ਜਲੰਧਰ (ਬਿਊਰੋ)– ਬਾਲੀਵੁੱਡ ਦੇ ਫਰਦੀਨ ਖ਼ਾਨ ਇੰਡਸਟਰੀ ਦੇ ਮੰਨੇ-ਪ੍ਰਮੰਨੇ ਅਦਾਕਾਰ ਹਨ। ਹਾਲਾਂਕਿ ਫਰਦੀਨ ਲੰਮੇ ਸਮੇਂ ਤੋਂ ਫ਼ਿਲਮਾਂ ਦੀ ਦੁਨੀਆ ਤੋਂ ਦੂਰ ਹਨ। ਆਖ਼ਰੀ ਵਾਰ ਜਦੋਂ ਫਰਦੀਨ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਸਨ ਤਾਂ ਉਨ੍ਹਾਂ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ ਸੀ। ਉਨ੍ਹਾਂ ਤਸਵੀਰਾਂ ’ਚ ਫਰਦੀਨ ਖ਼ਾਨ ਕਾਫੀ ਮੋਟੇ ਨਜ਼ਰ ਆ ਰਹੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਟ੍ਰੋਲਿੰਗ ਦਾ ਕਾਫੀ ਸਾਹਮਣਾ ਕਰਨਾ ਪਿਆ ਸੀ। ਉਨ੍ਹਾਂ ਤਸਵੀਰਾਂ ’ਚ ਫਰਦੀਨ ਦਾ ਭਾਰ ਇੰਨਾ ਜ਼ਿਆਦਾ ਲੱਗ ਰਿਹਾ ਸੀ ਕਿ ਉਨ੍ਹਾਂ ਨੂੰ ਪਛਾਣਨਾ ਮੁਸ਼ਕਿਲ ਹੋ ਰਿਹਾ ਸੀ।
ਉਥੇ ਹੀ ਹੁਣ ਫਰਦੀਨ ਦੀਆਂ ਕੁਝ ਨਵੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜੋ ਤੁਹਾਨੂੰ ਇਕ ਵਾਰ ਹੈਰਾਨ ਕਰ ਦੇਣਗੀਆਂ। ਇਕ ਸਾਲ ਪਹਿਲਾਂ ਚਿੱਟੀ ਦਾੜ੍ਹੀ ਤੇ ਵਧੇ ਭਾਰ ’ਚ ਦਿਸਣ ਵਾਲੇ ਫਰਦੀਨ ਹੁਣ ਫਿਰ ਤੋਂ ਇਕ ਦਮ ਫਿਟ ਐਂਡ ਹੈਂਡਸਮ ਹੋ ਗਏ ਹਨ। ਨਵੀਆਂ ਤਸਵੀਰਾਂ ’ਚ ਫਰਦੀਨ ਇਕਦਮ ਉਵੇਂ ਦੇ ਲੱਗ ਰਹੇ ਹਨ, ਜਿਵੇਂ ਉਹ ਆਪਣੀਆਂ ਫ਼ਿਲਮਾਂ ’ਚ ਲੱਗਦੇ ਸੀ।
ਸਾਲਿਡ ਬਾਡੀ, ਅੱਖਾਂ ’ਤੇ ਕਾਲਾ ਚਸ਼ਮਾ, ਕਾਲੇ ਬਾਲ ਤੇ ਇਕ ਦਮ ਫਿਟ ਪਰਸਨੈਲਿਟੀ। ਫਰਦੀਨ ਦੇ ਵਧੇ ਹੋਏ ਭਾਰ ਵਾਲੀ ਤਸਵੀਰ, ਜਿਸ ਨੇ ਵੀ ਦੇਖੀ ਹੋਵੇਗੀ, ਉਸ ਨੂੰ ਫਰਦੀਨ ਦੀ ਇਹ ਤਸਵੀਰ ਦੇਖ ਕੇ ਜ਼ਰੂਰ ਹੈਰਾਨੀ ਹੋਵੇਗੀ। ਤਸਵੀਰਾਂ ਤੋਂ ਸਾਫ ਪਤਾ ਚੱਲ ਰਿਹਾ ਹੈ ਕਿ ਫਰਦੀਨ ਨੇ ਇਕ ਸਾਲ ’ਚ ਆਪਣੇ ਉੱਪਰ ਕਾਫੀ ਜ਼ਿਆਦਾ ਕੰਮ ਕੀਤਾ ਹੈ। ਇਸ ਟ੍ਰਾਂਸਫਾਰਮੇਸ਼ਨ ’ਚ ਉਨ੍ਹਾਂ ਦੀ ਮਿਹਨਤ ਸਾਫ਼ ਨਜ਼ਰ ਆ ਰਹੀ ਹੈ।
ਫਰਦੀਨ ਨੇ ‘ਪ੍ਰੇਮ ਲਗਨ’ ਫ਼ਿਲਮ ਨਾਲ ਬਾਲੀਵੁੱਡ ’ਚ ਡੈਬਿਊ ਕੀਤਾ ਸੀ ਤੇ ਉਸ ਤੋਂ ਬਾਅਦ ‘ਹੇ ਬੇਬੀ’, ‘ਨੋ ਐਂਟਰੀ’, ‘ਫ਼ਿਦਾ’, ‘ਲਵ ਕੇ ਲੀਏ ਕੁਛ ਬੀ ਕਰੇਗਾ’ ਤੇ ਸੁਪਰਹਿੱਟ ‘ਆਲ ਦਿ ਬੈਸਟ’ ਫ਼ਿਲਮ ’ਚ ਕੰਮ ਕੀਤਾ ਸੀ। ਉਸ ਨੇ 2005 ’ਚ ਆਪਣੇ ਜ਼ਮਾਨੇ ਦੀ ਮਸ਼ਹੂਰ ਅਦਾਕਾਰਾ ਮੁਮਤਾਜ ਦੀ ਬੇਟੀ ਨਤਾਸ਼ਾ ਮਾਧਵਾਨੀ ਨਾਲ ਵਿਆਹ ਕਰਵਾਇਆ। ਦੋਵਾਂ ਦੀ ਇਕ ਬੇਟੀ ਤੇ ਬੇਟਾ ਹੈ।
ਨੋਟ– ਫਰਦੀਨ ਖਾਨ ਦੀ ਇਹ ਬਦਲੀ ਲੁੱਕ ਤੁਹਾਨੂੰ ਕਿਵੇਂ ਦੀ ਲੱਗੀ? ਕੁਮੈਂਟ ਕਰਕੇ ਆਪਣੀ ਰਾਏ ਜ਼ਰੂਰ ਦਿਓ।
ਕਿਸਾਨਾਂ ਦੇ ਮਸਲੇ ’ਤੇ ਟੁੱਟੀ ਸੰਨੀ ਦਿਓਲ ਦੀ ਚੁੱਪੀ, ਦੀਪ ਸਿੱਧੂ ਨੂੰ ਲੈ ਕੇ ਆਖੀ ਵੱਡੀ ਗੱਲ
NEXT STORY