ਮੁੰਬਈ (ਹਰਲੀਨ ਕੌਰ)– ਗਰੁੜ ਦੀ ਕਥਾ ਮਿਥਿਹਾਸਕ ਤੇ ਅਣਕਹੀ ਹੈ। ਸੋਨੀ ਸਬ ਆਪਣੇ ਨਵੇਂ ਸ਼ੋਅ ‘ਧਰਮ ਯੋਧਾ ਗਰੁੜ’ ਦੇ ਨਾਲ ਇਸ ਗਾਥਾ ਨੂੰ ਘਰ-ਘਰ ਪਹੁੰਚਾ ਰਿਹਾ ਹੈ, ਭਾਰਤੀ ਮਿਥਿਹਾਸ ਦੱਸਦਾ ਹੈ ਕਿ ਗਰੁੜ ਦੇ ਖੰਭ ਬ੍ਰਹਿਮੰਡ ਦੀ ਗਤੀ ਨੂੰ ਵੀ ਬਦਲਣ ਲਈ ਕਾਫ਼ੀ ਸ਼ਕਤੀਸ਼ਾਲੀ ਸਨ। ਆਪਣੇ ਰਾਜਕੁਮਾਰ ਤੋਂ ਅਣਜਾਣ ਤੇ ਗ਼ੁਲਾਮੀ ’ਚ ਪੈਦਾ ਹੋਇਆ ਗਰੁੜ, ਜਿਸ ਨੇ ਬੇਮਿਸਾਲ ਸਮਰਪਣ ਤੇ ਅਟੁੱਟ ਸਾਹਸ ਦਾ ਪ੍ਰਦਰਸ਼ਨ ਕੀਤਾ, ਦੀ ਜੜ੍ਹ ਭਾਰਤੀ ਪੁਰਾਣਾਂ ’ਚ ਹੈ ਤੇ ਹੁਣ ਸਾਰੀ ਦੁਨੀਆ ਇਸ ਬਾਰੇ ਜਾਣ ਜਾਵੇਗੀ।
ਇਹ ਖ਼ਬਰ ਵੀ ਪੜ੍ਹੋ : ਪਹਿਲੀ ਵਾਰ ਗੈਰੀ ਸੰਧੂ ਨੇ ਆਪਣੇ ਪੁੱਤਰ ਅਵਤਾਰ ਸੰਧੂ ਦੀ ਵੀਡੀਓ ਕੀਤੀ ਸਾਂਝੀ
ਸੋਨੀ ਸਬ ਤੁਹਾਡੇ ਲਈ ਇਕ ਆਗਿਆਕਾਰੀ ਤੇ ਸਮਰਪਿਤ ਪੁੱਤਰ ਦੀ ਅਣਕਹੀ ਗਾਥਾ, ਧਰਮ ਯੋਧੇ ਗਰੁੜ ਦੀ ਸਭ ਤੋਂ ਵਧੀਆ ਤੇ ਲਾਜ਼ਮੀ ਤੌਰ ’ਤੇ ਦੇਖਣ ਵਾਲੀ ਪੇਸ਼ਕਾਰੀ ਲੈ ਕੇ ਆਇਆ ਹੈ। ਫੈਜ਼ਲ ਖ਼ਾਨ ਬਹੁਤ ਮਸ਼ਹੂਰ ਟੈਲੀਵਿਜ਼ਨ ਅਭਿਨੇਤਾ ਗਰੁੜ ਦੀ ਮੁੱਖ ਭੂਮਿਕਾ ’ਚ ਹੋਣਗੇ। ਗਰੁੜ ਦੀ ਮਾਂ ਦੇ ਰੋਲ ’ਚ ‘ਬਾਲਿਕਾ ਵਧੂ’ ’ਚ ਨਜ਼ਰ ਆਈ ਤੋਰਲ ਰਸਪੁਤਰਾ ਦੇ ਨਾਲ-ਨਾਲ ਟੀ. ਵੀ. ਦੀ ਲਾਡਲੀ ਬਹੂ ਪਾਰੁਲ ਚੌਹਾਨ ਕਦਰੂ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ।
ਆਪਣੇ ਕਿਰਦਾਰ ਤੇ ਸ਼ੋਅ ਬਾਰੇ ਗੱਲ ਕਰਦਿਆਂ ਪਾਰੁਲ ਨੇ ਕਿਹਾ ਕਿ ਇਹ ਕਹਾਣੀ ਉਸ ਲਈ ਓਨੀ ਹੀ ਅਣਸੁਣੀ ਸੀ, ਜਿੰਨੀ ਦਰਸ਼ਕਾਂ ਲਈ। ਕਦਰੂ ਦਾ ਕਿਰਦਾਰ ਨਿਭਾਉਣ ਲਈ ਪਾਰੁਲ ਨੇ ਕਾਫੀ ਮਿਹਨਤ ਕੀਤੀ ਹੈ। ਪੰਜਾਬ ਕੇਸਰੀ ਨਾਲ ਗੱਲਬਾਤ ਕਰਦਿਆਂ ਉਸ ਨੇ ਦੱਸਿਆ ਕਿ ਉਹ ਚਾਹੁੰਦੀ ਸੀ ਕਿ ਲੋਕ ਉਸ ਨੂੰ ਦੇਖ ਕੇ ਪੁਰਾਣੇ ਸੱਭਿਆਚਾਰਕ ਟੀ. ਵੀ. ਸ਼ੋਅ ‘ਬਿਦਾਈ’ ਦੀ ਰਾਗਿਨੀ ਨੂੰ ਭੁੱਲ ਜਾਣ ਕਿਉਂਕਿ ਉਸ ਦੇ ਕਿਰਦਾਰ ਪ੍ਰਤੀ ਨਾਕਾਰਾਤਮਕ ਰਵੱਈਏ ਕਾਰਨ। ਇਸ ਲਈ ਉਸ ਦਾ ਲੁੱਕ ਪਹਿਲਾਂ ਨਿਭਾਏ ਘਰੇਲੂ ਨੂੰਹ ਦੇ ਕਿਰਦਾਰਾਂ ਤੋਂ ਬਿਲਕੁਲ ਵੱਖਰਾ ਹੋਵੇਗਾ। ਪਾਰੁਲ ਨੇ ਆਪਣੀ ਦਿੱਖ ਨੂੰ ਪੂਰਾ ਕਰਨ ਲਈ ਸਖ਼ਤ ਖੁਰਾਕ ਦੀ ਪਾਲਣਾ ਕੀਤੀ ਤੇ ਉਹ ਮੁੰਬਈ ਛੱਡ ਕੇ ਵਿਸ਼ੇਸ਼ ਸ਼ੋਅ ਲਈ ਨਵੇਂ ਪਿੰਡਾਂ ’ਚ ਸ਼ਿਫਟ ਹੋ ਗਈ।
ਇਹ ਖ਼ਬਰ ਵੀ ਪੜ੍ਹੋ : 4 ਸਾਲ ਪਰਾਣੇ ਕੇਸ 'ਚ ਸੋਨਾਕਸ਼ੀ ਸਿਨਹਾ ਦੇ ਖ਼ਿਲਾਫ਼ ਵਾਰੰਟ ਜਾਰੀ, 25 ਅਪ੍ਰੈਲ ਨੂੰ ਹੋਵੇਗੀ ਪੇਸ਼ੀ
ਪਾਰੁਲ ਦਾ ਕਹਿਣਾ ਹੈ ਕਿ ਮੈਂ ਇਹ ਜਾਣਨ ਲਈ ਬਹੁਤ ਉਤਸੁਕ ਹਾਂ ਕਿ ਮਿੱਠੀ ਦਿੱਖ ਵਾਲੀ ਕੁੜੀ ਨੂੰ ਸ਼ੈਤਾਨੀ ਅੰਦਾਜ਼ ’ਚ ਦੇਖ ਕੇ ਪ੍ਰਸ਼ੰਸਕਾਂ ਦੀ ਪ੍ਰਤੀਕਿਰਿਆ ਕੀ ਹੋਵੇਗੀ। ਇੰਨਾ ਹੀ ਨਹੀਂ, 12 ਸਾਲ ਬਾਅਦ ਟੀ. ਵੀ. ਸ਼ੋਅ ‘ਸਪਨਾ ਬਾਬੁਲ ਕਾ ਬਿਦਾਈ’ ’ਚ ਨਜ਼ਰ ਆਈ ਪਾਰੁਲ ਚੌਹਾਨ ਤੇ ਅੰਗਦ ਹਸੀਜਾ ਦੀ ਜੋੜੀ ਨੂੰ ਵੀ ਲੋਕ ਇਸ ਕਿਰਦਾਰ ’ਚ ਦੇਖ ਕੇ ਕਾਫੀ ਮਸਤੀ ਕਰਨ ਜਾ ਰਹੇ ਹਨ।
‘ਗਰੁੜ’ ਦਾ ਕਿਰਦਾਰ ਨਿਭਾਅ ਰਹੇ ਫੈਜ਼ਲ ਖ਼ਾਨ ਨੇ ਵੀ ਗੱਲਬਾਤ ’ਚ ਦੱਸਿਆ ਕਿ ਸ਼ੋਅ ’ਚ ਖ਼ੁਦ ’ਤੇ ਕੰਮ ਕਰਨਾ ਉਸ ਲਈ ਸਭ ਤੋਂ ਵੱਡੀ ਚੁਣੌਤੀ ਸੀ ਤੇ ‘ਗਰੁੜ’ ਦੇ ਕਿਰਦਾਰ ਲਈ ਫੈਜ਼ਲ ਨੇ 8 ਕਿਲੋ ਭਾਰ ਘਟਾਇਆ ਹੈ। ਇੰਨਾ ਹੀ ਨਹੀਂ, ਫੈਜ਼ਲ ਨੇ ਦੱਸਿਆ ਕਿ ਪਹਿਲਾਂ ਇਸ ਕਹਾਣੀ ’ਤੇ ਕੋਈ ਕੰਮ ਨਹੀਂ ਕੀਤਾ ਗਿਆ ਸੀ, ਜਿਸ ਕਾਰਨ ਉਸ ਦੀ ਜ਼ਿੰਮੇਵਾਰੀ ਹੋਰ ਵਧ ਗਈ ਹੈ ਕਿਉਂਕਿ ਉਹ ਚਾਹੁੰਦਾ ਹੈ ਕਿ ਜਦੋਂ ਵੀ ਉਹ ਇਸ ਕਿਰਦਾਰ ਤੇ ਕਹਾਣੀ ’ਤੇ ਕੋਈ ਕੰਮ ਕਰੇ ਤਾਂ ਉਸ ਦੇ ਕੰਮ ਨੂੰ ਮਿਸਾਲ ਵਜੋਂ ਵਰਤਿਆ ਜਾਵੇ। ਫੈਜ਼ਲ ਨੂੰ ‘ਗਰੁੜ’ ਦੇ ਗੈੱਟਅੱਪ ’ਚ ਆਉਣ ’ਚ ਲਗਭਗ 2 ਘੰਟੇ ਲੱਗਦੇ ਹਨ ਕਿਉਂਕਿ ਸ਼ੋਅ ’ਚ ਵਰਤੇ ਗਏ ਗਰੁੜ ਦੇ ਖੰਭਾਂ ’ਤੇ ਲਗਾਉਣ ’ਚ 30 ਤੋਂ 40 ਮਿੰਟ ਲੱਗਦੇ ਹਨ ਤੇ ਉਨ੍ਹਾਂ ਦਾ ਭਾਰ ਵੀ ਕਾਫੀ ਜ਼ਿਆਦਾ ਹੁੰਦਾ ਹੈ।
ਨਵੀਨਤਮ ਤਕਨਾਲੋਜੀ ਤੇ VFX ਨਾਲ ਲੈਸ ‘ਧਰਮ ਯੋਧਾ ਗਰੁੜ’ ਭਾਰਤੀ ਟੈਲੀਵਿਜ਼ਨ ’ਤੇ ਪਹਿਲੀ ਵਾਰ ਰੀਅਲ-ਟਾਈਮ ਵਰਚੁਅਲ ਉਤਪਾਦਨ ਤਕਨੀਕ ‘ਅਲਟੀਮੇਟ’ ਦੀ ਵਰਤੋਂ ਕਰਦਾ ਹੈ। ਇਲਿਊਜ਼ਨ ਰਿਐਲਿਟੀ ਸਟੂਡੀਓਜ਼ ਨੇ ਸ਼ੋਅ ਲਈ ਸਭ ਤੋਂ ਵਧੀਆ VFX ਲਿਆਉਣ ਲਈ ਟੀਮ ਬਣਾਈ ਹੈ, ਜੋ ਕਿ ਕਹਾਣੀ ਸੁਣਾਉਣ ਦੀ ਜ਼ਿੰਦਗੀ ਤੋਂ ਵੱਧ-ਵੱਡੀ ਕਲਾ ’ਚ ਸੋਨੀ ਸਬ ਦੇ ਸ਼ਾਨਦਾਰ ਯਤਨ ਦੇ ਅਗਲੇ ਕਦਮ ਦੀ ਨਿਸ਼ਾਨਦੇਹੀ ਕਰਦਾ ਹੈ।
‘ਧਰਮ ਯੋਧਾ ਗਰੁੜ’ ’ਚ ਇਕ ਮਜ਼ਬੂਤ ਕਲਾਕਾਰੀ ਨਾਲ ਲੈਸ ਅੰਕਿਤ ਰਾਜ, ਪਾਰੁਲ ਚੌਹਾਨ, ਤੋਰਲ ਰਾਸਪੁਤਰਾ, ਰਿਸ਼ੀਕੇਸ਼ ਪਾਂਡੇ, ਵਿਸ਼ਾਲ ਕਰਵਲ, ਅਮਿਤ ਭਾਨੁਸ਼ਾਲੀ ਆਦਿ ਮੁੱਖ ਭੂਮਿਕਾਵਾਂ ’ਚ ਹਨ। ‘ਧਰਮ ਯੋਧਾ ਗਰੁੜ’ ਪਰਿਵਾਰਕ ਸਬੰਧਾਂ, ਹਿੰਮਤ ਤੇ ਲਗਨ ਦੀ ਇਕ ਪ੍ਰੇਰਨਾਦਾਇਕ ਕਹਾਣੀ ਹੈ, ਜੋ ਸੋਨੀ ਸਬ ’ਤੇ ਦੇਖ ਕੇ ਹਰ ਕੋਈ ਮੋਹਿਤ ਤੇ ਹੈਰਾਨ ਰਹਿ ਜਾਵੇਗਾ। ਇਹ ਸ਼ੋਅ 14 ਮਾਰਚ ਤੋਂ ਸੋਮਵਾਰ ਤੋਂ ਸ਼ਨੀਵਾਰ ਸ਼ਾਮ 7 ਵਜੇ ਸੋਨੀ ਸਬ ’ਤੇ ਪ੍ਰਸਾਰਿਤ ਹੋਵੇਗਾ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
‘ਬੱਬਰ’ ਫ਼ਿਲਮ ਦਾ ਨਵਾਂ ਗੀਤ ‘ਟ੍ਰਬਲ ਮੇਕਰ’ ਹੋਇਆ ਰਿਲੀਜ਼ (ਵੀਡੀਓ)
NEXT STORY 
