰਿਆ ਰਾਏ ਦੀ ਵਿਆਹੁਤਾ ਜ਼ਿੰਦਗੀ 'ਚ ਦਰਾਰ ਦੀਆਂ ਖਬਰਾਂ ਆ ਰਹੀਆਂ ਸਨ। ਇੱਥੋਂ ਤੱਕ ਦਾਅਵਾ ਕੀਤਾ ਜਾ ਰਿਹਾ ਸੀ ਕਿ ਉਨ੍ਹਾਂ ਦਾ ਤਲਾਕ ਹੋ ਗਿਆ ਹੈ ਪਰ ਇਹ ਸਾਰੀਆਂ ਅਫਵਾਹਾਂ ਅਤੇ ਦਾਅਵਿਆਂ ਦਾ ਹਾਲ ਹੀ ਵਿੱਚ ਅੰਤ ਹੋ ਗਿਆ। ਅਭਿਸ਼ੇਕ ਅਤੇ ਐਸ਼ਵਰਿਆ ਨੇ ਹਾਲ ਹੀ 'ਚ ਬੇਟੀ ਆਰਾਧਿਆ ਦੇ ਸਕੂਲ ਫੰਕਸ਼ਨ 'ਚ ਇਕੱਠੇ ਸ਼ਿਰਕਤ ਕੀਤੀ ਸੀ। ਇੰਨਾ ਹੀ ਨਹੀਂ ਇਸ ਦੌਰਾਨ ਅਭਿਸ਼ੇਕ ਆਪਣੀ ਪਤਨੀ ਐਸ਼ਵਰਿਆ ਰਾਏ ਨੂੰ ਪ੍ਰੋਟੈਕਟ ਕਰਦੇ ਹੋਏ ਨਜ਼ਰ ਆਏ।ਅਭਿਸ਼ੇਕ ਅਤੇ ਐਸ਼ਵਰਿਆ ਦੇ ਨਾਲ ਅਮਿਤਾਭ ਬੱਚਨ ਵੀ ਮੌਜੂਦ ਸਨ। ਤਿੰਨਾਂ ਨੇ ਧੀਰੂਭਾਈ ਅੰਬਾਨੀ ਇੰਟਰਨੈਸ਼ਨਲ ਸਕੂਲ ਦੇ ਈਵੈਂਟ 'ਚ ਇਕੱਠੇ ਸ਼ਿਰਕਤ ਕੀਤੀ। ਐਸ਼ਵਰਿਆ ਰਾਏ ਕਾਲੇ ਰੰਗ ਦੀ ਡਰੈੱਸ 'ਚ ਵੱਖਰੀ ਕਾਰ 'ਚ ਸਕੂਲ ਪਹੁੰਚੀ। ਅਮਿਤਾਭ ਅਤੇ ਅਭਿਸ਼ੇਕ ਬੱਚਨ ਇੱਕ ਹੋਰ ਕਾਰ ਵਿੱਚ ਇਕੱਠੇ ਆਏ ਪਰ ਤਿੰਨੋਂ ਸਕੂਲ ਵਿੱਚ ਇਕੱਠੇ ਹੋ ਗਏ।
ਇਹ ਵੀ ਪੜ੍ਹੋ-'ਲੋਕ ਤੁਹਾਡੇ 'ਤੇ ਜ਼ਹਿਰ ਸੁੱਟਣਗੇ', ਮੁੰਬਈ ਕੰਸਰਟ ਦੌਰਾਨ ਦਿਲਜੀਤ ਨੇ ਬਿਆਨ ਕੀਤਾ ਦਰਦ
ਅਭਿਸ਼ੇਕ ਐਸ਼ਵਰਿਆ ਨੂੰ ਪ੍ਰੋਟੈਕਟ ਕਰਦੇ ਦਿਖਾਈ ਦਿੱਤੇ
ਈਵੈਂਟ ਦੌਰਾਨ ਅਭਿਸ਼ੇਕ ਐਸ਼ਵਰਿਆ ਦੀ ਸੁਰੱਖਿਆ ਕਰਦੇ ਨਜ਼ਰ ਆਏ, ਜਿਸ ਦੀ ਵੀਡੀਓ ਇਕ ਪਾਪਰਾਜ਼ੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਐਸ਼ਵਰਿਆ ਨੂੰ ਘਟਨਾ ਵਾਲੀ ਥਾਂ ਵੱਲ ਲੈ ਕੇ ਜਾਂਦੇ ਹੋਏ ਅਭਿਸ਼ੇਕ ਨੇ ਉਸ ਦੀ ਕਮਰ 'ਤੇ ਹੱਥ ਰੱਖਿਆ। ਅਭਿਸ਼ੇਕ ਦੇ ਇਸ ਅੰਦਾਜ਼ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ। ਯੂਜ਼ਰਸ ਵਲੋਂ ਵੀਡੀਓ 'ਤੇ ਕਾਫੀ ਕੁਮੈਂਟਸ ਆ ਰਹੇ ਹਨ।
ਪ੍ਰਸ਼ੰਸਕਾਂ ਨੇ ਕਿਹਾ- ਜੋੜੀ ਹਮੇਸ਼ਾ ਸਲਾਮਤ ਰਹੇ
ਇਕ ਯੂਜ਼ਰ ਨੇ ਲਿਖਿਆ, 'ਮੈਂ ਖੁਸ਼ ਕਿਉਂ ਹਾਂ? ਪ੍ਰਮਾਤਮਾ ਦੋਹਾਂ ਦੀ ਜੋੜੀ ਨੂੰ ਚੜ੍ਹਦੀ ਕਲਾ ਵਿੱਚ ਰੱਖੇ। ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਦੇਖੋ ਅਭਿਸ਼ੇਕ ਐਸ਼ਵਰਿਆ ਨੂੰ ਕਿੰਨਾ ਪਿਆਰ ਕਰਦੇ ਹਨ।' ਇਕ ਹੋਰ ਟਿੱਪਣੀ ਹੈ, 'ਕੀ ਇਹ ਸਭ ਦਿਖਾਵਾ ਹੈ ਕਿਉਂਕਿ ਉਹ ਜਾਣਦਾ ਹੈ ਕਿ ਸਭ ਦੀਆਂ ਨਜ਼ਰਾਂ ਉਸ 'ਤੇ ਹਨ? ਇਕ ਹੋਰ ਯੂਜ਼ਰ ਨੇ ਪੁੱਛਿਆ, 'ਕੌਣ ਸੋਚਦਾ ਹੈ ਕਿ ਇਹ ਸਭ ਟ੍ਰੋਲਿੰਗ ਕਾਰਨ ਹੋਇਆ ਹੈ?'
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
'ਲੋਕ ਤੁਹਾਡੇ 'ਤੇ ਜ਼ਹਿਰ ਸੁੱਟਣਗੇ', ਮੁੰਬਈ ਕੰਸਰਟ ਦੌਰਾਨ ਦਿਲਜੀਤ ਨੇ ਦਿੱਤਾ ਠੋਕਵਾਂ ਜਵਾਬ
NEXT STORY 
