ਮੁੰਬਈ (ਬਿਊਰੋ)– ਮੀਕਾ ਸਿੰਘ ਨੇ ਆਗਾਮੀ ਫ਼ਿਲਮ ‘ਸਯੋਨੀ’ ਲਈ ‘ਏਕ ਪੱਪੀ’ ਗੀਤ ਗਾਇਆ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਵੱਡੇ ਪਰਦੇ ’ਤੇ ਰੋਮਾਂਟਿਕ ਐਕਸ਼ਨ ਫ਼ਿਲਮ ’ਚ ਗੀਤ ਦੇਖਣ ਲਈ ਬੇਚਾਨ ਹੈ। ਮੀਕਾ ਨੇ ਮੀਡੀਆ ਏਜੰਸੀ ਨੂੰ ਕਿਹਾ, ‘ਮੈਂ ਅਸਲ ’ਚ ਉਤਸ਼ਾਹਿਤ ਹਾਂ ਤੇ 18 ਦਸੰਬਰ ਨੂੰ ਇਸ ਫ਼ਿਲਮ ਨੂੰ ਦੇਖਣ ਲਈ ਬੇਚਾਨ ਹਾਂ। ਬਹੁਤ ਸਾਰੇ ਲੋਕ ਮੇਰੇ ਸਮੇਤ ਘਰ ’ਚ ਮਹੀਨਿਆਂ ਤੋਂ ਬੈਠ ਕੇ ਬੋਰ ਹੋ ਗਏ ਹਨ। ਮੈਨੂੰ ਪਿਛਲੇ ਅੱਠ ਮਹੀਨਿਆਂ ਤੋਂ ਕੋਈ ਕੰਮ ਨਹੀਂ ਮਿਲਿਆ ਹੈ ਤੇ ਮੈਨੂੰ ਯਕੀਨ ਹੈ ਮੇਰੇ ਵਰਗੇ ਬਹੁਤ ਸਾਰੇ ਲੋਕ ਹਨ। ਲੋਕਾਂ ਨੇ ਲੰਮੇਂ ਸਮੇਂ ਤੋਂ ਸਿਨੇਮਾਘਰਾਂ ’ਚ ਫ਼ਿਲਮਾਂ ਨਹੀਂ ਦੇਖੀਆਂ ਹਨ, ਇਸ ਲਈ ਇਸ ਫ਼ਿਲਮ ਨੂੰ ਦੇਖਣ ਲਈ ਥਿਏਟਰ ਜਾਣ ਦਾ ਸਹੀ ਸਮਾਂ ਹੈ।’
ਫ਼ਿਲਮ ’ਚ ਆਪਣੇ ਗੀਤ ਬਾਰੇ ਗੱਲ ਕਰਦਿਆਂ ਮੀਕਾ ਨੇ ਕਿਹਾ, ‘ਮੈਂ ਫ਼ਿਲਮ ’ਚ ‘ਏਕ ਪੱਪੀ’ ਗੀਤ ਗਾਇਆ ਹੈ। ਇਹ ਨਵੇਂ ਸੰਗੀਤਕਾਰ ਅਨੰਤ ਤੇ ਅਮਨ ਵਲੋਂ ਬਣਾਇਆ ਗਿਆ ਹੈ। ਜਦੋਂ ਇਸ ਫ਼ਿਲਮ ਦੇ ਨਿਰਮਾਤਾਵਾਂ ਨੇ ਮੈਨੂੰ ਇਹ ਗੀਤ ਗਾਉਣ ਲਈ ਸੰਪਰਕ ਕੀਤਾ ਤਾਂ ਮੈਨੂੰ ਸ਼ੁਰੂਆਤ ’ਚ ਇਹ ਜ਼ਿਆਦਾ ਪਸੰਦ ਨਹੀਂ ਆਇਆ ਪਰ ਜਦੋਂ ਮੈਂ ਇਸ ਨੂੰ ਤਿੰਨ ਤੋਂ ਚਾਰ ਵਾਰ ਗੁਣਗੁਣਾਇਆ ਤਾਂ ਮੈਨੂੰ ਇਹ ਬਹੁਤ ਹੀ ਮਜ਼ੇਦਾਰ ਲੱਗਾ ਤੇ ਇਸ ’ਚ ਕੁਝ ਡਬਲ ਮੀਨਿੰਗ ਸ਼ਬਦ ਵੀ ਹਨ। ਮੈਨੂੰ ਲੱਗਦਾ ਹੈ ਕਿ ਕੁਲ ਮਿਲਾ ਕੇ ਗੀਤ ਨੂੰ ਚੰਗੀ ਤਰ੍ਹਾਂ ਨਾਲ ਸ਼ੂਟ ਕੀਤਾ ਗਿਆ ਹੈ।’
ਇਸ ਫ਼ਿਲਮ ’ਚ ਤਨਮਯ ਸਿੰਘ, ਮੁਸਕਾਨ ਸੇਠੀ, ਰਾਹੁਲ ਰਾਏ, ਯੋਗਰਾਜ ਸਿੰਘ, ਉਪਾਸਨਾ ਸਿੰਘ ਮੁੱਖ ਭੂਮਿਕਾਵਾਂ ’ਚ ਹਨ। ਮੀਕਾ ਸਿੰਘ ਇਨ੍ਹੀਂ ਦਿਨੀਂ ਕਿਸਾਨਾਂ ਨੂੰ ਖੂਬ ਸੁਪੋਰਟ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਲਾਕਡਾਊਨ ’ਚ ਮੀਕਾ ਸਿੰਘ ਦੀਆਂ ਚਾਹਤ ਖੰਨਾ ਤੇ ਆਕਾਂਸ਼ਾ ਪੁਰੀ ਨਾਲ ਰੋਮਾਂਟਿਕ ਤਸਵੀਰਾਂ ਵੀ ਕਾਫੀ ਵਾਇਰਲ ਹੋਈਆਂ ਸਨ।
ਨੋਟ– ਮੀਕਾ ਸਿੰਘ ਦੀ ਇਸ ਖ਼ਬਰ ’ਤੇ ਆਪਣੀ ਰਾਏ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।
ਹਥੇਲੀ 'ਤੇ ਸਮੇਟੀ ਸੀ ਸੁਸ਼ਾਂਤ ਨੇ ਆਪਣੀ ਦੁਨੀਆ, ਜ਼ਿੰਦਗੀ ਨੂੰ ਕੱਟ ਮੌਤ ਬਾਰੇ ਲਿਖੇ ਸਨ ਇਹ ਸ਼ਬਦ
NEXT STORY 
