ਮੁੰਬਈ (ਬਿਊਰੋ)– ਬਹੁਤ ਹੀ ਪਿਆਰੀ ਤੇ ਆਸਕਰ ਨਾਮਜ਼ਦ ਬਾਲੀਵੁੱਡ ਫ਼ਿਲਮ ‘ਲਗਾਨ’ ਅੱਜ 21 ਸਾਲ ਪੂਰੇ ਕਰ ਰਹੀ ਹੈ। ਇਸ ਮੌਕੇ ਫ਼ਿਲਮ ’ਚ ਅਰਜਨ ਲੌਹਾਰ ਦਾ ਕਿਰਦਾਰ ਨਿਭਾਉਣ ਵਾਲੇ ਵੱਡੇ ਤੇ ਛੋਟੇ ਪਰਦੇ ਦੇ ਮਸ਼ਹੂਰ ਅਦਾਕਾਰ ਅਖਿਲੇਂਦਰ ਮਿਸ਼ਰਾ ਨੇ ਫ਼ਿਲਮ ਨਾਲ ਜੁੜੀਆਂ ਪੁਰਾਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ। ਸੋਸ਼ਲ ਮੀਡੀਆ ਪਲੇਟਫਾਰਮ ਕੂ (KOO) ਐਪ ’ਤੇ ਇਕ ਵੀਡੀਓ ਸਾਂਝੀ ਕਰਦਿਆਂ ਉਨ੍ਹਾਂ ਨੇ ਫ਼ਿਲਮ ਦੇ ਦੋ ਦਹਾਕੇ ਪੂਰੇ ਹੋਣ ਦਾ ਜ਼ਿਕਰ ਕੀਤਾ।
ਕੂ (KOO) ਐਪ ’ਤੇ ਇਕ ਵੀਡੀਓ ਸਾਂਝੀ ਕਰਦਿਆਂ ਮਿਸ਼ਰਾ ਨੇ ਲਿਖਿਆ, ‘‘ਫ਼ਿਲਮ ‘ਲਗਾਨ’ ਦੇ 21 ਸਾਲ। 15 ਜੂਨ, 2001-2022।’’ ਤੁਹਾਨੂੰ ਦੱਸ ਦੇਈਏ ਕਿ ਆਮਿਰ ਖ਼ਾਨ ਸਟਾਰਰ ਫ਼ਿਲਮ ’ਚ ਇਕ ਅਜਿਹਾ ਪਿੰਡ ਦਿਖਾਇਆ ਗਿਆ ਸੀ, ਜਿਥੇ ਲੋਕ ਕਿਰਾਏ ਦੇ ਬੋਝ ਹੇਠ ਦੱਬੇ ਹੋਏ ਸਨ। ‘ਲਗਾਨ’ ਦੀ ਕਹਾਣੀ ਨੂੰ ਲੋਕਾਂ ਨੇ ਇੰਨਾ ਪਸੰਦ ਕੀਤਾ ਕਿ ਫ਼ਿਲਮ ਨੂੰ ਆਸਕਰ ਲਈ ਵੀ ਨਾਮਜ਼ਦ ਕੀਤਾ ਗਿਆ। 15 ਜੂਨ, 2001 ਨੂੰ ਰਿਲੀਜ਼ ਹੋਈ ਇਸ ਫ਼ਿਲਮ ਨੂੰ ਦੋ ਦਹਾਕੇ ਬੀਤ ਚੁੱਕੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇ ਵਾਲਾ ਦਾ ਜ਼ਿਕਰ ਕਰਦਿਆਂ ਗੈਰੀ ਸੰਧੂ ਨੇ ਮੰਗੀ ਮੁਆਫ਼ੀ, ਆਖੀਆਂ ਇਹ ਗੱਲਾਂ
ਹਾਲ ਹੀ ’ਚ ਅਖਿਲੇਂਦਰ ਮਿਸ਼ਰਾ ਨੇ ਇਕ ਹਿੰਦੀ ਅਖ਼ਬਾਰ ਨਾਲ ਗੱਲਬਾਤ ’ਚ ਫ਼ਿਲਮ ਨਾਲ ਜੁੜੀਆਂ ਕਈ ਗੱਲਾਂ ਸਾਂਝੀਆਂ ਕੀਤੀਆਂ। ਉਨ੍ਹਾਂ ਦੱਸਿਆ, ‘‘ਫ਼ਿਲਮ ‘ਲਗਾਨ’ ਦੀ ਸ਼ੂਟਿੰਗ ਦੌਰਾਨ ਰੂਟੀਨ ਸ਼ਾਨਦਾਰ ਸੀ। ਸਭ ਤੋਂ ਵਧੀਆ ਗੱਲ ਇਹ ਸੀ ਕਿ ਅਸੀਂ ਸਵੇਰੇ ਛੇ ਵਜੇ ਬੱਸ ’ਚ ਬੈਠ ਜਾਂਦੇ ਸੀ। ਉਸ ਬੱਸ ਦਾ ਨਾਂ ਐਕਟਰਜ਼ ਬੱਸ ਸੀ ਤੇ ਇਸ ਬੱਸ ’ਚ ਫ਼ਿਲਮ ਦੇ ਕਲਾਕਾਰ ਸ਼ੂਟਿੰਗ ਲੋਕੇਸ਼ਨ ’ਤੇ ਜਾਂਦੇ ਸਨ। ਆਮਿਰ ਖ਼ਾਨ ਖ਼ੁਦ ਇਸ ’ਚ ਇਕੱਠੇ ਬੈਠਦੇ ਸਨ ਤੇ ਹੋਟਲ ਤੋਂ ਸ਼ੂਟਿੰਗ ਸਾਈਟ ਤੱਕ ਜਾਂਦੇ ਸਨ। ਮੈਂ ਪਹਿਲੇ ਦਿਨ ਹੀ ਇਕ ਕੰਮ ਕੀਤਾ।’’
ਉਨ੍ਹਾਂ ਦੱਸਿਆ, ‘‘ਸਵੇਰੇ ਬੱਸ ਦੇ ਡਰਾਈਵਰ ਨੂੰ ਗਾਇਤਰੀ ਮੰਤਰ ਦੀ ਕੈਸੇਟ ਦਿੱਤੀ ਗਈ। ਸਵੇਰੇ ਲੋਕ ਬੱਸ ’ਚ ਬੈਠ ਕੇ ਗਾਇਤਰੀ ਮੰਤਰ ਦਾ ਜਾਪ ਕਰਦੇ ਸਨ। ਹੋਟਲ ਤੋਂ ਸ਼ੂਟਿੰਗ ਸਪਾਟ ਤੱਕ ਬੱਸ ’ਚ ਸਿਰਫ਼ ਗਾਇਤਰੀ ਮੰਤਰ ਹੀ ਚੱਲਦਾ ਸੀ। ਹਰ ਕੋਈ ਬੱਸ ’ਚ ਬੈਠ ਕੇ ਤਿਆਰ ਹੋ ਰਿਹਾ ਹੈ, ਕੋਈ ਸੌਂ ਰਿਹਾ ਹੈ ਤੇ ਬੱਸ ਸ਼ੂਟਿੰਗ ਵਾਲੀ ਥਾਂ ’ਤੇ ਪਹੁੰਚਦੀ ਸੀ, ਫਿਰ ਗਾਇਤਰੀ ਮੰਤਰ ਸੁਣਦੇ ਸਨ ਤੇ ਲੋਕ ਬੱਸ ਤੋਂ ਉਤਰ ਕੇ ਲੋਕੇਸ਼ਨ ’ਤੇ ਹੀ ਨਾਸ਼ਤਾ ਕਰਦੇ ਸਨ।’’
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਨੈੱਟਫਲਿਕਸ ਨੇ ਕੀਤਾ ਐਲਾਨ, ‘ਸਕਿਡ ਗੇਮ’ ਵਰਗਾ ਬਣੇਗਾ ਰਿਐਲਿਟੀ ਸ਼ੋਅ, ਜਿੱਤਣ ਵਾਲੇ ਨੂੰ ਮਿਲਣਗੇ 35 ਕਰੋੜ
NEXT STORY 
