ਐਂਟਰਟੇਨਮੈਂਟ ਡੈਸਕ- ਹਿੰਦੀ ਸਿਨੇਮਾ ਦੀ ਇੱਕ ਅਜਿਹੀ ਫ਼ਿਲਮ ਹੈ ਜਿਸਨੂੰ ਲੋਕ ਅੱਜ ਵੀ ‘ਮਨਹੂਸ’ ਜਾਂ ‘ਸ਼ਾਪਿਤ’ ਕਹਿੰਦੇ ਹਨ। ਇਹ ਫ਼ਿਲਮ ਸੀ ‘ਲਵ ਐਂਡ ਗਾਡ’, ਜਿਸ ਦਾ ਨਿਰਮਾਣ 1962 ਵਿੱਚ ਸ਼ੁਰੂ ਹੋਇਆ ਸੀ, ਪਰ ਇਸਨੂੰ ਪੂਰਾ ਹੋਣ ਵਿੱਚ 24 ਸਾਲ ਲੱਗ ਗਏ। ਇਸ ਦਰਮਿਆਨ ਫ਼ਿਲਮ ਦੇ ਡਾਇਰੈਕਟਰ ਕੇ. ਆਸਿਫ, ਅਦਾਕਾਰ ਗੁਰੂ ਦੱਤ, ਤੇ ਬਾਅਦ ‘ਚ ਮੁੱਖ ਕਿਰਦਾਰ ਨਿਭਾ ਰਹੇ ਸੰਜੀਵ ਕੁਮਾਰ ਸਮੇਤ ਕਈ ਕਲਾਕਾਰਾਂ ਦੀ ਮੌਤ ਹੋ ਗਈ। ਸ਼ੂਟਿੰਗ ਅਤੇ ਨਿਰਮਾਣ ਦੌਰਾਨ ਹੋਏ ਹਾਦਸਿਆਂ ਨੇ ਪੂਰੀ ਫਿਲਮ ਇੰਡਸਟਰੀ ਨੂੰ ਹਿਲਾ ਕੇ ਰੱਖ ਦਿੱਤਾ। "ਲਵ ਐਂਡ ਗੌਡ" ਦੇ ਨਿਰਦੇਸ਼ਕ ਕੇ. ਆਸਿਫ ਦੇ ਇਸ ਫਿਲਮ ਲਈ ਵੱਡੇ ਸੁਪਨੇ ਸਨ। ਉਨ੍ਹਾਂ ਦਾ ਟੀਚਾ ਇਸਨੂੰ ਆਪਣੀ ਸੁਪਰਹਿੱਟ "ਮੁਗਲ-ਏ-ਆਜ਼ਮ" ਵਾਂਗ ਕਲਾਸਿਕ ਬਣਾਉਣਾ ਸੀ। ਫਿਲਮ ਦੀ ਕਹਾਣੀ ਲੈਲਾ-ਮਜਨੂੰ 'ਤੇ ਅਧਾਰਤ ਸੀ। ਸ਼ੁਰੂਆਤ ‘ਚ ਇਸ ਵਿੱਚ ਮਜਨੂੰ ਦਾ ਰੋਲ ਗੁਰੂ ਦੱਤ ਅਤੇ ਲੈਲਾ ਦਾ ਰੋਲ ਨਿੰਮੀ ਨੂੰ ਮਿਲਿਆ।
ਇਹ ਵੀ ਪੜ੍ਹੋ: ਰਿਲੀਜ਼ ਤੋਂ ਪਹਿਲਾਂ ਹੀ ਵਿਵਾਦਾਂ 'ਚ ਘਿਰੀ ਇਹ ਵੈੱਬ ਸੀਰੀਜ਼, ਮੇਕਰਜ਼ ਖਿਲਾਫ ਦਰਜ ਹੋਈ FIR, ਜਾਣੋ ਕੀ ਹੈ ਪੂਰਾ ਮਾਮਲਾ
ਗੁਰੂ ਦੱਤ ਦੀ ਮੌਤ ਅਤੇ ਫਿਲਮ ਦਾ ਸ਼ੂਟਿੰਗ ਵਿੱਚ ਰੁਕਾਵਟ
ਗੁਰੂ ਦੱਤ ਉਸ ਸਮੇਂ ਆਪਣੇ ਨਿੱਜੀ ਜੀਵਨ ਵਿੱਚ ਕਈ ਮੁਸ਼ਕਲਾਂ ਨਾਲ ਜੂਝ ਰਹੇ ਸਨ। ਉਨ੍ਹਾਂ ਦੀ ਪਿਛਲੀ ਫਿਲਮ, "ਕਾਗਜ਼ ਕੇ ਫੂਲ" ਫਲਾਪ ਹੋ ਗਈ ਸੀ ਅਤੇ ਉਨ੍ਹਾਂ ਨੂੰ ਵਿੱਤੀ ਮੁਸ਼ਕਲਾਂ ਕਾਰਨ ਆਪਣਾ ਘਰ ਗਿਰਵੀ ਰੱਖਣਾ ਪਿਆ ਸੀ। ਉਨ੍ਹਾਂ ਦੀ ਪਤਨੀ ਗੀਤਾ ਦੱਤ ਨਾਲ ਵੀ ਉਨ੍ਹਾਂ ਦੇ ਰਿਸ਼ਤੇ ਤਣਾਅਪੂਰਨ ਹੋ ਗਏ ਸਨ। ਇੱਕ ਦਿਨ, ਗੁਰੂ ਦੱਤ ਨੇ ਸ਼ਰਾਬ ਅਤੇ ਨੀਂਦ ਦੀਆਂ ਗੋਲੀਆਂ ਖਾ ਕੇ ਖੁਦਕੁਸ਼ੀ ਕਰ ਲਈ, ਜਿਸ ਨਾਲ ਫਿਲਮ ਦੀ ਸ਼ੂਟਿੰਗ ਵਿਚਾਲੇ ਹੀ ਰੁਕ ਗਈ।
ਇਹ ਵੀ ਪੜ੍ਹੋ: ਵੱਡੀ ਖਬਰ: ਸਲਾਖਾਂ ਪਿੱਛੇ ਪਹੁੰਚਿਆ ਮਸ਼ਹੂਰ ਕਾਮੇਡੀ ਕਿੰਗ ! ਹੁਣ ਤਿਹਾੜ ਜੇਲ੍ਹ 'ਚ ਕੱਟੇਗਾ ਰਾਤਾਂ
ਸੰਜੀਵ ਕੁਮਾਰ ਨੂੰ ਮਿਲੀ ਮਜਨੂੰ ਦੀ ਭੂਮਿਕਾ ਅਤੇ ਨਿਰਦੇਸ਼ਕ ਕੇ. ਆਸਿਫ਼ ਦੀ ਮੌਤ
ਗੁਰੂ ਦੱਤ ਦੀ ਮੌਤ ਤੋਂ ਬਾਅਦ, ਕੇ. ਆਸਿਫ਼ ਨੇ ਮਜਨੂੰ ਦੀ ਭੂਮਿਕਾ ਲਈ ਸੰਜੀਵ ਕੁਮਾਰ ਨੂੰ ਸਾਈਨ ਕੀਤਾ। 1971 ਵਿੱਚ, ਸੰਜੀਵ ਕੁਮਾਰ ਕੁਝ ਸਮੇਂ ਲਈ ਮੁੰਬਈ ਛੱਡ ਗਏ ਅਤੇ ਵਾਪਸ ਆਉਣ 'ਤੇ ਕੇ. ਆਸਿਫ਼ ਉਨ੍ਹਾਂ ਨੂੰ ਮਿਲਣ ਗਏ। ਗੱਲਬਾਤ ਦੌਰਾਨ ਅਚਾਨਕ ਕੇ. ਆਸਿਫ਼ ਨੂੰ ਸਾਹ ਲੈਣ ਵਿੱਚ ਮੁਸ਼ਕਲ ਆਈ ਅਤੇ ਸੰਜੀਵ ਨੇ ਉਨ੍ਹਾਂ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਕੇ. ਆਸਿਫ਼ ਨੇ ਉਨ੍ਹਾਂ ਦੀ ਬਾਹਾਂ ਵਿੱਚ ਦਮ ਤੋੜ ਦਿੱਤਾ। ਇਹ ਘਟਨਾ ਪੂਰੀ ਫਿਲਮ ਟੀਮ ਲਈ ਇੱਕ ਹੋਰ ਵੱਡਾ ਝਟਕਾ ਸੀ।
ਇਹ ਵੀ ਪੜ੍ਹੋ: ਹੈਂ..., ਬਿਨਾਂ ਵਿਆਹ ਦੇ ਪ੍ਰੈਗਨੈਂਟ ਹੋ ਗਈ ਮ੍ਰਿਣਾਲ ਠਾਕੁਰ ! ਫਲਾਂਟ ਕੀਤਾ 'ਬੇਬੀ ਬੰਪ', ਪ੍ਰਸ਼ੰਸਕਾਂ ਦੇ ਉੱਡੇ ਹੋਸ਼
ਸੰਜੀਵ ਕੁਮਾਰ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ
ਆਸਿਫ ਦੀ ਮੌਤ ਤੋਂ ਬਾਅਦ ਸੰਜੀਵ ਕੁਮਾਰ ਨੇ ਖ਼ੁਦ ਇਹ ਫ਼ਿਲਮ ਪੂਰੀ ਕਰਨ ਦੀ ਕੋਸ਼ਿਸ਼ ਕੀਤੀ। ਉਹ ਕਈ ਪ੍ਰੋਡਿਊਸਰਾਂ ਕੋਲ ਮਦਦ ਲਈ ਗਏ, ਪਰ ਕੋਈ ਅੱਗੇ ਨਹੀਂ ਆਇਆ। ਆਖ਼ਰਕਾਰ ਕੇਸੀ ਬੋਕਾਡੀਆ ਨੇ ਫੰਡਿੰਗ ਦੀ ਜ਼ਿੰਮੇਵਾਰੀ ਲਈ ਅਤੇ ਸ਼ੂਟਿੰਗ ਮੁੜ ਸ਼ੁਰੂ ਹੋਈ ਪਰ ਫਿਰ ਥੋੜ੍ਹੇ ਸਮੇਂ ਬਾਅਦ ਸੰਜੀਵ ਕੁਮਾਰ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਉਨ੍ਹਾਂ ਦੀ ਵੀ ਮੌਤ ਹੋ ਗਈ। ਇਸ ਨਾਲ ਫਿਲਮ ਨੂੰ ਪੂਰਾ ਕਰਨਾ ਹੋਰ ਵੀ ਮੁਸ਼ਕਲ ਹੋ ਗਿਆ। ਫਿਲਮ ਦੀ ਸ਼ੂਟਿੰਗ ਦੌਰਾਨ ਨਿਰਦੇਸ਼ਕ ਅਤੇ ਅਦਾਕਾਰਾਂ ਦੀ ਮੌਤ ਤੋਂ ਇਲਾਵਾ ਫਿਲਮ ਦੇ ਬਣਨ ਤੱਕ ਕਈ ਹੋਰ ਕਲਾਕਾਰ ਵੀ ਜਹਾਨੋਂ ਤੁਰ ਗਏ। ਬਾਕੀ ਸ਼ੂਟਿੰਗ ਬਾਡੀ ਡਬਲਜ਼ ਦੀ ਵਰਤੋਂ ਕਰਕੇ ਪੂਰੀ ਕੀਤੀ ਗਈ।
ਇਹ ਵੀ ਪੜ੍ਹੋ: 47 ਸਾਲਾ ਸ਼ਮਿਤਾ ਸ਼ੈੱਟੀ ਦੀ ਜ਼ਿੰਦਗੀ 'ਚ 'ਨਵੇਂ ਮੁੰਡੇ' ਦੀ ਐਂਟਰੀ! ਜਾਣੋ ਕੌਣ ਹੈ ਦੀਪੇਸ਼ ਸ਼ਰਮਾ?
1986 ਵਿੱਚ ਰਿਲੀਜ਼ ਅਤੇ ਫਲਾਪ
ਇਨ੍ਹਾਂ ਸਾਰੇ ਹਾਦਸਿਆਂ ਨੇ ‘ਲਵ ਐਂਡ ਗਾਡ’ ਨੂੰ ਬਾਲੀਵੁੱਡ ਦੀ ਸਭ ਤੋਂ ਮਨਹੂਸ ਫ਼ਿਲਮ ਦਾ ਦਰਜਾ ਦੇ ਦਿੱਤਾ। ਆਖ਼ਰਕਾਰ 1986 ਵਿੱਚ ਇਹ ਫ਼ਿਲਮ ਰਿਲੀਜ਼ ਕੀਤੀ ਗਈ ਪਰ ਐਡਿਟਿੰਗ ਬਹੁਤ ਖ਼ਰਾਬ ਰਹੀ। ਨਤੀਜੇ ਵਜੋਂ ਫ਼ਿਲਮ ਬਾਕਸ ਆਫਿਸ ‘ਤੇ ਬੁਰੀ ਤਰ੍ਹਾਂ ਫਲਾਪ ਹੋ ਗਈ। ਇਸ ਫਿਲਮ ਨੇ ਹਿੰਦੀ ਸਿਨੇਮਾ ਦੇ ਇਤਿਹਾਸ ਵਿੱਚ ਸਭ ਤੋਂ 'ਮਨਹੂਸ ਅਤੇ ਸ਼ਾਪਿਤ' ਫਿਲਮ ਵਜੋਂ ਆਪਣੀ ਪਛਾਣ ਬਣਾਈ।
ਇਹ ਵੀ ਪੜ੍ਹੋ: ਧੁਰੰਦਰ ਮਗਰੋਂ Animal 2 ਨੂੰ ਲੈ ਕੇ ਆਈ ਵੱਡੀ ਅਪਡੇਟ, ਨਿਰਦੇਸ਼ਕ ਨੇ ਫਿਲਮ ਦੀ ਕਹਾਣੀ ਨੂੰ ਲੈ ਕੇ ਖੋਲ੍ਹੇ ਪੱਤੇ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
2 ਨੌਜਵਾਨਾਂ ਨੂੰ ਕੁਚਲ ਕੇ ਫਰਾਰ ਹੋਇਆ ਮਸ਼ਹੂਰ ਅਦਾਕਾਰ, ਪੁਲਸ ਨੇ ਕੀਤਾ ਗ੍ਰਿਫਤਾਰ
NEXT STORY 
