ਜਲੰਧਰ (ਵੈੱਬ ਡੈਸਕ) — ਬਾਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨ੍ਹਾ ਅਤੇ ਨੇਹਾ ਕੱਕੜ ਸਮੇਤ ਹੋਰ ਕਈ ਫ਼ਿਲਮੀ ਕਲਾਕਾਰਾਂ ਨੇ ਟਵਿੱਟਰ ਨੂੰ ਅਲਵਿਦਾ ਆਖ ਦਿੱਤਾ ਹੈ, ਉੱਥੇ ਪਾਲੀਵੁੱਡ ਅਦਾਕਾਰ ਤੇ ਪ੍ਰਸਿੱਧ ਗਾਇਕ ਗੁਰਨਾਮ ਭੁੱਲਰ ਨੇ ਵੀ ਟਵਿੱਟਰ ਨੂੰ ਲੈ ਕੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਗੁਰਨਾਮ ਭੁੱਲਰ ਨੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ 'ਚ ਉਹ ਆਖ ਰਹੇ ਹਨ 'ਕਿ ਮੇਰਾ ਟਵਿੱਟਰ ਕੋਈ ਵੀ ਵੈਰੀਫਾਈਡ ਅਕਾਊਂਟ ਨਹੀਂ ਹੈ, ਜਿਸ ਕਰਕੇ ਕੁਝ ਲੋਕ ਮੇਰੇ ਨਾਂ 'ਤੇ ਫੇਕ ਅਕਾਊਂਟ ਬਣਾ ਕੇ ਫੇਕ ਪੋਸਟਾਂ ਪਾ ਰਹੇ ਹਨ। ਮੇਰਾ ਸਿਰਫ਼ ਇੱਕ ਹੀ ਟਵਿੱਟਰ 'ਤੇ ਅਕਾਊਂਟ ਹੈ ਪਰ ਉਹ ਵੈਰੀਫਾਈਡ ਨਹੀਂ ਹੈ ਤੇ ਨਾਂ ਹੀ ਮੈਂ ਉਸ ਦੀ ਜ਼ਿਆਦਾ ਵਰਤੋਂ ਕਰਦਾ ਹਾਂ। ਮੇਰੇ ਨਾਂ ਦੇ ਜਿੰਨੇ ਵੀ ਅਕਾਊਂਟ ਹਨ, ਉਹ ਸਾਰੇ ਫ਼ੇਕ ਹਨ ਪਰ ਜਲਦ ਹੀ ਮੈਂ ਟਵਿੱਟਰ 'ਤੇ ਵੀ ਆਪਣਾ ਅਕਾਊਂਟ ਵੈਰੀਫਾਈਡ ਕਰਵਾ ਲਵਾਂਗਾ।'
ਇਸ ਦੇ ਨਾਲ ਹੀ ਗੁਰਨਾਮ ਭੁੱਲਰ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕੋਈ ਇਸ ਤਰ੍ਹਾਂ ਦੇ ਫੇਕ ਅਕਾਊਂਟ ਤੋਂ ਪੋਸਟ ਕਰਦਾ ਹੈ ਤਾਂ ਉਸ ਬਾਰੇ ਮੈਨੂੰ ਦੱਸੋ ਜਾਂ ਰਿਪੋਰਟ ਕਰੋ।
ਦੱਸ ਦਈਏ ਕਿ ਬਾਲੀਵੁੱਡ ਸਿਤਾਰੇ ਟਵਿੱਟਰ 'ਤੇ ਗਲਤ ਤਰ੍ਹਾਂ ਦੇ ਕੁਮੈਂਟ ਨੂੰ ਲੈ ਕੇ ਪ੍ਰੇਸ਼ਾਨ ਸਨ, ਜਿਸ ਕਰਕੇ ਕੁਝ ਫ਼ਿਲਮੀ ਕਲਾਕਾਰਾਂ ਨੇ ਟਵਿੱਟਰ ਨੂੰ ਅਲਵਿਦਾ ਆਖ ਦਿੱਤਾ ਹੈ ਅਤੇ ਗੁਰਨਾਮ ਭੁੱਲਰ ਆਪਣੇ ਫੇਕ ਅਕਾਊਂਟ ਲੈ ਕੇ ਪ੍ਰੇਸ਼ਾਨ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਗਾਇਕ ਗੁਰੂ ਰੰਧਾਵਾ ਨੇ ਪੂਰਾ ਕੀਤਾ ਵਾਅਦਾ, ਸ਼ਹੀਦ ਮਨਦੀਪ ਸਿੰਘ ਦੇ ਘਰ ਭੇਜੀ ਵਿੱਤੀ ਸਹਾਇਤਾ (ਵੀਡੀਓ)
NEXT STORY 
