ਮੁੰਬਈ (ਬਿਊਰੋ) — ਬਾਲੀਵੁੱਡ ਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਅੱਜ ਯਾਨੀਕਿ 18 ਜੁਲਾਈ ਨੂੰ ਆਪਣਾ 38ਵਾਂ ਜਨਮਦਿਨ ਮਨਾ ਰਹੀ ਹੈ। ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਤੱਕ, ਆਪਣੀ ਪਛਾਣ ਬਣਾਉਣ ਵਾਲੀ ਪ੍ਰਿਅੰਕਾ ਦੇ ਜੀਵਨ ਦਾ ਇਕ ਖ਼ਾਸ ਚੈਪਟਰ ਉਨ੍ਹਾਂ ਦਾ ਵਿਆਹ ਹੈ। 2018 'ਚ ਪ੍ਰਿਅੰਕਾ ਨੇ ਅਮਰੀਕੀ ਸਿੰਗਰ ਨਿਕ ਜੋਨਸ ਨਾਲ ਵਿਆਹ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ।
ਪ੍ਰਿਯੰਕਾ ਚੋਪੜਾ ਜ਼ਿਆਦਾਤਰ ਲਾਂਸ ਏਂਜਲਸ 'ਚ ਹੀ ਰਹਿੰਦੀ ਹੈ। ਕਿਸੇ ਖਾਸ ਮੌਕੇ 'ਤੇ ਹੀ ਉਨ੍ਹਾਂ ਦਾ ਭਾਰਤ ਆਉਣਾ-ਜਾਣਾ ਹੁੰਦਾ ਹੈ। ਦੋਵਾਂ ਨੇ ਇਸੇ ਸਾਲ ਇਕ ਲਗਜ਼ਰੀ ਘਰ ਖਰੀਦਿਆ ਸੀ। ਵਿਆਹ ਤੋਂ ਬਾਅਦ ਪ੍ਰਿਯੰਕਾ ਚੋਪੜਾ ਨੇ ਆਪਣਾ ਘਰ ਛੱਡ ਦਿੱਤਾ ਅਤੇ ਹੁਣ ਉਹ ਆਪਣੇ ਪਤੀ ਨਾਲ ਨਵੇਂ ਅਤੇ ਬੇਹੱਦ ਆਲੀਸ਼ਾਨ ਘਰ 'ਚ ਰਹਿੰਦੀ ਹੈ, ਜਿਸ ਦੀਆਂ ਤਸਵੀਰਾਂ ਹਾਲ ਹੀ 'ਚ ਸਾਹਮਣੇ ਆਈਆਂ ਹਨ।
ਪ੍ਰਿਯੰਕਾ ਚੋਪੜਾ ਤੇ ਨਿਕ ਜੋਨਸ ਦਾ ਇਹ ਨਵਾਂ ਘਰ ਬੇਹੱਦ ਖੂਬਸੂਰਤ ਹੈ। ਲਾਂਸ ਏਂਜਲਸ 'ਚ ਸਥਿਤ ਉਨ੍ਹਾਂ ਦਾ ਇਹ ਘਰ ਇਨ੍ਹੀਂ ਦਿਨੀਂ ਖੂਬ ਚਰਚਾ ਬਣਿਆ ਹੋਇਆ ਹੈ। ਪ੍ਰਿਯੰਕਾ ਦਾ ਸ਼ਾਨਦਾਰ ਵਿਊ ਵਾਲਾ ਬੰਗਲਾ ਨਿਕ ਨੇ ਉਨ੍ਹਾਂ ਨੂੰ ਤੋਹਫ਼ੇ 'ਚ ਦਿੱਤਾ। ਦੋਵਾਂ ਨੇ ਮਿਲ ਕੇ ਇਸ ਘਰ ਨੂੰ ਡੇਕੋਰੇਟ ਕੀਤਾ ਸੀ।
ਉਨ੍ਹਾਂ ਦਾ ਇਹ ਘਰ ਕਿਸੇ ਲਗਜ਼ਰੀ ਹੋਟਲ ਤੋਂ ਘੱਟ ਨਹੀਂ ਹੈ। ਰਿਪੋਰਟਸ ਦੀ ਮੰਨੀਏ ਤਾਂ ਇਹ ਘਰ 20,000 ਵਰਗ ਫੁੱਟ 'ਚ ਹੈ ਤੇ ਇਸ 'ਚ 7 ਬੈੱਡਰੂਮ ਹਨ। ਘਰ ਦਾ ਡਿਜ਼ਾਈਨ ਕਾਫ਼ੀ ਸ਼ਾਨਦਾਰ ਹੈ। ਸਾਹਮਣੇ ਆਈਆਂ ਤਸਵੀਰਾਂ 'ਚ ਤੁਸੀਂ ਘਰ ਦੇ ਅੰਦਰ ਦਾ ਡਿਜ਼ਾਈਨ ਵੀ ਦੇਖ ਸਕਦੇ ਹੋ।
ਇੰਨ੍ਹਾ ਹੀ ਨਹੀਂ ਪ੍ਰਿਯੰਕਾ ਚੋਪੜਾ ਤੇ ਨਿਕ ਨੇ ਇਸ ਲਗਜ਼ਰੀ ਘਰ 'ਚ ਮੂਵੀ ਥੀਏਟਰ, ਬਾਰ, ਇਨਡੋਰ ਬਾਸਕੇਟਬਾਲ ਕੋਰਟ, ਸਿਵਮਿੰਗ ਪੂਲ ਤੇ ਮਿਰਰ ਵਾਲਸ ਨਾਲ ਜਿਮ ਹੈ। ਇਥੋਂ ਮਾਊਂਟੇਨ ਵਿਊ ਵੀ ਨਜ਼ਰ ਆਉਂਦਾ ਹੈ। ਪ੍ਰਿਯੰਕਾ ਚੋਪੜਾ ਅਕਸਰ ਹੀ ਇਸ ਘਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਆਪਣੇ ਫੈਨਜ਼ ਨਾਲ ਸ਼ੇਅਰ ਕਰਦੀ ਰਹਿੰਦੀ ਹੈ।
ਦੱਸਣਯੋਗ ਹੈ ਕਿ 20,000 ਵਰਗ ਫੁੱਟ 'ਚ ਬਣੇ ਇਸ ਆਲੀਸ਼ਾਨ ਘਰ ਦੀ ਕੀਮਤ ਤਕਰੀਬਨ 151 ਕਰੋੜ ਦੱਸੀ ਜਾ ਰਹੀ ਹੈ। ਘਰ ਦੇ ਅੰਦਰ ਦੀਆਂ ਜਿਹੜੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਉਸ ਨੂੰ ਦੇਖਣ ਤੋਂ ਬਾਅਦ ਤੁਹਾਡੀਆਂ ਅੱਖਾਂ ਖੁੱਲ੍ਹੀਆਂ ਰਹਿ ਜਾਣਗੀਆਂ।
ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਸੁਖਵਿੰਦਰ ਸਿੰਘ ਨੇ ਇੰਝ ਬਣਾਈ ਬਾਲੀਵੁੱਡ 'ਚ ਖ਼ਾਸ ਜਗ੍ਹਾ
NEXT STORY 
