ਮੁੰਬਈ- ਹਿਨਾ ਖਾਨ ਸਟੇਜ 3 ਬ੍ਰੈਸਟ ਕੈਂਸਰ ਤੋਂ ਪੀੜਤ ਹੈ। ਅਦਾਕਾਰਾ ਨੇ ਪਿਛਲੇ ਸਾਲ ਸੋਸ਼ਲ ਮੀਡੀਆ ਰਾਹੀਂ ਆਪਣੀ ਬਿਮਾਰੀ ਦਾ ਖੁਲਾਸਾ ਕੀਤਾ ਸੀ। ਉਸ ਦੀ ਹਾਲਤ ਬਾਰੇ ਜਾਣਨ ਤੋਂ ਬਾਅਦ, ਅਦਾਕਾਰਾ ਦੇ ਪ੍ਰਸ਼ੰਸਕ ਭਾਵੁਕ ਹੋ ਗਏ ਅਤੇ ਉਸ ਦੇ ਲਈ ਪ੍ਰਾਰਥਨਾ ਕਰ ਰਹੇ ਹਨ। ਖੈਰ, ਇੰਨੀ ਗੰਭੀਰ ਬਿਮਾਰੀ ਦੇ ਬਾਵਜੂਦ, ਹਿਨਾ ਖਾਨ ਲਗਾਤਾਰ ਕੰਮ ਕਰ ਰਹੀ ਹੈ ਅਤੇ ਇਸ ਨੂੰ ਆਪਣੀ ਮਾਨਸਿਕ ਸਿਹਤ 'ਤੇ ਅਸਰ ਨਹੀਂ ਪੈਣ ਦਿੱਤਾ। ਉਹ ਰੈਂਪ 'ਤੇ ਚੱਲਦੀ ਹੈ ਅਤੇ ਪ੍ਰੋਗਰਾਮਾਂ ਵਿੱਚ ਵੀ ਹਿੱਸਾ ਲੈਂਦੀ ਹੈ। ਹਾਲ ਹੀ ਵਿੱਚ, ਇੱਕ ਇੰਟਰਵਿਊ ਦੌਰਾਨ, ਹਿਨਾ ਖਾਨ ਨੇ ਆਪਣੀ ਸਿਹਤ ਬਾਰੇ ਇੱਕ ਅਪਡੇਟ ਦਿੱਤੀ ਅਤੇ ਦੱਸਿਆ ਕਿ ਉਹ ਪਹਿਲਾਂ ਨਾਲੋਂ ਬਿਹਤਰ ਹੋ ਰਹੀ ਹੈ। ਇਸ ਦੇ ਲਈ ਉਸ ਨੇ ਆਪਣੇ ਪ੍ਰੇਮੀ ਰੌਕੀ ਜੈਸਵਾਲ ਦਾ ਵੀ ਧੰਨਵਾਦ ਕੀਤਾ ਹੈ।
ਇਹ ਵੀ ਪੜ੍ਹੋ-ਉਰਵਸ਼ੀ- ਬਾਲਕ੍ਰਿਸ਼ਣ ਨੰਦਮੁਰੀ ਦਾ ਡਾਂਸ ਦੇਖ ਭੜਕੇ ਫੈਨਜ਼, ਕਿਹਾ...
ਹਿਨਾ ਖਾਨਨੇ ਆਪਣੇ ਪਰਿਵਾਰ ਅਤੇ ਖੁਦ ਨੂੰ ਕੈਂਸਰ ਵਿਰੁੱਧ ਲੜਾਈ ਲੜਨ ਦੀ ਆਪਣੀ ਤਾਕਤ ਬਾਰੇ ਦੱਸਿਆ। ਹਿਨਾ ਨੇ ਕਿਹਾ, “ਮੈਂ ਬਹੁਤ ਮਜ਼ਬੂਤ ਇਨਸਾਨ ਹਾਂ। ਮੈਂ ਬਹੁਤ ਜ਼ਿੰਮੇਵਾਰ ਹਾਂ। ਮੈਂ ਆਪਣੀ ਜ਼ਿੰਦਗੀ ਦੇ ਸਾਰੇ ਉਤਾਰ-ਚੜ੍ਹਾਅ ਵਿੱਚ ਇਸ ਤਰ੍ਹਾਂ ਰਹੀ ਹਾਂ। ਨਾਲ ਹੀ, ਮੇਰਾ ਮੰਨਣਾ ਹੈ ਕਿ ਤੁਹਾਡਾ ਪਰਿਵਾਰ ਅਤੇ ਤੁਹਾਡੇ ਅਜ਼ੀਜ਼ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਜਦੋਂ ਹਿਨਾ ਨੇ ਆਪਣੇ ਪ੍ਰੇਮੀ ਰੌਕੀ ਜੈਸਵਾਲ ਬਾਰੇ ਗੱਲ ਕੀਤੀ ਤਾਂ ਉਹ ਭਾਵੁਕ ਹੋ ਗਈ।ਅਦਾਕਾਰਾ ਨੇ ਕਿਹਾ ਕਿ, “ਮੈਨੂੰ ਆਪਣੇ ਆਲੇ ਦੁਆਲੇ ਦੇ ਲੋਕਾਂ ਤੋਂ ਤਾਕਤ ਮਿਲਦੀ ਹੈ - ਮੇਰਾ ਸਾਥੀ ਰੌਕੀ, ਮੇਰੀ ਮਾਂ, ਮੇਰਾ ਭਰਾ, ਮੇਰੇ ਚਚੇਰੇ ਭਰਾ ਅਤੇ ਰੌਕੀ ਦਾ ਪਰਿਵਾਰ। ਮੇਰੇ ਆਲੇ-ਦੁਆਲੇ ਬਹੁਤ ਪਿਆਰ ਮਿਲਿਆ ਹੈ। ਟੱਚਵੁੱਡ! ਅਲਹਮਦੁਲਿਲਾਹ, ਬੁਰੀ ਨਜ਼ਰ ਨਾ ਲੱਗੇ। ਇਹ ਪਿਆਰ ਮੈਨੂੰ ਅੱਗੇ ਵਧਣ ਵਿੱਚ ਮਦਦ ਕਰਦਾ ਹੈ। ਇਸ ਨੇ ਸੱਚਮੁੱਚ ਮੈਨੂੰ ਅੱਜ ਜਿੱਥੇ ਹਾਂ ਉੱਥੇ ਪਹੁੰਚਣ ਵਿੱਚ ਮਦਦ ਕੀਤੀ ਹੈ। ਮੈਂ ਤੁਹਾਨੂੰ ਇਹ ਵੀ ਨਹੀਂ ਦੱਸ ਸਕਦੀ ਕਿ ਕੈਂਸਰ ਨਾਲ ਲੜਨ ਦੇ ਇਸ ਸਫ਼ਰ ਵਿੱਚ ਮੇਰੇ ਪ੍ਰਸ਼ੰਸਕਾਂ ਦੀਆਂ ਦੁਆਵਾਂ ਮੇਰੇ ਲਈ ਕਿੰਨੀਆਂ ਮਾਇਨੇ ਰੱਖਦੀਆਂ ਹਨ।"
ਇਹ ਵੀ ਪੜ੍ਹੋ- ਇਹ ਮਸ਼ਹੂਰ ਅਦਾਕਾਰਾ ਹੋਈ ਕਾਸਟਿੰਗ ਕਾਊਚ ਦਾ ਸ਼ਿਕਾਰ, ਖੋਲ੍ਹਿਆ ਭੇਤ
ਰੌਕੀ ਜੈਸਵਾਲ- ਹਿਨਾ ਖਾਨ ਦੀ ਪਹਿਲੀ ਮੁਲਾਕਾਤ
ਤੁਹਾਨੂੰ ਦੱਸ ਦੇਈਏ ਕਿ ਹਿਨਾ ਖਾਨ ਅਤੇ ਰੌਕੀ ਪਹਿਲੀ ਵਾਰ 2009 ਵਿੱਚ ਆਪਣੇ ਪਹਿਲੇ ਟੀਵੀ ਸ਼ੋਅ ‘ਯੇ ਰਿਸ਼ਤਾ ਕਆ ਕਹਲਾਤਾ ਹੈ’ ਦੇ ਸੈੱਟ ‘ਤੇ ਮਿਲੇ ਸਨ। ਰੌਕੀ ਸ਼ੋਅ ਦੇ ਸੁਪਰਵਾਈਜ਼ਿੰਗ ਪ੍ਰੋਡਿਊਸਰ ਸਨ। ਸ਼ੁਰੂ ਵਿੱਚ, ਦੋਵੇਂ ਦੋਸਤ ਬਣੇ ਅਤੇ ਫਿਰ ਇੱਕ ਰਿਸ਼ਤੇ ਵਿੱਚ ਬੱਝ ਗਏ। ਜਦੋਂ ਹਿਨਾ ‘ਬਿੱਗ ਬੌਸ 11’ ਵਿੱਚ ਇੱਕ ਪ੍ਰਤੀਯੋਗੀ ਵਜੋਂ ਖੇਡ ਰਹੀ ਸੀ, ਤਾਂ ਸ਼ੋਅ ਵਿੱਚ ਮਹਿਮਾਨ ਵਜੋਂ ਆਏ ਰੌਕੀ ਨੇ ਉਸ ਨੂੰ ਪ੍ਰਪੋਜ਼ ਕੀਤਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਹ ਮਸ਼ਹੂਰ ਅਦਾਕਾਰਾ ਹੋਈ ਕਾਸਟਿੰਗ ਕਾਊਚ ਦਾ ਸ਼ਿਕਾਰ, ਖੋਲ੍ਹਿਆ ਭੇਤ
NEXT STORY 
